غشيم مع لانسر هنا

[ASD0777]

سلام شباب انا عندي سيارة صار لها حادث بالعربي انتهت مافيه مجال للتصلح الشي هذا زعلني وقهرني كثير

لاني لابس نضاره طبيه وماني راعي وقومات وتفحيط لكن قدر الله وماشاء فعل تدرون حتى التضليل حق القزاز اكرهه


بعد الحادث جلست افكر
:eek:

قررت اني انحرف :cool:

بس ابيكم توجهوني لاني مابي اسوي شي بعدين تقولون لي ليش ماركبت وليش ماشريت كذا وكذا

يعني من الصفر راح اتعبكم معاي

اول شي

ودي اشتري لانسر موديل من 2001 الى 1997
اكيد بتكون ستوك

واكيد انا غشيم

لو فرضنا مكينتها 1600 قير عادي
اغيرها ولا لا ؟

بحكم اني ابي اطلع على السيارات الستوك مابي اقاوم بس ابيها نشيطه

شرايكم شركب عليها بالنسبه للمكينه عشان انا راسم لها شكل خارجي حلو ابي المتخصصين بالمكاين

التزويد يكون بحدود 7000 ريال = 600 دينار

نصايحكم للغشيم

ابي فرق بالسرعه سواء قومه او خط ( ودي اقول - ربع ميل او ميل او مدري شنو بس فشله ما اعرف )

شباب ارجو ذكر الاسعار للقطع اللي احتاجها

----------------------------
هل اسعار القطع تختلف لو اخذت سيفيك اكيد ستوك من موديل 95 الى 2000

[فراغ العاطفة]

اذا ميزانيتك تسمح خذ لك لانسر افليوشن
لا تتعب نفسك بتبديل مكينة ولا شي ابد ومستواها حلو
او شوف لك سفك مكينتها فتك

[@ ابـوفـهـيـد @]

اذا محتار بين السفك واللانسر


لاتفكر اخذلك سفك وانت مغمض


السفك هاتشباك بالكويت رخيصه قبل كم يوم ولد خالي رايح الحراج
يقول لقيت وحده 98 مسيومه بـ 350 دينار

اخذلك وحده وانفضها نفض رجعها جديييده اللي يشوفها يقول هذي موديلها 2007 مو 98
عاد المكينه وتعديلها بفيدك فيها فتك انسايد


حتى التضليل حق القزاز اكرهه <<<<< سيم سيم

[bashar_255]

اذا تبغي تنحرف صح خذ لك أمريكي سبورت :d

و اذا نفسك في الياباني الأربعة سلندر خذلك سفك أحسن لك من الانسر في التزويد 1000 مرة

أو خذ لك ايفولوشن اذا ميزانيتك تسمح :)

[فراغ العاطفة]

اذا تبغي تنحرف صح خذ لك أمريكي سبورت:d
صح كلامك:p

[ASD0777]

يعطيكم العافية حبايبي


خلاص اوكي هوندا سيفيك هاتشباك

لاني فعلا شفتهن بالكويت ببلاش محد مقدر هالسيارة مع ان الاوربيين يمدحونها واجد


على اي حال محد فادني بأسألتي


اوكي قلنا سيفيك

وش اللي لازم اركبه عليها

بالترتيب شباب والله غشيم

يعني حبه حبه

اسم الشغله اللي تبي تركيب و سعرها

اذا قلنا مثلا تيربو لازم شيتغير معاه يعني الثلاجه و الاقزوز ابي شرح مفصل الله يرحم والديكم


1- اذا تزويد بسيط

شوته + بواجي + اسلاك بواجي + هدرز ( انا صح ) لاني ما اعرف

2- اذا تزويد زيادة شوي
نفس البسيط بس ازيد شنو ؟





--------------------------------

[VTEC inside]

حياك الله اخوي ASD0777 و انشاالله دواك عندي << بيضربه ذا مو بيساعده :d

انا الي فهمته من كلامك انك تبي سيارة نشيطة و بما انك تبي سيارة نشيطة انا اشوف انه الأكورد موديل 94-97 و تنزل عليه مكينة H22A خيار حلو. لكن خلنا في السفك احسن لأنه الشغل عليها ارخص.

الي تحتاجه اي سفك و مكينة 1.6 بقيرها مال شد بلد اهم شي لأنه اذا ما تاخذ قيرها شد بلد ما تستفيد شي.
طبعاً المكينة يكون كودها B16A و القير اهم شي مال نفس المكينة.

و مدام المكينة برى راح نحط بساتن Civic Type -R و هذا راح يرفع الضغط الـ 12:1

طبعا المكينة و القير لحالهم راح تقدر تقوم على اي سيارة 4 سلندر مثل كامري 2000 اكورد 2000 و اللومينات الستة سلندر.

