Supercharger

[bashar_255]

بسم الله الرحمن الرحيم

اللهم صلي على محمد و آل محمد


تأخرنا هالإسبوع احتراماً لفاتحة المرحوم محمد الفرج انتهت يوم الجمعة .. رحم الله من قرأ سورة الفاتحة و أهداها لروح الفقيد :(


موضوع هالإسبوع هو The Supercharger

السوبر شارجر نوعين :

1- root supercharger
2- Centrifugal


الاسم العلمي له عموماً هو compressor و هو اللي نقراه مكتوب في بعض السيارات الأروبية و دايماً نقرأ و احنا نضحك تحسهم يعنو كمبريسر المكيف زي لما تقرأ في سيارات الثمانينات فيول انجكشن لو الستينات باور ستيرنق :d


السوبر شارجر عبارة عن جهاز موصول ببكرة يحركه سير موصول ببكرة الكرنك أما ما بداخل الجهاز فهو عبارة عن تروس موصولة بمروحة تدور مع دوران المحرك و يعطي في الغالب الضغط المطلوب من الصفر و كل ما كان السوبر شارجر أكبر كل ما كان يعطي متأخر بشي بسيط و يقدر الواحد يتحكم بالبوست عن طريق تغيير حجم البكرات

http://www.racing4e.com/data/media/11/supercharger-6a.jpg

السوبر شارجر شبيه بالتيربو

التيربو يحتوي على كمبريسور و توربين

السوبر شارجر فيه كمبريسر و بكرة

فالبكرة تحل محل التوربين و كما هو معروف حرارة السوبر شارجر أقل من التيربو بمراحل .. حتى اني شفت مرة على النت سيارة 7sec بدون انتر كولر في أحد المرات

و على اختلاف السوبر شارجر تختلف القوة أكيد



1- Centrifugal:

http://www.racing4e.com/data/media/13/35-1078962965.jpg


و حقيقة اعتقد أنه نوع متعب و مجهد للوصول لمستويات عالية مثل 500wrhp+ و الأسباب سأذكرها لاحقاً

أشهر الشركات لهذا النوع هو الفورتك و الباكستون و البرو شارج و الباور داين و غيرها

http://www.racing4e.com/data/media/11/Vortech_Logo.jpg

هذا النوع يركب في صدر المحرك في الواجهة و الجاهل يحسبه دينمة شارج لو كمبريسر مكيف لو شي :d

يركب على براكت bracket و يتوصل عن طريق بايب للثروتل بدي أو للانتر كولر اذا كان موجود

في الواقع سالفة البراكت أنا شخصياً مو مرتاح لها .. أعرف سيارتين قوتهم فوق الـ 500 حصان و اثنينهم يعانو من السيور تنقطع بشكل مستمر و مثل ما هو معروف السوبر شارجر له سير خاص عشان يتحمل و يلف الكمبريسر بدون تفليت لكن لا فائدة .. حتى أن واحد منهم ركب له نظام بكرات جنزير بدل السير و على الرغم من أنه متأكد أنهم راكبين عدل الا أنه فرط البكرات كله و تبعثرت 2000 ريال على أرض الشارع .. شخصياً ما أعرف أحد عنده root supercharger لكن ما سمعت عن مثل هالمشاكل في نظام الروت و لو فيه كان سمعنا في مكاين الكوبرا 2003 و طالع لأنهم يوصلو مستويات عالية بالسوبر شارجر الأصلي أو بأنواع اخرى من الروت سوبر شارجر

http://www.canadiandriver.com/articles/rp/images/03cobra_11.jpg

و ثاني شي لو نلاحظ البراكت و البكرات و الجنزير بدل السير المستخدمين في سيارات الريس يختلف شكلهم و قوتهم و سمكهم تماماً مع السستم الصغير و اساساً اغلبهم يركب root supercharger للمسويات الكبيرة

تحليلي الشخصي يقول أن الروت لأنه مثبت بالمحرك مباشرة فهو مستقر أكثر من الأنظمة الأخرى

فيه فكرة للتخلص من مشكلة السيور للكمبريسور و هي عن طريق إضافة BOV بلو اوف فالف لبايب الإنتيك خاص بأنظمة التيربو " وينك يا أبو فهيد :d " و بذلك الضغط المفاجئ بيطلع برى و بيرتفع البوست بالتدريج و في نفس الوقت بتحصل على تراكشن أفضل " وينك يا خميسوه :d "

http://www.racing4e.com/data/media/11/rs1750_pc_001.gif

[bashar_255]

2- root supercharger :


http://www.racing4e.com/data/media/11/jr_diagram_9.jpg

أكثر الأنواع شعبية في الدراق و هو بديل عن الثلاجة و يعتبر أقل تكلفة و يأتي بنظامين

