المساعد الشخصي الرقمي

مشاهدة النسخة كاملة : ماهي خطوات التزويد الصحيحة.....؟!

Black Arrow
09-02-2006, 03:36 PM
السلام عليكم جميعا....



سؤالي مبين من العنوان...كثير نسمع واحد حاط فلتر وواحد مركب هيدرز وثاني مركب تيربو وآخر مركب إقزوست سستم كامل.....

ولكن....

وشو اللي احط قبل الثاني.....اكيد مو معقولة اني بركب تيربو قبل فلتر الهواء مثلا....صح ولا لا....

ووشو ابتدي أولاً.....تزويد خروج الهواء ولا تزويد دخول الهواء.....

علشان كذا ياريت تعلمون العليمية أمثالي...:d .....خطوات التلغيم الصح....

يعني من المهم فالأهم....من بداية التزويد...إنتهاء بإنفجار مكينة سيارتك من كثر التزويد...:d ....ههههههههههههه...

يالله تراني متحمس اشوف جواب لسؤالي.....
$المهندس$
09-02-2006, 04:33 PM
ولله شوف انا اقولك فكر بلي نبي تسويه ...


يعني مفكر في التيربو ؟؟؟ اذا مفكر في التيربو الهدرزات وووو كلهم راح يتغيرون ..


يعني حرام اركب هدرز و بعدين اقطه هذي نقطه ...


و الموضوع الثاني لو تركب للدخول الهواء و ما ركبت لخورج الهواء راح تستفيد 40% بس

لازم توازن في الدخول و الخروج علي شان تحصل علي اقل تقدير 96% وهذا ممتاز ...


ابداً بهوائيات اذا انت مو مفكر في التيربو و حط الاشياء الخفيفه بواجي ووووو


و الله يوفقك .
Black Arrow
09-02-2006, 11:37 PM
مشكور اخوي المهندس...بس ما وصلت لي الجواب اللي ابغاه....ننتظر البقية.....
RoYaLe
09-03-2006, 04:09 AM
اخوي اذا انت مفكر توصل للتيربو ؟؟؟
ابدا على طول فيه وزي ماقال المهندس
يعني مفكر في التيربو ؟؟؟ اذا مفكر في التيربو الهدرزات وووو كلهم راح يتغيرون ..
لو انك لو ركبت فلتر واكزوست وهيدرز و و و و الخ
حتضطر انك تغير في اشياء عشان عشان تناسب التيربو
وهاذي فيها خسارة وحرام والله
لكن اذا منت مفكر بالتيربو ابدا بالتوابل خخخخخخخخخخخ
زي ماقال المهندس
تحياتي
$المهندس$
09-03-2006, 05:01 AM
اشلون تبها يا حضر الباشا مرتضي :)


فهمني و انشاء الله ما نقصر معاك .
Black Arrow
09-03-2006, 02:28 PM
اها تبي افهمك يا دب....ممممممممم...

هو سؤالي يعتمد على....هل إذا ركبت قطعه تغنيك عن بقية القطع....إذا كذا فسؤالي ماله داعي...

ولكن....لو اني بلغم صح.....لازم في أساسيات...يعني اضرب لك مثال...كثير يقولك ركبت بواجي وأسلاك ولا زاد عزم السيارة.....بالنسبة لي قرأت انو أخر شي تحطه في التلغيم هو البواجي والأسلاك....فهمت علي...

ابغى اساسيات...1 2 3 ....وهكذا....

يعني قول بتدخل منعطف بتسوي درفت...عشقه على الثاني ادخل على زاوية المنعطف السيارة بتزوح عدلها بالإستيرنج ووقت الخروج ادعس الدعسة كلها...كذا بتدخل المنعطفات بدون ما تخسر السرعة والوقت...>>>> شرح طول...بس علشان افهمك وشو قصدي....