طبعاً اذا حبيت نتايج حلوة تقدر تركب ترس كارونة مال INTEGRA TYPE -R و الحجم فيه مقاسين المقاس الأمريكي و الي يجي 4.785 و هذا يعتبر كبير لكن لا تستغرب لما اقول لك فيه 4.900 و هذا كبير جداً لدرجة انك راح تمشي 120 كلم على الخط و الضغط يمكن 6

طبعاً الهدرز و الكولد اير انتيك لا تنساهم

طبعاً كذا السيارة راح تكون لا باس فيها لأنه انا اذكر مرة دست مع سيفيك Si و الي يكونوا اثقل من الهاتشباك تقريباً بـ60 او 70 كيلو و كانت مكينتها 1.6 و الباقي شد بلد و كانت سيارتي 2.3 اكورد 2000 4 سلندر تماتيك ،، الزبدة انه الرجال مترني تمتير :)


و اذا تبي تفجر الأولي و التالي، ركب H22A :d

المكاين ما اعرف سعرهم بالضبط بس راح تطلع عليك كاملة بالقير و الظفيرة و الكمبيوتر حدود الـ2500 ريال او 245 دينار ،،، وحسب ما سمعت انه المكاين هذي زاد سعرها بشكل خيالي في الأمارات لأنه الناس قامت تطلبها بكثرة.
الهيدرز احسب انه يجب شد بلد المكينة بس لو ماجا شد بلد ممكن تركب ماركة و يكلف تقريباً 1000 ريال يعني قول 95 دينار
الرامير اذا تركب مال AEM جداً ممتاز و يكلف اظاهر 1200 ريال
البساتن اظن انهم يكلفوا 500 دولار امممممم يمكن 1700 ريال
ترس الكارونة ما انصحك تغيره اذا تستخدم السيارة استخدام يومي لأنه السيارة للتو تحن على الخط لكن سعر الترس نوعاً ما غالي


اذا عندك استفسار ثاني انا حاضر

[VTEC inside]

و على طاري التظليل انا اول ما استلمت السيارة رحت محل زينة يشيل التظليل :)

[ASD0777]

حمر الله وجهك يا فيتك :d عشان الفيتك احمر ولا لا !!


بيض الله وجهك وماقصر وربي

سؤال بالنسبه للمكينه

تقول راح تكلفك 2500 مع القير والكمبيوتر والظفيرة

تمام التمام

طيب :3rbe123: وين تنصحني اروح للكويت او الدمام لان كلهم نفس المسافه عني وعند مين الفنان اللي يركب المكاين يعني اسم ورشه صح

[ASD0777]

اي مكينه تقصد ؟؟؟ الفيتك او H22a

[VTEC inside]

حمر الله وجهك يا فيتك :d عشان الفيتك احمر ولا لا !!
بيض الله وجهك وماقصر وربي
سؤال بالنسبه للمكينه
تقول راح تكلفك 2500 مع القير والكمبيوتر والظفيرة
تمام التمام
طيب :3rbe123: وين تنصحني اروح للكويت او الدمام لان كلهم نفس المسافه عني وعند مين الفنان اللي يركب المكاين يعني اسم ورشه صح

بالنسبة للدمام لا تفكر لأنه اسعارهم ناااااااااار

و بالنسبة للأمارات ما ادري

عندك اما البحرين او انك تروح في القطيف _قريب الدمام_ و بالأخص في التركية الصناعية( ورشة الأيدي الوطنية) حقت خالد المعبر و الرجال هذا اذا في موتري او موتر اخوي شي اوديه اله و انسى الأولي و التالي. و بيني و بينك، اوثق في شغله اكثر من الوكالة :3rbe028:

الرجال اسعاره جداً حلوة بس لا تلومه اذا قام يفلت في الكلام تراه هو يبي اجازة بس لأنه الذمة ما تخليه ياخذ اجازة بسبب ارتباطه بالأوادم حق مواترهم :d

اذا تبيني اكلمه لك ماعندي مانع بس ترا الرجال شغله رواااااااقة يعني راح يطول معاك لأنه قاعدته تقول يا اشتغل عدل او لا تجيب لي السيارة و لا تشيك على سيارتك كل يوم اذا وديتها ترا يعصب و يقول لك اذا خلصت باتصل لك :d




بالنسبة لمكينة الـH22A هذي مكينة فتك و تجي على البرليود و الأكورد و حجمها 2.2 لكن ما انصحك تحطها على السفك لأنه تحتاج الى قص و تلحيم و خرابيط و بيني و بينك لا تبلش روحك بها :)

