في اي نص الهي كتب هذا ؟؟؟

[bashar_255]

بسم الله الرحمن الرحيم و الصلاة و السلام على افضل المرسلين محمد و على آله


أخواني نظامنا المروري بكل بساطة "زفت" :3rbe038:


من يومين واحد من الشباب و هو مدرس عمره 37 سنة مشى على خط الظهران من الأحساء و معاه واحد من زملائه

و الرواية على لسانه

الرجال احترق رسيفر بيتهم في القطيف و راح يصلحه و يرجع .. يراضي المرة يعني :d

صاحبه بيطلع زوجته من المستشفى بيوديها بيت أهلها

الرادار صاده على 151 كيلو متر

حجز 24 ساعة السايق و السيارة !!!!


يا رجال خفف ثقل احنا اساتذة كبار و مو الغرض من السرعة استهتار أو طيش أو غيره !

ما فيه تفاهم .. الجماعة ودوهم الحجز ما ادري في وين و السيارة ودوها حجز بقيق

يا رجال عندنا ظروف كل واحد يبغي يراضي المرة :d


المهم بين سوالف الضابط المسؤل اللي انحاش من العمل و بين سالفة ما فيه تفاهم و كلام اللي يرحم والديكم تنقعو 8 ساعات في الحجز و الجماعة على فكرة ما يعرفو يلعبو بلوت يعني تنقعو :eek:

طلعو و راحو الهافمون بلوميزين الضابط المسؤل مو موجود و ما فيه مناوب و المفاتيح كلها عنده .. يعني لو مات تعطلت الدولة :confused:

على ما جا يتقلقل طافت الـ 15 ساعة بالراحة من بداية هذه الحادثة و لم يتمكن أحد الأستاذين من أداء دورهم الإجتماعي أو التربوي في هذا اليوم

السطحة 130
المخالفة 150 "أظن"
اللوموزين 120

بالله في أي نص الهي مكتوب بأن اللي يسرع يروح الحجز

ذيك السنة اذكر كرلا جديدة كان مديل سنتها صادروها في الأحسا و جلدو صاحبها و قيمتها راحت لخزنة الدولة !!

هل الولد المستهتر هذا عطل نظام الدولة ؟ تحدى الدولة ؟ سوى فلم فاست اند فيورس بالكرلا حقته :confused:

يا اخي واحد ساحب هاند بريك على لفة ... بوشت سيارته .. اديلو مخالفة و خله يتوكل مو تخسر ابوه هالمبالغ و يجلد قدام الناس !!

و هذيلين اللي يقفلو الشوارع و يتحدو الشرطة ما يسوو لهم شي يبلعوها و يسكتو :3rbe038:


في أي نص الهي مكتوب أن اللي يسحب هاند بريك يجلد و تصادر سيارته .. و اذا كانت الحجة انه سفيه و يخرب سيارته ترى أكبر مصيبة ممكن تحدث هو انقطاع كيبل الهاند بريك قيمته بالتركيب 100 ريال :mad:


طيب اقتراح لوزارة الداخلية .. بدل الحبس 24 ساعة لـ 7 ايام و مصادرة أملاك الأوادم و جلدهم

ذبحوهم بالمرة عشان لا يعملو حوادث و يروحو ضحيتها :3rbe038:

[The Expert]

وقسم توني قبل خمس دقايق افكر في الموضوع الا انت كاتبه ,,

انا جالس افكر انه المفروض يسوو زي المانيا خط خاص حق اللي يبي يسرع وكان الله غفورا رحيما :)

يخلو أقل سرعة في هذا الخط 140 ويكون من الدمام لين الرياض و من الرياض لجدة

بالله ياشباب اذا احد يوصل الكلام لاحد مسؤولي الدولة :d

[bashar_255]

كان يكفرونا و يقفلو المنتدى :d

[LTZ]

الله يعين يا حبايبي

بس مين اللي بيسمع ؟

مأذيتنا المخالفات والقوانين الصعبة

هونوها وتهون

ايش بإيدكم تسوون

يسلمووووووووو يا زعيم عصابة Racing 4 Education

:d :d :d

تقبل تحياتي,,,

[The Expert]

في واحدة من الدول المتغدمة :d في واحد عدى السرعة المحددة من 40 الى 80 الظاهر ,, ويش سوو فيه ؟؟

سجن كم شهر ,, وخلوه يخدم المجتمع لفترة من الزمن ,, و صار مدة تحت المراقبة :d

يعني مو بس عندكم على الأقل أهون من غيركم :)

[Ammaretor]

لوووووووووووووووووووووووو ووووووووووووووووووووووووو ووووووووووووووووووووووووو وووووووووول


لا تعليق , انا بصراحة لما رحت جدة السنة الماضية كنت ماشى بالسيارة عينى فى وسط راسى وحاسس ان كل دورية بدها تصيدنى مثل الخروف االمنشق عن قطيعهه !!!

