خبر محزن من حلبة جدة [الأرشيف]

bashar_255

08-10-2006, 11:44 PM

السلام عليكم و رحمة الله و بركاته

racing4e.com - حلبة جدة

في اتصال هاتفي لنا مع أخونا عليل الضماير نقل لنا خبر مؤسف جداً الا و هو حادث لسيارة هشام الملا السلكا في حلبة جدة على أرض المضمار أمس الأربعاء مساءاً في تجربة له لأول مرة فيه و ذلك كان استعداداً لظهوره الرسمي هناك اليوم .

أجتهاد شخصي مني يقول بأنه أرضية المضمار نفسها تلعب دور لأنه في التجارب السابقة لم يجرب أحد المضمار بإطارات سلكس تقريباً .

الشيء المفرح في الموضوع هو سلامة أخونا هشام و في الحديد ولا في العبيد

حالياً لا أستطيع تصور الأمر بوضوح و ان شاء الله عقب وصول اخونا عليل الضماير من السفر يزودنا بالتفاصيل

هشام من الناس اللي رفع راية البلد بدون ما يستنى اشارة من أحد و أنا أحزني جداً الي صار و ان شاء الله تكون بداية جديدة لموتر أقوى

تحياتي ،،،

bashar_255

08-11-2006, 01:25 AM

هذي صورة السلكا في حلبة البحرين

http://mj1.jeeran.com/photo36.jpg

$المهندس$

08-11-2006, 05:58 AM

خبر ما يسر لا صديق ولا عدو :mad: ...

و الحمد لله انه بخير .. وبحديد ولا فيه يا خوك ...

و هذي مشكله الحلبه من اول يوم ... المفروض يطلبون خبرات من بره ...

و هذا صار مثل ما صار في البحرين ... ولله مشكله كبيره .

بس الله كريم و الحمد لله علي السلامه ..

bashar_255

08-11-2006, 11:09 AM

حلبة اابحرين ما صارفيها حادث

الحلبة اللي صار فيها انقلابات بسبب ارضية هي حلبة أم القوين .. أذكر من سنة تقريباً كان فيه تست و خسرو حوالي 5-6 سيارات حسب ما سمعت

bashar_255

08-11-2006, 11:15 AM

نقلاً عن هشام الملا شخصياً في سعودي هوت وييلز

بسم الله الرحمن الرحيم .. قل لن يصيبنا الا ماكتب الله لنا ..

أولا أحب أن اشكر كل من واساني بأتصال أو برد في هذا الموضوع وأقول لهم

جزاكم الله الف خير والله لايريكم مكروه ..

الحادث كان نوعا ما مروع وفي أقل من ثانية حدث كل شئ..

هذا النوع من السباقات متوقع في أي لحظة خروج السيارة عن السيطرة

لظروف عديدة من ظمنها ( المضمار - الجو - حالة السيارة - حالة السائق .. الخ )

اللي حصل معي من نقطة الأنطلاق انحرفت السيارة الى اليمين قليلا وتم

السيطرة عليها وأعادتها للمضمار مرة ثانية .. وبعد أن عادت الى المضمار

وأستقرت بشكل مستقيم عاودت بالضغط عليها مره أخرى فأنطلقت السيارة

أنطلاقتها المعتادة وكان الأطار الأمامي الأيسر أرتفع عن الأرض من ما أوحى لي

أن السيارة في أحسن حالات ثباتها .. ( بدون تفحيط ) انتقلت السيارة من

السرعة الأولى الى الثانية .. وكانت سرعة المحرك 5800 rpm وبشكل فجائي

وصلت سرعة المحرك الى 8000 rpm .. مما يعني ان التراكشن قل بشكل

مفاجأ (( تفحيط )) فخروج عن السيطرة وارتفاع السيارة من الخلف وانقلابها

في نفس الوقت والمسار.. بعد انقلابها استقرت على السقف وبدأت تزحف على

السقف ( التنده ) متجهة الى الحاجز وأرتطمت بقوه فيه من المقدمة .. الى

ان وقفت في الـ300 متر من الربع ميل في وضع انقلاب .. اوصفلكم هذه التجربة

اللتي لم اعلم وقتها ماذا حدث فهي حدثت في أجزاء من الثانية ولكن راجعت

التصوير وكان واضحا يحكي ماحصل .. وسوف ازود المنتدى قريبا بتصوير واضح

كما نعلم انه قدر مكتوب سواء كان في جده او غيرها .. وهذا شئ متوقع منذ

زمن بعيد ولا اعتقد اي شخص خاض سباقات بعدد اللتي خضتها لم يتعرض لهذه

التجربة .. مع تمنياتي للجميع بالسلامة والله يستر عليهم من كل شر في

هذه الرياضة .. والحمدلله أن جميع محركات السيارة وألكترونياتها سليمة 100%

وتم تشغيل السيارة بعد الحادث ..

