كيف تطور نظام الاشعال في السياره ؟

$المهندس$




الديلكو Distributors :



هذا الجهاز مهم للسيارات و خاصتاً القديمه


و هو الي يوزع الشرار للبواجي
 
اما السيارات الجديده لا تستخدم هذا النوع من التوزيع


بل عن طريق الكمبيوتر السياره يوزع بطريقه دقيقه جداً ..



ف خلونه في الديلكو هو جهاز يعمل بطريقه مكانيكيه بحته


و يستمد قدرته عن طريق عامود الكرنك (( عامود المرفق )) وله شكلين


هذا واحد و هو الي يكثر في السيارات :








و هذا النوع الثاني :








و طريقته سهل كما قلنه كل ما يفتر عامود الكرنك يفتر معاه الديلكو و يوزع الشرارات علي السلندرات


و تقدر منه انك تعير الديلكو و لازم يكون واحد خبير و مسدس ضوئي ..



و يكون الديلكو علي 8 الي 12 درجه و هذا افضل شي و كل ما قلت الدرجات صار افضل



و الدرجات اهي الي تحدد زمن توصيل الشرار و يكون افضل عند ال 8 درجات يعني بعد شوط الضغط بي 8 درجات


اذا قل يصير اجهاد كبير علي الراس و البواجي اما اذا زاد يعني فوق ال 12 يصير باك فاير علي طول


ف سيارات الدفع الرباعي يحتاجون درجات اقل يعني 9 او 8 في الطعوس


لانه عندما السيارع تحتاج قوه اضافيه فيها ف يوجد انبوبه تتوصل من الراس الي الديلكو


ف يسحب الهواء الي داخل الديلكو و عندما يقل الهواء و الضغط يصير سرعه الكهرباء عاليه


ف يكون توصيل الشراره اسرع و تنزل عدد الدرجات في الديلكو و يعطي عزم اكبر ...



الكويل Coil :



و هذا الاهم و يوجد في كل السيارات تقريباً




و وظيفته الجهاز انه يرفع الكهرباء ..


بأصح انه يقوي الشرار علي تحرق البانزين حراق




المعروف انه قوة الكهرباء في السيارات 12 V ( فولت ) ف يحول القوة من 12 الي 40 الف فولت يعني يصرعك


و فيه 60 الف و فيه اكثر بعد حق محركات الكبيره ...


ف لمن تبي تفحص الاسلاك لا تستخدم ايدك علي قوله المهندس يقول شكلك يصير بايخ و انت فني و تصير فيك هل حركه



ف يوجد انواع في الكويلات :


1- كويل لكل الاسلندرات هذا في المحرك ذات الديلكو .


2- اما كل سلندر عليه كويل ف هذا توزيع الشرار عن طريق الكمبيوتر ( لا يوجد فيه ديلكو )



(( 1 )) ف طريقه الكويل في محرك الديلكو


انه تصل الكهرباء الي الكويل و بعد الكويل الي الديلكو ف يوزع الشرار الي السلندر ( البواجي ) ..







(( 2 )) اما هذا ف طريقته سهل حيل حيل حيل


يخرج من الكمبيوتر اسلاك و الاسلاك الي الكويل و الكويل علي البواجي بدون اي اسلاك

و يوجد بعض المحركات مع اسلاك مثل محرك الشفر LS1 ...








هذول النوعين اشياء الله وصلت المعلومه ....





ف اخر الموضوع بوضح شغله



احنا نقوي الكهرباء عشان نحرق البانزين




و هذي تقويه الاشعال تحطه حق المحركات المزوده مثل السوبر او التيربو او انك تسوع الروس وووو


يعني كل ما زادت الهواء و البانزين لازم نقوي الاشعال في السياره لانه مهم جداً جداً



ف توقيت الشراره و قوتها الفولتيه مهمه جداً ...



و الحين راح اتكلم عن اشويه نقاط وهي :



 

1- البواجي .


 

2- اسلاك البواجي .


 

3- MSD .


 

4- القراودن او التأريض .


 

5- الاستاب لايزر .