ابغى الخطوات.....انا مو ناوي على تيربو او اي شي...ابغى اعرف لجيت الغم وشو القطعة اللي احطها قبل الثانية...ولا مافي فرق لحطيت هيدرز قبل إقزوز ولا بواجي قبل فلتر....
@ ابـوفـهـيـد @
09-03-2006, 04:16 PM
هلا اخوي كبدايه غير نظام الهوائيات بالكامل يعني من طقطق الى سلام عليكم

فلتر رياضي
بعده ثروتل بدي
بعده ثلاجه ( او توسيع ثلاجه )
اللحين خلصت من نظام دخول الهوا

بعدها تبي تصرف الهوا بسرعه
هدرز
وبعدها اكزوست

وعلى شان تكمل الطبخه
بورتنق للراس

وكذا بتستفيد 90% من الفلوس اللي حطيتها على القطع

واذا تبغى تعدل نظام الانجكشن

كويل رياضي
اسلاك
بواجي
ديلكو
ام اس دي


لازم العده تكون كامله على شان تستفيد صح انتظر على البرمجه شوي

كام شافت
تكايات
بلوف اكبر ( يستحسن تكون معى البورتنق )

بعدها عطها بهارات بنكهه البكرات
طقم كامل بكرات ( مو بكره كرنك لحالها )


اللحين ركبلك بخاخات معى ريقوليتر

واخر شي البرمجه
$المهندس$
09-03-2006, 04:31 PM
ولله شوف كل واحد وله طريقته و كل واحد وله خلطه و ما تقدر تقول اول شئ ولا اخر شي


بس الكل الي يتفق عليه انه البرمجه تكون اخر شئ و هذا هو الاهم و الباقي ما يهم اذا كان في الترتيب وله لاء ..
@ ابـوفـهـيـد @
09-03-2006, 04:55 PM
اخوي مو معقول تركب كام وانت ماركبت الا فلتر رياضي

اخالفك الراي الترتيب مهم في الاستيجات

يعني ركب فلتر او اقزوز او اي شي من الهوائيات
بس انك تنقز للكام او تسوي بورتنق وانت ماخلصت من الهوائيات
ماتجي
ابوشهد
09-03-2006, 05:05 PM
السلام عليكم
اول شي لازم انك تحدد اهدافك:
1- كم حصان تبي توصل
2- كم الكوارترمايل اللي تبي توصل له(ممكن توصل 450 حصان والمفروض سيارتك تجيب 11 لاكنها تجيب 13) هنا تزويد المكينه اكثر ما راح يفيدك الخلل من التعليق فلازم تصرف فلوسك علي الاهم في كل مرحله.
3-كم الميزانيه اللي حاطه للسياره
4-لازم تختار طريقه التزويد المفضله لك مثلا تيربو او سوبرتشارجر او غاز او تزويد المكينه بدون شحن جبري اوكلهم مع بعض وهذا بيخلي الميزانيه كبيره جدا.
طيب نقول انك حددت اهدافك افضل شي انك تسوي خلطه متناسقه بدون مبالغه بالحجم الشباب يبون اكبر شي وهذا دائما سبب فشل الكثير من السيارات طبعا المفروض انك ما تسوي الخلطه من راسك افضل شي انك تستشير الشركات المتخصصه وهم دائما يقدمون المساعده وعندهم ناس فاهمين فتقدر تحدد عن طريقهم انسب كام او هيدرز الخ.
طيب لو ما كانت الميزانيه كلها متوفره وتبي تبد حبه حبه هنا انا رائي اذا بتزود بدون شواحن انك تبدا بفحص مكينتك وفحص ضغط البساتم اذا مكينتك نص عمر انصحك انك توضبها عشان تحصل علي افضل النتايج وهذي فرصه انك تفكر مدامك موضب في موضوع الستروكر او علي الاقل تركيب بساتم واذرعه قويه وهذي بعد فرصه ذهبيه لزياده الكمبريشن في حاله تزويد المكينه للعمل بدون شواحن او تخفيض الكمبريشن اذا ناوي تركب تيربو او سوبر.
اول شي انصح بتعديله هو بنظام الاكزوز ,,,هيدرز داون بايب وفلوماستر.
بعدين طقم كام كامل.
وبعدين كمل كل شغلات البولت اون والبرمجه اذا كانت متوفره عندك تعتبر شي مهم في كل مرحله خصوصا الخطوات الكبيره لانه بدونها ما راح تحصل علي القوه الي المفروض تحصل عليها والنقطه الثانيه المكينه الرياضيه اذا نقص بنزينها او تقدمت شرارتها اكثر من اللازم راح تخبط علي طول.
نصيحه اخيره دائما قارن القوه اللي بتعطيك اياه القطعه مقابل سعرها فيه ناس تشتري شغلات غاليه لانها من شركات كبيره او لانها نيكل وحلوه لاكن في الاخر ما استفاد الا كم حصان.
Black Arrow
09-03-2006, 09:55 PM
تسلمون لي جميعا....

