ابي اعدل محرك السيارة [الأرشيف]

polo2003

08-19-2006, 10:46 AM

السلام عليكم
مارح اطول عليكم
عندي فلكس واجن بولو موديل 2003 ابغا اعدل المحرك لانقلة من 100 حصان الى (115-140)حصان
ياريت تقولون لي ايش الاشياء اللي ابداء بيها
للعلم
المحرك 1.4 لتر 16 صمام 4سلندر
القير عادي السيارة ماشية 107000 كلم
وشاكر لحسن تعاونكم
polo2003:d

$المهندس$

08-19-2006, 04:59 PM

انا كأني سامع فيه هل موضوع :)

المهم اول شئ تفصل هدرزات و سستم اقزوز لانه نادر تلقه حق هل سياره

و تحط بواجي رياضيه و اسلاك بواجي و سستم شوته و تخرط الثلاجه و تركب غاز 50 ....

هذا يوصل 150 اذا الشغل نظيف ...

bashar_255

08-19-2006, 08:19 PM

المهندس : بدون غاز كفاية أظن :)

$المهندس$

08-20-2006, 02:13 AM

ولله ما ادري اشفيني علي الغاز خخخخ

بس نتائج روعه بسعر جميل علي قوه اجمل .. وله اشرايك :)

ابوشهد

08-20-2006, 04:26 AM

كلام المهندس صحيح لاكن لو انا مكانك بطلع الاربعين او الخمسين حصان بخطوه وحده اريح لراسي من كميه البولت اون الكبيره . اول شي لبي اعرف نسبه انضغاط مكينتك compression ratio اذا تحت العشره ركب لك سوبر تشارجر او تيربو وخذ لك كت كامل من شركه محترمه ولا تستخسر فيها اذا ناوي تستمر مع السياره لان البولت اون بيخسرك نفس المبلغ وبنتايج اقل صحيح ما راح تحس انك بتصرف مبلغ كثير لانه زي التقسيط وبتقول هيدرز 1500 ريال بس بعدين تقول رام اير مع فلتر بعد 500 وكام ووو.
واذا كان لك رغبه انك تركب سوبر او تيربو يا ليت تفتح موضوع نقاش عشان الشباب يفيدونك بتجاربهم وتختار افضل الموجود بالسوق. وبالتوفيق

@ ابـوفـهـيـد @

08-20-2006, 11:59 AM

اذا تبي النصيحه لا تتعب نفسك معى المكينه الصغيره
صدقني كنك تحط قطره مويه في بير
يعني تركب هدرز وفلتر وتسمع صوت السياره تقول اوف اللحين بطرح لومينا اس اس
وتتفاجأ ان الكورلا طرحتك
اخذها نصيحه اخويه من مجرب

المكينه الصغيره مايحركها الا التيربو
فكر بالتيربو وبتدعيلي

وخلطه المهندس جيده بس ماراح توصل 150
اتوقع توصل 120- 130

لانه حط بالحسبان التيربو يعطي للمكينه 40% من قوتها
يعني اذا ركب تيربو بتصفى السياره على 140 حصان

والله صعب تزويدها يبغالك تعب

لو تغير المكينه بترتاح اكثر

polo2003

08-21-2006, 02:45 PM

والله ياشباب دوختوني اشرايكم اضيف صوره للمكينة
للعلم انا مركب فلتر رياضي وشايل دبة الرصاص
سؤال
كيف اعرف compression ratio
اذا ممكن مع الشرح
ومرة جربت msd على السيارة وياريت ماجربت طلعت على كرولا 1.8 قومة وخط بس ايييييييي
انحرق الكمبيوتر ثاني يوم علشان ما فصلتة
بس زي ما قلتوا ابغا ابدء خطوه خطوه
وشاكر لكم
polo2003

Red Chevy

08-21-2006, 03:28 PM

اخوي عليك بالتيييييربو

وبحاول اجيب لك الموقع الي يبيعه

polo2003

08-23-2006, 01:07 PM

اوكي تربو نجربة او السوبر شارج

$المهندس$

08-23-2006, 03:57 PM

اعتقد التيربو افضل .... و حلو حق المحركات الصغيره ..

وحش

08-24-2006, 03:58 AM

انا اقول نفس كلام المهندس و بدون غاز احسن

و كلامك يابوشهد عدل

mortally

08-24-2006, 01:27 PM

شوف حبيبي

انا اشوف التيربو افضل لك

وانا ائئئيد كلام اخواني بوشهد وابو فهيد

polo2003

08-26-2006, 08:56 AM

:d :d :d :d :d

شباب طيب انا عندي خلطه جهنميه
كمبيوت شب + هدرز + اقزوست + تيربو + كام وصمامات + وسلندرز:d

bashar_255

08-26-2006, 09:51 AM

انا ما فهمت انت ويش قاعد تقول !!!!
الكمبيوتر بتبرمجه لما تركب تيربو لا بد منه :)
الهدرز يعني لو بتركب التيربو بتاخذ حق تيربو الا اذا ناوي تحط التيربو في غرفتك :rolleyes:
كام و صمامات ما لها داعي مع وجود تيربو :confused:
السلندر تغيره لويش ؟؟؟ ناوي توصل 1000 حصان ؟ :mad:

