السلام عليكم ورحمه الله وبركاته
كيف حالكم وش اخباركم
امتداد للمسيره التعليميه وقبل الختام بنتكلم عن ملحقات التيربو طبعاً بصوره موجزه وبسيطه
وعن بعض الشركات المنتجه لها
طبعاً نبتدي براس التيربو
طبعاً وهو جزء لايتجزأ من نظام التيربو وبدونه تلعب على نفسك
طبعاً تبدا الاحجام من 25 الى 102 لهاوزنق البارد الـ 102 يجي كوستم ميد
طبعاً مثل مانتو عارفين ان التيربو قسمين ملتصقين بشفت واحد تمتد الحركه منه غازات العادم والثاني يسحب الهوا من الخارج
عادتاً يجي تيربو الديزل هاوزنق الحار اكبر من البارد
بعكس تيربو البانزين

كل مايصغر هاوزنق الحار يجي كويك سبول او يفتح بدري
يقال ان هالتيربو دبل بال بيرنق <<< تقنيه جديده
طبعاً هالجزء تشبع منه المواضيع
نجي للمانفولد ( هدرز التيربو)
المانفولد يتثبت عليه التيربو طبعاً طريقه تصنيعه تختلف
وافضلها التوب مونت

حيث ان يجمع كامل البيبات وينزلها تحت شوي وبعدها يرفعها على التيربو
الطريقه هذي افضل طريقه اذا كنت تبغى التيربو يفتح بسرعه
بعد كذا تجي للوازقيت
اختيار الوازقيت يجب ان يكون على غلم ودرايه
مثلاً تركب وازقيت 44MM وتعطيه بوست 30 :وتقول مايعطي كويك سبول
او العكس تركب وازقيت كبير وتعطيه بوست نازل اذا ماعطاك المستوى
انا اشوف ربعنا طايحين بالتايلندي
كل شي اخذه تايلندي مايضر الا الوازقيت وراس التيربو و البوست كنترول حاول قد ماتقدر تاخذ شي اصلي
واكثر شي ماخذين اتج كي اس او قريدي مع اني اشوف الامريكان يموتون بشي اسمه وازقيت
TIAL
اذا ما ابالغ ان 70% من الخلطات للياباني فيها وازقيت تيل وخصوصاً ابو 44MM

وهذي سبرنقات البوست

وهذي قياساتها بالبوست والبار (واعتذر عن رداءه الترتيب)
BAR PSI WG 38 WG 40 WG 44 WG 46
0.2 2.9 SMALL YELLOW SMALL YELLOW
0.25 3.6 SMALL YELLOW SMALL YELLOW SMALL RED SMALL RED
0.3 4.4 SMALL GREEN SMALL GREEN
0.4 5.8 SMALL RED SMALL RED SMALL BLUE SMALL BLUE
0.5 7.2 SMALL GREEN SMALL GREEN LARGE YELLOW LARGE YELLOW
0.6 8.7 SMALL BLUE SMALL BLUE LARGE RED LARGE RED
0.7 10.1 LARGE YELLOW LARGE YELLOW LARGE GREEN LARGE GREEN
0.8 11.6 LARGE RED LARGE RED LARGE BLUE LARGE BLUE
0.9 13 LARGE GREEN LARGE GREEN LG YELLOW & SM RED LG YELLOW & SM RED
1 14.5 LARGE BLUE LARGE BLUE LG RED & SM RED LG RED & SM RED
1.1 16 LG YELLOW & SM RED LG YELLOW & SM RED LG GREEN & SM RED LG GREEN & SM RED
1.2 17.4 LG RED & SM RED LG RED & SM RED LG BLUE & SM RED LG BLUE & SM RED
1.3 18.9 LG GREEN & SM RED LG GREEN & SM RED LG BLUE & SM GREEN LG BLUE & SM GREEN
1.4 20.3 LG BLUE & SM RED LG BLUE & SM RED LG BLUE & SM BLUE LG BLUE & SM BLUE
1.5 21.8 LG BLUE & SM GREEN LG BLUE & SM GREEN
1.6 23.2 LG BLUE & SM BLUE LG BLUE & SM BLUE
بعد ماركبنا المانفولد والتيربو فوقه وعلى جمب ركبنا الوازقيت وش بقى وش بقى
بقى عمليه تبريد الهوا
وفيها طريقتين
1- والمتعارف فيه لدى الجميع الانتركولر
هالانتركولر يفرق مقاساته ولازم تختاره على البوست اللي انت تبغاه
مشكله الكولر الكبير انه يضيع عليك بوست يعن انت وازن التيربو على 15PSI
حلو مايمديه يعطي فل بوست الا واصل للمكينه 13 بس
الباقي توزع على الكولر
وغير كذا يسوي شويه لاق بالتيربو
افضل واطلق نوووع القريدي

