أفضل الكربريترات للتزويد

أبو الريم

تبدأ الاراء لاكثر من شركة هولي بانواعه او ديمون بانواعه او حتى ادل بروك وغيرها من الشركات

تبدأ الاراء لاكثر من شركة هولي بانواعه او ديمون بانواعه او حتى ادل بروك وغيرها من الشركات ...... وبعدين نجي للحجم واللي يناسب المكينة .......
بالنسبة للشركات المشهورة عندنا انا ابصم بالعشرة ان الادل بروك المفروض يطلع خارج المقارنة اذا كانت المكينة مجهز للريس لان نظامة قريب للستريت اكثر من الريس او للاستخدام اليومي , فهوا بلا شك عملي , سهل , اقل صرفية للوقود , ولكن ادؤها ضعيف . بس اكيد فيه ناس بتطلع لك وتقول ان راعين التطعيس ما ينفع معاهم الا الادل بروك . طبعا من ناحية علمية صحيح السبب في هذا لو تشوف معاي صورة الادل بروك تجي عوامته ( خزاناته ) يمين ويسار

 بعكس الهولي او الديمون اللي تجي عوامته امام والخلف فلذلك ان صعدت السيارة يبدأ يقل منسوب النبزين في العوامة الامامية ويقل بالخلفية مما يسبب كتمة للسيارة او انها تطفى . اما الادل بروك يكون البنزين بنفس المكان .

عموما اللي اشوفه ان هذا الكلام ينقصه الخبرة وغير صحيح وكلا من الهولي والديمون ينفعون للتطعيس وادؤهم بلا شك افضل بمراحل وحل المشكلة هذي سهل وموجود في كاتلوجاتهم وفيه اكسسوارات تحل هذي المسأل ولكن شرحها يحتاج الى وقت .
نرجع لكلامنا
صفينا على شركتين مشهورات الديمون او الهولي

قبل ان نبدأ بتصنيف هذي الشركتين خل نفهم كيف يعمل الكربيتر المشهور ( 2 بمب ) سواء الديمون او الهولي , عند تشغيل السيارة يعتمد الكربيتر على انزال الوقود على فاكم ( سحب ) السيارة ويتم العمل في حالة الوقوف على العوامة الامامية (PRIMARY ) بدون اي حاجه للعوامة الخلفية , في حالة الدعس تكون هناك مرحلتين لتدفق البنزين . الاولى وصول العوامة الامامية للمرحلة القصوى وافراغها بصورة مفاجئة (سواء من الجتات من اسفل او البور فالف او في البمب المؤقت) . بعدها المرحلة الثانية والتي تبدأ فيها عمل العوامة الخلفية secondary بطريقة ميكانيكة عن طريق وصل قطعة حديد للدعسة الثانية تبدا بالسحب والتي بالتاكيد ستكون اكبر من العوامة الامامية

طبعا كفكرة تعتبر بدائية وقديمة بس مفيدة جدا , وهي مشكلة السيارة في حالة الوقوف تحتاج الى كمية بنزين قليلة جدا وخاصة في حالة عدم ( تحميل المكينة يعني المشي فيها) ولكن في حالة زيادة الار بي ام تكون لدى معظم المحركات استعداد كامل لاحراق اكبر كمية ممكنة تتوفر في غرفة الاحتراق , وكل ما زادت الكمية بطريقة معقولة معناها زيادة بالقوة بشكل غير معقول .........
ميزة الهولي والديمون وبوجود العوامتين عند الدعس المفاجأ يعطي المكينة شحنة قوية تساعدها على وصول الار بي ام باسرع وقت وبلا تردد وبشكل عنيف .

وعلى هذا الاساس تبدأ الانواع تتعدد بالشركات والاشكال تختلف ولكن بالطبع الفكرة واحدة ......... فمثلا عند الديمون انواع كثيرة مثل الستريت وهذا شكلة .

وهذا نوع ثاني سعره ضعف اللي فوق واسمه المقاتل .


لو تلاحظ الفرق في التصميم والانسيابية ......

