الفرق في قياس الثروتل بودي

[فراغ العاطفة]

السلام عليكم ورحمة الله وبركاته
كيف الحال شباب
هذه اول مشاركة لي وان شاء الله استفيد وافيد

بس حبيت اعرف في شو تفرق قياسات الثروتل بودي
مثلا الموستنج 5.0 اظن قياس الثروتل الوكالة 60mm مش متاكد:d
لكن شفت اكثر من برجكت وكل اللي مركبين الثروتل بودي من شركة bbk وكل بروجكت اشوف فيه حجم الثروتل مختلف
يعني مرة 70 ومرة 75 واللي مركب 65
كيف نختار القياس الصحيح او كل ما كان اكبر كان افضل :confused:

[ابـــوتـــركـــي]

فيه اكثر من شركه وشركات كثيره

وعن الافضل شي طبيعي الاكبر افضل لكن يعتمد على شغلك ممكن تركب ثروتل بدي كبير بس الانتيك وكاله !

[فراغ العاطفة]

مشكور ابوك تركي بس اكيد لو غيرنا الانتيك بيكون الشغل افضل

[ابـــوتـــركـــي]

اكيد تركب انتيك على مقاس الثروتل اللى انت جايبه بيعطيك الاداء المطلوب .
لكن احيانا في انتيكات تتحمل لبعض السيارات مثل الجمس الفورتك انتيكه يتحمل عادي ويركبون عليها تيربوات ويوصلون فيه لبوستات عاليه .

عموما الثروتل لحاله مهب مأثر كثر ماتهتم اول شي في الانتيك ثم الثروتل ومعه الساعه .

[فراغ العاطفة]

مشكور اخوي ابوتركي وصلت المعلومة

[VTEC inside]

فيه اكثر من شركه وشركات كثيره
وعن الافضل شي طبيعي الاكبر افضل لكن يعتمد على شغلك ممكن تركب ثروتل بدي كبير بس الانتيك وكاله !

كلامك صح بس مو دائماً

يعني اذا الموتر فيه تربوجارجر مثلاً لو غيرت الثروتل بدي الى مقاس اكبر راح تلاحظ فرق في الداينو شارت

طيب اذا ما عليه الموتر شي؟ راح تلاحظ فارق يكاد لا يذكر

طيب لو ركبت ثروتل بدي كبير جداً؟ راح تقل القوة لأنه الـVelcity هق الهوا يصير اقل و بالتالي اندفاع الهوا يكون ابطأ

الرابط هذا يوضح لك على مكينة انتيجرا GSR كيف لما حطوا ثروتل مقاسه 62 و واحد ثاني مقاسه 68
http://www.importreview.com/reviews/TB62vs68.html

طبعا معروف عند اصحاب الهوندا لما تركب 70ملم راح تطيح قوة السيارة

[ابـــوتـــركـــي]

طبعا معروف عند اصحاب الهوندا

للاسف والله منيب افهم في الهوندا او الياباني عموما كان كلامي على الامريكي بناء على معلومات العضو بالسياره وهي الموستنج وقست عليها بالامريكي .

شاكرلك على هالمعلومات

[VTEC inside]

اهلاً اخوي ابو تركي
بس احب اوضح انه القوانين الفيزيائية نفسها يعني اكيد لما يوصل حجم الثروتل الى مقاس معين راح لزوجة الهوا تقل و اذا قلت اللزوجة قلت سرعة تدفقه
هذي الفكرة الي حبيت اوصلها و من خلالها حطيت رابط الداينو مال الأنتيجرا
لا تفهمني غلط :)

[$المهندس$]

اهلاً اخوي ابو تركي
بس احب اوضح انه القوانين الفيزيائية نفسها يعني اكيد لما يوصل حجم الثروتل الى مقاس معين راح لزوجة الهوا تقل و اذا قلت اللزوجة قلت سرعة تدفقه
هذي الفكرة الي حبيت اوصلها و من خلالها حطيت رابط الداينو مال الأنتيجرا
لا تفهمني غلط :)



لزوجه الهواء ؟ ممكن توضيح اكثر ؟؟ :confused:

[bashar_255]

لولا كثافة الهواء كان احنا ننطلق بسرعة الرصاصة و كل ما كانت المساحة أقل كل ما كان الهواء اكثر كثافة و كل ما كانت المساحة أكبر كلما كانت جزيئات الهواء الداخلة للسلندر أقل و ما يلحق يضغط شي في الثلاجة .. هذا اللي يعنيه

لازم تكون موازن بين الشغلتين :)

[VTEC inside]

لولا كثافة الهواء كان احنا ننطلق بسرعة الرصاصة و كل ما كانت المساحة أقل كل ما كان الهواء اكثر كثافة و كل ما كانت المساحة أكبر كلما كانت جزيئات الهواء الداخلة للسلندر أقل و ما يلحق يضغط شي في الثلاجة .. هذا اللي يعنيه
لازم تكون موازن بين الشغلتين :)
بالضبط هذا الي عنيته