سوف يحصل شئ من امرين :

- ذهابي للولايات المتحدة في الفترة القادمة لأحضار سيارة من فئتها .

أو

- الخروج من هذة الفئة وتعديل سيارة سوبر ستريت لاتكن بعيدة عن افضل

رقم حققته .. وجزاكم الله خير الجزاء

crx b16

08-11-2006, 03:47 PM

انا سمعت عن الحادث الا حصل للبطل يوم الاربعاء

وطلعت الخميس في انتظار البطل والتاكد من الخبر

لاكن سمعت المعلق يقول انو سار حادث علي البطل

واعتزر عن الحظور بسيارتة

وانشاء اللة الجيات اكثر من الرحات

عليل الضماير

08-12-2006, 02:10 AM

في يوم الأربعاء الموافق التاسع من اغسطس 2006 .. دخل هشام الملا

مضمار السباق في جدة لتجربة سيارته استعدادا للجولة الرسمية يوم الخميس

وشائت الأقدار ان يكون هشام في موعد مع حادث .. والحمدلله ان هشام نجا

من الحادث وكان خروجه من السيارة سريع جدا .. وأقفل قاطع الكهرباء

الاساسي فيها .. وحمدنا الله ذلك اليوم بنجاة هشام من الحادث وتلقينا

الأتصالات من اصدقاء هشام في ارجاء الخليج العربي للأطمئنان على سلامته

اتمنى ان نرى هشام ينازل في ساحة سباقات الربع ميل مرة أخرى وبمستوى

افضل من السابق .. تحياتي للجميع

ملاحظة .. الفيديو في الملف المرفق بصيغة Mp4

وبصفتي مرافق لهشام في جميع مشاركاته في الشيفل والسليكا ..

أولا الحمدلله على سلامة ابو محمد .. ومايشوف شر ان شاء الله

ثانيا الحادث قضاء وقدر .. والحادث له سبب وسببه سخيف جدا اكتشفناه بعد مازرنا النادي بعد الحادث ..

وجدنا انه في هويه في المسار الأيسر .. خطأ لايمكن السكوت عليه .. والله يعوض هشام

bashar_255

08-12-2006, 02:42 AM

انا لله

ما لحق يتهنى حتى بالبوية الجديدة

بسوي حالي ما فهمتك

وجدنا انه في هويه في المسار الأيسر .. خطأ لايمكن السكوت عليه ..

هل تعني أنه في جزئ من الحلبة غير مستوي يعني منخفض لو شي ؟

طب اذا كان الخطأ من الحلبة كان من الأولى تطالبوهم و لو بخطاب خلال هالأيام قبل ما تبرد السالفة ، اذا مو لكم بس عشان المتسابقين الآخرين في المستقبل ممكن يغلطو بشي أكبر بعد كذا و يتجبرتو علينا ( رأي شخصي )

Red Chevy

08-12-2006, 04:00 AM

الحمدلله على سلامة هشام

في الحديد ولا فيه ولا يستاهل الي صار ابو محمد

والحمدلله انه طلع منها

$المهندس$

08-12-2006, 04:56 AM

المفروض تكلمون الادراه مثل ما قال بشار حفاظ علي ارواح اخوانه البقيه الي يبون يجربون ...

