انواع البساتن الثلاث و نسبه الانضغاط (( compression ratio ))

$المهندس$


بسم الله الرحمن الرحيم

اللهم صلي و سلم على محمد و على آل محمد




اليوم راح نتكلم عن الانواع الثلاثه للبساتن و مميزات كل وااحد ..



مثل ما وعدناكم كل اسبوع موضوع جديد مفيد للجميع انشاء الله .






** انواع البساتن **



هناك ثلاث انواع للبساتن و هم :


1- Dished pistons القبه لي الاسفل و يسمي بعض الاحيان Dish top .

2- Dome Piston وهي تكون القبه الي الاعلي القبه البارزه .

3- Flat Piston الي هو المستوي بدون قبه .





1-Dished pistons :








مثل ما هو ملاحظ القبه الي الاسفل ف هذا حق الضغط المنخفض و دائماُ يكتب الحجم بلسالب ( -CC)



هذا النوع من البساتن للبور اد و بتحديد (( للتيربو و السوبر جارج ))


يمكن ان تخفض الكمبرشن من 11:1 الي 8.5:1 و اكثر علي حسب نوع البستن و الارقام و احتياج الكمبرشن للبوست المراد ضخه .



طبعاً اذا تبي تركب هل نوع من البساتن لا تفكر بغير الفورجد .







2- Dome Piston :









هذا النوع المفضل لدي .. القبه تكون لي الاعلي ..



هذا البستن يرفع الكمبرشن بشكل خطير و هل نوع حق المحركات N\A في طبيعه الحال


و حق استخدام الغاااز ..



اذا تبي محرك حق استريت ارفع الكمبرشن لين 12:1 و مع بساتن فروجد و غاز 300 راح تشوف الموتر طيااره و جرب مع الي تبي بلأخص LSx .



اما اذا تبي شغل درااق و مضبوط .. كمبرشن 14:1 و اعلي مع باانزين اوكينن خااص 112 و اعلي و بساتن فروجد و غاز 600 ... محركات ال BBC .



طبعاً يكتب الحجم بموجب (( CC+ )) في العاده .



3- Flat Piston :








الفلات بستن هذا يكون مستوي 100% و بعض الاحيان يكون فيه فتحتين حق الصباب عشان لا يضرب فيه ...


و يكون الحجم يساوي صفر او يكتب بسالب لاكن رقم قليل مثل - 5 CC .




و هذا النوع يكون حق التيربو و الغاز و السوبر و حتي حق ال N\a بس المتوسط طبعاً ..



يعني هل بستن يعطيك 9.5 او 10:1 مع بوست متوسط بحدود 10 - 15 PSI رااح يكون حلو ..



او غااز متوسط علي حسب المحرك و طريقه التس .


يعني هل بساتن حق الاستريت و تلغيم المتوسط .






هذي اهي الانواع الثلاثه ... و راس البستن اي شكله له الدور الكبير في التحكم بكمبرشن ريشو
 
*** نسبه الانضغاط (( compression ratio )) ***




تعريف نسبه الانضغاط علمياً : هي النسبه ما بين حجم الحيز فوق البستن قبل الانضغاط الي حجمه بعد الانضغاط .

تعرف اخر : هي ناتج قسمه الحجم الكلي علي حيز الانضغاط .


يعني القانون يقول :



نسبه الانضغاط = حجم الشوط للاسلندر الواحد + حجم الخلوص \ حجم الخلوص ..



حجم الخلوص هو الخلوص الموجود فوق البستن يحسب بجمع حجم غرفه الاحتراق + سمك القازقيت + ارتفاع البستن .



قبل لا نشرح نسبه الانضغاط اود انكم ترفعون هل فيديو لانه رااح يسهل اشياء كثيره كثيره ....



فيديو نسبه الانضغاط <<< اضغط هنـــــــــــــــا >>>



بعد ما تشوف الفيديو ... خلنه نتكلم عن نسبه الانضغاط ..




نسبه الانضغاط ما لها وحده محدده يعني لا هي Bar وله هي PSI ولا HP ولا شي



اهي نسبه شي لشئ



مثلاً جيب نيسان حجمه يساوي 3 اضعاف حجم السفك


ف تنكتب 1:3


و 1:3 يعني 3 علي 1 او 3 تقسيم 1


او 3 \ 1 .



