تجهيز سيارة حق الدرفت

[Saloo7]

سلام عليكم

إشحالكم شباب إنشالله بخير

المهم خلنا ندخل صوب الموضع

شلون أقدر أجهز سيارة حق الدرفت ؟؟ :rolleyes:

والموتر بيكون سكان يمين " مايتسجل عندنا " وجير إتماتيك :d

والمكينه 1Jz Turbo

و البدي ممكن "جيتي إس أو سوبرا أو سلفيا":cool:

والسلام عليكم ....,

[احمد]

الحم الكارونه ورا :d

[فراغ العاطفة]

اممممم حلوة هذه الحم الكارونة:):d:d
اخوي يالله بسم الله

لو يكون القير عادي افضل ( التماتيك كيف بتقبضه اذا بدل بنفسه:d من 2 الى 3 وانت مب حاسب حساب انه بيبدل الحين)

1- اول شي شل الكراسي اللي ورا + تاير الاسبير + يفضل تغيير كراسي الوكالة الى كراسي اخف ( خفف وزن السيارة واذا انت وزنك زايد عليك برجيم):d
2- جامبينات ( خل السيارة نازله كثر ما تقدر )
3- كلتش
4- سستم اكزوز
5- لسلامتك لازم تشوف لك بريكات محترمة ( اهم شي سلامتك :d)
6- شوف لك تواير

عليك بخفايف ثانية مثل انتر كولر . بوست كنترول حق وقت الحاجة ;) بس لا تتهور . وعليك براديتر ثاني ( مشكلة اذا ارتفعت الحرارة والشرطة وراك ) انتيك وفلتر بلكات وايرات
والله هذا اللي على بالي اذا ابي اجهز موتر حق درفت
ان شاء الله الشباب يفيدونك اكثر

[Saloo7]

الحم الكارونه ورا
فديت خشمك حبوب هذا أول شي ههههه :3rbe107:

____________________________

فراغ العاطفة " تسلم على ردك الخلاصة تخفيف الوزن و خفايف في المكينه ;) "
مشكلة اذا ارتفعت الحرارة والشرطة وراك

لووووووول مب مرخص و ماشي أرقام هههه فل ريس :d:d

[Saloo7]

يا جماعة هذا يلي فراسي !! :3rbe065:

بنركب ابكسي + سيستم جزوز كامل + فلتر ريس + بوست كنترول + سلكسات + رنجات عراض :rolleyes:

شرايكم ؟؟؟ :3rbe097:

ويلي عنده إي معلومه تفيدني ما يبخل علينا بالردود :3rbe055:

والسلام عليكم .....,:3rbe013:

[Black Arrow]

سلكسات

كيف بتسوي درفت بهم خخخخخخخخخخخخخخخ هم اصلا ما يخلون السيارة تحفر وبتستخدمهم لدرفت مشكلة بعدين :d

اصبر بجيب لك نوعية الكفرات اللي تحتاجها

برب

[bashar_255]

شكلك من أم القيوين مو من الشارقة :d

السوبرا ابتعد عنها

أنا بتكلم لك على بدي

سسبنشن كامل .. يايات مع جوامبينهم و شوف لك حاجة خشنة

جنوط 15 عراض و دور لك شي خفيف .. هالمقاس هو الأفضل في الدرفت و الأوتو كروس و بتحتاج تواير عراض في الأمام و الخلف

تواير ماكسس أو تويو حلوين في الدرفت :)

دور لك على بدي خفيف و ركب لك رول كيج عليه

عندك الـ GT-S يا كثرهم عندكم شوف لك واحد 98 هالطخة و اشتغل عليه

بس لازم قير عادي

[Saloo7]

Black Arrow
تسلم حبوب
كيف بتسوي درفت بهم خخخخخخخخخخخخخخخ هم اصلا ما يخلون السيارة تحفر وبتستخدمهم لدرفت مشكلة بعديوالله هذا يلي خبروني عنه إذا عندك شي أحسن عنه خبرني

______________________________________________

bashar_255

شكلك من أم القيوين مو من الشارقههههه لا أنا من الشارجة بس راعي المشروع " خيماوي × RAK " ^_^ لوووول

وتسلم على المعلومات الطيبة منك

[@ ابـوفـهـيـد @]

اهم شي بالدرفت الوزن والسسبنشن

ولا قوه مكينه ماتحتاجلها واجد
تحتاج الى 300 - 500 حصان ماتكثر


من ناحيه البدي لاتبعد عن السلفيا ملكه الدرفت

240sx تحصلهم عندكم شوي رخيص
اخبر واحد من الشباب عنده وحده باعها بـ 12عليها sr20 وكلتشات وجنوط

ترا 60% يعتمد على القياده



بنركب ابكسي + سيستم جزوز كامل + فلتر ريس + بوست كنترول + سلكسات + رنجات عراض


تحتاج الى انتر كولر كبير + راديتر معى مراوح صاحيه

لانه مو دراق وبدونهم الموتر بسرعه بيرفع حراره



ومثل ماقالو الشباب قلع كل شي داخل وخل سيت واحد بس ورول كيج

الكارونه شفلك شي حاشر واشركها << الحمها


وبالتوفيق انشالله

[bashar_255]

تسلم حبوب
والله هذا يلي خبروني عنه إذا عندك شي أحسن عنه خبرني




اللي أحسن منه تقول لهالشباب مشكورين و ما قصرتو .. ولا تسمع منهم كلام خير شر !!


الشباب هنا اغلبهم اصحاب خبرة و احنا مستعدين نفيدك بكل بلط في مشروعك

بس خذ السيارة أول شي

السيارات المرشحة بنظري

سكاي gt-s

سلفيا أو 240sx نفس السيارة

RX7 الجيل الثاني

[Saloo7]

تسلمون على النصيحة وإنشاء الله بخبركم كل شي يديد ^_^

[bashar_255]

ترى أكلمك جد .. لأنك لو ركبت سلكات ممكن تتسبب بحادث قوي اذا ما كسرت دفرنش !!

[فراغ العاطفة]

اخوي حاسب على عمرك وخلك بعيد عن الشوارع
وابدا مشروعك وشد حيلك
الموسم هذا في ام القوين موتوبلكس بيكون في بطولة استعراض وبيكون في اكثر من جولة نفس الدراج وبيكون في نقاااط
شد حيلك وان شاء الله نشوفك بطل من الابطال

[Saloo7]

ترى أكلمك جد .. لأنك لو ركبت سلكات ممكن تتسبب بحادث قوي اذا ما كسرت دفرنش !!


تسلم حبوب ترا كلمت راعي المشروع ,وخبرني قالي منستخدم تواير للدرفت بس عندكم" نوع محدد أو مجرب أو حد نصحكم فيه ؟؟!! "
______________________________________________

اخوي حاسب على عمرك وخلك بعيد عن الشوارع
وابدا مشروعك وشد حيلك
الموسم هذا في ام القوين موتوبلكس بيكون في بطولة استعراض وبيكون في اكثر من جولة نفس الدراج وبيكون في نقاااط
شد حيلك وان شاء الله نشوفك بطل من الابطال


هيه سمعت ها الخبر
وإنشالله بنشارك فيه
العضويه أتوقع بـ 100 درخم
و المشاركه 50 درهم
وإنشاء الله بتشوفون الموتر

[bashar_255]

شايف عندنا حلبة درفت في السعودية لو سيارات مصممة حق درفت ؟ :d

الشي اللي نشوفه في المجلات تويو و ماكسس و الله اعلم :)