و الله يعنكم ...

mortally

08-12-2006, 06:31 AM

مايشوف شر هشام

ومشكور اخوي بشار على اهتمامك

عليل الضماير

08-12-2006, 01:56 PM

كلمنا الأدارة أخوي بشار .. ننتظر منهم التفاعل .. والله يستر .. 99.9 % من السيارات المشاركة ستريت

وزي منت عارف السيارات الستريت مايهمها هويه او منخفض بسيط .. بس مثل سيارة هشام الله يذكرها بالخير

وزن خفيف وسبول في الدفرنش اكيد بيهمها .. وبيقلبها أذا لزم الأمر :(

bashar_255

08-12-2006, 05:14 PM

الله يستر

الموضوع ممكن يأثر مع غيرها لأني سمعت عن سيارات كثيرة فقدت تحكمها في الحلبة ذي

هذا معناته اذ ما عدلو الترك احتمال راح علينا حلم الحلبة الا للسيارات اللي تجيب فوق الـ 12-13

انا بعمل اتصال لصديقي هناك و بشوف اذا كان حصل فقد تحكم على نفس المسار لأنه مثل ما قلت لك هذا الشي يتعلق بسلامة الكل

تحياتي ،،،

$المهندس$

08-12-2006, 07:52 PM

انا اعتقد اني قرأءه انه المضمار يستوعب 11 ثانيه فقط .. يعني ستريت فقط و ما تقدر فئه ثانيه تشارك ...

و سياره هشام يمكن تتعدي ال 8 ثواني ... يعني هذي مشكله كبيره ... و ما يصير حلبه بس ستريت .. !!

و يمكن الميزانيه ضعيفه و ناطرين علي شان يقونها .. والله كريم .

bashar_255

08-12-2006, 09:50 PM

هم قالو 11 ثانية عشان البريكات

لا تتوقع كل السيارات بريكاتها تمام هذا اول شي

ثاني شي ما كنو يعنو انها عشان نوعية التراك و وزنته

هذي مشكلة عويصة

$المهندس$

08-12-2006, 10:46 PM

انشاء الله تحل المشكله ..

و حتي البريك يعني لو هشام انطلق شنو الي راح يوقفه عند خط النهايه بس 300 ؟؟

bashar_255

08-12-2006, 10:59 PM

لأنه كان مقرر له يقوم 200 متر

يعني بريك مسافة 500 متر

$المهندس$

08-13-2006, 12:46 AM

اهاااا ..

يلله الله يعوض انشاء الله المفروض النادي تعوضه ...

الله يوفقه و يوفقنا ..

monte carlo ss

08-13-2006, 09:30 AM

اوه الفيديو يخوف الحمد لله على سلاااااامته

Magic_Lx

08-13-2006, 05:16 PM

السلام عليكم

اولاً الحمد لله على سلامة اخونا هشام وخطاه السوء في الحديد ولا في العبيد واللي جابها يجيب احسن منها

وهذا قضاء وقدر ولا اعتراض على ذلك

لكن لكل شي اسباب

وصراحة اقدر اقول انها بدايه سيئه لمضمار كنا بأنتظاره من سنين طويله ..هذا اللي يقولون عنه ((صام صام وفطر على بصله))

يعني يكفي ان الرجال قبل الدعوه وتعنى وطق مشوار 17 ساعه في الطريق عشان يمتع انظارهم بمستوى (اقوى سياره في المملكه) وفي الاخير حتى كلمة ((تعويض)) ماجات على الطاري

بالعربي الفصيح اذا انا بجلس اخسر واحط على نفسي ديون وفي الاخير اشارك في مضمار فيه مشكله في الترك وتؤدي الى حوادث خطيره ولا احد راح يعوضني اجل احرم نفسي من المشاركه احسن لي

انا بالنسبه لي كنت متعطش جداً للمشاركه في مضمار جده علماً بأنها راح تكون اول مشاركه لي رسمياً في النادي وكنت ابيها تكون في دولتنا الحبيبه ...لكن بعد اللي صار احس ان النفس طابت وصرفت النظر عن المشاركه في اول بطوله

اقتراح بسيط : لو يحطون تحويله عند منطقة الخطر اصرف لهم ...على الاقل المتسابقين يقدرون يتفادون (الهويه) بتخفيف السرعه وبعدين يكمل السباق طبيعي ولا كأنه صار شي

وثاني شي بالنسبه لنهاية المسافه صراحه 300 متر جداً قليله وماتكفي حتى على هايلوكس معدل الروس ومركب هيدرز ودبات فلوماستر

هذا معناه ان حتى اخواننا الخليجيين ماراح يشاركون والسبب قصر المسافه ......ولايخفى عليكم مواتر الـ6 ثواني بدت تزيد

عموماً نتمنى من ادارة النادي النظر في الموضوع

وبالتوفيق للجميع

$المهندس$

08-13-2006, 07:51 PM

اخوي لا تنسي بلبدايه لازم تكون مشاكل و يوجد سوئ تخطيط الصراحه ...