 

فلنبدأ :












 

<<< 1- البواجي >>>






 




 

الكل يعرف البواجي و وجد منه انواع حار و بارد و ثلاث روس و بدون روس و اشكال و احجام ..



 

ف لكل سياره رقم معين لازم ما نطلع خارج عل رقم ..




 

الاهم الان انه هل بواجي سعرهم ممتاز بس هل منهم فايده وله مضيعه للوقت و المال ؟؟



 

للاسف البعض اول شي يركب البواجي و النتيجه ما ترضيه يقول ما منها فايده



 

اكيد ما راح تستفيد شي لانه الاحتراق مع بواجي الوكاله اكثر من 94%



 

ف انت زدت القوه علي الفاضي ..



 

طبعاً البواجي ذو ثلاث روس و البارد مهمه جداً



 

لانه كل ما زاد الهواء الداخل زاد البانزين و كل ما نحتاج كهرباء اقوي و بوجي اكبر و اقوي ..




 






 

و توجد انواع كثيره هذي وحده منها بو ثلاث روس ..




 




 

طبعاً زياده عدد الروس تساعد في التفريق القوي و السريع ..






 

<<< 2- اسلاك البواجي >>>





 





 

وهي الاسلاك الي توصل الكهرباء من الكويل الي البواجي



 

و هذي الاسلاك مهمه جداً بعد تبديل البواجي



 

وفيه ارقام وايد وهي 8.5 ملم او 9 ملم



 

وهذا يدل علي قطر الاسلاك



 

كل ما زادت زاد التدفق ..



 

لاكن




 

ليس هذا فقط فيه امور اهم من سمك الاسلام ..



 

الاهم هو نوع الاسلك و من شنو مصنوع ؟؟؟



 

فيه من النحاس و البلاتين و فيه سبايك ALLOY و غيرها ..



 

ف لازم نعرف ايهم الافضل .




 

من وجهت نظري الافضل الابلاتين بس الاكثر من النجاس



 

هل تعرف سبب استخدان النحاس مع انه يوجد افضل منه ...



 

السبب هو سعر الرخيص فقط





 

و ليش يزيد احصنه ؟؟؟



 

يزيد احصنه لسببين



 

الاول - اسمك من الاول يعني قطر اكبر = تدفق اكبر .



 

الثاني - مقاومه اقل من الاول = يسهوله مرور الكهرباء ..




 

المقاومه و الكل يعرفها وهي مقاومه الجسم للكهرباء



 

و النحاس مقاومه قليله ف يعتبر موصل جيد للكهرباء لانه من الفلزات >>> ذكرني في الفيزياء




 

ف لو تلاحظ اذا كان جسم مقاومته عاليه لمن توصل بكهرباء راح تشوف انه سخن واجد



 

السبب اصدام الاكترونات الكهرباء مع ذرات الماده .. ف تسبب حراره .



 

ف كل ما زادت كميه الاكترونات وزادت كميه الذرات تزيد السخونه ..



 

المهم هذا مو مهم




 




 

فيه طريقه تكشف فيها علي قوه الكهرباء وهل الكهرباء فيها خلل ؟؟



 

وهي كتالي فصل احدي اسلاك البواجي



 

طبعاً حذاري حذاري من الكهرباء الي فيها لانه يعادل 40 الف فولت يوقف شعر راسك ولله



 

امسك بمشبك او جلابتين ما ادري شنو تسمونه المهم تمسك و تقربه من بدي السياره



 

و اهني حذاري للمره الثانيه لانه ممكن خطئ صغير تحرق الظفيره




 

المهم تقربه و تشوف الشراره الي تطلع اي لون ؟؟؟



 

الون المعروف انه ازرق فاتح اذا غير هل لون ف هذا يعني ضعف في الكهرباء ...





