الميكانيكا

[ekhk]

السلام عليكم
الإهتمام بالميكانيكا أمر نادرا ما نجده في بلادنا ,مع أن الميكانيكا علم مستقل بحد ذاته فمن الغريب أن نجد أن الإهتمام قليل جدا وبإجتهادات فرديه ومن الصعب جدا أن نتجاهل مثل هذا الأمر حيث أن معظم من يعمل في هذا المجال غير مأهلين تأهيل سليم فنأمل من الجهات التعليميه إعادة النظر في هذا العلم والمناهج التي يتم تدريسها في هذا المجال حتى يصبح لدينا مهندسين ذوي كفاءه عاليه وخصوصا في مجالات الإبتكار والتزويد حيث ان الكثير يقوم بالتزويد بطرق غير صحيحه مما يؤادي إلى أعطال ومشاكل كثره هو في غنى عنها.
أرجو من أصحاب الإطلاع أن يفيدونا برأيهم .
من يعرف روابط يمكن من خلالها الإطلاع على مناهج بعض الدول في هذا المجال أرجو أن يضيفها في رده.
ولكم جزيل الشكر.

[bashar_255]

نحن عندنا مناهجنا الخاصة في racing4e.com و هذا هو أكبر اهتماماتنا :)

راجع القائمة على اليمين في الصفحة الرئيسية ...
http://www.racing4e.com/


تحياتي ،،،

[$المهندس$]

هذا الموقع خلق حق التزويد و تعليم و تثقيف الناس .. في التزويد .

[ekhk]

أنا ما أقصد هذا الموقع لأن الموقع وكل المهندسين والخبرات رائعين ولكن ماتظنون معاي إنه من الصعب أن أتعلم من مجرد طرح المواضيع هذا الشيء يكسب خبره.مع إحترامي للجميع لكن مافي أحد بيتعلم من الكلام بس لكن بالتطبيق .
أنا إلى أقصده من هذا الكلام أني أنا مثلا لما أدرس من مناهج قديمه كل التقنيات إلى فيها منتهيه من زمان كيف بعرف للشيء الجديد والتقنيات الجديد على كذا يبغالي أدخل منتديات وأسأل هذا كيف وهذاك شلون .ليش ما أتعلم للشيء الجديد مع الإلمام بالشيء القديم لأنه بصراحه المناهج إلى بيدرسها طالب الميكانيكا ما تفيده لو طلع للسوق لأن إلى درسه شي وإلي شايفه قدامه شي ثاني .
القصد علم شي كله إبداع يطلعلك شخص مبدع لأن هذا الزمن زمن إبداع.
أسف طولت عليكم.

[$المهندس$]

اخوي منو يقول انه المناهج متخلفه ؟؟؟ انا الحين قاعد ادرس المكانيكا و هذي اول سنه


يعطونه عملي علي المحركات الجديده مثل ال Dohc Or Sohc و التقنيات الجديده Abs و غيرها من التغنيات


و اتفق معك انه اقلب التغنيات قديمه ولا شك في هذا ...


و ابي اقولك شغله انه المكانيكا مرتبه في تخصصات هندسيه اخري


مثل الانتاج و التخطيط وووووو يعني شبه شامل للهندسات الاخري ...


و الحقيقه نريد توعيه .

[bashar_255]

فعلاً

عالم الإنتر نت ما بيعلم أحد من خلال طرح المواضيع لاكن قد يحفز و بشكل كبير على التطبيق

من السهل ان اصور خطوات شي معين مع الشرح لاكن ستتورط 100% لما تجي تطبق و الحل هو وجود شخص خبرة الى جانبك خلال التطبيق

بالنسبة للتقنيات فأغلبها الآن كهربائية و قلت التقنيات المكنيكية و لا استغرب اذا استبدل المكنيكيين مستقبلاً بكهربائيين أو انهم يطلعو بتخصص مكنيكا كهربائية !

شغلة ما فهمتها ! محركات الهايبرد !

