my caprice 91

[DARK BOY]

السلام عليكم ورحمه الله وبركاته
اليوم حبيت اعرض لكم صور كابرسي 91
هالسيارة عندي انا أفضل سيارة سيدان امريكيه
وطبعا شايفين المديل الجديد وكيف اخترب بشكل كبيررررر
المهم هالموتر مافيه اي مشكله ماعدا البدي يبيله صبغ فرن عشان يطلع جديد
وماعندي مشكله بالحر لان الموتر حرارته ماتتعدى الربع او تكون على الربع بالضبط
نظيف من داخل اسيات مخمل ازرق ولون الموتر كحلي وكل شي شغال مكيف ومسجل و سماعات مافيه اي مشكله
كنت احس مشيته قبل مو تمام لاكن بعد ما الوالد ضبط فيه بعض الشغلات بواجي وشغلات ثانيه صارت السيارة سريعه وخفيفه تحسها رشيقه يعني
المهم شباب انا يهمني رايكم بالموتر وانا ناوي على تعديل له بس مو الحين لما افضى له انشالله راح اضبط فيه بس حبيت اعرف بعض قطع التزويد الي ممكن تعطيني مستوى حلو :rolleyes:
وتحياتي لكم :cool:

[bashar_255]

انت جزم بس و نسويه لك طيارة :d

[LTZ]

ماشاء الله تبارك الله

الله يعطيكم خيره ويكفيكم شره

أنا قاعد أستخدم صابونة جدي نفس هذي بالظبط فرق اللون والموديل 93

سيارة ماعليها كلام

بس ثقيلة يا أخي ماتستاهل تزود فيها

مع اني شفت مزودين من قبل بس حرام السيارة مثل ماقلت لك ثقيلة ماتستاهل تزود فيها

بس استخدام شارع اخذ موتر

ولكن اعوذ بالله منها اذا وقفت عليك تكرها

آسف على الاطالة اخوي

وتقبل تحياتي,,,

[DARK BOY]

يعطيك العافيه بشار وانشالله اشوف انا اذا اموري كلها ضبطت 100% راح ازود فيه لين يقول بس :d
وشاكر لك على الرد :)
LTZ ماقصرت والله ويعطيك العافيه
هو ويش الحلو فيه غير الثقل :d
ويستاهل والله هالكابرس خدمنا سنين والحين انا ودي اخدمه بالتعديل عشان اطلعه احلى كابرس في صفوى بس الحين تزويد ماني امزود فيه ولاكن انشالله انا في هالسبوع انشالله بوديه ورشه عشان ينصبغ فرن ويطلع جديد وراح اسوي له بعض التعديلات مثل مسجل سوني اكسبلود و تظليل زيبارت او في كول وجنوط كابرس 92 .....الخ
وبالنسبه لها لما توقف الى الان ماحصلت معاي وانشالله ماتحصل:d
ويعطيكم الف عافيه شباب و ماقصرتوا :cool:

[LTZ]

شوف أخوي اذا تبي يطلع شكل

أول شي ركب له صطبات 93-94 اللي فيها خطوط

بالنسبة للجنوط

أنا لقيت جنوط بــ 600 ريال طقم وإذا تعطيه الحديد مع الطيس تطلع عليك بــ 500 ريال

أنا عن نفسي استغليتها

حرام أقط عليه والجنوط مو ذاك الزود مو نظيفة حيل

بس بوصف لك وين ينباعون وانت روح وشوفهم المحل عنده 10 جنوط ألمنيوم لكابرس 93

وقريب من عندكم

البنشر اللي بمحطة البدر على ما أظن أول محطة بعد كبري راس تنورة-صفوى وانت رايح الجبيل

OK DARK BOY

تقبل تحياتي ,,

[DARK BOY]

تسلم Ltz
ماقصرت والله
ويعطيك الف عافيه
وشاكر لك على اهتمامك :)

[ALI PONTIAC]

ماشاءالله عليه
يعطيك خيره ويكفيك شره
الكابرس الجديد مااعترف فيه استرالي وخراباته كثيره
اذا بتزوده عليك بستروكر 383 ورؤس وانسه الألم.

[DARK BOY]

يعطيك العافيه ALI PONTIAC
شاكر لك على الرد
وانا لو على التزويد الود ودي اني اشوف له برو شارجر :d
بس اقتراحك هذا جدا ممتاز راح احطه ببالي
مشكووور يالغالي :)

[BAD BOY]

أولاً يبيلة صبغ جديد كامل OK
بعدين يبيلة جنوط وشبك كروم
عشان يضبط
وبعدين زود المكينة :)