سالني احد الشباب سؤال يحير الجميع دائما واحببت ان اجاوب سؤاله بطريقة اوضح واليكم السؤال والجواب للفائدة.
بسم الله الرحمن الرحيم
سالني احد الشباب سؤال يحير الجميع دائما واحببت ان اجاوب سؤاله بطريقة اوضح واليكم السؤال والجواب للفائدة.
سؤالي هو السؤال اللي ما ينتهي. ايهم احسن المكاين الصغيره مثل 350 – 383 او الكبيره مثل 454 – 502؟ بصراحه الموضوع يحير ياما شفنا مكاين صغيره افضل من بعض الكبار وياما كبار افضل من الصغار؟؟؟
ما ودي تقول لي الكبيره اقوى وبس لاني اسمع هذا كثير ... الكلام ليش اقوى؟؟؟؟؟ وليش ما نشوفها اقوى على الطبيعه؟؟؟ المفروض ان كل المرهمات اللي فيهم مكاين كبيره يكونو اقوى من غيرهم لكن اللي نشوفه احيانا العكس؟؟
اسف على الاطاله بس معليش هالموضوع محيرني
ج) كل شي جائز يمكن تلقا محرك صغير افضل من آخر كبير او العكس.
قبل ما ندخل بالتفاصيل استنادا على ما نشوف او نسمع وعلشان تكون المقارنه واضحه لازم نفرق المقاس علشان يبين الفرق.
يعني انا باسالك ايهم اقوى المحرك الصغير او محرك الكتربيلر الديزل؟؟؟
اكيد بتقول الكتربيلر.!.!.!.!
هذي مقارنه حيه بين محرك موستانق مقاس 280 انش مكعب ويزن 182 كجم معدل تعديل كامل.
المحرك الثاني هو كتربيلر ديزل مقاس 732 انش مكعب ويزن 909 كجم.
كل المحركين يعطون اعلى قوه تساوي 430 حصان تقريبا.
اضغط على Start وبتشوف الفرق.....
http://static.howstuffworks.com/flash/fpte-curve2.swf
لو تمعنت بالوسيلة التوضيحية بتشوف الفرق واضح.
الكتربيلر اعطت عزم مقداره "1650 رطل/قدم" عند 1200 rpm والذي يعادل 377 حصان.
عند 5,600 rpm محرك الموستانق اعطى 377 حصان ولكن عند عزم مقداره "354 رطل/قدم" فقط.
اذا كنت تدرك عملية تحويل التروس فقد تفكر بطريقة تساعد محرك الكتربيلر ليعطي نفس الدورات علشان يفيدنا في التطعيس دام انه يعطي قوه هائله.
يعني لو حطينا تروس تحويل تعطي سرعات اعلى في محرك الكتربيلر مثل تحويل Over Drive يعادل "0.214/1" راح يكون الناتج
" 1200 دوره / 0.214 = 5607 دوره. ناتج تمام يعني حصلنا على نفس الـ RPM. يعني نركب ماكينة الكتربيلر ونخلي الموستانق مطب
طبعا لا لانك لو حسبت العزم اللي بيعطيه محرك الكتربيلر بعد التحويل راح يكون " 1650 رطل ×0.215=354 رطل/قدم "
يعني بيعطي نفس العزم ونفس الدورات . ولو حسبنا الاحصنه سنجد انها بتكون " 5607 دوره ×345 رطل مقسوم على ثابت 5252 = 377حصان ".
يعني المحركين متكافئين من حيث القوه لكن فارق كبير في الوزن.
اذا ليش ما نستعمل محرك الموستانق بدل الكتربيلر؟؟؟.
الجواب هو ان محرك الكتربيلر مصنع بحيث يعطي هذ الاداء وهو مرتاح تماما بدون حراره ولا اجهاد ويقدر يعطي هذا الاداء لسنوات طويله. لكن محرك الموستانق يعطي هذا الاداء وهو على آخر رمق وممكن في أي لحضه يتاثر ويتعطل اضافة الى انه ما يقدر يستمر بهذا الاداء اكثر من ثواني معدوده فقط.
عموما مقاس المحرك يعتبر بمثابة القاعدة التي تنطلق منها وراح تعطيك قد ما تدفع عليها ولا فيه احد يقدر يقول الكبيره افضل او الصغيره افضل الا اذا كانت الميزانية مفتوحه. فقبل ما تقارن الاداء يجب ان تقارن التكاليف.
بالنسبة لي شخصيا المحرك المثالي هو المحرك الذي يكون وزنه اقل ما يمكن وعزمه اعلى ما يمكن وتكلفته تكون في حدود ميزانياتي. ومقياسي دائما هو العزم مقابل الدورات.
الحصان هو آخر شي افكر فيه خصوصا في الرياضة الرملية. ودائما اقول ان العزم والحصان وجهان لعملة واحده.
اوافقك اننا نشوف كثير من المحركات الصغيره اللي تتفوق على الكثير من المحركات الكبيره بدون شك. لكن هذا ليس بسبب انهم اقوى فكل واحد يعدل بطريقته الخاصه والاخطاء كثيره. لو تمعنت بالمحركات اللي في محيطنا بتلقا كل المحركات الصغيره في المرهمات المشهوره معدلة تعديل جامد من الالف الى الياء في حين ان المحركات الكبيره تستخدم باقل تعديلات ممكنه بسبب غلا اسعار قطعها فعلى سبيل المثال لو سالتك كم محرك كبير في ام دباب مركب رووس تعديل؟؟؟ راح تكون الاجابه 1 او 2 في حين ان كل المحركات الصغيره مركب عليها رووس تعديل.
فالمقارنه يجب ان تكون عادله فعلا علشان تعرف الفرق.
الخلاصه هي انه اذا فلوسك قليله استعمل محرك كبير بتعديلات بسيطه.
واذا فلوسك وسط استخدم محرك صغير بتعديلات كبيره.
واذا الفلوس وافيه فلا يغلى عليك محرك كبير بتعديلات جباره. والميدان يا حميدان.
يجب ان تقارن كم مقدار عزم المحركين عند نفس الدورات باستخدام القوانين الرياضية. اضافة الى كم الميزانية اللي بتدفعها....
saudi hot wheels
|