فيه نوع تايواني نسخه من القريدي لاكن ماهو مثل جودته
لازم مكانه يكون يضرب فيه الهوا عشان يبرد مثل الراديتر
ولو تحطله مروحه قويه يكون افضل بعد
طبعا النوع الثاني اسمه الواتركولر
وهو التبريد عن طريق الماء ( تستطيع اضافه الكحول ) <<<< لاحظ اضافه مو شرب
هالطريقه افضل من الانتركولر لاكن انها قروشه
كل شوي نازل مغير المويه وراجع

في الحلبات يعتبر افضل من الانتركولر لاكن للأستعمال اليومي شبه سيء ومتعب
نجي للعطاس blow off valve
هذا هو طرب التيربو بعد التصفير
وله اكثر من فايده
الحفاظ على التيربو بحيث انه يصرف الهوا الراجع ( اذا تسكر الثروتل بدي يرجع الهوا عكسي على التيربو )
ويقلل من عمليه اللاق
طبعاً مسأله اذواق السالفه واحد يقول قريدي تيبي ار اس وواحد يقول اتج كي اس وواحد يقول قودزيلا
والماركات كثييييره والدبلكيت بعد اكثر
طبعاً يتثبت ببايبات الانتركولر
هذا HKS

GREDDY TYPE RS

طز بالماركه وطز بالشكل اهم شي صوته يجيب راسي
اررعص هنا لسماع اصوات البلواوف فالف
نجي للبوست كنترول
من اسمه بتعرف وش وظيفته <<<< عليك الله يازول ماداير اشرح
هو جهاز يكون يدوي او الكتروني لتحديد مقدار الـ PSI المطلوب
احذ تاخذ شي تقليد لان مرات توزنه على 15 والاخ رايح على 20
الا اذا اخذت عداد للـبوست وهو امر ضروري
بعد كذا تيربو تايمر
وش وظيفته ؟
ياطويل العمر لمن تكون جاي من مشوار التيربو بيكون حاار
لمن تطفي الموتر وتسحب المفتاح تظل السياره شغاله لمده انت تحددها
ليه تظل شغاله ؟<<<< لا سواق <<< اطلع برا
عشان الزيت يبرد التيربو ومايخرب عليك
يمكن تنسرق السياره ؟
لا ياخوي ماتنسرق بمجرد ماتفك الجلنط تطفى من حالها وتمسك الحرامي وتلعن خيره
او بمجرد ماتدعس الكلتش او لمن تعشق
طبعاً كان ودي اشرح عن مكونات التيربو الداخليه
لاكن الوالد كل ما اوصيه يجيب تيربو ظارب من الورشه ينسى
وانشالله لمن يتذكر انزل الموضوع عن مكوناته الداخليه
كل الكلام اللي فوق هو نصف مشروع التيربو
والنصف الاخر عباره عن نظام البانزين وهو جزء لا يتجزء من نظام التيربو
اتمنى اني وفقت في شرحي البسيط في هذا الموضوع
وياليت تعذرونا على القصور