اللي وصل لي الإجابة صح هو ابو شهد....ولا يهونون البقية...بس هو اللي تعامل معاي على قد فهمي...:d...

اضف لذلك زي ماقلت...كثير لما تقولهم تزويد يقولك على طول ستروكر...انا ابغى مكينة سيارتي زي ماهي...اتوقع انها راح تتحمل اقزوز وهيدرز وفلتر وبواجي.....ولكن إذا فكرت في التيربو اكيد راح اسوي بورتنج....

انا اللي ابغى اسويه تزويد على مكينة السيارة بدون ما اسوي فيها شي...هل هذا ممكن...طبعا من كلامي لازم تعطيني التزويد اللي معاه ما اسوي شي في السيارة من خرط وبورتنق وغيرها...

اخوي بوشهد...حسب ترتيبك:

1 هيدرز
2 داون بايب
3 فلوماستر
4 كام
5 شغلات بولت اون...>>> هذي مافهمتها وش هي..؟؟؟؟...
6 البرمجة...

زين وين راح الفلتر والبواجي..؟؟؟؟؟؟؟؟...


تسلمو لي جميعا....طبعا بحط لكم ملاحظة...مستحيل اني اعدل شي في سيارتي...ابغى السيارة تضل معاي على الأقل 5 سنوات....يعني انا مو من رواعي التزويد...ولكن احب اصحح معلوماتي ومعلومات غيري الخاطئة في مجال التزويد...:)
ابوشهد
09-03-2006, 11:18 PM
اخوي البولت اون هو اللي يسمونه الشباب خفايف يعني كل شي تضيفه علي مكينتك بدون ما تنفك المكينه ولا تتغير قياساتها الداخليه مثل الستروك وغيره ,البولت اون تشمل الركرات الهيدرز الثروتل البواجي والفلتر والثلاجه ولاسلاك والmsdوغيره.
Black Arrow
09-03-2006, 11:40 PM
يعني الهيدرز يعتبر خفايف...:d.....

وهذا اللي كنت ابغاه...تزويد بدون تغيير مقاسات المكينة الداخلية...

يسلمو على الإفادة بو شهد.....
VTEC inside
07-24-2007, 06:26 AM
طبعاً بما انه صاحب الموضوع هو Black Arrow فأكيد انه يبي يزود هوندا،،، الليلة انا مروق لا واجبات و لا لا و مسوي مندي دجاج بعد،،، ما علينا راح ابد اسوي شوية تعليق على الردود طبعاً انا لما ارد على التعليقات هذا ما يعني انه كلامهم غلط، ولكن انا الي فاهمه انه انتا تبي جواب في حدود الهوندا و انا الي رايح اسويه اني راح اخذ كلام الشباب و انقله من الدائرة العمومية الي الدائرة الهونداوية <-- درس فلسفة هو ولا شلون :d

ماهي خطوات التزويد الصحيحة.....؟!

ابو شهد جاوب السؤال بالطريقة العامة و عطاك جواب دقيق 200% لكني رايح اضيف تعليق فيما بعد

ابداً بهوائيات اذا انت مو مفكر في التيربو و حط الاشياء الخفيفه بواجي ووووو

كلامك صحيح 100% لكن برضوا فيه مشكلة، واصل قراءة و تعرف شني المشكلة

ولكن....لو اني بلغم صح.....لازم في أساسيات

صح عليك و لكن هنا المشكلة ماحد عطاك الأساسيات الهنداوية :)

واذا تبغى تعدل نظام الانجكشن

كويل رياضي
اسلاك
بواجي
ديلكو
ام اس دي

نظام الأنجكشن ما يحتاج تطوير لأنه الي موجود في السيارة يكفي و يوفي بل و يزيد

بعدها عطها بهارات بنكهه البكرات
ما نصحك بالبكرات خصوصاً و انتا تبي السيارة تعيش معاك لأنه البكرات راح تسبب ارتجاج للكرانك و يخرب لك البيرنقات حق اعمدة الباستن

اللحين ركبلك بخاخات معى ريقوليتر

واخر شي البرمجه

البرمجة عادة ما يحطوها الا حق تغيير جذري في السيارة مثل طريقة شحن الهواء (تربوجارجر، سوبرجارجر، نوز،كامات،...)

