أرجوكم أبي وقفه منكم في تعديل موستنج

[هاوي التزويد]

السلام عليكم أخواني الأعضاء

حبايب قلبي أنا ناوي أعدل موستنج موديل 96 قير عادي وأبي الموتر أستعمله أستعمال يومي وقوي في نفس الوقت

وأبي أوصله من 550 إلى 600 حصان

وأبي أعرف وين المحلات ووين القطع وكم تكلف ولو تقريبي

وان شاءالله أنكم ماتخيبون ظني في هاذا الموقع


أخوكم:هاوي تزويد

[bashar_255]

وأبي أعرف وين المحلات ووين القطع وكم تكلف ولو تقريبي

أخوي انت حيرتني !!

هل انت تستفسر عن الأمور اللي ممكن تقدمها لك ورشة هشام الملا ؟؟

لأن هذا القسم يختص بورشته هو فقط

[هاوي التزويد]

أول شي شاكر لك أخوي بشار على ردك لي وأهتمامك في المواضيع

وإذا ورشة الأستاذ هشام الملا تقدر توصل السياره من 550 إلى 600 حصان

أنا ماعندي مانع بس أبي أعرف موقعها وكم تكلفني إذا كنت بوصلها إلى الدرجه هاذي


وأرجع أكرر شكري لك أخوي

[ابوشهد]

أول شي شاكر لك أخوي بشار على ردك لي وأهتمامك في المواضيع
وإذا ورشة الأستاذ هشام الملا تقدر توصل السياره من 550 إلى 600 حصان
أنا ماعندي مانع بس أبي أعرف موقعها وكم تكلفني إذا كنت بوصلها إلى الدرجه هاذي
وأرجع أكرر شكري لك أخوي
اخوي هاوي التزويد اعذرني لاننا مشغولين اليومين هذي بالبطوله .
يوم الاحد بسئل هشام عن سيارتك وانشاء الله نقدر نفيدك

[هاوي التزويد]

اخوي هاوي التزويد اعذرني لاننا مشغولين اليومين هذي بالبطوله .
يوم الاحد بسئل هشام عن سيارتك وانشاء الله نقدر نفيدك

هلابك أخوي ابوشهد ما أقول غير الله لايشغلكم عن طاعته ومعذور أخوي
وأنا بأنتظارك وبأنتظار رد الأستاذ هشام الملا

[ابوشهد]

تكلمت مع هشام وقال لي فيه عده طرق ممكن توصلك للرقم اللي في بالك .حياك الله عندنا وهشام بيشرحلك كل طريقه مع تكلفتها التقريبيه.

[هاوي التزويد]

ماعندي مانع أخوي ابوشهد أتشرف في مقابلت الأستاذ هشام الملا وفي مقابلتك طال عمرك

بس أنا موقعي في الرياض ربي يحفظك وأبي المبلغ التقريبي عشان أنزل ومعي السياره ومعي المبلغ

لأن والله ما أدري بضبط كم تكلف وانا ودي أخذ سلفه عشان كيذا ما أدري كم أخذ

وشاكر لك أخو قلبي على ردك والله توقعت أن محد يرد وأنا كل يوم أدخل أشيك على الموقع وكل يوم أكتشف فيه شي جديد وموفيد بارك الله فيكم

وأسف أخوقلبي على الأزعاج تحياتي لك

[bashar_255]

اسمحو لي على اللقافة بس حبيت أرد و اعطيكم أفكار :d

فيه طريقتين تجيب بهم 550-600 حصان على التاير في المديولر .. ما فيه طريقة رخيصة ولا كن هالرقم اللي تتكلم عنه مو هين ..

أولاً المحرك تبعك هذا تعبان .. يا تجيب لك محرك 99 و طالع .. يفضل أنه ما يكون 2001 لعيب فيه .. أو تجيب محرك كوبرا 96 و طالع..

محرك كوبرا ما بيتعبك كثر الجي تي و مو بذاك الغلا ..

المهم واحد من هالمكينتين و الطرق ممكن أقترح لك ..

سوبر شارجر .. تجيب لك فورتك S-trame و يبغي لك أكثر من 1 بار يعني 15-16 psi حاجة كذا ..

أو

تيربو مقاس 55إلى 60 ممكن يعطيك أكثر من 1 بار ..


طبعاً كل خيار له ميزانيته .. لاكن بشكل أساسي حط حوالي 15-18 ألف حق شب و قير و عكوس دفرنش و كارونة و فيول لاين

الخيار الثاني أنك تحول من مديولر إلى كلاسك .. تاخذ لك 351 ( فيه واحد معروض للبيع اذا بغيت ) ..