بإختصار أطلب لك تيربو كت و بمستوى ما يخليك تطر تفك المكينة أحسن لك

يعني ما بين 6-8psi

تحياتي ،،،

mortally

08-27-2006, 08:15 AM

اخوي لا تتهور وتلعب بفلوسك وفي النهاية تخسر

اخذ تيربو وتوكل على الله

polo2003

08-27-2006, 08:50 AM

اوكي بدامكم اجمعتم على التيربو ناخذ تيربو
بس السؤال اللي يطرح نفسة وطرحني معاه
ال psi كم يكون وهل التيربو كت يجي كامل زي مايقولو مكمل من مجاميعو يعني ما اتهجول :rolleyes: ( قطعة من هنا وهناك):d
وشاكر لكم

bashar_255

08-27-2006, 10:20 AM

أغلبيتهم يجو كاملين و حتى بالبلوط يعني مي مشكلة بس يبيلك واحد شاطر يطلب لك :)

اذا انت في جدة روح لورشة العالمية و اسأل عن عبد الحق

تحياتي ،،،

ابوشهد

08-28-2006, 05:57 AM

اخوي انا شيكت علي بعض مواقع التيربو والظاهر ان البولو لا تعتبر سياره رياضيه لاني لقيت لاغلب سيارات الفولكسواجن الا البولو اذا ناوي تركب تيربو دور والشباب بيساعدونك لاكن اذا ما لقيت كت كامل من شركه لا تتعب نفسك وترهم او تخلي احد يلخبط لك السياره والاختيار لك وبالتوفيق

عليل الضماير

08-28-2006, 08:09 AM

من وجهة نظري أذا فيه برنامج للسيارة (قابل للبرمجة والتعديل) أفضل انه ركب أي تيربو من أي تشليح

والوصلات تأليف من أي محل شكامين بس يكونوا Stainless works عشان مايصدون :)

هذا اولا .. ثانيا أتأكد من الكمبرشن حق السيارة بحيث أني ماأزيد عن بوست 6 على سيارة كمبرشنها 10

ثالثا .. اتأكد من عمر المحرك اذا ماشيه السيارة 100000 كيلو وأكثر ماأجازف لأنه مكينتي 100% بتتعب

بسرعه وبأضطر أني أفكها ..

رابعا أتأكد من وضع الريشوات والكام بحيث انه ممكن يفتح عندي التيربو بنهاية الكام ..

وممكن ريشوات القير تذبح التيربو مثلا توصل الـRed Line والتيربو في ذروته :(

تحياتي وأتمنى اني أشوف مشروع زي كذا .. والظاهر مافيه الا ابو شهد بيسويه :)

@ ابـوفـهـيـد @

08-28-2006, 09:44 AM

اخوي ممكن تيربو السيات ليون يركب على القولف
بس يبقالك المانفوولد
لان حسب ماسمعت ان الفولكس واقن والسيات شركاء وفيه نفس القطع

اخوي اذا انت في الرياض رح للوكاله واسالهم
ترا مايقصرون معك
الصراحه احسن وكاله من ناحيه خدمه العميل في التزويد

الوكاله الجديده بطريق خريص عند مخرج استاد الملك فهد
ديور وامش قدام تحصلها على يمينك
وسير علينا ترا حواليك

polo2003

08-29-2006, 01:11 PM

مشكورين وما قصرتوا ياشباب بس انا في فكرة يمكن هي الحل الوحيد :rolleyes: اني اطلع المانيا وادور او اشوف احد هناك يسائل المصنع :eek:
ولا ايش رايكم
و يابو فهيد فكرتك جيده لأنو الكلتش حق سيارتي شاريه من سيات وهو حق اليون تيربو
بس مدري مكينة اليون تركب على الشاص حق البولو من غير مشاكل ولا لا ياريت تفيدونا :d
polo2003:d

bashar_255

08-29-2006, 02:12 PM

بيعها و اشتر قولف دفع رباعي 5 سلندر و بتدعيلي بدل طلعة المانيا :d

polo2003

08-29-2006, 04:21 PM

كلام جميل :d بس القولف 6 سلندر دفع رباعي والسعر خيالي ;)

bashar_255

08-29-2006, 04:53 PM

و الله اتذكر واحد من الشباب كان عنده قولف 2003 فاكنه وكالة 5 سلندر اذا ما كنت غلطان و اخذها بـ 94 الف من الوكالة سنتها

يجوز انها 6 ما عندي فكرة لأني من زمان ما اشوفه

على العموم يعني لو تلاقي مستعمل ابرك لك من هالحوسة ذي كلها أو شوف لك سيات ليون تيربو 1.8 و تعدله افضل لك بواجد ما دام انها نفس الشركة يعني :)

$المهندس$

08-29-2006, 05:22 PM

اشفيكم علي الاماني ..؟؟؟؟ اخذلك الي تي و ريح بااااااااااالك ...

@ ابـوفـهـيـد @

08-29-2006, 11:38 PM

سيات ليون 2.0 تيربو تفشخ الماكسيما
شويه تعديل ولا انت فاشخ الأس أس

واما انك تدزها لألمانيا على شان تشوف معلييييش
راعي طويله
ارسلهم ايميل وهم مابيقصرون

عليل الضماير

08-30-2006, 12:11 AM

موجود عندنا قولف فورموشن ( دفع رباعي ) ستة سلندر جديدة مو بس نظيفة 2003 للبيع

polo2003

09-04-2006, 06:23 AM

يا حبيبي 2003 ونضيفه كتر منها :d عمرها 3 سنين مو معقوله:eek:
بس السؤال هل هي مستعمله و كم ماشه وكيف الصيانه :rolleyes:
===============
على كده لازم اقارن بين اليون والقولف:confused:
وياريت الخبراء يعلمونا الفروقات
المحرك من جميع النواحي
الوزن وايهما يمكن تقليل وزنها بشكل كبير
الشاصي ايهما يتحمل
واخرا وليس اخيرا ايش الي يتوفرلها قطع تعديل ( بدودي مكينة ديكور داخلي) للاستفاده:d