مساعدتكم بخصوص المكينه

[@ ابـوفـهـيـد @]

السلام عليكم


كيف حالكم وش اخباركم

عندي صني 2001
عليها Qg13de بنت اللذينا مابقى احد ماقام علي
ماناقص الا عربانه وحصان
المهم

بعد بحث وتحري عن القطع وهالسوالف الحلوه
لقيت سياره اسمها سينترا هي نفس الصني وتنزل بمحركات ثلاثه
qg18de
qr25de
sr20det <<<<< وهذا المطلوب

قررت اني اخذها بدون تيربو
يعنيSR20de
بعد البحث والتحري في التشاليح
لقيتها بأسعار خياليه
من 5000 الى 7000
معى العلم انه معى الرجيع

قلت خلني اروح لتشليح المكاين الياباني
قعدت ادورل لقيت اسعارها
من 1400 الى 2000
معى العلم انه مكينه بس
بدون الظفيره والكمبيوتر والقير


المطلوب منكم
وش الاغراض اللي لازم اغيرها
مكينه + قير + ضفيره + كمبيوتر +هدرز+طرمبه بانزين +راديتر+؟+؟..... الخ

ووين احصل اسعار زي الناس
مشكورين مقدماً


وهذي خطه التعديل




طرمبه بانزين
برمجه كمبيوتر
انتر كولر معى البايبات
عطاس بلو اوف فالف
ريقوليتر
مانفولد وداون بايب 3 انش
توسيع الثلاجه
بورتنق
كويل وداش بورد واسلاك وبواجي ماركه اسيل
فلتر كي اند ان
طقم بكرات يوندر ذاهود اولترا اس
كلتش ACT
فلاي ويل ACT


وشلون الخلطه وكم بتوصل حصان

[$المهندس$]

ولله يا خوي ... دور علي محرك هوندا و رهمها و راح تدعيلي ...


شوفلك 2.0 وله 1.8 فتك و جير عادي ما يكلف و يعطي نتاج رائعه ... و انصحك فيه بشده ...


و الاشياء الي انت حاطه تكلف و ما تعطي النتائج المرقوبه


لو تحط اشياء افيد او انك تشد تيربو راح تحس بلفرق ..


و الله يوفقك .

[crx b16]

يا حبيبي

مكاين الفيتك مرررررررررررة جبارة

وبدام انك بتغير مكينة والخ000000000

غير شي تمام

عندك الفيتيك h22 مررررررررررررررة كول والشباب كلهم عليها

لو تقدر تركبها وتسوي التعديلات الا قلتعليها تسير الصني جبارة

[ابوشهد]

السلام عليكم
اولا حيا الله ابو فهيد بنسويلك ترحيب في استراحه المنتدي .
والله يا بو فهيد انا رايي اذا تبي قوه حليوه وبتكاليف معقوله خذ لك sr20det من الامارات مع الكمبيوتر والضفيره وريح بالك وبتعطيك حدود ال 250 حصان في المكينه يعني حدود 200 وشوي علي الكفر اتوقع مستوي لا يستهان به علي وزن سيارتك والتكلفه المفروض بحدود 3500-5500 ريال اذا لقيتها بس المشكله ماهي متوفره والله يوفقك

[mortally]

ان شاء الله الشباب افادوك

وبالتوفيق اخوي

[bashar_255]

محرك الـ SR20de من أفضل محركات الأربعة سلندر للتزويد و كانت أقوى سيارة 4 سلندر على ايامها بقوة 145 حصان على سيارة البريمرا و هي شبيهة الصني

الحاصل أن الـ 145 حصان تخليك تمشي مع المكسيما أول و ثاني .. فما بالك بالـ 250 اللي يتكلم عنها أبو شهد ؟

محرك التيربو نادر هنا و يسموه في القطيف RB اربعة سلندر :d

قيمته هنا في حدود الـ 3000-3500 مع الظفيرة

جيبها و بدل التيربو بتيربو زد ( و ترى تغيير التيربو لحاله ياخذ من وقتك 15 دقيقة ) و ان شاء الله نتايج طيبة :)

[@ ابـوفـهـيـد @]

اهلا اخوي المهندس
الهوندا اختلافها كلي عن النيسان لو تلاحظ كل شي بيصير بالعكس
يعني الانتيك بيصير على اليسار بدان ماهو على اليمين
غير كراسي المكينه والكهربا .. الخ من مشاكل

وماشفت احد سواها لا محلياً او خارجياً

اقول ترا محد شاف
انتر كولر معى البايبات
عطاس بلو اوف فالف
مانفولد وداون بايب 3 انش

مشكور اخوي المهندس على الاقتراح

<><><><><><><><>
اهلا اخوي سوبارو
الهوندا مشكلتها عويصه
وتحس بمشكلتها اذا ركبت الكام كل اسبوع وزن بلوف
الله يعينك
وانا ابغاها استعمال يومي
مالها داعي افتح الكبوت اكثر من اني افتح الباب
مشكور عزيزي على الرد
<><><><><><><><>
وعليكم السلام
هلا وغلا اخوي ابوشهد
تسلملي على الترحيب احرجتني والله

الاس ار الريد توب فيها 205 حصان << هذي المنتشره
البلاك توب << 215
الـ 2000 <<< 250 ونادر جداً جداً تحصلها
واعتقد لاختلاف بينهم الانتر كولر

صحيح التكلفه مفروض بهذا السعر لاكن لو تنزل السوق بتتغير التكلفه
هذا اذا حصلتها
والـ 250 حصان احس انها كفااايه
وبعدها تبدا بالسبنشن ونظام البريك