بس مو مشكله تفائلو بخير تجدوه :)

ولله كان ودي اشرايك بس ناطر اجهز سيارتي و انشاء الله تتعدل ...

lx.gt

08-14-2006, 02:04 PM

حمدا الله علي سلامته بس الحديد يروح ويجي

al-nawrss

08-15-2006, 03:55 PM

الحمد لله على سلامة اخوي هشام
الحديد يتعوض اهم شي سلامتك

BAssAM ss

08-26-2006, 02:07 PM

الصراحة شئ محزن

لكن الحمد لله علىسلامة هشام

وفي الحديد ولا فيــــــــــــــــــــــــه

لكن هل أكيد إنه العيب من المسار . . .. ؟؟؟ وفيه هاوية ؟؟؟؟

أكيد الكلام هذا . . .. .

فيه سيارات كثير عليها سلكات جات ونزلت السباق ماصار شئ ؟

وعالعموم شئ يقهر والله .

bashar_255

08-26-2006, 02:45 PM

هو بتصوير الكميرة طالع سئ فما بالك بالواقع ؟؟؟

http://racing4e.com/data/media/81/SA702516.JPG

بو العابد

08-26-2006, 04:57 PM

ياريت انها قريبه اشوي على الأقل نروح نشوفها على الطبيعه

AL ANKAGEH

08-27-2006, 05:16 PM

انشا معوض خير وانشالله ترفع روسنا يا رب
والى الامام وحنا داعمينك

BAssAM ss

08-29-2006, 10:25 AM

بشار

الواحد يتحمد ربه إنه صار شئ زي هذا عندنا هنا في بلدنا !!!!

ومافي شئ يجي متقن وخالي من الأغلاط من أول مرة , ويكفي حلبة البحرين والمشاكل اللي فيها لين زبطت وجاء العريان بالكومارو حقه وجاب 6 ثواني وشوية . !!!

إن شاء الله يتعدل المضمار ويصير 100 %

وأنا أشوف إنه سيارات السوبر برو قليلة جدا ونادرة ( مافي إلا هشام بسسسسس ) في المملكة كلها

وأظن إنه المجال مفتوح لبقية الفئات من الستوك ستريت لين فئة الأوت لو . . . ..

يعني ورونا الإبداعات لين التسع ثواني

لين يتعدل المضمار يحلها ربك

عزيزي بوالعابد

المشوار بسيط

شد حيلك وتعال :d

bashar_255

08-29-2006, 12:35 PM

ويش هالأوت لو اللي حده 9 ثواني ؟؟
و من جاب 9 ثواني اصلاً للحين ولا حتى سوبر ستريت جابه مع انه كان يقدر
حلبة البحرين صار فيها حادث لفريق الـ DHL الكويتي و للعلم انا ما اذكر حادث غيره و كان الخطأ منه
اللي حصل أنهم عوضوه و هو كويتي مو بحريني ، اما هنا سعودي مدعو الى حلبة سعودية لكي "يدعس" فيها و يقولو له كان المفروض ما يدعس من الأساس !!!
يعني هالمسافة ذي عشان يجلس على المدرج لو كيف ؟؟؟
التراك هذا شغل 3 هنود خلصوه في يوم و المفروض يعترفو بخطأهم اما هذا النوع من التصريحات فهي تصريحات طفولية
هذا التقسيم المفروض أن حلبة البحرين وافقت عليه مرتب من الصغير للكبير و مكان أخوي هشام باللون الأحمر اذا ما كنت غلطان ( فئات النياسين هذي غلط اساساً لاكنه واقع لازم نقبل فيه )

STREET
Street front wheel drive 4-5-6 cyl
Street rear wheel drive 4-6 cyl
Street rear wheel drive 8+cyl
SUPER STREET
Super street front wheel drive 4-5-6 cyl
Super street rear wheel drive(+4cyl AWD) 4-5-6 cyl
Super street rear wheel drive(V8+)-6 cyl all wheel
OUTLAW
Outlaw 10.5 front wheel drive 4-6 cyl
Outlaw 10.5 rear wheel drive (+4 cyl AWD) 4-5-6 cyl
Outlaw 10.5 rear wheel drive (+8 cyl )
NISSAN GTR
NISSAN PATROL (4WD) 6 CYL.
PRO
PRO 7.499
PROMOD