وفيه انواع للريس واحجام مختلفة
ايضا الهولي فيه العادي وهذي صورته

وهذا هولي فئة برو ايضا ضعف السعر وبتصميم مختلف


نرجع للسؤال ما هو الافضل بين الشركتين , صعب الجواب وخاصة ان التنافس بينهم قديم ولكن اذكر تجربتي الشخصية امام عدد من الشباب , كان عندي سمول بلوك عليه 750 هولي النوع العادي , قديم , ويعوم ومشاكل , قررت اني اشتري كربيتر جديد وحاجه محترمة , وبعد المشاورات لاصحاب الخبرة نصحوني بالديمون ورحت الامارات وطقيت لي ديمون ريس بقيمة حول ال 3 الالاف ريال , جبته وبعد التركيب تفاجأت ان الهولي القديم ادئة افضل بكثير من الديمون الريس , وخاصة في سرعة الار بي ام . شكينا بالوضوع ولكن بعد تجربة احد الاعزاء بسيارته ازدات قناعتي بالموضوع وان المشكلة ليست بسيارتي ولذلك انا مقتنع كليا بشركة هولي بجميع انواعها ولكن تحتاج ان تهتم بالكربيتر وتحافظ عليه بالاضافة انك تختار النوع الملائم لسياراتك . ميزة الديمون عن الهولي هو جودة صناعتها , يعني ما فيه شي اسمه طفية ولا تعويمه وتشتغل السبارة صافية بشكل ممتاز . ولكن ادؤه ابطأ من الهولي .


تختلف انواع الكربيترات في ما بينها على حسب نظام الفلو حقها يعني الانسابيه فيها بالاضافة الى طريقة خلط ومزج الهواء بالوقود وبالتأكيد تكون الفروقات على حساب الاداء ............ وعلى هذا الاساس تكون الاسعار متفاوته بالاضافة الى نوعية الاستخدام والتي تختلف بين محركات الاستعمال اليومي او لسباقات الشوارع او الدرق ريس
فمثلا اغلب الشباب اللي يستخدم الهولي يستخدم هذا النموذج



بينما هناك نماذك افضل من ناحية الاداء مثل
فئة البرو 4150 وهذي صورته


وغيرها وايضا الديمون يأتي بانواع مختلفة وليس بنوع واحد

اما عن الكربيترات الكبيرة (الدومينتر والكنج ) فهي فئة مختلفة كليا وتستخدم للريس فقط
صورة للحجم الكبير الدومنتير


اهم ميزات 1- وجود فلو عالي للهواء وخاصة اذا كانت الرووس فلوها ممتاز . حيث فتحة الدومنيتر اكبر من فتحة الهولي العادي .
2- نظام حقن الوقود يعتمد على البخ بحيث يتم خلط اكبر قدر ممكن .
3- نظام الدعسه يأتي مرحلة واحدة في العوامة الامامية والخلفية مع بعض وليس مثل الهولي العادي بعد وصول العوامة الامامية للنهائة تبدا العوامة الخلفية , فالدموينتر يتميز باتصال عوماته مع بعض بالاضافة الى عمل العوامة الامية في حالة الوقوف .
4- نظام الحقن المساعد والذي يضخ في اربع فتحات في حالة الدعسة المفاجئة .
5- انسابية من فوق الى اسفل الكربيتر .

وغيرها من الميزات اللتي يتميز بها الدومينتر عن الهولي العادي , ياتي الدومنتر بمقاسات مختلفة تبدأ من 750 الى 1250 ..........
هذه صورة ثلاجة على يركب عليها دومنتير


وهذي ثلاجة يركب عليها كربيتر عادي ويتضح لنا مدى الفرق بين الثلاجتين


بقي اخيرا ان ننوه ان بعض الشباب يجيب كربيتر دومنتير ويحطه على ثلاجة بفتحة كربيتر عادي ويحط التحويله من دومنتير الى عادي , وهذي بالطبع سيقلل من الاداء المفروض , لان من اهم الميزات في الدومنتير ان فتحة الكبيرة فيه وبالتأكيد في الثلاجة , اما ان كان واحده مختلفه عن الثانية فبالتأكيد سيقل الفلو المطلوب .
وهذي صورة التحويلة .

saudi hot wheels

رابط الصفحة : http://www.racing4e.com/articles56.html