يعني ستروكر + روس و ثلاجة و كام محترمين = 550 حصان حلوين على كمبرشن 10 إلى 11

[هاوي التزويد]

الله يعطيك العافيه أخوي بشار والله ماقصرت

طيب أخو قلبي أنا معي تقريباً 20.000 ريال تتوقع تكفي ولا لا

وانا أنسان وأثق في كلامك وفي ورشة الأستاذ هشام الملا وأنا من أهل الرياض

يعني بوصل السياره للورشه وبعدها برجع الرياض مثل ما أنت عارف دوامات وقلق خلها على ربك

ويصير بيني وبين الأستاذ وبينكم تواصل عبر المنتدى والجوال

وأنتو إذا فيه أي أقتراح أنا حاظر لأني ما دخلت إلا طالب مساعدتكم

وأنا يا بشار أدور الي تكلفته أقل وشاكر ومقدر لكم والله بيضتو الوجه ربي يسلمكم

[bashar_255]

صحيح ما لي شغل لاكن .. بتليقف مرة ثانية :d

ما تجي ذي أخوي !!!

مشكلتك تبغي استخدام ومي يعني تعتمد عليها صح .. لو أنا مكانك و بغيت أعلى رقم بهالميزانية استخدام يومي أخذت سلندر 351 و وضبطته ببساتم فلات و روس و ثلاجة و كام و أركبه على نفس القير الموجود عندك.. هذي على حسب جودة القطع ... يعني بميزانيتك لو بغيت كل القطع جديدة بكرتونها بجيب 400 حصان على الأقل ..

[W351]

ملقوف :d

[ابوشهد]

اسمحو لي على اللقافة بس حبيت أرد و اعطيكم أفكار :d
فيه طريقتين تجيب بهم 550-600 حصان على التاير في المديولر .. ما فيه طريقة رخيصة ولا كن هالرقم اللي تتكلم عنه مو هين ..
أولاً المحرك تبعك هذا تعبان .. يا تجيب لك محرك 99 و طالع .. يفضل أنه ما يكون 2001 لعيب فيه .. أو تجيب محرك كوبرا 96 و طالع..
محرك كوبرا ما بيتعبك كثر الجي تي و مو بذاك الغلا ..
المهم واحد من هالمكينتين و الطرق ممكن أقترح لك ..
سوبر شارجر .. تجيب لك فورتك S-trame و يبغي لك أكثر من 1 بار يعني 15-16 psi حاجة كذا ..
أو
تيربو مقاس 55إلى 60 ممكن يعطيك أكثر من 1 بار ..
طبعاً كل خيار له ميزانيته .. لاكن بشكل أساسي حط حوالي 15-18 ألف حق شب و قير و عكوس دفرنش و كارونة و فيول لاين
الخيار الثاني أنك تحول من مديولر إلى كلاسك .. تاخذ لك 351 ( فيه واحد معروض للبيع اذا بغيت ) ..
يعني ستروكر + روس و ثلاجة و كام محترمين = 550 حصان حلوين على كمبرشن 10 إلى 11
كلام اخوي بشار صحيح وبشار من الناس اللي لهم خبرتهم بالفورد.
لاكن في حاله السوبر تشارجر راح تحتاج بساتم واذرعه وكام وبرمجه وهيدرز
ممكن توصل للباور اللي تبيه بستروكر وروس وكام وهيدرز وشوت غاز.
المشكله لو تبي 400 حصان سهله مجرد كت سوبر تشارجر بوست 8 ممكن يوصلك بتكلفه قليله بس الرقم اللي تبيه ما اتوقع توصله بالميزانيه اللي حددتها.

[هاوي التزويد]

السلام عليكم أخواني كلامكم على العين والراس

وأنا مقتنع في كلامكم ولا ما دخلت وسألتكم لأن لي فتره أتصفح المنتدى وأقراء كلامكم مشاءالله عليكم

طيب ممكن أعرف كم المبلغ التقريبي لو بوصله إلى 600 حصان

وأخوي ابو شهد
لو تبي 400 حصان سهله مجرد كت سوبر تشارجر بوست 8 ممكن يوصلك بتكلفه قليله بس الرقم اللي تبيه ما اتوقع توصله بالميزانيه اللي حددتها

أنا فكرت في كلامك حلو كلامك وأنت أحلى بس هم برضو كم تكلف تقريباً عشان أرسم وأكلمكم

عشان ممكن أحول لكم الفلوس حساب واحد منكم أو على حساب الأستاذ هشام الملا

وهاذا بعدين أن شاءالله راح نتفق عليه

وأنا أن شاءالله مزود مزود الموتر الله لايقرب شر وأن شاءالله بزوده وأنتو معي لأن أنتو أساتذتي