بس الكل الي يتفق عليه انه البرمجه تكون اخر شئ و هذا هو الاهم و الباقي ما يهم اذا كان في الترتيب وله لاء ..

بعد اي تغيير جدري انا انصحك بالبرمجة
مثلاً لو ركبت بساتن ضغط عالي و انتا ناوي تغير كامات بعد سنتين هل تقول اصبر سنتين و اغير كامات و تالي اسوي برمجة بدل ما اخسر فلوس ؟؟؟ كل موترك قضى نحبه من الـdetonation

3-كم الميزانيه اللي حاطه للسياره

بما انك تبي تزود هوندا احسب حسابك حق ميزانية عالية خصوصاً انك كل ما حطيت حاجة ماراح تشوف استجابة قوية و يتتحمس و تحط حاجة غيرها لييييييييييييييين $$$$$$$$$$ تفلس

نصيحه اخيره دائما قارن القوه اللي بتعطيك اياه القطعه مقابل سعرها فيه ناس تشتري شغلات غاليه لانها من شركات كبيره او لانها نيكل وحلوه لاكن في الاخر ما استفاد الا كم حصان.

و هذا سبب كثير من الناس تركيب انظمة MSD

اضف لذلك زي ماقلت...كثير لما تقولهم تزويد يقولك على طول ستروكر

تصدق توني عارف انه الستروكر حاجة منتشرة،،، لأني عمري ما فكرت ولا راح افكر اركب ستروكر كت على موتري
على العكس، افكر اسوي destroke احياناً

ولكن إذا فكرت في التيربو اكيد راح اسوي بورتنج

هيهات كمل قراءة انا راد على الموضوع عشان بس هالنقطة


كانت ردود الشباب جداً حلوة و دقيقة، لكن للأسف فيه شغلت اغفلوها و تعتبر مهمة في عالم هوندا

انا ما ادري اذا انتون تدرون عن هالشغلة او لا، ولكن ما حصلتها في المنتدىو لكن راح اكتبها حتى تعم الفائدة للكل و اجاوب على تساؤلات Black Arrow



بسم الله نبدأ

انا اسألكم سؤال: يعني مكنية هوندا مطلعة 500 حصان،،، هل تتوقع انه المكينة تتحمل بنيتها انها تنتج 500 حصان؟

طبعاً لا

الهوندا مكاينها فيها عيوب، فمثلاً مكينة الـ H22 ما تقدر تركب لها بساتن من النوع Forged و السبب اقمصة المكينة مصنوعة من مادة حديدة لما تركب عليها بساتن Forged راح تاكلها و نفس الشي الهوندا s2000

شوف الصورة هذي شلون صارت اقمصة المكينة بعد تركي بساتن Forged على مكينة S2000

http://www.431.org/pics/s2000/cjb-72.jpg

طيب بالنسبة لمكاين الـ16 و الـ18 تقدر تركب عليهم هذا النوع من البساتن من غير اي مشكلة،،، لكن برضوا فيه مشكلة و هي انه المكينة مستحيل تشيل اكثر من 300 حصان،،،، طيب الحين واحد بيقول لي شلون هالسفيك الي نشوفهم مطلعين 600 حصان و لا قالت شي المكينة !!!!!!!! بسيط

مكاين الشفر حسب ما اعرفه انه لها اقمصة قوية، عكس الهوندا الي اقمصتها ضعيفة، طيب شنو الحل ؟

الحل هنا:
طبعاً هذا محرك B18 و راح نسوي له خراط بمقياس معين واصل القراءة و راح تعرف المقياس هذا ليش

http://www.customdesignperformance.com/machine/honda001.jpg

خلصنا الخراط

http://www.customdesignperformance.com/machine/honda003.jpg

راح الأن نشيل جزء من القميص

http://www.customdesignperformance.com/machine/honda005.jpg

http://www.customdesignperformance.com/machine/honda007.jpg

الحين جهز البلوك

http://www.customdesignperformance.com/machine/honda008.jpg



جينا للشغل الجامد

http://www.customdesignperformance.com/machine/honda009.jpg

http://www.customdesignperformance.com/machine/honda010.jpg


http://www.customdesignperformance.com/machine/honda012.jpg


http://www.customdesignperformance.com/machine/honda013.jpg

http://www.customdesignperformance.com/machine/honda014.jpg


Black Arrow: عسى بس ما كرهت الهوندا ؟؟؟؟

العملية الي شفتوها بالصور هذي اول شي يسووه حق تجهيز المكينة للتيربو بالنسبة الى محركات هوندا

