ضغط المحرك من هنا وهناك..

الكاتب

يمكنك اخي القارىء ان تفصل بوجي اثناء اشتغال المحرك وترا ردة فعل المحرك فإذا تأثر فعندك البستن وغرفة الحريق تعمل بشكل جيد..واذا لم يتأثر فيحتاج فحص ولها عدة تشخيصات...وممكن يكون البوجي خربان..


وأيضاً يمكنك ان تضع جدول بسيط ونأخذ كمثال محرك 8 سلندر ونرسم جدول بسيط ونكتب بكل خانه البستن الاول والخانه اللي بعدها البستن الثاني وهكذا... (بشكل افقي) وتكتب على البارد وعلى الحار(بشكل عامودي) وتشتري لك جهاز يقيس ضغط المحرك وهو عباره عن ساعه(قيج)وفيها هوز توصله مكان البوجي وتدق سلف(طبعاً لازم تفصل السلك اللي طالع من الديلكو الى الكويل عشان ماتشتغل السياره)وراح تطلع لك قرائه فتسجلها بالجدول مثلاً القرائه والمحرك بارد كانت 8.5 عند البستن الاول(وتجري العمليه على كل البساتن) وسخنت المحرك وطلعت القرائه 9عند البستن الاول(وتجري العمليه هذي على جميع البساتن) وكاتلوج السياره يقولك انه لازم الضغط مايقل عن 9 فانت اخذ القيمه الاكبر اللي طلعت عندك ومن المثال طلعت عندنا القيمه الاكبر هي 9 فيعني المحرك سليم يعني لاتوسوس 

طيب انسان عنده الضغط نازل عن المطلوب فمالعمل!؟
الجواب على طول ياعندك شنابر الضغط رايحه او احد البلوف فيه تنسيم او تهريب.

طيب وكيف اعرف اذا انه من الشنابر او من البلوف!؟
بطريقه انشالله انها تكون سهله وحاولو تتخيلون معاي عشان تفهمون علي 
نجيب اول شي زيت مقدار بسيط يعني على حسب الحاجه وتقريباً فنجان او اكثر بشي بسيط ونفرغه داخل فتحة البوجي وبعدها نقيس الشغط اذا تعدل الشغط فالمعنى انه عندك الشنابر ضعيفه..واذا ماتعدل فيعني البلوف عندك فيها خلل..

طيب كيف اعرف البلف الخربان بلف البانزين(النار) ولا بلف الهوا(العادم)!؟
نحتاج الى شغله وهي ماهي منتشره بشكل كبير في الورش ولكن شفتها في كم ورشه وهي(سماعات الدكتور لما يجي يفحص صدرك او نبضات قلبك هذي السماعات اللي اقصدها)
نجيب اول حاجه هوز هوا مثل اللي ينفخون فيه الكفرات وندخله مكان فتحة البوجي ونشغل الهوا ونخلي السماعات على الاكزوز الهدرز ونشوف هل تسمع سسسسسسسسسسسسس(مثل صوت تنسيم)  اذا سمعته معناه من بلف العادم اللي هو البلف الكبير  ونضع السماعات على الثلاجه اذا سمعت سسسسسسسس(صوت تنسيم) فيعني انه بعد يبيله اصلاح اما صنفره او تغيير واذا ماسمعت شي فيعني البلف عندك اوكي..

توجد طريقه اخرى لمعرفة اذا كان بلف العادم يبيله وزن او فيه تنسيم وهي انك توضع قطرات مويه -بعد ماتسخن السياره- على الهدرز وتشوف اثره كيف هل يطش بسرعه او يسقط المويه بدون اثر كبير ولكن الحقيقه جربتها وعلى محرك فيه بلف العادم تنسيم ولكن بصعوبه يالله تلاحظ الفرق فارى انه غير عملي معا انه في اشخاص مجربينه ولكن انا شخصياً مااقتنعت انه دقيق وميه بالميه..لذلك جربو وشوفو 

طيب سويت كل هالعمليه وسويت توظيب وكلشي مظبوط عندي ولازال الضغط نازل!؟
نقوله شيك على فتحتة البوجي احتمال انه اللي ركب لك البواجي شد عليهم غلط واتلف لك مساره.

طيب وكيف اتأكد؟؟
تتأكد بطريقه سهله تجيب اسفنج وتبله مويه وتدخله معا البوجي وشغل السياره اذا شفت الفلين يطلع منه فقاقيع مويه فيعني المسار خربان والله يعينك

saudihotwheels.com

رابط الصفحة : http://www.racing4e.com/articles132.html