و لا تنسى أن سيارات الـ6 ثواني في زيادة هذي الأيام و 300 متر تخفيف حدها تكفي الستريت اما الفئات الثانية فهذي مسافة ضرب بريك فجائي يعني تلحق لو ما تلحق

ابوشهد

08-29-2006, 04:04 PM

السلام عليكم
ومافي شئ يجي متقن وخالي من الأغلاط من أول مرة
من اللي يقول هذا كلام فاضي يعني اذا مات 5 قلنا يله نصلحها لا يخوي اسمح لي هذا كلام فاضي اللي يقول انه دفع 30 مليون اقول علي ايش انصرفت هذي حلبه تكلفتها 30 الف:mad: ما سمعناهم تكلمو عن الشركه العالميه المتخصصه بالمجال هذا ولا بالخبراء اللي جابوهم يراقبون الشغل اقصد خبراء امريكان او اوربيين او علي الاقل جيبو الناس اللي عندهم خبره من الكويت والامارات والبحرين عشان يمشي الحال مع اني ما اظنهم يكفون (عطو الخبز خبازه) لو بنفتح مصنع ادويه نقول ميخالف الشباب جدد علي المجال وقاعدين يتعلون تحملو يا ناس البندول يسكر وامضاد الحيوي يجيب سهال!!!!!!! ولا انا غلطان .
في اي مجال يترتب الشغل صح ويوخذ راي اهل الخبره وتشتري خبرتهم باي مبلغ نقدر ننتج اما تجيب لي شباب ما يعرفون يصخنون الكفرات ونقول لهم يله رقابنا بيديكم :confused: :confused: ما اقول الا هذي مسخره
عموما اللي فات ممكن يموت بس المهم انهم اول شي يعوضون هشام الملا بطلنا السعودي ويجيبون خبراء ويصلحون الحلبه علي المقاييس والجوده المطلوبه بحيث تصير علي مستوي عالمي واذا ما يبون في حل ثالث
حولوها ساحه تفحيط

bashar_255

08-29-2006, 05:11 PM

اعتقد أبو شهد وضح وجهة نظري بطريقة ثانية :d

و عشان ابين لك حسن الظن فيني انا حطيتها على تصريحات الإدارة و عمل المقاول انا ما حطيتها 100% على الحلبة مع انه المفروض انهم يتحملو الموضوع

BAssAM ss

08-30-2006, 05:57 PM

السلام عليكم
ومافي شئ يجي متقن وخالي من الأغلاط من أول مرة
من اللي يقول هذا كلام فاضي يعني اذا مات 5 قلنا يله نصلحها لا يخوي اسمح لي هذا كلام فاضي

من المحزن أن تكون إدارة منتدى تعامل وتخاطب أعضائهــا الجدد بإسلوب سئ ومهين كهذا .

اعتقد أبو شهد وضح وجهة نظري بطريقة ثانية :d

فعلا . . . ..

طريقة رائعـــــــــــــــــــــــة .

عليل الضماير

08-31-2006, 03:42 AM

قال ايش قال نادي .. أنا أصلا من شفت السيارات المشاركة غسلت يدي .. كورولا .. كامري .. ياجماعة حتى

الدوج M300 الدفع الأمامي مشاركين فيه .. مدري وش يبون بالضبط :(

Magic_Lx

08-31-2006, 06:29 AM

تتوقعون لو وليد السوداني يشارك بـ(الكرونا) بيحقق مستوى يبيض الوجه بين المواتر المشاركه ؟؟ :d

وخاصه بأن وزنية الفور لنك بتكون تحت اشراف (لياكت) احد كبار مهندسين شركة شاسيز انجنيرنق في محافظة رحيمه :d

وهل راح يمديه يوقف النفاذه اقصد الكارونا بعد اجتياز ال400 متر ؟؟ وخاصه ان المسافه لاتكفي لمحركات الـ3 سلندر ونصف (نص بلف قافل في الكارونا) :d

