Racing 4 Education

اكيد مرت عليكم هالأسماء.. لكن ودي أتكلم عن الفرق والشبه بينهم

للي يتسائلون عن الفرق بين قير الشفر 200 والـ 700

اولا اسماؤهم الأصلية عند الجي أم هي :

TH200-R4 و TH700-R4

بالنسبة لمتخصصين مثل Art Carr وشركة TCI يقولون ان أوجه الاختلاف هي:
ان الهاوزنق حق الـ 200 يركب على الشفر البيوك الأولدز والبونتياك ..اما الـ 700 فيركب للشفر بس
الـ700 بدأ في عام 1982 وجاء على وانيتات الشفر ، بعدين انتشر في كل سياراتها ( الدفع الخلفي ) وحتى عام 1993 وبدلوه بـ 4L60Eواللي بدلوه بـ 4L80E

تغير اسم الـ 700 الى قير استخدم في الشفر من سنوات قريبة بإسم 4L60وهو نفس القير الـ700 لكن فيه نوع منه اسمه 4L60-Eويتحكم فيه الكمبيوتر

ومن المعروف عند شعب العبث ان الـ700 يحتاج الى شغل واجد عشان التضبيط (هذا واضح في حجم كرتون الكت بالنسبة للقيور الثانية ) في موديلات الـ700 ( 82 84 ) كان الشافت حقه 27 سنة .. ومانصحو فيه ..لكن موديلات ( 85-87 ) أحسن منه لكن الشركات المتخصصة نصحت بموديلات 88-93

بالنسبة للـ200 فأحسن أنواعه هي اللي استخدمت على البيوك التيربو والقراند ناشونال ( 86-88 ) لكن شركة كار قالت أي منهم ممكن اصلاحه وبيتحمل الى تورك 600 رطل وحوالي 700 حصان وقالت الشركة انها استخدمت الـ200 في عدد من سياراتهم

وتجربتي الشخصية في بونافيل موديل 86 كان عليها الـ200 مع مكينة ( 305 ) ، وبعد ماخبط القير حطيت عليها 350 ، بصراحة صار الموتر طيارة ... بس بدأ يحنّ ( وتحس انه حاشر ) على الطريق الهاي وي ... ولا أطول عليكم ....ماطولت المكينة وطقت سبايكها على الطريق وانا راجع من العمل ( الله لايوريكم أشكال التلتيه على الخط ) ... قمت رجعت وشريت له قير 200 ( وبلاش وجع راس ) .

بالرغم من ان الـ 700 يعطيك عزم اقوى عند القومة ( القير رقم 1 = 3.06) الا انه فيه فرق شاسع بين الأول والثاني ( اكبر من الـ 200 )

الشركتين اكدت بأن الغرض من استعمال القير هو اللي يحدد نوعه ..فبالرغم من ان القيرين تمام وبيشتغلون مثل ماتبي الا ان اذا كانت سرعة التجاوب مطلوبة على حلبة سباق فأنا أفضل الـ 350 والـ 400 أو الباورقلايد ...والا الـ 200 أفضل في السيارات اللي تسابق على الشوارع وتتمشى فيها بعد شوي داخل الديرة ...وتسافر فيها على الهاي وي ..

وهذي هي نسب السرعات في نواقل السرعة الاوتوماتيكية الخاصة بالجي أم والتي صنعت منذ العام 1957 وحتى 1990

الرابع الثالث الثاني الأول اســم القـير ( ناقل السرعة )
-- -- 1.00 1.76 PowerGlide

-- 1.00 1.52 2.52 TH-350

-- 1.00 1.48 2.48 TH-400

0.67 1.00 1.57 2.74 TH-200-R4

0.70 1.00 1.62 3.06 TH-700-R4


أحد التساؤلات المهمة التي وردت بالموضوع من الأخ naztech :


شكرا اخوي غازي على الموضوع الحلو ...هذا الموضوع الي كنت ادوره من زمان ...كنت ابغ اعرف بدقه سنة صنع كل جير ونسبه و اي سنه صنع هي الاحسن وعلى اي سياره ممكن تشوف القير....
اخوي غازي عندي سؤال بسيط عن القيور هذه....

هل القير 350 حاشر شد بلده او انك الافضل تطلب له توظيبة ريس على شان يصير اقوى في احشرة وترجيع النمر.... انا اشوف اهل البحرين و الكويت يركبونه زي ماهو ويزبط .... حتى عندنا هنا...
ارجو الافاده و مشكورين مجددا على الموضع واتمنى في المستقبل القريب تعطينا تفصيل ادق عن القيور الاتوماتكيه حق جي ام....

الإجابة:

هلا اخوي Naztech

ردا على تساؤلاتك .. فتاريخ القيور وعلى ايش ركبت طويل شوي .. لكن احاول ان شاء الله اجمعها في موضوع مفصل عنها عن قريب

اما بالنسبة لبعض النقاط الثانية .. فهذه بعض التوضيحات التي آمل أن توضح لك و للجميع بعض الأمور ..

القير TH350 شد بلد بالنسب اللي ذكرتها ، ولكن تختلف هذه النسبة حسب نسبة الدفرنش ولحساب هذه النسبة بدقة فهناك معادلة خاصة بهذه النسبة .

القير 350 و القير 200 لهما نفس الطول ( 27 انش ) و الـ 400 يزيد بإنش واحد فقط ، اما الـ 700 فهو ( 30 أنش )

وفي الصورة مقارنة مابين الـ TH350 والقير الجديد 4L60E ( والفرق واضح )



بالنسبة لتلغيم القير الـ 350 ، فسبق وان شفت ناس يلغمونه بكلتشات و بإضافة ترانزبريك فلف بدي ويكون على سيارة عليها محرك كبير ( يتعدى الـ 502 ) وبدون مشاكل

وفيه شركة تلغمة وتخففه وتوافقه مع قطع وكمبيوتر الـ LS1 ، بس يكلف هو والكنفرتر الخاص فوق ال3300 دولار ..

saudi hot wheels