شباب عندي مشكله

[KRK 222]

السلام عليكم

اخبار الشباب انشالله بخير
عندي مشكله الحراره بكابرس2004 اس اس طبعا انا غيرت ثرمستات وحطيت 160
وغير المراوح والرديتر و طرمبه الماي ولسا الحراره ترتفع اذا شغلت المكيف
السياره عليها كام 601و كرونه 391وهدرز(تفصيل) و رامير بكره
فأتمنا اني اعرف الحل لهذي المشكله

[ابـــوتـــركـــي]

الحراره تطلع لك وانت واقف ولا وانت ماشي ؟

ووين توصل ؟

[bashar_255]

ترتفع لكم درجة ؟

جربت ترجع الثرمستات الأصلية ؟

[The Expert]

مو المفروض ان الواحد يبرمج لما يركب ثرمستات حرارته اقل ولا أنا غلطان ؟

[VTEC inside]

مو المفروض ان الواحد يبرمج لما يركب ثرمستات حرارته اقل ولا أنا غلطان ؟

ايه
__________

انا اسمع من كذا واحد يقولي انه الكوابرس ما ينفع تحط لهم ثرمستات حرارته اقل لأنه الماي يرجع للمكينة قبل لا يبرد في الرديتر :)

ثاني كمبيوتر السيارة والـA/F مبرمج على حرارة الماي الأصلية يعني اذا غيرتها لازم تعيد البرمجة على الحرارة الجديدة ،،، يعني لا تعبث بحرارة الماي داخل المكينة رجع الثرمستات الأصلي حتى لا يخترب عليك الموتر...

طيب كيف وضع البخاخات و مواصير البنزين؟
و هل اذا شغلت المكيف يرتفع الريس او لا ؟ اذا ما يرتفع ممكن يكون هذا السبب
و كيف طربمة الماي ؟ خل السيارة تبرد و افتح غطا الرديتر و شغل الموتر و اعطيه ريس شوي شوي شوف الماي يدور عدل او لا ؟

غير كذا الشباب انشالله راح يساعدوك :)

[KRK 222]

مشكورين على الردود
الحراره ترتفع عندي اذا كنت مشغل المكيف وواقف وهاذي المشكله تصير لي بثرمستات العادي
الحراره توصل فوق النص 110%
وانا مبرمج بعد ماركبت الثرموستات الجديد

[bashar_255]

يبغي لك ورشة تشيك عليها

ممكن يكون الجنزير مركب غلط أو شي

كم كيلو مشيت عليها من ركبت الكام ؟

و من متى بدت هالمشاكل ؟

[bashar_255]

+ شوف لك قيج حرارة خارجي ممكن تكون العلة في طبلونك

[VTEC inside]

انتا لما ترتفع الحرارة امسك هوز الرديتر و شوفه اذا كان خشن او لا و اذا كان لين احتمال يكون سنسر الحرارة خربان او مثل ما قال بشار

[KRK 222]

المشكله بدت بعد ماركبت اول كام كان لفته 580وبالنسبه للهوز يكون خشن اذا كانت حاره

[VTEC inside]

انتا اذا ركبت كام اكيد انك بتكون غيرت الكام جير (التروس الي تحرك الكامات) و انا الي اعرفه انه لما تغير في وزنية الكام جير لازم تغير وزنية الديلكو و الديلكو ترا اذا مو موزون عدل يرفع حرارة الموتر

[ابـــوتـــركـــي]

وفي الخط الحراره عاديه ؟
وحتى وانت واقف تثبت عند حد معين ولا ترتفع اكثر ؟

الراديتر المنيوم ولا نحاس ووش نوعه ؟

وبوم ركبت الكام غيرت السبرنقات حقت البلوف ؟

يافتك الموتر كويلات ومايحتاج تغيير بكره اذا كنت تقصدها

[VTEC inside]

انا اقصد الـCam Gear لأنه الي اعرفه انه الكام جير اذا تغير وزنيته لازم تغير وزنية الديلكو و الديلكو اذا ما هو موزون عدل اظن ترتفع الحرارة خصوصاً اذا كان very advanced

[KRK 222]