بو شهد : حتى ساحة تفحيط ماتصلح >>>>>>>>>>>> في نهاية الدوري راح يوزعون بدل الجوائز مخالفات وحجز للمراكز الاولى :d

ماقول الا الله يخلي البحرين وبس ...........والباقي خس

واذا حبيت تطق مشوار طق مشوار على سنع وروح الامارات
وسع صدرك هناك ومضمار يحبه قلبك وجوائز تبيض الوجه >>>>>>(مو تبيض تندة السياره) :d

ابوشهد

08-31-2006, 08:09 AM

عاشق_موستنج2002

08-31-2006, 08:30 AM

مين هذا الي قال ينفع ساحة تفحيط؟؟

هذا ينفع حق سباق الجري الخيري وسباق سياكل هنود مزودة

الحين من جدهم هذي يسمونها حلبة لا خبرة لا مهندس زي الناس

واكثر شي قاهرني انهم قالو لو ما دعس كان ما انقلب

جاي شيسوي يعني يسمعهم صوت الماكينة؟؟

bashar_255

08-31-2006, 11:01 AM

هذا الحادث و لو سمعت كلام فريق مكدونلدز الكويتي عن وصفهم للحلبة كان غيرت رايك يا بسام

http://www.racing4e.com/img2053.html

انا فتحت المنتدى عشان أكسب أخوان ما اخسرهم و لو أنا المنتدى شي يخصني وحدى كان قلت لك اقفله لعيونك الآن

انت عارفني و عارف اسلوبي

هذا المنتدى لكم قبل ما يكون لي و انا ما اشكل 20% من المنتدى حتى

هشام الملا

09-01-2006, 06:24 AM

الله يهديك يا ابو شهد ماشوفك غلطان ليه تبرر

بعدين ماحد اهان احد الكلام عن شارع ومضمار بشكل عام

واذا كان الأخ يقول الجماعه جدد من حقه وهذى واقع والكل يدري

والسلكا ما راحت جده عشان نجربها ونشوف عيوبها (والعكس صحيح)

السلكا بينت عيوب الشارع وهذي فايده للكل

هل الشخص الي يقول يمكن العيب من السياره يفهم ان السياره وقتها في الـLaw7

يعني تجهيزها احسن تجهيز ولا ماتجيب الوقت هذا

معقوله تنقلب وهي بدون غاز:confused:

مع العلم ان اخر تجربه للسياره في مضمار البحرين (الدولي)

كان وقتها 7.7 بستيج غاز واحد وبعدها ماحصل اي تعديل على السياره

غير غسيل وشحن على جده

استغرب كيف الناس تقارن السليكا بسيارات 10 ثواني

لوفيه مقارنه بينهم كان ماشحنتها لجده والله اروح فيها سواقه :)

لكن الموسم القادم يكون خير وبحط النقط على الحروف

وشباب الشرقيه ابطال من زمان وحنا ناس هاوين نشتغل بعقولنا مش بفلوسنا;)

عاشق_موستنج2002

09-01-2006, 06:50 AM

ان شاء الله تتعوض

بس لو تروح فيها سواقة مو كانه بتوصل اسرع

RoYaLe

09-01-2006, 07:13 AM

شباب
انا رحت وجربت
مع اني ما كنت ابعطي راي وانا لسه ماجربت لكن بعد ماشفت وجربت حاجة تخجل من جد
اللي يقهرك اول شي انه هناك في شي اسمه vip يقدر لو يبغى ياكل عليك الجو
وانتا يال ضعيف او اللي دافع حق اليوم بس مالك شي (( وانا على بالي انه الكل سوا في منطقة المتسابقين وحقوقنا وحده ))
كل واحد منهم جاي بسيارتين ولا ثلاث وقاعد ماسك السباقات
وياليت على كذا
انا كنت قاعد انتظر الدور لين ماجاني ويوم جا دوري
قالولي انتظر بعد في ال vip مايخلصون لانهم الحين طلبوا
طيب وانا ايش ذنبي ملطوع نص ساعة واكثر كمان وقاعد انتظر ويجي واحد ياخذها بارده مبرده
ليش يقولون تعالوا وادفعوا 100 ريال ووقت من الساعة 9 الين الساعة 2 مقدر اتقاوم الا مرتين بس وبالقوة
وكله ماشاء الله محتكر للvip اذا كان على كذا اقدر اسميه انه للنخبة من الناس مو للكل
وياليت على شي يستاهل والله الخط كاني في ديسكو قاعد ارقص ولو اروح خط الملك ولا القاعده احسن منه مليون مرة
هذا غير البريك اللي انا سيارتي لومينا 8 سلندر ستاندر وبالقوة مسكت معايه
اجل لو سيارة اقوى مني بكثــــــــــــــــــــــ ـير كيف بتوقف ؟؟؟؟؟؟؟؟؟؟
اعذروني شباب لكن والله حسيت بالقهر من جد
وابفضفض شوية
تحياتي