على ما يبدو ان عصر الكربريترات قد ولى

و اظاهر اني كنت اضيع وقتي خلال السنتين اللي طافو

هذا اللي اقدر اقوله :d

[$المهندس$]

فعلاً

عالم الإنتر نت ما بيعلم أحد من خلال طرح المواضيع لاكن قد يحفز و بشكل كبير على التطبيق

من السهل ان اصور خطوات شي معين مع الشرح لاكن ستتورط 100% لما تجي تطبق و الحل هو وجود شخص خبرة الى جانبك خلال التطبيق

بالنسبة للتقنيات فأغلبها الآن كهربائية و قلت التقنيات المكنيكية و لا استغرب اذا استبدل المكنيكيين مستقبلاً بكهربائيين أو انهم يطلعو بتخصص مكنيكا كهربائية !

شغلة ما فهمتها ! محركات الهايبرد !

على ما يبدو ان عصر الكربريترات قد ولى

و اظاهر اني كنت اضيع وقتي خلال السنتين اللي طافو

هذا اللي اقدر اقوله :d


:( :( :( :( :(


لا تقول يعني بعد سنه ماكو مكان نشتغل فيه :mad:


بس انا افضل السياره التي تعمد الاشياء المكانيكه اكثر من الكهربيه لسهوله التصليح ..


و الله يوفقنه و يوفقكم .

[عاشق_موستنج2002]

السلام عليكم

بيني وبينكم الدول العربية متأخرة جدا يعني شوف الدول الغربية وين راحت

ونحن لسه ما صممنا مكينة وحدة عمركم سمعتو عن محرك عربي100%؟؟

حاليا اقرب دولة لنا تقدمت ايران بس لسه محركاتهم مو 100%ايرانية لانهم نص القطع يستوردونها من برا

بس المشكلة عندنا ان الحكومة مو مهتمة مرة مثلا عندك في امريكا شركة جي ام مسوية مسابقة حق الي اعمارهم تحت ال17 الي يصمم ماكينة اول 3 يحصلون منحة كاملة للدراسة في احسن الجامعات بعدها يشتغل مهندس في الجي ام

انا حاليا سمعت انه في البحرين بيسوون شركة سيارات بس مو متأكد من الخبر

[bashar_255]

السلام عليكم
بيني وبينكم الدول العربية متأخرة جدا يعني شوف الدول الغربية وين راحت
ونحن لسه ما صممنا مكينة وحدة عمركم سمعتو عن محرك عربي100%؟؟
حاليا اقرب دولة لنا تقدمت ايران بس لسه محركاتهم مو 100%ايرانية لانهم نص القطع يستوردونها من برا
بس المشكلة عندنا ان الحكومة مو مهتمة مرة مثلا عندك في امريكا شركة جي ام مسوية مسابقة حق الي اعمارهم تحت ال17 الي يصمم ماكينة اول 3 يحصلون منحة كاملة للدراسة في احسن الجامعات بعدها يشتغل مهندس في الجي ام
انا حاليا سمعت انه في البحرين بيسوون شركة سيارات بس مو متأكد من الخبر


من قال ؟

ايران صنعت سيارة ايرانية 100% بدون ما يجيبو بلط من برى الجمهورية

موزع فورد و بيجو " ابو السعود " في سيهات كان بياخذ وكالتهم و يجيب هالسيارة اللي قاعد اتكلم عنها و من سنتين

لاكن للأسف لما ركبها قال أن السيارة تعتبر جودتها سيئة و أكيد شبابنا ما بيقصرو فيها :rolleyes:



لا تقول يعني بعد سنه ماكو مكان نشتغل فيه


بس انا افضل السياره التي تعمد الاشياء المكانيكه اكثر من الكهربيه لسهوله التصليح ..


و الله يوفقنه و يوفقكم .