اي استفسار انا بالخدمة

اخوك/ محمد آل خميس

[@ ابـوفـهـيـد @]

ماقصرت اخوي محمد

بس على فكره فيه كراسي مكينه حق الـ h22 على السفك وسعرهم حدود 150 دولار

وما اظن يحتاجو تلحيم او شي من هالقبيل


____________________________

راعي الموضوع اصقعها بتيربوووو

ترا رخيصون حق السفك <<<<< يجي حول 3500 ريال الى 6000

[VTEC inside]

انا وياك في هالنقطة بس هالكراسي ما راح تخلي في المكينة الباور او المكيف راح تضطر انك تتخلص من واحد منهم... المكيف مستحيل الواحد في هالبلد يتخلص منه و الباور هم مهم انتا ما تبي تسوي معركة مع الدركسون خصوصاً انه وزن البمكينة من قدام راح يخلي اللف جداً صعب :d

لكن لو تسوي قص و تلحيم يكون افضل لأنه راح تقدر تخلي الباور و المكيف و غير كذا راح تصير فيه مساحة كافية حق تغيير بعض القطع و فيه مجال حق يدك تتحرك.

و غير كذا لو تركب الـH22A راح تحتاج الى عكوس من سيارات ثانية يمكن ما تحصلها على ما اظن تحتاج الى عكس اكورد 97 و عكس انتيجرا 93 لأنه عكوس الـH22A طويلة على السيفيك.

نصيحتي لك ابتعد عن الـH22A على سيفيك لأنه شوي فيها عوار راس و غالية نوعاً ما...


او العن ابو الحياة و مثل ما قالك ابو فهيد و اقعا تيربو ترا النتايج حلوة و لا راح تحتاج الا انك تغير البساتن و تحط بساتن انتيجرا مش فيتك عشان ينزل عندك الكمبرشن تقريباً الى 9:1 و شوي. و غير كذا راس مكينة الـB16A من فضل روس الهوندا لأنه بنيته صايرة بيئة جيدة حق تيربو و هو عبارة عن راس Type R بس مو مسوين له Port&Polish ..

يعني لو مثل ما قال ابوفهيد و اخذت تيربو ماراح تحتاج غير بساتن انتيجرا LS/GS/RS و التيربو و البرمجة بسسسس

اذا عندك اي استفسار احنا حاضرين :)

اخوك/محمد

[bashar_255]

انا وياك في هالنقطة بس هالكراسي ما راح تخلي في المكينة الباور او المكيف راح تضطر انك تتخلص من واحد منهم... المكيف مستحيل الواحد في هالبلد يتخلص منه و الباور هم مهم انتا ما تبي تسوي معركة مع الدركسون خصوصاً انه وزن البمكينة من قدام راح يخلي اللف جداً صعب :d



يعني أنا مسوي اثنين من المستحيلات في هالبلد:3rbe102:

[VTEC inside]

يعني أنا مسوي اثنين من المستحيلات في هالبلد:3rbe102:

باور قلنا ما عليه لكن مكيف... "و لا تلقوا بأيديكم الى التهلكة" :3rbe158:

[bashar_255]

كان انقطع نسل بني آدم من زمان لو كلامك صحيح !

[@ ابـوفـهـيـد @]

عادي ياخي وشو من سابع المستحيلات

الوالد يومياً مافيه مكيف وماعنده مشكله ومستمتع <<<< السياره فيها مكيف بس مايحبه

الا عاد مع الاهل هذي حاله استثنائيه


ترا مساله مستحيل اسمحلي

[VTEC inside]

كان انقطع نسل بني آدم من زمان لو كلامك صحيح !

خلاص لا تقلب الموضوع نقاش اجتماعي :3rbe010:

الحين فيه global warming لازم مكيف :3rbe138:

[فراغ العاطفة]

وحسب ما سمعت انه المكاين هذي زاد سعرها بشكل خيالي في الأمارات لأنه الناس قامت تطلبها بكثرة.

صحيح ويقولون السبب البترول ارتفع الناس قامت كله تاخذ 4 سلندر
قولوا مبروك لنا مكينة التيرسل 2500 درهم:d:d

[ASD0777]

يعطيكم العافيه جميعا


انسايد فيتك انت ويا بشار من كلامكم فهمت انكم من الشرقية

منو يتبرع ويتصل على القطيفي ويقوله كم يبي فلوس من طق طق لسلام عليكم

انا علي السيارة والفلوس

واجي استلم السيارة بعد شهر تكون :3rbe107:

[VTEC inside]

انا و خالد المعبر(صاحب ورشة الأيدي الوطنية) 48 ساعة على اتصال يومياً فيه :d

و راح اكلمه لك و اخذ منه الأسعار و كل شي :)