سيارتي خلطت ماي وزيت

[F-BODY]

سلام عليكم
سيارتي طرانز lt1 غريبه بصراحه مادري كيف غيرت الطرمبه الماي وفي نفس اليوم غيرت زيت السياره
ومنها طفت مارضيت تشتغل وديتها الورشه قالي سلف عندك تعبان يبي لك تغيره وغيرته دق عليي قال لي تعال استلم سيارتك
رحت اخذها يقول لي البطاريه ضعفانه عندك يبي لك تغيرها ....اشغل مب راضيه تشتغل قلت انا اشوف الحراره مرتفعه
قلت مايصير بفتح رديتر اسمع صوت فيه هوا قلت هذول شكلهم ماشيكو على حراره السياره يقول لي راعي الورشه كنت مشغلنها وطفيتها قلت شكلك ماكنت معاها ماطلعت في الحراره... الحراره فوق ...مادري كيف سبحان الله قلت بشيك على الزيت الا اشوف لونه حلبي (خالطه) ماي وزيت قلتلو والحل يعني...انا قبل لا اوديها الورشه مشيك على زيت وهيه واقفه سياره الزيت اوكي ولا فيه اي مشكله بس من وديتها الورشه خلطت طبعا وديتها على سطحه ماشتغلت الا عندو :confused: ...شغلناها مره ثانيه الا يطلع الزيت من نفس المعياره الزيت وهيه شغاله وبعدين طفت بحالها ........قال لي خلها تبرد يمكن الثروتل يسويها :confused:
وعلى فكره انا موضب سيارتي من قبل ...... شباب ايش تتوقعون خالطه من ايش ؟ ؟

[mzmz]

طيب يطلع دخان من كنداسة السيارة

اذا طلع دخان ابيض على ازرق

الله يعينك

وضب المكينة


وشوف راي الشباب

[bashar_255]

اذا طلع دخان ابيض على ازرق
الله يعينك
وضب المكينة



مو صحيح .. الزيت في الرديتر ما لها دخل بالشنابر لو غيره

يمكن يكون مجرد قازكيت أما الثروتل أول مرة اسمعها ذي !! .. أما سبب ليش خلطت يمكن خطأ في التركيب أو أنه سيارتك مزودة و تضغط بشكل كبير و يبغيلك قازكيت نوعية حلوة تستحمل ضغط

[F-BODY]

طيب يطلع دخان من كنداسة السيارة
اذا طلع دخان ابيض على ازرق
الله يعينك
وضب المكينة
وشوف راي الشباب

انا مامشيت بها ابدا في الورشه خلطت كيف ماادري :confused:

مو صحيح .. الزيت في الرديتر ما لها دخل بالشنابر لو غيره
يمكن يكون مجرد قازكيت أما الثروتل أول مرة اسمعها ذي !! .. أما سبب ليش خلطت يمكن خطأ في التركيب أو أنه سيارتك مزودة و تضغط بشكل كبير و يبغيلك قازكيت نوعية حلوة تستحمل ضغط

طيب الحراره ادا ارتفعت فتره معينه ممكن انها تخلط سياره ماي وزيت ؟؟

[$المهندس$]

الحراره اذا ارتفعت يعني الراس شعر و القازقيت مشلوخ ف تخلط زيت و ماي :)


يا انه القازقيت اهو بس الي اخترب او انشلخ او انه الراس اشعر


و من الحراره العاليه الي تخرب القازقيت و الراس و الشنابر مالها دخل :)

[ALI PONTIAC]

انشاءالله مايكون الموتر خلط كامل بسيطه انشاءالله
:(والله حسافه موتر مثله يخلط.

