كمارو 69

[خالد حسن]

السلام عليكم
عندي كمارو69 مكينه 350 جير3غيار وحاب اني انشط السياره وحاب انكم تساعدوني من وين ابتدي
وشنو القطع الي اركبها واحتاجها(من المحرك والثلاجه والكاربيريتر وغير الي انا مو عارفه)
مع العلم اني ابي انشطها للاستعمال في الشارع
وبالنسبه للقير اغيره واحط700 عشان يريح المكينه

[$المهندس$]

الله يعطيك خيره و يكفيك شره




اول شي الموتر قديم اشرايك تبيعه :) <<< شراي الرجال



ثانياً لو تحط محرك بق عليه او انك تعمل طفره مثل ما سوي الامريكان


تركب محرك Ls1 او محرك Ls2 و راح تشوف مستوي وايد حلو لانه المحركات القديمه 350

مالها مستوي حلو مثل الحين ..


و انشاء الله الشباب ما يقصرون .

[خالد حسن]

يعطيك العافيه اخوي
بس كم ممكن ان يكلفني وشنو بالضبط الي راح اغيره

[$المهندس$]

عندي سؤال كم الميزانيه الي عندك و كم احصان تبي تطلع ؟؟؟

[W351]

اخوي صعب صعب

شرايك تبيع وانا خوك وشوف لك كمارو 98 ال اس ون :3rbe078:

تراني شراي :d

[خالد حسن]

لااخوي انا السياره حابها وهي علي حالتها لان مشكلتها بس بالقومه ثقيله

وميزانيتي تقريبا 1000 دينار وبالنسبه للاحصنه انا مابي اقوم فيها بس حاب ان تكون السياره مستواها حلو ونشيطه

[$المهندس$]

اخوي خالد جسن << جسن صح وله حسن ؟



المهم مثلا ما قتلتك تجيب لك مكينه جديده


و يفضل Ls1 مع جير عادي الموضوع راح يكلفك 1000 دينار


بس الموتر راح ينبط



او انك تدور علي 454 بق بلوك و تقط عليه خفايف و سعر المكينه 150 وعلي 200 دينار


و تحط عليه كابريتر حلو و جير نفس اوادم ما يكلف فوق ال 1000 دينار يطلع وحش ..


و تري انا شراي :)

[$المهندس$]

انزين ما عندك صور حقه :)

[عاشق_موستنج2002]

الله يوفقك بالمشروع

بس ما عندك صور ؟

[خالد حسن]

اسف الاسم خالد حسن وانشالله اعدله وبالنسبه للصوره الصراحه انا حافظها بالجهاز بس مو عارف كيف انزله علي الصفحه

[W351]

اخي خالد اسمح لي على الرد الاول لانه لم يكن على وافيا على سؤالك

بالنسبه للكمارو اللي عندك

مكاين Ls1 ممتازه ووصلو فيها الناس لارقام خياليه لكنها غاليه شوي

لو ميزانيتك ما تسمح انصحك با Lt1 وللمعلوميه التورك فيها اعلى من Ls1 وانت محتاج التورك لان سيارتك ثقيله

ولو عزمت ممكن نفيدك اكثر

تحياتي لك

[البحراوي]

إذا السيارة للبيع شراي وهذا رقمي 0506105727

[خالد حسن]

http://www.9q9q.org/index.php?f=jligcB52yb6

[خالد حسن]

http://www.9q9q.org/index.php?image=apvtvs910vTq71

[$المهندس$]

ماشاء الله


الموتر انظيف



و حرام عليك عندك هل موتر و مو عارف شنو تسوي فيه :)



تعال انت مو عضو في منتدي اي اس دي موتر ؟؟

[خالد حسن]

انا عضو فيها بس اول مره احط الصوره
وبالنسبه للسياره ممتازه من كل النواحي والحمد الله والمهم ان كل اكسسواراتها الخارجيه والداخليه جديده لكن محتار من وين كيف ابلش بالسياره من ناحيه الماكينه حاس اني ضايع :) شخص يقول خله علي حطته واحد يقول حوله جديد واحد يقول حط 454 والصراحه ماعندي معلومات بالميكانيك وبالمحركات

[bashar_255]

ما شاء الله تبارك الله :)

أخوي سيارات الموسل كار الأمريكية ثقيلة في العادة و محرك 454 بيكون مناسب جداً لما فيه من تورك لاكن يفضل لو يكون بتجهيزات رياضية ..