ف نسبه الانضغاط هي حجم الكلي (( حجم السنلدر + الخلوص )) يساوي كم ضعف من حجم الخلوص ؟؟


هذا هو نسبه الاضغاط


مثلا محرك نسبه الانضغاط 10:1 ف هذا يعني انه الحجم الكلي يساوي 10 اضعاف حجم الخلوص فوق البستن .







الازرق كله هذا الحجم الكلي ..


و الوردي فوق البستن هذا حجم الخلوص ..



يعني الازرق تقسيم الوردي يطلع نسبه الانضغاط .




الحين نبي نعرف كيف نحسب بضبط










اول شي حجم غرفه الاحتراق ... الي هي بلون الاخظر اول شي فووق .


و ثاني شي تعرف سمك القازقيت البرتقالي .


ثالث شي ارتفاع البستن من سطح السلندر


فيه بعض البساتن لمن يرتفع راح تكون هناك مسافه اصغيره بينه و بين سطح السلندر


يعني البستن يكون نازل اشويه مو مستوي واحد مع السنلدر الازرق .


رابعاً طول الاستروك .


خامساً البور .


الحين كيف تحسب ؟؟؟؟؟



فيه 10000 الف موقع بكل سهوله تخليك تحسب نسبه الانضغاط بدون ما تضغط علي عقلك




>>> لحساب الكمبرشن ريشو اضغط هنا <<<



خلني اشرح خااانه خااانه ..



فيه 8 خانات .



1- تحط وحده القياس بأنش او بلمليمتر .

2- حجم بور البستن (( قطر البستن )) .

3- طول الاستروك (( طول الشوط )) .

4- حجم بور القازقيت الي هو فتحه البستن بعاده يكون اكبر من رقم البستن بقليل .

5- سمك القازقيت .

6- حجم غرفه الاحتراق الكمبرشن جمبر و لازم تكون بل CC .

7- هذا نوع البستن داشد او دوم او فلات ... + للدوم و - للداشد و الازم تكون بل CC .

8- و هذا الي تكلمنه عنه الي بلون الازرق الستن يكون موازي حق السلندر

اذا كان البستن فوق مستوي السلندر بكتب بساالب .


بعد ما تحط كل هل شغلات اضغط علي احسب ال CR .






و ابي اقول شغل في نهايه الموضوع ...



محرك البانزين يعشق يعشق الكمبرشن العالي و البانزين نفسه يكره يكره الكمبرشن العالي ...


مواصفات الديزل تسمح له بلانضغاط انا البانزين ما يقدر ينضغط فوق حد معين بسبب رقم الاوكتين ..


اذا قدره نرفع نسبه الاوكتين مع الكمبرشن ريشيو رااح يكون المحرك كفائه عااليه حيل ..





ملاحظه : يمكن التحكم في الكمبرشن ريشو عن طريق غرفه الاحتراق و سمك القازقيت



تقدر تجيب قازقيت خااص من شركات مثل FEL و غيرها قارقيتات اسمك او اضعف تغير فيها نسبه االانضغاط .



و فيه طريقه انك تزيد من الكمبرشن عن طريق مسح الراس مره او مرتين و بحجم الي انت تبيه



و هل مسحه تصغر من غرفه الاحتراق و تقدر ترفع الكمبرشن في بعض المحركات مثل الفورد 5.0 الي 12:1 مع بساتن فلات .









هل تعلم انه كفائه محركات البانزين 37 % ؟؟


يعني لو حطيت 120 ريال باانزين 10 دينانير كويتي


يعني 44 ريال الي اسفتدت منه 3.7 دينار ..


و 77 ريال (( 7.300 )) ضاايعه في الهواء ؟؟؟


ضاايعه في الاحتكاك و الحراره و فيه الكرنك و فيه البساتن و الاذرعه و باقي المفقودات ..



ف القانون صريح و يقول ...



فكفاءه محركات البانزين هي :









ال R نسبه الانضغاط .. و ال K كثافه الهواء ..


كل ما زاده نسبه الانضغاط زااده الفكاءه المحرك .




نهااايه الموضوع


اي سؤال او اسفتسار او تصحيح لا تبخلون ...




جميع الحقوق محفوظه لدي racing4e

يرجي ذكر المصدر لعدم الاحراج .

http://www.racing4e.com/vb/showthread.php?t=1476

رابط الصفحة : http://www.racing4e.com/articles236.html