ايه في الخط تنزل وبالنسبه للرديتر هو حق الوكاله وانا مع الكام غيرت اغراض سبرنقات واصياخ ودبل جنزير و طرمبة زيت
واذا كنت واقف وكنت مشغل المكيف ترتفع واذا قفلته تنزل

[VTEC inside]

معقولة الراس مقوس :confused:

احنا عندنا كابرس 89 و يصير له بالضبط مثل الي يصير لك مع المكيف و مع الخط و بدون المكيف و كانت المشكلة انه الراس مقوس ،، بس ما ادري عن الموديلات الجديدة انشاالله الشباب يقدروا يفيدوك

[KRK 222]

كيف ما فهمت شلون الراس مقوس

[VTEC inside]

على حسب علمي هذا سببها انه السيارة ترتفع حرارتها الى اخر شي و انتا ما تدري او حاقرنها فالي يصير انه الراس يصير شكله قوسي بدل ما يصير سطحي بعد كذا تصير السيارة ترفع حرارة على طول مع المكيف ،، مو متأكد منها بس لو كان كلامي غلط اتمنى الشباب يصلحوه لأنه ما عندي ذيك الخبرة في الأمريكي :)

[ابـــوتـــركـــي]

اتوقع والله اعلم ان دينمو مروحه المكيف تعبانه وقيمتها بـ 500 درهم عندنا وهي دايم تخرب (( تضعف بعدين تخرب تطفى )).

نأكد من دينمو مروحه المكيف تلقاها تشتغل بس ضعيفه وحتى تلقاها ماخذه لود بسيط .

[KRK 222]

هو المشكله اني توني مغير المراوح و الرديتر و طرمبة الماي

[bashar_255]

توني بكتب أن العلة قد تكون في الراس لكن سبقني خميس في ذكرها


VTEC inside : الـ LS1 كلاسك انجن كام واحد في النص و بوش رودات :)

KRK 222 : شوف احتمال يكون السبب في الراس .. لما تجي تشغلها الصباح يعني طافية مو أقل من 8 ساعات .. شغلها و افتح غطا الرديتر و شوف الماي اذا يجري قدامك معناته أن احتمال 80-90% راسك سليم

أما اذا يطلع لك الماي برة معناته العلة في الراس

الطريقة مي دقيقة لكن ممكن تعطيك فكرة عن حالة الروس

[KRK 222]

طيب انا الرديتر الي عندي مقفل كيف اعرف؟؟ مافي الا قربه الماي

[bashar_255]

و الله ما عندي فكرة دقيقة لكن اعتقد نفس المبدأ لأنه اذا الراس مقوس الماي ما يجري معناته بيفوض عليك <<< يتهئ ليي

[KRK 222]

يعني يمكن الراس لانها ترتفع في النهار والليل

[VTEC inside]

بشار يعني لك غطا الرديتر ما يصير ما فيه غطاء عشان تعبي منه ماي للرديتر...

يعني انك تفك الغطا و تعطي ريس تشوف هل الماي يتطشر من الرديتر او يجري عادي ؟

انتا على فكرة وين مبرمجها ؟

[KRK 222]

مافي فتحه بالرديتر
ويالنسبه للبرمجه عند هشامهو قال لي يا انها الروس او الرديتر

[VTEC inside]

اجل دام قال لك هشام الروس او الرديتر وا نتا مغير جميع ملحقات الرديتر ،،، هشام ادرى بشغله و الظاهر مثل ما قال لك انها الروس :)

[احمد]

الراس مقوس = منشعر

[VTEC inside]

الراس مقوس = منشعر


ممكن تفصيل اكثر لأنه دايم اسمع في المصطلحين بس ماني فاهمهم عدل :confused:

بس الي اعرفه انه سببهم ارتفاع في الحرارة بشكل جنوني

[bashar_255]

يتقوس يعني ما يصير مستوى واحد مسطح و هذا يسد حركة الماي و يعيقها بشكل كبير :)

[VTEC inside]

بس الي اعرفه انه الماي مو بضروري انه يوصل للراس والله انا غلطان ؟؟

و هل تقصد انه يعيق حركة الماي داخل الـblock او عند الراس ؟

[احمد]

القازقيت يكون بين الراس و السلندر
فإذا تقوس الراس او انشعر
يصير مافي عزل بين الراس و البلوك يعني ما كأنك حاط قازقيت