المشكله المكينه والقير لو يتوفرون يروح التعب

مشكور اخوي ابوشهد ومردوده انشالله
<><><><><><><>
اهلا اخوي مورتللي
ماقصرو والله
مشكور على الرد
<><><><><><><>
هلا وغلا اخوي بشار

ليش الـ 5 حصان ضايعه
صحيح على البراميرا وهذا اللي ادوره
بس عيبها كان ثقيله
صحيح بالقطيف قليل ماتحصله على عكس الهوندا
والله الاسعار على عكس ماسمعت
كلمت راعي ورشه وقال سعرها توصل الـ 9000 ريال
بعدها قطعت العلاقه بالقطيف

اللي ابغاه ابدله بتيربو الاربي 25 اداءه ممتاز
ممكن اقل من 15 دقيقه <<< وشفيه الثقه
النتايج توقعاتي بتكون على الـ 240 حصان
النتايج من ناس مجربين كانت على 280- 230 حصان
الربع ميل بـ 14 ثانيه
نتيجه مقبوله على لعب شوارع

وياليت تتأكدلي من السعر وهي متوفره بالقطيف معى القير

مشكور اخوي بشار على الرد

[$المهندس$]

يا خوك سعر المكينه قيمت كمارو Lt1 ولله لو تاخذلك راح يغنيك عن الصني :)



وله اشرايك

[@ ابـوفـهـيـد @]

هلا اخوي بشار مجنون اركبها بـ 9 الاف
وبيني وبينك ماحب الامريكي وماواطنه

والصني ماودي اغيرها لاني تقدر تقول عرفتلها يعني لابغيت شي
اقدر اضبطه بالبيت

يحليلها مجكنمه
مشكور على الرد

[bashar_255]

الله يصلحك يالمهندس حاط توقيع يشبهني و بلشتني مع الرجال :d

أخوي راجع الخاص :)

[mortally]

تركب مكينة

الدتسن


والله انا اشوفها قوية

[@ ابـوفـهـيـد @]

هلا اخوي بشار
معليش على الخطاء الاملائي
وصلت الرساله يعطيك العافيه


هلا اخوي مورتلي

والله ما ادري عن مكينه الدتسن
والله زينه ماعليها 160 حصان
بس ما ادري متوفر لها قطع او لا
والله اقتراح ممتاز بسوي سيرج على المكينه وبشوف القطع المتوره وبشوف تركب اولا

يعطيك العافيه

[$المهندس$]

انزين ابو فهد مكينت التون تيربو ما تركب علي سيارتك ؟؟؟ مع العلم 6 سلندر ..

يعني لو يركب سيارتك تطير من القوه و سعر المحرك مع التربوات رخيص و حق المكينه الكثير .

[bashar_255]

ويش هالتون تيربو الرخيص ذا ؟:d

هو مكينة الفوركام السنجل بذاك الحساب

بعدين اذا تتكلم عن الـ RB26 كثر منها رخيص و هذيك اذا بيركبها بيطلعها من الرفرف

و بعدين كلهم على بعضهم ما فيه وحدة فوق الـ 280 حصان

مكينة الـ SR20det 250 حصان و فرق الوزن و سهولة التركيب عندك

[$المهندس$]

انا اقصدك محرك الزد 300 تو سيت تون تيربو ... ولله جميل حيل حيل


السياره كامله بي 900 دينار مديل 90 ...

و الله يوفقك .

[@ ابـوفـهـيـد @]

هلا اخوي المهندس
المكينه اظن انها ماتركب
واذا ركبتها بالغصب بتتعدى الكفر
يعني واحد يشطفك احتمال تطير المكينه خخخخخخ

بعدين فيه مشكله اذا خربت وين القى قطع غيار واخلي السياره موقفه اسبوعين بالقليل
وخذ من المشاكل ماتبي
ومن يركبها
اذا اس ار للحين مالقيت احد يقدر يزقطها
معى العلم تنزل دايركت
بس يبيلها شويه خراطه على شان تصير 100%


الله يزينها الاربي 26
بس نفس الكلام للزد توين تيربو

الـ 26 280 حصان


الأس ار افضل حل
اخوي المهندس سمعت ان عندكم بالكويت البراميرا رخيصه
على كلام ولد خالي يقول محصلها بـ 300 دينار

احتمال يكوون كذا اوفر $

اخوي بشار
الأس ار ام 250 حصان ماتحصلها
اللي تجي بلاك توب 6 سرعات موديل 2000
اللي تحصله الريد توب 205 حصان
او البلاك توب قديم 220 حصان

ومشكورين

[$المهندس$]

ولله البرميرا رخص الاتراب ... مو مقدرينهاا :)


و محركاها قوي حيل حيل ... بس ما اعتقد انه لها اضافات او لغماات ...

بس سعره حلو و تلقاه نظيف حيل حيل 500 دينار و لو تروح عندنا في التشليح المحرك 100 دينار

اذا كذا اول بوااااجد .


و الله يوفقك .

[@ ابـوفـهـيـد @]

هلا اخوي المهندس
اللي سمعته انها رخيصه
وحسافه مارحت السكراب ولا دشيت الشويخ
يالله الجايات اكثر

اخوي البراميرا تحمل محرك Sr20de
نفسه تبع السيلفيا بس بدون تيربو

500 دينار =6250 ريال
والله السعر يابلاش

اللحين كمبيوتر القير الاوتو يركب على القير عادي ولا ماينفع

[$المهندس$]

ما اضن انه فيه مشكله لانه ما يحتلف بتاتاً في الجير عادي و التماتيك .