أقل شي ثلاجة و كام و كربريتر و بساتم ضغط عالي و بورت و بولش للروس :)


تحياتي ،،،

[راعي الكابرس]

أخوي انا اقول السيارة جديدة وحرام تبدل في ماكينتها وتلعب في كراسيها وتقصقص فيها يعني انا اقول لو تعدل على الماكينة اللي عندك ترى يطلع منها المستوى المطلوب وزياادة بالمبلغ اللي عندك يعني حتى انك تقدر تلقى لك ماكينة في السعودية ستروركر 383 وكااملة والكامل الله يمكن بـ 800 دينار او ماكينة 350 عليها بلور صغير شوي بـ 600 او 700 وانت المستفيد والقير انا قول قير ال 350 هو خيار المعدلين يعني الناس يشيلون قير ال 700 وال عادي ويحطون ال 350 .. والأمر راجع لك ...

[W351]

اخي راعي الكابرس والنعم

رأيك على عيني وعلى راسي كن لا تنسى انو المكينه اللي عليها من الصوره 327

فحرام انه يضيع فلوسه وآخر شي 300 حصان :3rbe069:

انا ما احبذ البيج بلوك لانه غالبا يطلع السياره من دائرة الاستخدام الطبيعي واذا كان بكام وتعديل روس وبولش يعني

غالبا حراره في الظهر ( عاد مع شمس الكويت يا سلام) وغالبا بتلغي المكيف وصرفية بنزين عاليه جدا

وبصراحه ( رأي شخصي ) البخاخ مريح مقارنة بالكاربريتر ويعطي نتايج حلوه :cool:

رأيي شيل مكينتك الاصليه خصوصا لو ما كان ملعوب فيها وخزنها وعندك خيارين

LS1 بس بتكلفك شوي لكن ما هي محتاجه مقارنه بحدود 1000 دينار اتوقع
LT1 انا اقدر المكينه هذي واتوق بحدود 500 دينار

عزم حلو والمكينه ستاندر + استخدام يومي طبيعي + مكيف + صرفيه اقل للبنزين + قابله للتعديل بشكل جنوني

تحياتي للجميع وهذا رأي وممكن يكون صائب وممكن يكون خاطئ

[خالد حسن]

السلام عليكم
ما تقصر ياراعي الكابرس علي الرد:
وبالنسبه اخوي w351 يعطيك العافيه تخبر كراج ممكن اني اروحله واستفسر منه

[خالد حسن]

وبالنسبه لمكينه ls1 قلت تقريبا 1000 مع كامل اغراضه ولا بس المكينه
وهل هي نفسها الي راكبه علي الكورفت وما قصرت اخويw351

[راعي الكابرس]

في كورفت ستنق راي موديل 81 عليه ماكينة Ls1 وقير T5 ودفرنش شد بلد انشاء الله بحط صور وموضوع مفصل وكامل عن هالسيارة بس استناها تخلص صبغ ...

[خالد حسن]

ياريت ياراعي الكابرس تعطيني شرح السياره علي قولة دكتورنا بالتفصيل الممل الممل من جميع النواحي القوه والعزم
وسعر القطع بالتفصيل اسبشل حقي :) ومن وين حصل القطع تدري فيني ادور هل سوالف:d

[$المهندس$]

اخوي اذا تبي مكينه Ls1 اقدر اجيبها بي 350 دينار


اذا تبيها كامله ما تكلف فوق ال 500 دينار طبعاً تبع كمارو 98 الي 2000


و اذا تبي كراج يشتغل فيه هم قولي بس عزم و انا اوديك عند واحد خبره حيل ..

[خالد حسن]

السلام عليكم
شنو تقصد بالكامل (ظفيرة والثلاجه والبخاخات والكمبيوتر....)لو تقول بالتفصيل

[خالد حسن]

يعطيك العافيه اخوي المهندس مارديتلي خبر علي القطع
ولو تعطيني اسم الكراج عشان اقدر امر عليه
وتسلم

[$المهندس$]

كامله يعني

ظفيره و كمبيوتر و المخرك كامل...


فيه محلين



بن نخي الي جمب المهلب ..


او تروح حق سعود الزبن او حق ارفيجه سليطين ..


و انشاء الله يضبطونك .

[خالد حسن]

تعبتك معاي المهندس
ماتدري في احد ركب عنده ومضمون شغله
وعندك فكره بالجيرات عندهم
انشالله انت مهندس ولا بس لقب:)

[bashar_255]

قير الـ Th400 يركب دايركت بس أظن بتحتاج طنجرة و بتلغي القير من الكمبيوتر

[خالد حسن]

اخوي بشار الجير التكلمت عنه كم غيار ومتوفر بالسوق ولا عند اشخاثص معينين

[bashar_255]

قير الـ 400 هذا قير 3 تعاشيق تلاقيه مفلت في التشاليح على 20-30 دينار و اذا شفت معدل في ورش تزويد يعني في حدود 200 دينار تلاقيه موضب و عليه شفت كت و طنجرة و ساعات بالشفتر و ساعات بدون