فجزء من ضغط السلندرات احتمال يسرب لمجاري الماي لذلك تلاقي فقاعات هوا في الرديتر او دفع قوي للماي لخارج الرديتر
و احتمال يتسرب الماي الى مجاري الزيت الزيت
و احتمال يتسرب الماي الى داخل السلندرات

[VTEC inside]

اهااااااااااااااا

يعني لو مثلاً شفنا ماي الرديتر يتقص و فيه تسريب ماي من الكنداسة فهذا احتمال يكون الراس مقوس و ماهو شرط انه السلندر متآكل صح ؟

اشكركم على التوضيح :)

[احمد]

طبعا تقدر تفحصه

عن طريق الكشف على البواجي
و الكشف على الزيت اذا كان مخلوط بماي
و الماي اذا كان مخلوط بزيت
و الرديتر اذا كان ينقص ماي بشكل سريع بس ما في تسريبات واضحه
و الرديتر اذا يكون في دفع هوا قوي يخرج من فتحه الرديتر لما تسده بيدك
و اهم شي الواحد يسوي pressure test لكل سلندر

اما سالفه الماي اللي من الكنداسه اتوقع تختلف من سياره لسياره
يعني في سيارات زي الفورد اذا كانت مكينته صافيه يصب ماي تقول ولف مفتوح و غالبا اذا مشا تلاقي وراه خطين من نقط الماي على الاسفلت :d
و في سيارات لو تصفي مكينتها من اليوم لبكرا ما طلعت قطرتين ماي حتى عند اول التشغيل :d

طبعا احتمال ان الراس مشلوخ وارد و يسبب تسريب ماي او خلط ماي مع الزيت بعد

[VTEC inside]

و الله انك ارهابي .......... ساقباً :d

مشكور على الشرح الوافي و الكافي،،، بس انا الي استغرب منه ليش الفورد مثل ماقلت يطلع ماي مع انه كل السيارات تحرق بنزين و هوا :confused:

[Unlimit]

طيب هل المويه تنقص لمن تسخن ؟

حاول فك البلف وجرب بدونه

[VTEC inside]

لما تفك البلف ما يفيد حسب علمي في السيارات الأمريكية لأنه الكابرس مالنا بدون البلف و يرفع حرارة مع المكيف لأنه الراس مقوس ،،،
و لا تنسى انه الكمبيوتر مبرمج على حرارة معينة يعني لما تشيل البلف انتا تغير في الحرارة و هذا يخرب المكينة :)

فيه عندنا هوندا اكورد 2000 اذكر مرة شلنا البلف و خلينا المراوح شغالين على طول الخط و الي حصل انه الحرارة كانت فوق الـc بشوية على طول خط الجبيل و داخل البلد

[KRK 222]

معليش شباب اني ما رديت بدري بس اليوم جربت السياره بدون المكيف الحراره طبيعيه !!! تكون من 86 لين 80
بس الي اعرفه انه اذا الروس مشعوره الحراره بالمكيف او بدونها ترتفع ؟؟؟ فانا احترت الحين

[VTEC inside]

الي اعرفه انه بس مع المكيف :)

[Black Arrow]

يعني في سيارات زي الفورد اذا كانت مكينته صافيه يصب ماي تقول ولف مفتوح و غالبا اذا مشا تلاقي وراه خطين من نقط الماي على الاسفلت

ايه الله يذكر السوبارو بالخير....حتى السيفيك بعد :d
انواع الجلد في الخطوط وين ما تبيها تصفى :d

[VTEC inside]

انواع الجلد في الخطوط وين ما تبيها تصفى :d

شو هذا الجلد :3rbe139:

قصدك انك تتجاوز على حافة الطريق ؟ :3rbe139:

[bashar_255]

لا يغرك .. ممكن يكون الراس مشعور شي بسيط يعني لازم تفكهم اذا انت متأكد من كل شي برى المكينة

[KRK 222]

طيب الراس المشعور يأثر على العزم ؟؟
و الروس حقين الريس ترفع الحراره؟؟؟

[VTEC inside]

أكيد يأثر لأنه راح يصير تسريب في الضغط فوق البساتن :)