مكينة انفينتيvh45de

[abu-nasser]

السلام عليكم

هل مكينة انفينتي fx45 تركب على باثفندر2001 يعني نفس الكراسي و القير ؟

وش افضل مكينة في الترهيم من ناحية السعر والقوة؟

[bashar_255]

حبيبي أبو ناصر ممكن تقول لي من قال لك هالفكرة الجهنمية لأنك ذكرتني بواحد كان مجنون في هالمكينة :d

هورس باور عالي و قوية و بساتم عراض و ريف عالي و يستحمل الفورس اندكشن حسب ما اذكر

بعدين انت اساساً لو توضح المستوى اللي تبغي تروح له يكون أفضل :)

حتى نعطيك النصيحة بالشي اللي يصلح لك

[abu-nasser]

عزيزي بشار اسعد الله ايامك

الفكرة جاية ان هذه المكينة من نفس فصيلة نيسان و هورس باور عالي

المستوى المطلوب انها تركب بدون تعديل في الكرااسي يعني تكون موزونه تمامعلى البودي وتشتغل بعدين نروق ونشوف الخطوه الثانية

لاكن هل القير يتحمل قوتها ؟

[bashar_255]

المستوى المطلوب انها تركب بدون تعديل في الكرااسي يعني تكون موزونه تمامعلى البودي وتشتغل بعدين نروق ونشوف الخطوه الثانية

هذي الفكرة مو المستوى !!

المستوى اللي تبغي توصل له

كم هورس باور و ايش هو استخدامك ؟

يومي + رحلات بر ؟

بتوقفها ؟

حق الويك اند ؟

[abu-nasser]

ياخوي لا تعصب وتزعل تحملني شوي اخوك جديد على الشغله!!!!


الحين فهمت استخدام يومي + رحلات بر

وكم تتوقع تكلف مع التركيب ومن الاحسن في التركيب؟

والله يجزي الجميع الجنة .

[bashar_255]

مو معصب يا أخوك :d

سؤ تفاهم بسيطة :d

شوف حبيبي أنا ما اعرف اسعارهم بس اتذكر ذيك السنة سمناها في التشاليح بـ 7000 ريال و اللي رحت معه كان بيركبها على ربع نيسان 2002

و على قير النيسان لكن ويش القطع اللي تحتاجها ما اعرف

لكن بما أنه صاحبه عبد الواحد درويش أعتقد رج راسه بالكلام عنها فيمكن عنده علم :d


تعرف ورشة عبد الواحد في وين ؟؟ طريق سيهات القديم قبال ورشة أبو السعود :)

تبغي وصف أكثر قول :)


و اسمح لي اذا ضايقتك :(

[abu-nasser]

اخوي بشار السعر غالي كثير مقارنة مع مكينة اللكزس400 1uz-fe سعرها كاملة بدون الضفيرة 1500 ريال فقط

واذا تكرمت لو تشرح لي الفرق بين المكينتين لانها متوفرة عندنا في الرياض

بصراحه ورشة عبدالواحد بعيده علي تعرف مشاغل الدنيا يا ليت لو تعرف ورشه بالرياض

غفر الله لك ولوالديك

[bashar_255]

أنا ما اعرف اسعارهم

هذي سمناها قبل 3 سنوات

و للأسف ما لي خبرة في هالمكاين بالذات

لكن دائماً هناك موقع يفيدنا كلنا في البحث

www.google.com

:d

و أطلعنا على النتايج :)

بس يمكن مكاين الأمريكي اصلح لك

ما فكرت تزود مكينة بلادها ؟؟

اذا تعرف كود المحرك يمكن يطلع لك تيربو كت لو سوبر شارجر حلو على النت ممكن تطلبه أريح لك من الترهيم :)

[$المهندس$]

اعتقد الباثفدرز نفس مكاين النيسان وهي Vq35

??

[abu-nasser]

بشار + المهندس

السلام عليكم

مكينة بلادها ضعيفة جدا وهي Vg33e

ياليت تدلوني على ورشة ترهيم بالرياض

جزاكم الله خيرا

[HELLY]

بشار يمكن فيه سوء تفاهم
الاف اكس 45 نزل من 2004 و انت شفت المكينه ذيك السنه
معقوله سياره قيمتها 210آلاف ما صار لها ولى سنه نازله و فوق هذا جدا نادره و الوكيل ما ينزل لها قطع لانه ما نزلها اصلا
و تلقى مكينتها ب7000 بالتشليح
يا بلاش و الله ولى ال اس ون
اذا مكينة الباترول فتك من 2002 و انت جاي ماتنزل عن 22 الف مع انها منتشره و شف من 2002 و الحين حنا ب 2007 يعني صار لها خمس سنين

بشار يمكن تقصد مكينة الكيو اكس 45 الي الشباب يستخدمون الثروتل بدي حقها لانه كبير 95 ملم

طيب هذا كوم و خل نفترض انه جاب المكينه هذي

طبعا لازم تكون كامله مع ظفيره و كمبيوتر
الكمبيوتر حقها فيه نظام سكيورتي عالي و مافي امل تلغيه عن طريق برمجه مثل الشفر
يعني ما راح تقدر تشغلها الا بمفتاحها و سويتش حقها
طبعا اغلب المواتر الي في التشليح اذا ما كان كلها تكون بدون مفاتيح

