قراءة المعلومات و الأرقام المكتوبة على الإطار

[VTEC inside]

حبيت اضيف هذي الصورة من شركة ارامكو السعودية و ذلك لأهميتها القصوى

http://www.racing4e.com/vb/attachment.php?attachmentid=869&stc=1&d=1188775116

طبعاً فيه كتيب من جامعة البترول مفصل عن هالشغلة ياليت الي عنده الكتيب يتحفنا شوي و يزيد من التفصيل لأنه اذكر مثلاً حق السرعة كل حرف له مدلول حق اقصى سرعة و انا ما اذكرهم بحكم انه الكتيب مو موجود عندي ،، فياليت شوية تعاون عشان نفصل الموضوع اكثر :)

[$المهندس$]

الي ييبي تفصيل كامل يقول :)


عني كل المعلومات الي تخص في الاطار و كل رمز و حرف ..


بس متعيز انزله :)

[VTEC inside]

نزله في اي وقت يريحك :3rbe162:

و اذا متعيجز اكثر سوي له سكان و نزل الصور

و مشكور مقدماً :)

[$المهندس$]

ان شاء الله بس افضي انزله :)

[bashar_255]

مو كاتبين كيف تقرأ التاريخ :)

[VTEC inside]

عشان كذا طلبت مساعدة الي عنده الكتيب

[$المهندس$]

الكتاب بين هل كتب تعال دور :d


http://www.racing4e.com/vb/attachment.php?attachmentid=871&stc=1&d=1188853330


يبيلي فهرسه حق الكتب :d





بنسبه حق تاريخ التصنيع ...



تلقه مكتوب علي الاكفر رقم مثل 2505 او 3206


يعني شنوو ؟؟


يعني يا طويل العمر 05 هذي السنه 2005 اما 25 يعني 25 اسبوع


هل رقم يتقسم علي 4 او 3 ما اتذكر (( ما لقه الكتاب :d )) يطلع لك شهر جم ...



3206 نفس الحاله 06 يعني 2006 و 32 يعني 32 اسبوع ..


و هكذا :d


خلني القه الكتاب و اعطيكم كل شي ..

[VTEC inside]

انا خبري انه خمسة ارقام واول رقمين مثل ما قلت السنة و الأرقام الثالثة هي رقم اليوم في السنة و الله انا غلطان ؟

[VTEC inside]

و ترا الفوضى في الكتب اساس النجاح في الجامعة :d

[$المهندس$]

ولله الفوضي بدايه العفيسه خخخخخ :)



مثل ما قتلك اهم اربع ارقام تقدر و اول اثنين السنه و الثاني الاسابيع



روح حق اي كفر و جرب :)

[VTEC inside]

كندا ما فيها كفرات :d

[$المهندس$]

عاد اشلون تمشي السياره ؟؟؟

[VTEC inside]

هم خل يصير عندهم سيارات عشان تمشي :d

[$المهندس$]

انت تدرس في بنقلادش وله كندا :)

[VTEC inside]

هذي بنغلاندا :d

هنا اعتمادهم الرئيسي على الباصات و السيارات غالية و تأمينها غالي حيل يكسر الظهر و البنزين غالي

تخيل كنت ناوي اخذ موترسايكل هوندا CBR 600 F4i قلت عشان كشخة و البنزين اهون علي و سعره كان حليو يعني 6000 دولار و موديله 2002 المهم رحت اشيك التأمين


تدري تأمينه في السنة 11000-13000 دولار :bal:

غسلت يدي

بس على فكرة كندا مهووسين بأمور السلامة و الأمان

تعرف في الباصات في وسط الفلنجة مالت الكفر في قطعة مثل الي يستخدموها في البناء عشان التأكد من انه السطح مستوي و فيها عداد حق تعرف كم مشى الكفر :eek:

[$المهندس$]

انا الي اعرفه انه بأمريكا و كندا انه ما تقدر تمشي بسياره الي وعليها تأمين ..



الله يعين ولله .... مع العلم انه الدخل الفرد في كندا الاعلي في العالم :)

[VTEC inside]

أيه كلامك صحيح اجل ليش هونت و لا اخذت موترسايكل

و دخلهم لا هو عالي و لا شي من ان جبت هالكلام :confused:

هنا لو ما القروض و الفيزا و الماستركارد كان راحوا في خبر كان

انا خبري سويسرا النمسا النرويج السويد هناك الدخل اعلى شي مو كندا كندا خراط انا على مكافئتي البسيطة ادخل مطاعم الأفراد هنا ما يدخلوها الا مرة في السنة و يمكن ما يدخلوها مرة ثانية و انا كنت ادخلها ثلاث او اربع مرات في الأسبوع...

لكن باين انه الخليج بيلحقوا كندا بعد ما ارتفعت الأسعار :mad:

[$المهندس$]

ولله ما ادري


بس اعرف مهندس كان يدرس هناك و يوقل انه دخل الفرد عندهم االاعلي في العالم ..


ما اقول الي الله يعز الخليج :) :)