يعطي العافية :)

[احمد]

الفكره ببساطه
ان المكينه ما هي الا مضخه هوا و لها قدره معينه

و لتوضيح المثال خل نقول مضخه ماي لها قدره تدفع 1 لتر في الثانيه
لو حطيت الخارج من المضخه ماسوره 15 انش بيطلع الماي بدفع ضعيف جدا
لكن لو صغرنا الخارج من المضخه الى 2 انش او 1 انش بيطلع الماي بدفع قوي جدا
قوه المضخه نفسها و الكميه اللي تطلع نفسها لكن الفرق في حجم الماسوره فينتج عن فرق في سرعه تدفق الماي

و هذا شي درسناه في الفيزياء على ما اتذكر اسمه قانون برنولي

طبعا ما بتروح تركب ماسوره ربع انش و تقول ان الماي يكون اسرع لان ربع انش يمكن يكون صغير جدا على هالدفع

القصد حاول انك توازن بين اقصى حد تقدر تستفيد منه من الهوا و حجم الثروتل و ( ينطبق على حجم الكربريتر )
فما تحط ثروتل صغير يخنق المكينه و لا تحط ثروتل كبير ( زي ماسوره 15 انش ) يخلي سرعه الهوا تقل و المكينه تخق


في معادلات تحسب استهلاك المكينه من الهوا نظريا بوحده Cfm ( تحت افتراضات معينه )
و طبعا الكربريترات تقاس احجامها بالcfm و الثروتل بدي اذا ما اعطتك الشركه حجمه بالcfm أكيد تقدر تحسبه


شكرن

[فراغ العاطفة]

شكرا شباب على المعلومات
والله وياكم استفدت وايد

في معادلات تحسب استهلاك المكينه من الهوا نظريا بوحده Cfm ( تحت افتراضات معينه )
و طبعا الكربريترات تقاس احجامها بالcfm و الثروتل بدي اذا ما اعطتك الشركه حجمه بالcfm أكيد تقدر تحسبه

شكرن
شباب ممكن اعرف المعادلات اللي تكلم عنها اخوي احمد
أو الطريقه الصحيحة في اختيار حجم الثروتل بودي ( وهل في فرق في طريقة اختيار الثروتل اذا المكينة توربو او سوبر شارج)

يعني اذا الموتر فيه تربوجارجر مثلاً لو غيرت الثروتل بدي الى مقاس اكبر راح تلاحظ فرق في الداينو شارت

طيب اذا ما عليه الموتر شي؟ راح تلاحظ فارق يكاد لا يذكر
حسب كلام اخي Canada sucks اظن اذا كان حجم الثروتل كبير والمحرك توربو ما بيكون فيه مشكله:3rbe075:
انتظر المعلومات منكم شباب:d
ومنكم نستفيد :3rbe043: وفي يوم ان شاء الله نحنا نفيد :3rbe107:

[VTEC inside]

هلا اخوي فراغ العاطفة

حسب كلام اخي Canada sucks اظن اذا كان حجم الثروتل كبير والمحرك توربو ما بيكون فيه مشكله

اذا كان المحرك توربوجارجر مثلاً، راح يكون حجم الثروتل الشد بلد ضيق بالنسبة لضغط و سرعة الهواو بالتالي راح يشكل عائق،

لكن لو ما كان الموتر تربوجارجر و كان كل شي ستوك و حطينا ثروتل كبير جداً ...
كل ما كانت المساحة أقل كل ما كان الهواء اكثر كثافة و كل ما كانت المساحة أكبر كلما كانت جزيئات الهواء الداخلة للسلندر أقل و ما يلحق يضغط شي في الثلاجة .. هذا اللي يعنيه

لازم تكون موازن بين الشغلتين

ارجو انه الفكرة توضحت اكثر

[احمد]

هدي حاسبه لحساب حجم الكربريتر المناسب
http://www.4secondsflat.com/Carb_CFM_Calculator.html

الCFM المطلوب للبخاخ المفروض ما يفرق كثير
و طبعا يعتمد على الكفائه الحجميه للمحرك

[احمد]

حسب كلام اخي Canada sucks اظن اذا كان حجم الثروتل كبير والمحرك توربو ما بيكون فيه مشكله:3rbe075:
انتظر المعلومات منكم شباب:d
ومنكم نستفيد :3rbe043: وفي يوم ان شاء الله نحنا نفيد :3rbe107:

ما بيكون في مشكله تحت البوست
لكن كل ما كان البوست متأخر بتحس بالفرق قبل ما يبدا التيربو يشحن

[فراغ العاطفة]

Canada sucks
وضحت الفكرة
احمد
شكرا