ابوشهد

09-01-2006, 07:38 AM

فضفض يا خوي هذي ديرتنا ولازم نحقق احلامنا وكلامك صحيح واتمني اننا نحصل علي رد من احد من المسؤلين بالحلبه انا متاكد انهم يسمعون ويقرون اللي كل المنتديات تكتبه وللحين ما فيه رد!!!!!!! شي غريب
طيب ياخوي ياليت توضح لنا اكثر عن ملاحظاتك عن المضمار .

RoYaLe

09-01-2006, 07:58 AM

والله يابو شهد
اشكيلك ولا ابكيلك
تشوفه من برا تقول ياسلام ايوة كذا من زمان سوها
لاكن
المهم والاساس اللي هو خط السباق كانك راكب طيارة وجاتك فجاة مطب هوائي وقعدت تنقز محلك
ولا مكان البريك لازم اهدي قبل الساعة ولا لازم اضغط الفرمل كله عشان اهدي يعني حوسه هذا وانا ستاندر لومعدل او سيارة اقوى مني ومو مهتم بانظمة المكابح وش بيصير لازم ننتظر مآساة عشان نتعلم
هذا اللي قاهرني
مهتمين بالمظهر والمهم تاركينه
تخيل صار حادث على بويك اظن الدفرنس انفك والكفر طار
ماعندهم ونش يشيلونه وقعدوا اكثر من سااعة عشان يطلعونه
ياناااااااااااس يا عاااااااالم معقولة كذا
هذا من جهة
الجهة الثانية
انك انت تدخل وتطلب تسابق وتقعد تنتظر دورك ويجي واحد يسمونه vip وياخذ دور من يوم مايتكلم ويقول ابغى انزل
وانت اجلس على جنب
لــــــــــــــــــــــــــــــــــــــــــــ ـــيه يا ناس ؟؟؟
ليش ادفع على كذا ويجي واحد يا خذ دوري من يوم ماياشر باصباعه
مو المفروض نكون في المنطقه سوا والانظمة تتطيق على الكل
هيا تصدق انه يوم الربوع محد جاهم عشان يتسابق حتى انهم قعدوا يترجون في الجماهير وقالولهم اللي بينزل بسيارته ينزل من دون رسوم وحتى اني وصيت واحد يسجل اسمي ((يعني ما كنت فيه اصلا وليش اروح عشان اتفرج على كوريلا ولا فان رينو يتسابقون هزلت والله ))
وهذا اللي خلاني اخذ فرصتي واجرب ولا كان مارحت من اصلوا
وياليت جربت على حاجة حلوة
الا طلعت واقول ماني راجع مرة ثانية
الله يخلي خط المنار وخط القاعدة ووو غيره اللي احسن مليون مرة
والله قهر

BAssAM ss

09-01-2006, 05:01 PM

السلام عليكم
من المحزن أن تكون إدارة منتدى تعامل وتخاطب أعضائهــا الجدد بإسلوب سئ ومهين كهذا .
يا اخ BAssAM ss انا ما عاملتك او خاطبتك باسلوب مهين واذا فهمت كذا فاعذرني وتاكد اني ما اعتبر جميع الاعضاء الا اخواني.
الموضوع يا اخ بسام يقهر ولازم نقابله بحزم وجديه حتي لو ما نقدر نسوي شي رسمي علي الاقل نوضح اننا ما حنا راضين بالوضع.
المشكله اننا نبيهم يصلحون امورهم ويعترفون بالخطاء ,,,,, اكبر مصبيه في الدنيا لما شخص يرفض الاعتراف بالخطاء ويستمر يتمادي ,,,, والمشكله الثانيه اننا بين نارين ما نبي نشتكي ونكبر الامر لانه ممكن يدمر احلامنا ويتكنسل موضوع نوادي السيارات بالسعوديه وهذي مصيبه والنار الثانيه انه لو سكتنا وصارت مصيبه (حادث) وفيه وفاه لاقدر الله انا متاكد انه من بكرا بتصدر فتوي او امر وبتقفل النادي وننسي اننا نحلم بوجود نادي .
بعدين يا بسام اذا ما شفت حادث هشام ياليت تحاول تحصل علي الفيديو الحادث ما كان سهل ولو هشام كان بسياره عاديه كان ممكن انه انصاب وتعور لا قدر الله .