طباً بعد كذا راح البلوك يتحمل حتى 1200 حصان ما يقول شي

طبعاً انا ما راح اسرد الباقي و لكن خله الموضوع مفتوح لتساؤلات حتى لا يصير الموضوع ممل و يصير فيه :bal:
VTEC inside
07-24-2007, 06:34 AM
الأن بعد ما تستوي هالعملية على المكينة:::: كلام الشباب الي قالوه ياخذ مجراه

طبعاً انا عندي Project على مدى اربع سنوات (باختصار لين نخلص من هالعلة الي احنا فيها -كندا-) و لكن خليه مفاجأة للمنتدى و راح ازودكم بالتفاصيل اول ما ابدأ المشروع بالصور
Black Arrow
07-24-2007, 10:02 AM
ترى مرت للحين 10 شهور من نزلت هالموضوع وتغيرت ثقافتي الميكانيكية نحو الأفضل :)

سؤال : الحين الخبصة هذي علشان تغير القمصان بحيث انك تقدر تركب عليها روس يتحملون التيربو ؟؟؟

وانا للحين مستغرب

يعني تجي لواحد يقولك انا مركب بس هيدرز والباقي ستوك...الثاني يقولك مركب كت باك والباقي ستوك

علشان كذا كنت ابي اعرف لو مثلا الواحد ميزانيته ما تساعد ويبي يزود قعطة قطعة شهريا , بأيش يبتدي علشان تضبط الخلطة :)
bashar_255
07-24-2007, 11:24 AM
الله يعز الفورد .. شد بلاده فورجد :d
الفيصل
07-24-2007, 04:05 PM
مشكورين جزيل الشكر على الي حط الموضوع والمشاركين في الموضوع.........تحياتي
VTEC inside
07-24-2007, 09:44 PM
:cool:ترى مرت للحين 10 شهور من نزلت هالموضوع وتغيرت ثقافتي الميكانيكية نحو الأفضل

واصل و راح تشوف نفسك تعرف شغلات جديدة كل مرة

سؤال : الحين الخبصة هذي علشان تغير القمصان بحيث انك تقدر تركب عليها روس يتحملون التيربو ؟؟؟

تغيير القمصان مهم لأنه الهوندا قمصان شد بلدها ما يتحملوا يعني ينكسر او يتأكل بسرعة

يعني تجي لواحد يقولك انا مركب بس هيدرز والباقي ستوك...الثاني يقولك مركب كت باك والباقي ستوك

تيير القمصان هذا مهم من 300 حصان فما فوق

طبعاً انتا بتشوف ناس في هونداتهم 350 حصان و كل شي ستوك بتقول لي ليش ما ضرب ؟

مسألة وقت لا اكثر حتى لو كان مسوى لها Tuning

انتا تغير القمصان لأنه ماتبي كل شهر تغير مكينة تبي شغل عدل من البداية و لك و للزمن

علشان كذا كنت ابي اعرف لو مثلا الواحد ميزانيته ما تساعد ويبي يزود قعطة قطعة شهريا , بأيش يبتدي علشان تضبط الخلطة

اذا انتا تبي فوق الـ300 حصان

فلازم يكون عندك ميزانية حق تعيد بناء البنية التحتية للمكينة يعني يبي لك ميزانية اول شي تقريباً 10000 ريال :eek:

لكن انتا مثلاً تبي H22 قوية يعني 280 حصان (طبعاً الهوندا البرليود الي مسويتها شركة Jun قوتها 270 حصان

http://youtube.com/watch?v=9-Dm-tvAXYM


فهذي انا اقول لك كيف نبدأ اول حاجة تغيرها ترس الكارونة طبعً هدرز و الرامير في المقدمة
بعد كذا انتا راح ترضى بمستوى السيارة و لا راح تفكر تغير اي شي ثاني ، وش رايك بالخلطة :cool:

طبعاً ترس الكارونة بـ600 دولار مع الشحن لكن انه انا اشوف انه نتايجه افضل من اي قطة تركبها :eek:

الله يعز الفورد .. شد بلاده فورجد

حلاوتها لما انتا تشتغل على مكينة من سالب صفر تحس انك سويت مشروع :)

مشكورين جزيل الشكر على الي حط الموضوع والمشاركين في الموضوع.........تحياتي

حييت بتحية الأسلام :)
احمد
07-24-2007, 11:36 PM
ماهي خطوات التزويد الصحيحة.....؟!

