لو تكرمتكم مساعده .ف Gmc

[خــطــاب]

السلام عليكم ورحمة الله وبركاتة


الموضوع بين من عنوانة اخواني ..

وانا عندي جمس 454 78 وعليه قير الشركة ودفرنش الشركة

والسيارة حاااااااااااااارة جدا ..يحن حنه غير طبيعية .واذكر القيور تتبدل


ف ياليت الي يعرف

الخلطة السرية الحلوة

الي تريح المكينة ...


وياليت مع ذكر قطع الغيار المطلوب ومكان وجودة.


والكربيتر 350 ..وبغيت 454 وابي ارقام او حجم معين او اسم معين لو احد يعرف ..


وسلامتكم

[احمد]

اخوي

اذا السياره جايه 454 من الوكاله
فاكيد انها اما قطع 20 / 25 او 30 / 35
و هالسيارات دفرنشاتها تجي عليها جيور ( كارونه ) حاشره
و غالبا نسبها 3.73 او 4.10 و بعضها يجي 4.56 << خاصه القطع 30/35 اللي اصله ونيت حق الجيش
و اذا ما تحط كفر كبير شي مؤكد ان المكينه بتحن على الهايوي
لان السياره اساسا مو مصممه حق سرعه و طبلونها يدل على هالكلام

لو تبغى تغير قيور الدفرنش الى نسبه اقل دور في التشاليح على نفس الدفرنش بس على جمس او شفر فان لان الفانات تجي بنسب اقل يعني ممكن تحصل 3.42
و لازم تعرف ان تغيير النسب الى نسبه اقل بيأثر بشكل مباشر على فزه السياره من الوقوف لكن بيعطيها نفس في الهايوي و السرعات العاليه

الحل الثاني انك تركب كفرات ارفع
الحل الثالث تركب قير 700 اوتو اذا كان القير اللي عندك 350 او عادي لان ال700 فيه اوفردرايف و بيريح السياره على السرعات العاليه
الحل الاخير خفف سرعتك و الله يحفظك

طبعا شوف الشباب في الورشه يمكن السياره فيها سبب ثاني للحنه و الحراره و يشوفون له حل

اتمنى اني افدتك

[خــطــاب]

يا هلا فيك اخوي احمد ..

اشكرك على هذا الكلام الطيب ..

والموضوع مهب عشان السرعه الموضوع اقتناع كلي من عزم السيارة ..

وللله الحمد انا لا اهوى السرعه بس اتمنى يكون الموتر بارد والفزة ما تهم ..


الاهم من هذا كله راحت الموتر وراحت السايق فالتبديل من 3 الي 4

وبالنسبة للتشاليح


والله يا اخي العزيز احمد

تعبت وانا ادور والمشكلة انا في قطر

والتشاليح عندنا لل الياباني اكثر شي ...


الحين لو ابي ابدل دينمو او او اشياء سخيفه ..

كل الكراجات تتهرب من الشغل ...


ف قلت بما ان المنتدى يدعم الامريكي والقطع والتزويد ف يمكن القى الحل ....


والتواير مع الرنقات (الكفرات والجنوط) بدلتها الي رنق الشركة ال 16 والتاير 900 :)


بس المشكلة للحين موجودة ..

وخاصه لو مسكت خط طويل ..

تحس مهب فالحنه بس ...حتى القير تشوفة يرج رج الشر ..


ف اتمنى القى هالقطع وعندكم يا ربوعنا هل المملكة:)

[احمد]

كفرات 900 كبيره و ارتفاعها اكبر من 33 انش يعنى حتى لو الدفرنش عندك 4.10 ما بيخالف

بالنسبه للحراره
شيك على وزنه الديلكو و الرديتر و طرمبه الماي و المروحه و كلتش المروحه و كور المروحه
بالنسبه لرجه القير وش تقصد بها

ال454 طبيعتها ان حرارتها اعلى من المحركات الصغيره 350
بس انا اعرف ناس عندها ونيتات قطع 30 و 20 حوض طويل و يجيك محمل الونيت ثلاجات سمك او ربيان الى اعلى من التنده و حد الدعسه ( احيانا تهريب لان صيد الربيان ممنوع في بعض الاوقات ) و محركاتهم 454 و مزوده و ما يشتكوا من الحراره

و عندنا جمس مديل 95 للوالد مكينته 454 صار له فتره زهقنا بحرارته مع ان رديتره جديد و كل شي جديد اخرتها طلع سبب المشكله شي غبي :d << حساس الحراره طلع مو عدل

[خــطــاب]

هلا يا احمد


التواير 900 الي هي بيلون ..صحراوي ...


وبالنسبة للسيارة مافيها حرارة ابد..

اقصد انا حراره الحنه ...ان السيارة تحن


وبالنسبة لحرارة سيارة ما توصل الربع ابد مع المكيف شغال الظهر حتى ...

والسبب الهيدات جداد مركبها وقازقيتات جدد والرديتر جديد :)

[احمد]

الحنه على اي سرعه ؟

[خــطــاب]

في القير كل النمر (السرعات)

وخاصه الريوس تسمع للموتر ونين وتحس انه ماسك ..:)

[احمد]

يمكن المشكله في القير او الدفرنش
متأكد ان مستوى الزيوت في القير او الدفرنش OK ؟ تأكد منه احتمال ناقص
و اذا جيت تزيده لا تحط زيت خفيف 50 انا على سيارتي احط 90 او 140 ( جمس 86 قطع 15 عليه دفرنشات و قيور قطع 20 :d )

[خــطــاب]

تسلم يا احمد ..

وانا والله ماشيكت على الزيت من زمان وشكلي الصبح اليوم باذن الله بشيك وبشوف مثل ماقلت 140 او 90


وبرد لك خبر ..

وصدق بسالك عن موديل 81 الي 87

القطع 15 كم اسعارها وبخصوص المصفحات كم تتوقع اسعارها وياليت تحط صورة سيارتك ابي اشوفها ..

ودام عندك يا احمد جمس ..

ياخوي انا متوهق في شغلتين ..

والي هي

الطبلون ل موديل 78 والربلات حقت الدريشه الخلفيه مع القزاز ...

وين بحصلها ؟؟


انا جيت من كم يوم الدمام وخاصه الظهران ودورت لين عجزت ومالقيتها وخاصه فالحسا قعدت يوم ادور ..

وخلصت اجازتي ورجعت قطر وانا ما شريت الا فرش السيارة من تحت والكرسي ..

ياليت تشوف لي هالقطع وبكون شاكرلك