[Ammaretor]

عندنا فى مصر زعلوا مننا بس لما الشباب عملت حدثة مات فيها 12 وجرح ضعف الرقم !!

غير كدة الكلام جميل ومفيش مشاكل وممكن تطارح مع كورولات الشرطة ولو زعل الظابط لبسه فى رصيف وروح بتكم مرتاح مبسوط مرفه عن نفسك , يا رجال عندنا فى مرة احتل الشباب شارع المرغانى وصلاح سالم ومنطقة المهندسين اصبحت حلبة للدريفت !!! يومها كانت وقفة العيد بس للاسف وزير كان بيلف بسيارته المنظر معجبوش قبض على 55 شاب وحبسهم اسبووععععع لووووول

[بو العابد]

سيارت صاحبي انحجزت لأنها منزله من قدام وياريت صج منزله كلها انش ماادري انشين تنزيله
دوله مترامية الأطراف بين المدينه والمدينه مسافة دهر ويبون السرعه 120 كيف نوصل؟ يقول لك للسلامه والله كلام فاضي اصلا اللي مموت العالم الشوارع الزفت والجمال و التريلات قبل السرعه

[bashar_255]

النقل الثقيل أول سبب للحوادث على طريق الظهران بقيق و الشوارع السنعة بقدر الأخطاء البشرية

أما الريس فله الحظ الأقل في نسبة الحوادث على الإطلاق و هذي الحقيقة المؤسفة انه لو يشوفو واحد يدوس لحاله لو وين ما كان يلاحقوه

[@ ابـوفـهـيـد @]

اررررررررررررررررحم يامسلم


يشيخ هالدوريات وين مالضعيف واللي ماعنده شي يمسكوه ويسوو معاه مشاكل


واللي بلاوي الدنيا كلها بسيارته <<<< جميع انواع الممنوعات
محد حوله



امس حصل موقف الصراحه ما ادري ابكي على الدوريات اللي عندنا ولا اضحك عليهم


كنا قاعدين بممشى الروضه الجديد

طبعاً الممشى على 4 شوارع الشارع اللي كنا قاعدين عليه كان طوله تقريباَ 100 - 150 متر

جا اكورد وطلع الراكب من الدريشه ويضرب التنده <<<< هناااا مدرسه حركات هجوله الرياض
بالمصادفه شافه دوريه وشغل السفتي ووراه

حنا توقعنا انه بينحاش

شسوا



















اخذ دوره ثانيه والدوريه وراه ويدور على نفس الشارع ووراه الدوريه الغشيم

يمكن اخذ ثلاث دورات على نفس الشارع والدوريه ماهوو عارف يشغل مخه صح


اللي يغثك انه يمديه بكل سهوله انه يصيده لان سايد فيه لفتين على حاره والسايد الثاني مافيه ولا لفه


يعني حجرته زي البراد


بس اخينا بالله طلب مسانده ييوم جت الدوريه الثانيه بطل راعي اللاكورد يستهبل



يعني مثل هالنوعيات هذي يستاهل انه ينمسك وجلده العسكري عشان البقيه ياخذون عبره


________________________________________

نظام الحجز مرات يعجبني ومرات يغثني


فأقرب مثال عندنا طريق الدائري

الطريق كااامل ملغم دوريات سريه


متى يعجبني

اذا كان الطريقه شبه مزدحم
وتلقى واحد ماشي 140 ومافوق ويشطف خلقه الله ومايقعد اكثر من 15 ثانيه بمسار
هذا الصراحه يستاهل انه ينقفط وينحجز هو وموتره لانه عرض حياته وحياه غيره للخطر

متى مايعجبني

اذا كان الطريق فاضي وفيه مجال انك تطوف الـ 220 بدون اي خطر << غير مشاكل السياره

يمسكونه ويحجزونه ؟ ليييييييييييييش ياعمي
الشارع فاضي مافيه خطر على أي نفر

لا انت متعدي السرعه القانونيه

المفترض تصدرلنا سيارات ماتتعدى 120 ويفكونا من هالسالفه

اجل سياره قاعد فوقها 20 مهندس عشان يخلونها تمشي 220 اروح وامشي عليها 120

الميه الثانيه ليش حاطينها ؟


وراء كل حادث اليم وزحمه شنيعه تريله لعينه

[الشقاوي]