بخاخ أو كربريتر

البخاخ أشهر الأمثلة الموجودة له هي الكوبرا 2003 و فوق و من أشهر شركاته عموماً روش و وابل و كيني بل و غيرها

الكربريتر فيه نوعين منه .. كربريتر و يسموه بيبي شارجر و كربريترين ميقا شارجر

http://www.racing4e.com/data/media/11/saintscarclub_supercharger.JPG

http://www.racing4e.com/data/media/11/supercharger.jpg

الروت سوبر شارجر بالكارب هو أسهل و أريح و أضمن طريقة للحصول على القوة في عالم السوبر شارج و يعيبه كم شغلة بس .. ثقيل و كبير و وزنه غير مناسب لأنه يخرب توزيع الوزن و كل ما كان أكبر كل ما كان عائق أكبر في القيادة و عليه مخالفة :d و فوق هذا اساساً ما نشوفه متوفر إلا للمحركات القديمة أصلاً اللي جت بنظام الكربريتر و من اشهر الشركات المنتجة لهذا النظام هي شركة ويند

http://www.racing4e.com/data/media/11/SUPERCHARGER_KIT.jpg


Supercharger vs turbo

من حسنات التيربو أنه ما يشكل ضغط على المكونات الداخلية للمحرك أو القير و الدفرنش مثل ما يعمل السوبر شارجر و سهل التحكم في ضغط التيربو و في التراكشن على التراك و لا يعتمد على السير فبالتالي يستغني عن مشاكله ولا يأخذ طاقة من المكينة حتى يشغله ، لو تلاحظو أن السوبر شارجر يحتاج سير و عزم عشان يلف

http://www.racing4e.com/data/media/10/02.jpg

من حسنات السوبر شارجر أنه ما فيه مشاكل ولا يحتاج زحمة عشان يشتغل مثل التيربو فيعطي البوست كامل و سريع على عكس التيربو اللي لازم تسايسه و تجيب له انتي لاق و كارونة نايمة و بلو اوف فالف و يمكن ريشة تيتانيوم و تضرب غاز أو غيره

http://www.racing4e.com/data/media/11/10.jpg

و في النهاية كل نظام له حسناته و سيئاته

[The Expert]

يا سلام عليك بس

الله لا يحرمنا منك :)

جاري قراءة الموضوع

[البحراوي]

مشكور بشار على الموضوع اللي ينعش الروح العليلة

[M.B.Z]

الله يعطيك الف عافيه بشار

انا من زمان وانا ادور معلومات عن السوبر

ماقصرت

[@ ابـوفـهـيـد @]

ماشالله موضوع اكثر من رائع

لاكن احس ان السوبر شارجر انتهى عهده

لانه من الاول كان الياباني تيربو والامريكي سوبر

لاكن في الفتره الحاليه اشوف الامريكي اتجهو للتيربو بشكل وااااضح


بس من ناحيه العمليه فهو متفوق على التيربو بكثيييييير
والحلو فيه صيانته قليله

ويعطيك العافيه خيو بشار

[VTEC inside]

هذي اول مرة اقرأ عن السوبرشارجر بالتفصيل لأنه خبرتي فيه شحيحة :)

موضوع اكثر من ممتاز...

لكن عندي تساؤل و هو على حسب علمي انه السوبرشارجر ما تقدر تلغي عمله بشكل كامل (اقصد انك تخلي التوربين ما يدور) الا انك تسوي للهوا bypass

طيب انا عندي فكرة تخلي السوبرشاجر افضل من التيربو حق الأستخدام اليومي ،،،

ليش ما نحط للسوبرشارجر كلش مكيف بحيث انه اذا طفيته يظل السير يدور من غير دوران الأجزاء الداخلية للسوبرشارجر و اذا شغلته يشبك السوبرشارجر زي المكيف ؟؟

و يصير عندنا محرك حق دراق ريس و حق استخدام يومي و الله وش رايكم :d <<< وينك يا مرتضوه عن هالأختراعات :d

[$المهندس$]

موضوع حلو بشاار :)

يعطيك العافيه ..




و يا خميس اختراعك ما منه فايده :)


ليش تبي تفصل السوبر ؟!!!