[الشقاوي]

بصراحه ذي المشكله كانت تصير للوالد في الفورد حقه صارت له مرتين بس يعني لحقنا على المكينه
وكانت المشكله انه الطبات حقت المويه انشقت وخلطت السياره بس ترا يمكن يكون بسيط
وان شاء الله يزبط

[F-BODY]

$المهندس$
طبعا انا ماحركت السياره خلطت عندهم في الورشه وانا اتوقع الورشه منهم السبب لانه خلو السياره شغاله ومايدرون عنها ورفعت حراره ولا يدرون بشي

ALI PONTIAC
انشاء الله حبيبي مايكون خلط كامل :o

الشقاوي
ولله يالشقاوي مدري ويش اقول بس احس من راعي الورشه السبب ترك السياره شغاله بدون مايشيك على الحراره السياره...انشاء الله شي بسيط :(

بس ياشباب ولله هالمكينيكي حفله
طبعا انا بدلت السلف عنده وخلطت المكينه عنده
طبعا انا جيت تهادرت معاه اليوم لانه سياره اول ماوديتها اله ماكانت خالطه اصلا
بس انو يوم ركب السلف شغلها وتركها بحاله ولاطلع في الحراره السياره ابدا وانا جيت بعدها شيكت شفتها خلطت
سالفه ومافيها هوا المكينيكي يبي يتهرب من الخراب يبي يحطها عليي
يقول لي السلف الخربان الي عندك هوا الي خلط لك المكينه ماي وزيت انتو ايش رايكم من كلامه؟؟

[$المهندس$]

ههههههههههههههههههههههه


اشدخل السلف بخلطه الماي و الزيت و الجامات و كفر الاسبير :)


ماله دخل يا خوك لانه السلف بعيد عن الروس و كل شي ماله شغل يا الغالي


لا ينصب عليك :)

[الفيصل]

السلام اخوي..........
الحراره اذا ارتفعت يعني الراس شعر و القازقيت مشلوخ ف تخلط زيت و ماي


يا انه القازقيت اهو بس الي اخترب او انشلخ او انه الراس اشعر


و من الحراره العاليه الي تخرب القازقيت و الراس و الشنابر مالها دخل
__________________
انا مع كلام اخوي المهندس وان شالله ماراح يطلع عن هذول وتاكد والله يكون في العون لانه الحراره تخر ب عندك القازقيت
وشعر الراس وتحصل التعبان راعي الورشه تاكد انه مانتبه للماء وخلها شغاله ورتعت الحراره ...........تحياتي لك

[F-BODY]

الله يستر بس ويش يصير
طيب انا اسمعت يقولون بعد ماتغير الروس لازم تغير الشنابر لانه ادا ماغيرت الشنابر بعد شهور راح تشنبر مكينتك :confused:

[bashar_255]

قول له اظاهر ان البطارية تعبانة لأن فيه حكة في الرفرف

و نعتقد بأن فيه بوشنق تعبان مال المقص الخلفي هو اللي خلى المكينة تخلط


أما اللوم على خراب السلف فالسبب هم السنافر !!

[bashar_255]

الله يستر بس ويش يصير
طيب انا اسمعت يقولون بعد ماتغير الروس لازم تغير الشنابر لانه ادا ماغيرت الشنابر بعد شهور راح تشنبر مكينتك :confused:


ما لها دخل

اذا شنابرك تعبانة بدلهم

شوف حبوب .. في حال أنه الراس تقوس المفروض تشيل الراس المخرطة يمسحوه اذا ما كان تقوس شي كبير و تحتاج تعمل له كاسات و قازقيت جديد و خلاص

[@ ابـوفـهـيـد @]

يقول لي السلف الخربان الي عندك هوا الي خلط لك المكينه ماي وزيت انتو ايش رايكم من كلامه؟؟


اللهم اني صائم


اي مو عشان السلف رااااااح للراس <<<< تخبر رمضان قبل المغرب الجيران يوزعون اكل

فالسلف كان رايح للراس مادري معطينهم سمبوسه او قيمات ما اتذكر
بس الظاهر ان السلف بعد ماطلع من الراس نسا يرجع القازكيت مكانه فعشان كذا خلطت

[الشقاوي]

يا خوي انا اتوقع انه يا خوي ان السياره احترت وانشقت طبات المويه من الحراره وخلطت المويه مع الزيت
وانا اقول وش دخل السلف في الخلط ما اتوقع اخوي انك رايح للميكانيكي شكلك رايح لسباك
ههههههههههههههههههههه

[احمد]

متأكد ان اللي في الورشه ما طلعوا بسيارتك دعسوا بها لو فحطوا بها ؟