المساعد الشخصي الرقمي

مشاهدة النسخة كاملة : حااب اتعرف عليكم تفضلوو

PRINCE
08-29-2007, 01:14 AM
سلام عليكم ورحمة الله وبركاته

شباب كيف حالكم عساكم بخيرر

المهم انا هنا جديد على الموقع وجديد على عالم السيارات بس بصراحة دخلت على الموقع كم مرره واعجبني كثيرررر

لاني حسيت فية حماس وفية حركه وفية ناس ترد وتاخذ بلكلام والله واجد حلو هشي :3rbe043: .

بس فية مشكلة صغيرووونة فيني انا :( .

انا مالي خبرة كبيرة في السيارات يعني كل الي اعرفة شغلات بسيطة جدا جدا مثل :
( فلتر هوا + كتباك + هدرزز + بواجي + دبة + ثلاجة + الخ خفايف يعني )

وودي اتعلم اكثر <<<< :3rbe107:

المهم من فية حيل يعلمني :confused: .

لان فية شغلات واجد قريتها هنا بس مخي شوي تنح ماني عارف وش السالفة المصطلحات شوي صعبة علي

ولا ودي اخش على احد متحمس بشي كبير واسال عن شي بسيط لانها اكيد حاجة ترفع الضغط :mad: .

فلي ودي اني اسوية اني اسال سوال هنا عن اي شي ما افهمه او ما اعرفة وواحد منكم يعلمني :d .

اذا موافقين هذا اول سوال ...

1 - وشو الــ ( تورك ) اشوفة شغله عن قوة المكينة تجي مع قوة الحصان بس مدري وشي :(

وطبعا انا في راسي واجد اسالة بس خلونا نشووف تجاوبكم معاي واذا انتم مستعددين تعلموني :d
The Expert
08-29-2007, 02:41 AM
يا هلا و مرحبا فيك

شوف ادرس هالمواضيع و انشالله تطلع بروفسور :d

http://www.racing4e.com/vb/showthread.php?t=447

http://www.racing4e.com/vb/forumdisplay.php?f=23
bashar_255
08-29-2007, 12:29 PM
اسأل عن أي شي و احنا حاضرين :)

المنتدى مفتوح للكل

التورك هو علاقة رياضية لقياس قدرة الكرنك على الدوران وحدة قياسها وزن تقسيم مساحة

نقول باوند على قدم
أو نيوتن على متر

تخيل جايب مروحة و رميت على طرفها كيس فيه باوند

و جبت كيس فيه 10 باوند

طبعاً كل ما كانت المروحة أكبر كل ما احتاجت تورك أكثر
PRINCE
08-29-2007, 02:25 PM
واللله ونعم شباب ......

بشار ,, نيوتن مروحة ؟؟؟؟؟؟؟

ركزت كثير ولا عرفت للحين بس شووف حاول تعلمني كذاا .

هورس باور = قوة عزم ( طاقة ) المحرك - يعني مفهوم انها حق قوت السيارة في الانطلاق او شي زي كذا .

التورك = وش فايدتة ؟ يعني لو عندي تورك كثيررر وش يفيدني فية وايش راح يعطيني ؟ وايش احسن تورك قليل ولا كثير ؟ وهل يزيد مع قوت الحصان ولا تقدر تقوية لحالة ؟

الكرنك = وشو ذا ؟؟؟؟؟
bashar_255
08-29-2007, 02:40 PM
التورك له علاقة رياضية مع الهورس بور هذا شي تنتجه المكينة مو حاجة انت تضيفه


التورك له دخل بالتسارع و الهورس باور في السرعة و نسب القير و الدفرنش تحول السرعة إلى تسارع

الكرنك = وشو ذا ؟؟؟؟؟

اقرأ هذا الموضوع كبداية
http://www.racing4e.com/vb/showthread.php?t=57
$المهندس$
08-29-2007, 05:42 PM
الاحصنه اهي قدره المحرك ... الشغل علي الزمن ..


يعني انا اقدر اشيل 11 مكينه Lt بنص ساعه 60 ثانيه .. و قوتي 100 نيوتن ..


الحاصل هو

الشغل يساوي المسافه ضرب القوه و خل نقول المسافه 5 امتار

100 ضرب 5 يطلع 500 ورك .. (( نسيت الوحده خخخ ))

الحين القدره تساوي الشغل علي الزمن


500 علي 60 تحويل الي ثواني ..

قدرتي = 8.3 وات يعني تساوي بحدود ال 11.1 احصنه ..



وواحد ثاني يقدر يشيل 11 من نفس الميكنه بي 45 ثاني و نفس المسافه وووو


و هل رجال يطلع شغل بحدود ال 550 ..

ف الحسبه كتالي 550 تقسيم 45

يساوي 12.2 وات يساوي 16.3 حصان :)



شفت الفرق فيه القدره ؟؟!

يعني واحد عنده قدره اعلي من الثاني ..