 

<<< 3- MSD >>>




 

و كلمه MSD اختصار الي MULTIPLE SPARK DISCHARGE



 

يوجد مقال جميل عن هذا النوع من الاجهزه كتبه الاخ magic-lx يعطيه العافيه




 

اقتباس:
يستخدم ال MSD لتقوية كهربة السياره وتنظيمها ايضا


 

اقتباس:



ويختلف بالاحجام وكل ماكان الحجم اكبر كل ماكانت كهربتة اقوى













وهناك اشياء يجب تجنبها للحفاظ على الMSD وهي الحرارة الزائدة . حرارة الإشعاع المعتدلة ليست مشكله, لكنّ وضعه مباشرة على مجموعة من ضربات الشمس اكبر غلط

و اذا اردت استخدامه يجب عليك ان تضعه بالطريقه الصحيحه كما هو مبين بالصوره التاليه



ومن فوائد ال MSD ايضا زيادة ال RPM للسياره والحصول على سرعه فائقه لل RPM




وهذه صوره توضح لك كيفية تركيب ال MSD




واذا بغيت اتعرف اذا كان الMSD شغال عدل ولا خربان اتبع الخطوات التاليه :


1- تاكد ان السويتش حق السياره مقفل (OFF)

2- افصل الواير الواصل بين الMSD والكويل وخله قريب من الارض بمسافة نص اينش

3- افصل جميع الوايرات المشبوكه في ال MSD

4- افتح السويتش حق السياره (ON) ولا تشغلها

5- طقطق بالسلك الي موصل بال MSD على الارض عدة مرات واذا طلع من السلك شرار اعرف ان الMSD شغال مضبوط




وهناك عدة طرق اخرى ولكن هذي اسهلها


وبهذي الطريقه تعرف اذا ال MSD كان عدل ( حتى لاينصبون عليك ويبيعونك واحد خربان)










و زياده علي هذا ..


انه هذا الجهاز يزيد من قوه الفولت تبع الكويل يعني الكويل ينتج 38 الف الي 40 الف فولت

ف هذا الكويل يزيد و يصبح 50 الي 55 فولت

يعني شراره اقوي من السابق ..


و الوظيفه الثانيه هي تعدد الشرارات يعني شرارات متلاحقه كي يحترق الخليط بشكل كامل ..


و فيه ميزه ثالثه وهو جهاز التايمن كنترول وهو تحكم في درجه الشراره


يعني تقلل او تزيد علي كيفك ..


مثل انا بمشي طبيعي اخلي الدرجات علي الطبيعي



و باكر عندي قومه ف ابي اضيف غاز ف لازم ااخر الانفجار درجتين مثلا او ازيده درجتين عشان اعطي افضل انفجار للمحرك ..





<<< 4- القراودن او التأريض>>>








و هذا الجهاز تكلمنه عنه كثيراً كثيراً


ف بختصار


هذا الجهاز يجمع الكهرباء الساكنه علي البدي و اجزاء السياره

و ارجاعه الي البطاريه ..






و الي انا املكه سمكه 9 ملم و اطرافه مذهبه ..



و يوجد فيه 5 اسلاك تتوصل مع اجزاء السياره و يركب علي رأس البطاريه السالب الطرف الميت ..


و يتصل مع :


1- البدي ( جسم السياره ) .

2- الداينمو ( المولد ) .

3- رأس المحرك .

4- البلوك ( جسم المحرك ) .

5- الجير بوكس ( ناقل الحركه ) .


و انا جربته علي سيارتي و استفدت منه ولله عطاني فرق حلو ..







هذا وهو موصل علي سيارتي الامبريزا مع الاستبلايزر .




<<< 5- الاستبلايزر >>>






الاستبلايزر او ما يسمي بلمنظم ..


و هو عباره عن جهاز داخل مكثفات عديده


و ظيفه المكثف تخزين الطاقه و تفريقها بأقل من ثانيه


مثل افلاش الكامره عباره عن مكثف و ضوئ


يقوم بتخزين الطاقه كي يخرج جهد عالي بفتره بسيطه ..


هذا بكامره اما بسياره ما وظيفه هذا الجهاز ؟؟؟


و ظيفته تخزين الطاقه عند توفرها و يحتفظ فيها


لمن تقوم بأستخدام الانوار او الضغط علي المحرك


فتشاهد انه الكهرباء تضعف ..


ف هذا الجهاز يعوض الكهرباء الضائعه بفتره بسيطه وليس 10 دقائق


المصادر
 

 

 

racing4e.com

رابط الصفحة : http://www.racing4e.com/articles221.html