نفرض ان ابو ناصر دبرها مع مفتاحها و كل العده الي يحتاجها

هنا بتحتاج الداير = هاوزينق لو قلنا حتى ذا قدر يدبره هل بيركب على قير الباث مدري بس ما اتوقع لان الانفتي ما يجي الا اوتو
يعني بيحتاج لتحويله بيروح يفصل بالمخرطه و بعد ما يصبون اربع او خمس تحويلات تضبط معهم الاخيره
و بتصير تحويله حقت مخرطه يعني لو بيراقي على الموتر و يطعس ما راح يقدر ياخذ راحته لان التحويله مصبوبه
و ممكن تنكسر في اي لحظه اذا الشباب مركبين تحويلات استراليه و تكسرت عليهم هذا غير ان الموتر بتصير فيه صرفية كلتش يعني الكلتش ما يقعد معه ولى شهرين زي المواتر الي مضروب شاصيهم

طبعا كراسي المكينه اكيد بتتولف و يحتاجون يقصون من البدي ( خلف المكينه يعني من الغماره )على شان تسقط المكينه و يرجعون القير لان كبوت الباث موب وسيع و اذا قصو تصير فيه حراره داخل الغماره و صوت
يعني تصير السياره ما تنفع استخدام يومي


يتبع

لي رجعه

[bashar_255]

شوف يا راعي الهايلكس .. مو تتعايا و يايي :d

شفتها يعني شفتها :d

و هي مكينة انفنتي أدري عنها :)


شوف الموضوع هذا تاريخه من متى و المكينة مديلها كم

VH45DE V8 from a 92 Infiniti Q45 in a 240Z
http://www.racing4e.com/article125.html


المكينة ما نزلت الخليج قبل 2004 في الواقع في تشاليح النيسان العريقة ما يعرفوها لا سمعو عنها .. اللي شفناها وارد اليابان


ويش رايك فيني ؟ :d

[HELLY]

بعد كل هالتعب و الخساير
يجي باث مركب مكينة زد اكس 3000 تون توربو
مكلفه عليه الشغله كامله بحدود 5000 و المكينه راكبه على نفس الكراسي و القير
و يستخدمه يومي و انا اجزم ان مشيه بيصير ازين مية مره من الي ركب مكينة الانفنتي
هذا غير انه مكينه مجربه و معروفه و متوفره قطعها
احسن من انك تغمار في شي مو مضمون

مكينة الزد اكس 3000 الظاهر اسمها في كيو 30

فيه بروجكت لمكينة زد على جيب سوزوكي قديم
الموتر قنبله حتى ال اس ون ما قدرت تقيش معه
ممكن تسال عنه هو معروف بالقصيم

طبعا هذا رايي
و هو يحتمل الصواب و الخطاء

اتمنا مشاركة الاخوان الي لهم تجربه او درايه بالمكاين ذي
و يعطون رايهم

و شكرن

[HELLY]

شوف يا راعي الهايلكس .. مو تتعايا و يايي

شفتها يعني شفتها

و هي مكينة انفنتي أدري عنها


شوف الموضوع هذا تاريخه من متى و المكينة مديلها كم

VH45DE V8 from a 92 Infiniti Q45 in a 240Z
http://www.racing4e.com/article125.html


المكينة ما نزلت الخليج قبل 2004 في الواقع في تشاليح النيسان العريقة ما يعرفوها لا سمعو عنها .. اللي شفناها وارد اليابان


ويش رايك فيني ؟

خخخخخخخخخخخخخخخخخخخخخخ

يا شاطر هو قال مكينة انفنتي fx45 ماقال q45 :d

q45 موجوده بالخليج من 92
بس fx45 ما نزل بالخليج اصلا
و نزل برا بال2004
:d

ها من الي يتعايا ويا الثاني
:d

[احمد]

احسن شي العيا :d

[bashar_255]

غير شكل :d

المهم أنا كنت أعني شفنا المكينة أما سيارات انفنتي ما اعرفها

اعرفها شكلاً بس :)

طبعاً مكينة الزد أكس تون تيربو احسن مكينة و سعرها فيها لكن كهربتها علة لو يدور واحد شاطر في الكهرب من أولها يكون أفضل :)

[abu-nasser]

بشار والهلي مشكورين

ياليت تدلوني وين الاقي مكينة الزد اكس ومن يركبها ؟

اذا في الرياض ياسلااام؟


اذا فيه معلومات عن المكينة ؟


دائما ما تقصرون

الله يجزيكم الخير كله.

[@ ابـوفـهـيـد @]

اخوي قازلي مكينه زد اكس توين تيربو بالتشاليح <<< تشاليح الياباني بالصناعيه القديمه
بس ماظنتي معها الظفيره والكمبيوتر

ويبغونها برخيص ترا هي خايسه عندههم لو تقعد تكاسرهم من اليوم لبكرا بيعطونك بالسعر اللي تبيه