اما العزم .


كل شي يددور له عزم دوراااان ...

العزم اهي القوه ضرب طول الذراع اهو ذراع العزم ..


العزم في المحركات كلها في الكرنك ..


ف القوه الي في القانون جايه من قوه الانفجار البانزين مع الهواء و طول الذراع اهو الاستروك طول الشوطي او ما يسمي بطول الاكرنك ..


ف كل ما قوية الانفجار زاد العزم و كل ما طولت الشوط (( طول الاكرنك )) زاد العزم ..



ببساطه اي شي يدووووور له عزم دوران .


العزم مطلوب و العزم و الاحصنه تربطهم علاقه و قانون ولله نسيته الله يلعن العطله مخي نسي كل القوانين :)
PRINCE
08-29-2007, 05:45 PM
بشاار والله موضوعك 100 % واوكي عرفت الكرنك والتورك وبديت هاه اطقطق بس بصراحة للحين ما دخلت على مواضيع اكسبيرت .

خايف اخش اضيع ولا ادري وين ابدا بس بعدين لما احس اني مستعد بخش . ممكن سوال جديد عاد

انت قلت دفرنش = هاه شنو ذي ؟؟
قير وعرفتة بس دفرنش .
$المهندس$
08-29-2007, 06:03 PM
واللله ونعم شباب ......

بشار ,, نيوتن مروحة ؟؟؟؟؟؟؟




نيوتن عالم ..


مروحه حق التبريد :d
$المهندس$
08-29-2007, 06:10 PM
بشاار والله موضوعك 100 % واوكي عرفت الكرنك والتورك وبديت هاه اطقطق بس بصراحة للحين ما دخلت على مواضيع اكسبيرت .

خايف اخش اضيع ولا ادري وين ابدا بس بعدين لما احس اني مستعد بخش . ممكن سوال جديد عاد

انت قلت دفرنش = هاه شنو ذي ؟؟
قير وعرفتة بس دفرنش .


الدفرنش الي هو متصل مع الجير بوكس


من الجير بوكس يطلع عامود اسمه القاردن و متصل مع الدفرنشل


الدفرنشل يحول الحركه الطوليه من الجير بوكس الي حركه عرضه في الاطارات


يعني يفرق القوه علي الاطارين الاثنين .. و يسمونه المفرق بعض الاحيان او الباك اكسل



شوف هذا الاسود


http://www.classicvolvo.com/subs/carsfolder/164_renovobjekt/underlback_740.jpg
PRINCE
08-29-2007, 06:38 PM
كفو كفو مهندس اوكي عرفنا الدفرنش ,, تصدق اعرف شغلات واجد بس مدري وش تسوي ولا اعرف اساميها .

وبعدين وش قصدك نيوتن عالم ,, ومروحة حق تبررريد !!!!!!!!!!!!
وش شايفني ؟
خخخخخخخخخخخخخخخخخخخ

ادري بس انا اقصد اني مدري وش قصة نيوتن ومروحة يعني انا ضعة فهمت ؟

وعلى العموم انا فهمت التورك انة قوت السارع يعني هو الي يعلمك كم قوة القومة . صح .

بس يا مهندس سواليفك عن 11 مكينة ومدري شنو تراني ضعت يبيلي اقراها اكثر من مره يمكن تخش بس الي انتن كاتبة صحيح ولا فية غلط مطبعي خلني انسخ صبر ..
يعني انا اقدر اشيل 11 مكينه Lt بنص ساعه 60 ثانيه ..
يعني تقصد 31 دقيقة ؟؟؟
100 ضرب 5 يطلع 500 ورك
ورك = تورك ,,,, هذا قصدك لاني ملخبط نفس الكلمة الا حرف .

طيب السوال الجديد هوا .....

ستروكر = ايش هو هذا الشي ؟؟؟؟؟؟؟؟؟؟؟؟؟؟؟؟؟؟؟؟

اسمع عنة كثيررررر واسمع انه غالي يوصل 15 الى 20 الف ريال سعودي !!!!
ايش فايدة ؟ وهل يركب على امريكي وياباني ؟ وهل هو كت زي التيربو ولا قطعة وحده تغيرها بسيارة ؟
bashar_255
08-29-2007, 07:48 PM
اقرأ المواضيع هذي كاملة عشان تعرف المصطلحات اللي نقولها :)

http://www.racing4e.com/articles_category5.html
$المهندس$
08-30-2007, 03:09 AM
حياك الله يا الغالي :)



صحيح فيه غلطاات مطبعيه ...


كنت بقولك نص ساعه بس الرقم يطلع كبير ف قلت خلنه علي ثواني افضل ...


الصحيح ثانيه وليس نص ساعه :)


اما الثانيه اهي التورك وليس ورك ..



الاستروكر عباره عن تكبير حجم المحرك عن طريق تبديل الكرنك و البساتن و الاذرعه ..