طيب يا اخوان اعجبني بصراحه كلام ابو فهيد
كلام مدير الدوريات بالرياض وكلكم تعرفونه
يقول بيكون فيه عقوبات رادعه على السرعه
وبتوصل لمصادرة السياره وتغريم سائقها
شف فوق ذالك تغريم سائقها ما علينا المهم
يا خوي نسوا اصحاب التريلات الاجانب الي يسقط عليك ولاكن فيه سياره اصلن
واصلن نادرا نشوفهم موقفين لهم تريله على جنب ومعطينه مخالفة تجاوز طيب هم سبب الكوارث
على الخطوط ذبحوا العوايل كم مره نقرا دهس صاحب تريله لعائله باكملها هذا شئ والشئ الثاني
هالاحين هم بصراحه بيقدر يوقف سياره فخمه او بالمعنى كشخه
حتى ولو تمشي 300ما يقدر ليش عشان يخاف منه
اما اذا جاك واحد سيارته مثلا كامري او اي سياره عاديه ويمشي 130 وقفه
وعطاه مخالفه غير يمكن الحجز نضام يطبق على الضعيف فقط
يعني انت في طريق سفر وراك 1200كيلو يبغالك على سرعتهم 10ساعات من غير وقفاتك على الطريق
يا خوي يخرطون المكاين ونفتك
واسف على الاطاله
وتحياااااتي لكم

[DARK BOY]

ايه والله النظام هنا زفت بكل ماتعنيه هذه الكلمة من معنى :d
شوفو هالسالفه :)
قبل كم اسبوع كنت انا وسواق بيت جدي ومعاي الاهل رايحين لرحيمة لبيت جدي :) ولان انا ماعندي رخصه فا ماقدر اطلع من صفوى :d
المهم وصلنا عند مدخل رحيمه وكالعادة كان فيه تفتيش هناك المهم جا الشرطي قعد يطالع فينا وكالعادة انا رابط الحزام والسواق يعني نظاميين ومانسرع ولا اي شي :) بعدها جا سألني واخلاقه كانت زفت المهم قال وين اثباتك وعطيته بعدها راح للسواق وقاله رخصتك واستمارتك فا عطاه السواق وكل شي نظامي يعني مافي شي المهم جا الشرطي وسأل السواق وين اقامه مال انتا قال السواق ايقامه مال انا في سكن مال انا جا الشرطي وسوا سالفه وقام يقول انت كيف تسوق ومامعك اقامة ها وليه تسوي كذا ها وسوا سوالف بس يوم انا شبيت:mad: قلت للشرطي اول شي السواق مو ملزوم انه ياخذ اقامتة ويقعد يفتر فيها هذي شغلة والشغلة الثانيه انه عطاك رخصته واستمارة السيارة يعني شدخل الأقامه ولا بس تبي تخالف وتاخذ السواق للحجز واذا سويتها واخذته صدقني راح تكره اليوم الي صرت فيه شرطي :mad:
بعدها قام يناقشني ومن هالشغلات وقالي شتقدر تسوي قلت له اقدر اروح لوزارة الداخليه واشتكي لهم وبنشوف شبتسوي بعدها :mad:
المهم الشرطي مثل مايقولون خق (قمط):d
وقالي خلاص روحوا ولا عاد تعودها يا السواق انت تفهم ولا اعيد قال السواق كلاس انا في شيل أقامة ألا طول معا انا
ورحنا بعدها :p
بس قهرني هالشرطي يعني هم شغلتهم مو امان وهالخرابيط الى يدورون المخالفات أدواره :o
بس شنقدر نقول حكومه هذي
وعجبتني كلمة LTZ زعيم العصابة ها :d
وتحياتي لبشار على هالموضوع :)

[Bzay]

يا جماعة الخير..عندنا بالجبيل
مدراء شركات من سابك وغيره مسكوهم الصباح على الساعه 6 وهم رايحين للدوام
وحجز 24 ساعه!!!!
ليتهم مسرعين بدرجة عالية..ما وصلت 140!!!
والله يسولف لي عسكري..يقول لي أن واحد من هالمدراء مر علي وهو رايح للحجز (يعرفون بعض) وقال لي خل هالشنطة معك!!؟؟؟
قاله العسكري ليش؟؟..قاله فيها مبلغ وخايف عليه
قاله العسكري ما أقدر...ولا يحق لي أستلم منك شي

عاد بيني وبينكم ... كان باشنطة 150 ألف ريال!!!!!!!!

[bashar_255]

يعني اللي حامل وياه شنطة فلوس المفروض ما ينحجز ؟ :d