القديم لا يموت و انا وياك في كلامك :)

[@ ابـوفـهـيـد @]

والله من زمان الكبريتر ولى
والظاهر بيلحقه البخاخ ونستقبل الهايبرد
ومن ناحيه المصانع مبلشه تقلص العماله
وتستبدلهم بألات
لانها بتوفر عليهم رواتب + دقه في العمل + مايشكي من شي

من ناحيه الدوله لو يفتحون المجال ويدعمون الشباب اتوقع بتطلع ابداعات لا متناهيه
بس للأسف مافيه دعم

قبل فتره فيه مصري مخترع مكينه على ما اظن انها على الكهرب << مو متأكد من الكهرب
بس المهم انه اخترع مكينه ماتشتغل على البانزين او الديزل
وعنده براءه الاختراع

والى متى الدعم لكره القدم فقط معى توالي الأخفاقات <<< متعوب عليها الجمله

[bashar_255]

أقول يا بو فهيد لا تحبطنا و اللي يرحم والديك ترى يجيني اكتآب بعدين :d

big block & carburator 4 life :d

[@ ابـوفـهـيـد @]

خخخخخخخخخخخ
الله يرجك سويت ريمكس

جرب تزويد البخاخ وبتشوف النتايج

[وحش]

http://www.racing4e.com


موقع زين يستفيد منه اي انسان


بالميكانيكا

[bashar_255]

خخخخخخخخخخخ
الله يرجك سويت ريمكس
جرب تزويد البخاخ وبتشوف النتايج


ولا تزعل عدلناها :d

لو البخاخ فيه خير كان شفنا الناس طاحت عليه في الدرق ريس :p

[$المهندس$]

حبيبي البخاخ عوار راااااس


خلك علي الكابرييتر عيارات عن باب البيت و تدق سلف و تشفيط لين المضمار :)

[bashar_255]

حبيبي البخاخ عوار راااااس


خلك علي الكابرييتر عيارات عن باب البيت و تدق سلف و تشفيط لين المضمار :)

بلا برمجة على كل بلط تضيفه بلا تكاليف زايدة بلا بطيخ :p

خاصة في محركات الغاز قليل اللي يتوجه للبخاخ

التوجه في البخاخ اغلب شي في محركات التيربو و بعض السوبر شارج ، مع اني شفت خلطات غريبة عجيبة بخاخ في الستريت الا اني مقتنع بالكربريتر أكثر لأن بهالتكاليف تقدر توصل لمستوى اعلى بقطع افضل :rolleyes:

[ekhk]

والله إنتو جماعت (كربريتر حتى النخاع) الكربريتر يصسر عليه إلي تبي وما يزعل لكن البخاخ يبيله تدليع

[bashar_255]

الكربريتر تشربه 3 غرش اكتين و يبقى صاحي و يقول لك هل من مزيد ؟ اما البخاخ غرشة و في التوانكي الصغيرة يلخ :d

[@ ابـوفـهـيـد @]

عادي اخوي بشار
البخاخ توه جديد على غرش (((((( الاوكتين )))))
اخبر عبيتها 350 ملي ميثانول الكحول على 11 لتر بانزين
ماقالت اح بس بخاخين انسدت عينين
اما الكابريتر عربيد مايقول لا

[$المهندس$]

ابو فهد هذا المطلوب :)


و لا تنسي السهول في الاستخدام يعني مو معقد

[عاشق_موستنج2002]

اقول بشار

توه ادري انه ايران جابوها 100%

مع اني من هناك

بس تدري انهم مو بس عندهم بيجو

عندهك كيا والحين بدأو في المرسيدس

حتى مرورهم مرسدس c class

وكلامك عن جودتهم صح ولد عمي عنده كيا

كل يوم رديتر جديد تذكر على ايام الاتاري لما كنا كل يوم نشتري ريموت جديد نفس الشي

[bashar_255]

الله يرحم ايام الأتاري و العائلة القديم :d

احين هم ناويين يعملو رينو عندهم لاكن مشكلة الجودة ما توقعتها لهالدرجة

يضلو احسن من غيرهم :)

[$المهندس$]

البيجو قطع فرنسيه و تجميع ايران و عندهم شركات تصنع 100 ياباني


و الحين قامو يصنعون مكسيما و رينو و سامان ما ادري شنو اسمها :)

[عاشق_موستنج2002]

نسيت اقول

في شركة ايرانية اسمها خد رو(ما اعرف معناتها بالظبط)

عندهم سيارات الصراحة تصاميمهم خطيرة في سيارة تشبه الاكورد وعلامتها راس حصان زي حق الشطرنج

بس في هذي الشركة اظن جودتهم تمام وقطع غيارهم رخيصة مرة