شيل البكره راح يفصل بس فيه اشياء راح تتغير :)


بس هم اختراق حلو .. :)

[VTEC inside]

انتا افرص شلت البكرة و لما وقفت عند الأشارة جا واحد يبي يدوس ؟؟؟

بتقول له اصبر باحط البكرة :o ؟؟

لكن انتا ممكت تفصل الكهرب عن الكلش و تمشي بالسيارة عادي كأنه ما عليها شي لكن لما واحد يبي يدوس وياك على الأشارة تشغل المكيف قصدي السوبرشاجر و تدوس معاه و اذا خلصت قوماتك طفيت السوبرشارجر والله وش رايكم ؟

[bashar_255]

لكن عندي تساؤل و هو على حسب علمي انه السوبرشارجر ما تقدر تلغي عمله بشكل كامل (اقصد انك تخلي التوربين ما يدور) الا انك تسوي للهوا bypass


كمبريسر مو توربين :)

بالنسبة لفكرتك ما احس انها بتكون عدلة لأن وجود كلتش يعني ممكن يخترب لك مع الزمن و معناته بكرة أثقل و أغلى

بس راسل شركة فورتك ممكن يشترو اختراعك :d

ممكن الـ BOV يكون حل جيد حق تنزل البوست :)

[VTEC inside]

هنا الكلام احنا نبي نلغي عمل الكبرسر بالكامل عشان نطول عمر السوبرشارجر و نقلل من تقصص السيور و نخفف الضغط على المكينة و نقلل الصرفية

اما بالنسبة للكلش كم مكيف اخترب قبل الكلش حقه ؟؟ :)

دايماً كمبرسر المكيف يخترب و الكلش ما اخترب

انا الي اقصده لك ليش ما حنا نرهم السوبرشارجر و نحط كلش مكيف و كهرب :d

و بالنسبة للـBOV فهذا حسب الي فهمتمه يخلي تسارع الكبرسر تدريجي بدل فجائي ،،، يعني لسى السوبرشارجر يعمل و غير كذا الكبرسر يدور بكامل حريته

[bashar_255]

على فكرة السوبر شارجر عمره أطول من التيربو بكثير :)

[VTEC inside]

انا دايم اشوف و اقرأ انه اذا تحافظ على التيربو و تسوي له صيانة دورية يصير عمره اطول من السوبرشارجر

[Bzay]

موضوع جدا جميل والمعلومات اللي فيه روعه...يعطيك العافية

[ابوشهد]

موضوع جميل وكل الشكر لك اخوي بشار
تويوتا نزلو بالثمانينات سوبر تشارجر وله كلتش يشبك اذا دست اكثر من 60 بالميه من دواسه الوقود وكا ناجح لاكن ما فضلو شركات التعديل استخدامه للمحركات القويه وما ادري وش السبب!!
http://img.alibaba.com/photo/10342555/Supercharger.jpg

[VTEC inside]

شفت بشار يعني فكرتي ما فيها شي :p

هذا مو كأنه صاير مثل كلش المروحة ؟؟

و مشكور ابو شهد على المعلومة :)

[$المهندس$]

بس ما اتوقع انه يتحمل .. .


اللود علي السوبر جارج اكبر من الكمبريسر


السيور تتطقع تبي الكلتش يمسك عدل اتوقع انه يصير فيه لووز كببيير للقوه :)


و الرنج تستخدم طريقه تخلي السوبر يفصل بعد ال 120 كيف ماا ادري :)

[VTEC inside]

طيب ممكن انه نسوي اختراع بحيث يصيرفيه عود و لما توصل الكهرب يطلع العود و يمسك البكرات و لما تطفيها يرجع العود و تنفصل البكرة ... وش رايكم بالأختراع :d

[$المهندس$]

هل عود من شنو راح تصنعه عشان لا ينكسر ؟؟


و اتوقع انه يكون يدوي مثل ما تشبك الدبل :) << اشرايك بهل اختراع >> يحب الشئ الاكلاسك القديم خخخ

[VTEC inside]

اكيد من أريديوم لأنه الأريديوم اصلب من التيتانيوم و الفولاذ و الحديد و النحاس و الذهب و الفضة بمراحل :)


الأرض فيها خير ترا :d

[VTEC inside]

و ممكن نحط اكثر من عود :d <<<< كأنه عداني مرتضوه

[$المهندس$]

و ليش اكثر من عوود :)


يمكن فيه تفكير افضل :)


ليش ما نسوي مثل الهاند بريك ؟!


