Racing 4 Education - طريقه عمل وتعديل نظام الاشعال ونظام الفيول

	Racing 4 Education

قائمة الموقع

المنتديات

أفضل الصور و الفيديو

جديد الصور و الفيديو

جديد المقالات

المقالات

صيانة السيارة و العناية بها

تاريخ و سباق السيارات

طريقة عمل أجزاء السيارة

الميكانيكا و التزويد

مصطلحات

خلطات تزويد

أرقام تهمك

مواقع صديقة

الهواء و الوقود و الكهرباء

القير / الدفرنش

المحرك

العادم

الإلكترونيات

الشحن الجبري و الغاز

بالأرقام....

عدد صور الموقع: 2829

عدد أقسام الموقع: 108

عدد الـVotes الكلي: 7509

عدد التعليقات الكلي: 11

عدد الـHits الكلي: 2139064

عدد مرات التحميل: 431200

المتواجدين حاليا: 16

عدد الزوار الكلي:

أختر لغتك المفضلة

الإعلانات

@ ابـوفـهـيـد @

16/9/1428

دعوة لقراءة المقال

نسخة لطباعة المقال

طريقه عمل وتعديل نظام الاشعال ونظام الفيول



لسلام عليكم ورحمه الله وبركاته امتداداً للبرنامج الصيفي اليوم نتكلم عن نظام الاشعال ونظام الفيول خلونا نبداْ في نظام الاشعال مما يتكون نظام الاشعال يتكون من عده مكونات 1- الكويل 2-خط الموجب 3-السويتج 4-البطاريه 5-السلك الموصل من الكويل للديلكو 6-البواجي 7-غطا الديلكو 8-مكثف السالب 9-الديلكو كل هذي المكونات تتعلق بنظام الاقنشن والهدف منها توصيل شراره الى غرفه المحرك لحدوث الاشتعال يعني كل هالزحمه عشان شراره توصل بالوقت المناسب خلونا نشوف كيف توصل هالشراره لغرفه الاحتراق بالسلامه او ماتشغل السياره يشتغل الكويل ويرسل شراره الى الديلكو (الديلكو بمثابه موزع ) الديلكو مرتبط فيه اسلاك البواجي توصلهم الى البوجي المحدد في الوقت المناسب ويعطي البوجي شراره طبعاً بعد مافهمتو طريقه عمله <<<< والله ماظنتي على هالشرح البطل تتسالون وشلون نزود هالشراره ؟ وليش نزودها ؟ شلون نزود هالشراره هذا جوابه طويل شوي راح ننتطرق له بعد شوي انشالله اما ليش نزودها لعده اسباب لضمان حرق افضل ولان الشد بلد يفقد الكثير من الاشياء اللي تحتاجها كتوصيل سيء <<< مثل الفرق بين دي اتج ال والبريد السعودي نجي لعمليه تزويدها او استبدال هالقطع باخرى ذات اداء عالي اول شي نقوم فيه هو تبديل الكويل لانه المنتج الاساسي للشراره وفيه عده شركات متخصصه لهذا الغرض واشهرها MSD لماذا استبدل هالكويل بأخر ؟ كويل الوكاله غالباَ ماينتج فولت واطي 20 الف - 30 الف في افضل الحالات لاكن كويل الرياضي ينتج مابين 35 الف - 65 الف فولت يعني تخيل يمسكك هال 60 الف والله تصير حفله (تختلف اشكال الكويلات من سياره لأخرى ) بعد مارفعت من كفائه الشراره الاساسيه تجي لعمليه التوصيل ( اسلاك البواجي ) الاسلاك العاديه تفقد الشي الكثير من الشراره الموصله بسبب قله المقاومه عشان كذا انتجت بعض الشركات اسلاك خاصه تتسم بالمتانه وبالتصنيع والمواد الجيده وكذلك في بعض الاحيان تصل نسبه المقاومه الى صفر يعني ولا فولت يطلع يمين او يسار وهذي تجي في اسلاك من شركه MSD [IMG]http://static.summitracing.com/global/images/prod/large/msd-31189.jpg [/IMG] بعد ماغيرت الكويل والاسلاك اصبح لديك توصيل جيد للشراره لاكن الموزع هوا هوا يعني كأنك جبت عمال ذو كفائه عاليه معا سيارات ممتازه لاكن المدير اللي يوزع الشغل دجه ودائماً هالمدير مريض ولا مفوت ولايوزع خطا يعني مسوي حوسه وماهو دقيق في شغله عشان كذا بطرده من العمل وبجيب مدير ابن لذينا معى ان راتبه شوي عالي لاكن يشتغل صح ويعرف هو وش قاعد يسوي هذا هو المدير الجديد اللي بيوزع الشراره على اتم عمل وبدقه متناهيه وبعد اقدر اوزنه بالطريقه اللي انا ابغاها كتأخير شراره او تقديم شراره بعد هالتغيرات المناسبه اصبح كل شي على اتم وجه لاكن هل صحيح الكويل يعطيني 45 الف مثل مامكتوب بالمواصفات ؟ لا غير صحيح الكويل جالس يعطي اقل من هالقدره صرت نفس اللي مركب سماعات كبيره ومكتوب عليها 550 واط وجا جمبه واحد مركب سماعات 350 معى مضخم وطلع الصوت اعلى منه كذا بيجيه احباااااااط عشان كذا راح نحتاج للمايسميه البعض المزدي MSD 6AL CD Ignitions مثابه المضخم ويعطي فولت اساسي عالي جداً لتشغيل الكويل والديلكو على اتم وجه وهو العمليه الاخيره وليست الاولى كما يفعل البعض اضف الى ذلك تغير المنتج الاخير للشراره وهو البوجي وهو عمليه مهمه جداً بعد ذلك نجي للنظام الجديد وهو يصير الكويل + السلك + الديلكو = في قطعه واحده في هذا النظام وهو ممتااااز جداً ويغنيك عن الكثير من الاغراض والمشاكل في اغلب الاحيان تجده مرتبط بـ 3 اسلاك ( مكاين الـ vq - qr -qg ) سلك الموجب + سلك الارضي + سلك الارضي القادم من الكمبيوتر وهو يقول بعمليتين توزيع الشراره على حسب المطلوب ولو تحط فيه الفاحص الكهربا تلقاه يشب ويطفى بعمليه سريعه يقوم بمقام الديلكو يعني اميييييييييييييزنق جوب اثبت هالنظام انه اقل مشاكل من النظام القديم وعمله افضل من القديم طرق تعديله بس تستبدلهم بنوع اخر رياضي وبعضها يجي معاه سلك للبوجي مثل مكاين الـ ls1 جميع القطع اللي ذكرناها في الاعلى سهله التركيب وخصوصاً يجي معها كتيب تعليمات اذا استأزمت الامور نجي اللحين لنظام الفيول وشو هدفه توصيل بانزين من التانكي الى غرفه الاحتراق وله عده طرق منها الكابريتر البخاخات الكابريتر هو عمله ميكانيكي بحت يقوم بسحب البانزين من خلال طرمبه ميكانيكيه ويخلطها معى الهواء الداخل للمحرك وبكذا ينتهي عمله لاكن هذا النظام يتفوق على البخاخات من ناحيه التعديل فله مقاسات متعدده وليست معقده مثل ماهو بالبخاخات حيث تحتاج برمجه ووزن ... الخ من الاحتياجات وكذلك شركات كثيره مثل دايمون - هولي -ادلبروك هذا جدول يبين الكابريتر المناسب لك من شركه ديمون لمحركك المعدل http://www.racing4e.com/data/media/22/Demon.jpg نجي حق نظام البخاخات وهو السائد في المحركات الجديده ممايتكون هذا النظام ينبداْ من تانكي البانزين ومايوجد بداخله يوجد بداخل تانكي البانزين عادتاً طرمبه البانزين وهي المضخه الموصله للبانزين الى المكينه باللون الاسود هذي الطرمبه هي تقوم بتوصيل البانزين الى البخاخات وبجانبها على اليمين الخط الراجع من البانزين عندما يوصل البانزين الى البخاخات تأخذ كفايتها وعن طريق الرقليتر ترجع البانزين الى التانكي عن طريق خط الراجع واخر شي هو لحساب كميه البانزين الموجوده بداخل التانكي دائماً على E بعد ما تضخ البانزين يمر عن طريق فلتر يقوم بتنظيف الشوائب من البانزين لكي يصل نظيييف الى البخاخات عاد بعدها يمشي البانزين ويمشي ويمشي متجه الى مسطره البخاخات المسطره اللي لونها احمر ومشبوكه بالثلاجه المسطره هذي هي اللي تثبت البخاخات بالثلاجه وبداخلها يمر البانزين الى البخاخات وتقوم البخاخات بدورها الى داخل غرفه الاحتراق ومن ثم الاحتراق the end كيف يتم تعديل نظام الفيول ؟ تعديل هذا النظام في الغالب تحتاج اليه محركات التيربو والسوبر جارجر ويعتبر عصب الحياه لمحركات الباور اد لاكن لمحركات الـ n/a لن تحتاج اليه في اغلب الاحيان ولاكن تحتاج الى تعديل النسب خلونا في تعديل النظام وكيف طريقه تعديله المصدر الاساسي عندنا في هالحاله هي طرمبه البانزين فيه لها عده طرق هو انك تستبدلها باخرى ذات دفع اقوى او انك تدبل اللي عندك برياضيه يعني يصير عندك طرمبتين مو وحده وهالطريقه افضل من الاستبدال لاكن اكثر تعقيد ومن اشهر الطرمبات هي الويل برو وضغطها 255 lbh هالطرمبه ماتعتبر خساره لو شريتها لمحرك شد بلد على العكس مرات تكون ارخص من طرمبات الوكاله وافضل منها طبعاً بعد طرمبه بانزين اذا كان المحرك تيربو وتبغى ترفع بوست وانت بالسليم لازم انك تغير البخاخات للأكبر على سبيل المثال محرك 1jz-gte بخاخات الشد بلد 380cc اقدر استبدلهم ببخاخات الـ 2jzgte 555cc للأمريكيه واليابانيه 450cc وبكذا اقدر ارفع بوست بأقل التكاليف وبالمظمون السليم وهذي طريقه لإختيار حجم الإنجكترات المناسب لإحتياجاتك لربما تحتاج إلى تطبيق المعادلات التالية في اغلب الحالات يكون محرك التنفس الطبيعي يحتاج إلى 50 lbs في الساعة من البنزين لكل حصان ينتجه اما محركات التيربو أو السوبر شارجر فتحتاج إلى 60 lbs في الساعة أو اعلى بالذات للسوبر شارجر .. أغلب الإنجكترات تعمل بـ 80% من طاقتها مما يقودنا للمعادلة حجم الإنجكتر المطلوب = ( القوة الحصانية × المعامل ) ÷ (عدد السلندرات × 0.8) مثال : محرك 200 حصان و 4 سلندرات تنفس طبيعي نحط في البسط 200×0.5 نحط في المقام 4×0.8 مقاس الانجكترات المناسب = 31.25lbs ممكن معادلة ثانية و مبسطة و اسهل للموضوع مقاس الانجكترات مجتمعة =عدد الاحصنه ضرب المعامل طب المعامل انا عندي مشكلة لأنه مو دائماً يكون هو رقم واحد بل يختلف على قوة المحرك المعامل يتغير طبعاً ممكن على حسب استبدل المعامل بـ(0.45_0.40 ) اذا كان ستريت أو انه عليه خفايف استبدل المعامل بـ(0.5)اذا كانت المكينة ملغمة و عليها شغلات جامدة استبدل المعامل بـ(0.45_0.55 ) في حالة كون المحرك قوي جداً جداً و اذا كان المحرك عليه اي نوع من الشواحن الهوائية تيربو ولا سوبر شارجر أو حتى نايتروز نستبدل الرقم بـ(0.6) ووتقدر تضيف معهم فيول رقليتر لموازنه ضغط البانزين بعد هالعمليه تحتاج شي يفهم الكمبيوتر المتنح لان يحسبه نفس النظام الاول وكل شي على طبيعته اصحاب المحركات الامريكيه وخصوصاً GM يذهبون لعمل برمجه ولاكن اصحاب الياباني يحتاجون الى شيء من اثنين كمبيوتر اخر او جهاز يقوم بتعديل البانزين وبعد البحث والتحري تجدهم يقومون بشراء جهاز ابكسي او hks f-con والاسهل الابكسي وش يسوي هالجهاز ؟ يتحكم هالجهاز بموازنه الاير والفيول على النسبه اللي انت تبغاها يقوم بقراءه نسبه الخليط وضغط التيربو وضغط المكينه وميزته انه يونفيرسل يركب على اي موتر بنظام البخاخ بعد هالعمليه يكون شغلك انشالله كله بالسليم ____________________________________________ يوجد العديد من الماركات لشركات التزويد لاكن ذكرت الـmsd لشهرتها لا لحصرها على قطع التعديل . مواضيع ذات صله تفضلو تحويله لارقام البواجي ( 90% من الشركات م مقارنه كويلات Msd و Accel و Mllory اتمنى الموضوع حاز على رضاكم واستحسانكم ودخل عقولكم http://www.racing4e.com/vb/showthread.php?t=1515