ماصار إلا كل خير عزيزي أبو شهد , وفعلا كلنا أخوان ومابيننا شئ .
ومشكلة المضمار هاذي لازم يكون لها حل , وحل سريع كمان .
والسؤال هنا إيش قالوا لما قلتولهم على المشكلة ؟
وإنه سيارة هشام انقلبت بسبب سؤ في تصميم المضمار

هذا الحادث و لو سمعت كلام فريق مكدونلدز الكويتي عن وصفهم للحلبة كان غيرت رايك يا بسام

http://www.racing4e.com/img2053.html

انا فتحت المنتدى عشان أكسب أخوان ما اخسرهم و لو أنا المنتدى شي يخصني وحدى كان قلت لك اقفله لعيونك الآن

انت عارفني و عارف اسلوبي

هذا المنتدى لكم قبل ما يكون لي و انا ما اشكل 20% من المنتدى حتى

الله يخليك يابشار لنا ومايحرمنا منك
وكلنا أخوان ومابيننا شئ
:d ومايحتاج تقفل المنتدى الله يهداك , توه فااااااااتح :d

وفريق مكدونلدز وش قالوا عن الحلبة ؟

bashar_255

09-01-2006, 06:58 PM

هذا كلام واحد منهم في منتدى سعودي هوت وييلز رداً على الصور و الفيديو

المشكله كبيره
حتى لو فرضنى انه الحفره موجوده لكن المضمار يحتاج الربل
والمضمار جديد مو بين فيه الربل الصادر عن السيارات ولو لاحظنه انه كان فى (شيك تاير )من لحظة الانطلاق هذا سببه الكونكريت مو بمستوه واحد (مموج)
الى يسمونه بامبيج وهذى الشغله تخلى السياره ترتفع وتنزل من الخلف وخفف وزنها وراح تشبع السياره من التشفيط بشكل عام مضمار على مستوى راقى
لكن تنقص بعض العاملين عليه من الخبره حتى يتفادون هذا الغلط الفادح الموجود بالكونكريت المفروض ماتتجرب سياره بهذى القوه على هذا المضمار
وسلامات يا بومحمد وانشاء الله نشوفك بسياره اقوى وبمستوى ارقى نفتخر فيه
بالخليج

اخوك بورو جونير
MC donald's racing
MRTeam

http://www.geocities.com/hatem_ksa/SA702513.JPG

http://www.geocities.com/hatem_ksa/SA702514.JPG

$المهندس$

09-02-2006, 04:01 AM

لا حول لا قوه الي بلله

الله كريم ... :(

Black Arrow

09-02-2006, 05:19 PM

سمعوني زين...من ناحية خبرتي في شوارع الأحساء....

أرجح انو الإتصالات أو شركه الكهرباء...واحدة منهم او ثنتينهم...هم الوحيدين في العالم اللي يشوفون شارع جديد ما خذ نص ساعة راحو يحفرون فيه...لازم يتركون بصمتهم في كل مكان...:p

الحمدلله على سلامة الأخر هشام....وأهم حاجة انه طلع سالم....أما السيارة...فالرجال قدها...يقدر يرجعها زي أول وأحسن بعد....

انا الحين احمد ربي...كنت افكر فيه تفرقة بين شوارع الأحساء وشوارع بقية المدن...بس لما شفت هالصورة خلاص اقتنعت بمبدأ المساواة بين جميع الشوارع ابتداءا من شوارع >> عفوا القبور اللي يم بيتنا وإنتهاءا بالقبور حقت الدراج ريس....