يعني نسحب مثل الهاند بريك يسحب الشافت تبع السوبر و يلتصق مع البكره الاساسيه و كذا نخلص :)

[VTEC inside]

أي والله :o

راحت عن بالي

[محمد مراد]

ليش امدوخين راسكم شباب الي مركب السوبر أكيد أكثر شي يبي يدوس ليش نفصل السوبر بالهاند ولا غيره يعني معقولة الي مركب سوبر يبي يتمشة فيه
بس يعطيكم العافية على الأختراعات الحلوة

[VTEC inside]

المشكلة مو هنا لكن افرض انك طلعت خط او في عز الحر و مشغل مكيف ،،، السارة ناقصة تحط على الكرانك سوبر ؟؟

و الله اذا ثبت على سرعة محددة على الخط مثلاً 120 فماراح تستفيد من السوبر اصلاً اذا كان الكمبرسر يدور فليش نتعبه و ليش نتعب المكينة :)

انتا لما تقدر تفصل السوبر فمعناتها تقدر تخلي السيارة تمشي كأنها شد بلد و لا عليها سوبرشارجر

مو احسن من الفصال البحرة و شباكها ؟ :)

[$المهندس$]

ناس 1000 حصان و استريت :) :)


و اسمول يعني يا تيربو او سوبر عادي ماكو مشكله و حق استعمال يومي

[VTEC inside]

يالله هونا ما نبي نفصله :d

[ابوشهد]

ما اتوقع ان فصل السوبرتشارجر له اي قيمه خصوصا اذا عرفنا انه بالمشي العادي بندوس دواسه البنزين شي بسيط بارت ثروتل يعني وبكذا راح يكون فيه اختلاف كبير بالبرشرقبل وبعد الثلاجه يعني راح يكون فيها فاكيوم او علي اسواء الاحتمالات بوست اقل والشي هذا راح يسمح لل BYPASS VALVE او البلو اوف فالف انه يكون فاتح ويهرب البوست او جزء كبير منه وبكذا ما راح يكون عندنا بوست ولا راح يكون عندنا تجميع وتكون للهواء الحار وهذا هو المهم.
وانا استخدم سيارتي الكومارو او بالاصح كنت استخدمها والبوست كان 15 وما كنت اعاني من اي مشكله وكنت اتمشي فيها بالكرنيش بشكل طبيعي, وما كانت صرفيه البنزين سيئه , كانت مقبوله جدا. والسر وراء ذلك انك تراح تبرمج السياره علي حسب اللود فحتي لو كان الاربي ام متوسط والثروتل خفيف يعني ما فيه لود بتخلي البنزين قليل وما فيه اي خطر في الحاله هذي لاكن اذا دست البنزين واللود راح مثلا الي 1.00 kps بيزيد البنزين ومعاه البوست وما راح يكون فيه مشاكل.

[VTEC inside]

كلام جميل :)

انا مالي بالسوبر شارجر لأنه ما عرفت بتفاصيله الا في المنتدى :)

مشكور ابوشهد على التوضيح

[hmh]

مشكور يا بشار ويعطيك الف عافية عالموضوع الجميل
واستفدت منة معلومات ولكن هل يزيد من الصرفية ولا لا والتيربو ايضا وايهما افضل
ولا تحرمنا من جديدك

[VTEC inside]

انتا اذا ركبت تيربو او سوبرشارجر بتصير مثل المجنون ولا بتنتبه الى الصرفية :d

اكيد يزيد الصرفية لأنه السوبرشارجر و التيربو يزيد الهوا و اذا زاد الهوا لازم يزيد البنزين :)

بس البعض يقول انه يقلل الصرفية لأنه راح ياخذ منك وقت اقصر عشان ترفع قيج السرعة :)

[$المهندس$]

الصرفيه اتوقع تعتمد علي السائق ..

ف حاله استخراج فول هورس بور هذا راح يكلف باانزين كثيير ..


اما التمشي يمكن يقل بعد :)


التيربو افضل من السوبر بمراحل :)

[bashar_255]

القصد بكلام انه يقلل الصرفية أنه في حال جبنا محركين بنفس النظام

و بنفس القوة واحد تيربو و الثاني N/a فالمفروض ان محرك التيربو صرفيته أقل

[The Expert]

هو خميس في باله اذا زاد الهوا لازم يزيد البنزين علشان يتم الاحتراق بصورة تمام :) ,, فبتزيد الصرفية
هذا اللي فهمته من كلامه

[@ ابـوفـهـيـد @]

لا ويييييييييين


التيربو يشفط بانزين شفط

عندك اقرب مثال لمحرك الـ na والتيربو

لمن توصل قوه مثلاً 600 حصان محرك البدون باور اد راح يحتاج بخاخات 500
اما محرك الباور اد راح يحتاج اعلى من هالرقم بكثير

[VTEC inside]

هو خميس في باله اذا زاد الهوا لازم يزيد البنزين علشان يتم الاحتراق بصورة تمام :) ,, فبتزيد الصرفية
هذا اللي فهمته من كلامه

بالضبط
بل بالعكس راح نطلع بنزين زيادة عشان نعالج مشكلة الديتونايشن و الحرارة

[hmh]

مشكوووووور شباب وما قصرتوا
يعطيكو العافية