اول شي و اهم شي
انك تشتغل بالتدريج
مو تدق عندك ام العبيد و تقول ابغا اخلي المكينه 500 حصان و انت ما تقدر تمسك سياره فيها 300 حصان

ثاني شي
have fun
و خلي السالفه وناسه و ابتعد عن البقر ( عذرا ) اللي ياخدوا مسأله التزويد و المنافسه بنظره شخصيه حساسه


ثالث شي
قبل لا تسوي اي شي
ابحث و و اسأل و اقرا و اقرا و اقرا و لا تستعجل
و لو جتك نصيحه من هنا او من هناك لا تطبقها مباشره روح ابحث و شوف هالنصيحه صحيحه ولا جايه من واحد ببغاء ما يعرف كوعه من بوعه


رابعا و اخيرا
السياره سيارتك و الحلال حلالك
سوي اللي يعجبك و لا عليك من كلام الناس
ان شاء الله تسوي لك pro-mod و تروح البر تطعس بها
bashar_255
07-25-2007, 12:03 AM
ماهي خطوات التزويد الصحيحة.....؟!

اول شي و اهم شي
انك تشتغل بالتدريج
مو تدق عندك ام العبيد و تقول ابغا اخلي المكينه 500 حصان و انت ما تقدر تمسك سياره فيها 300 حصان

ثاني شي
have fun
و خلي السالفه وناسه و ابتعد عن البقر ( عذرا ) اللي ياخدوا مسأله التزويد و المنافسه بنظره شخصيه حساسه


ثالث شي
قبل لا تسوي اي شي
ابحث و و اسأل و اقرا و اقرا و اقرا و لا تستعجل
و لو جتك نصيحه من هنا او من هناك لا تطبقها مباشره روح ابحث و شوف هالنصيحه صحيحه ولا جايه من واحد ببغاء ما يعرف كوعه من بوعه


رابعا و اخيرا
السياره سيارتك و الحلال حلالك
سوي اللي يعجبك و لا عليك من كلام الناس
ان شاء الله تسوي لك pro-mod و تروح البر تطعس بها


الحجي يقول كلام عدل :3rbe015:
VTEC inside
07-25-2007, 12:07 AM
اول شي و اهم شي
انك تشتغل بالتدريج
مو تدق عندك ام العبيد و تقول ابغا اخلي المكينه 500 حصان و انت ما تقدر تمسك سياره فيها 300 حصان

كلام احمد صحيح 100%

يعني تشتغل بالتدريج بس برضوا لو انتا ناوي مثلاً توصل 500 حصان بعد 5 سنوات البنية التحتية المبني راح تتحمل

ثاني شي
have fun
و خلي السالفه وناسه و ابتعد عن البقر ( عذرا ) اللي ياخدوا مسأله التزويد و المنافسه بنظره شخصيه حساسه

كلام صحيح 100% بل 500%
خلك من الي يقول تعبيث السيارة الفلانية ارخص تعبيث السيارة العلانية يطلع نتايج افضل ، كلام فاضي :3rbe111:
شوف السيارة الي تحبها و سوي فيها الي تبي

و لا تنسى متعة القيادة،،، خاصة في الأنتيجرا تايب ار و البرليود :rolleyes:

ثالث شي
قبل لا تسوي اي شي
ابحث و و اسأل و اقرا و اقرا و اقرا و لا تستعجل
و لو جتك نصيحه من هنا او من هناك لا تطبقها مباشره روح ابحث و شوف هالنصيحه صحيحه ولا جايه من واحد ببغاء ما يعرف كوعه من بوعه

كلام صحيح 100% و الأخ احمد لو تلاحظ ركز على كلمة اقرا ،،،تخيل في منتديات السوبر هوندا و غيره عندهم مصطلح اسمه RTFF و يعني Read The Fucken Forum و مصطلح اخر STFF يعني search the fucken forum و سبب استخراج هالمصطلح نه لما يجي واحد بهيم يسأل وش افضل القطعة الفلانية او العلانية راح يقولون له اقر من كثر ما سووها قاموا يكتبوا هالأختصارات :d

و مثل ما قال احمد السيارة حلالك و لا عليك من احد