شباب وش قصه هالقطعه

[@ ابـوفـهـيـد @]

السلام عليكم
كيف الحال

المهم شباب
فيه قطعه منتشره في السوق الامريكي
يقولون انها تعطي من 7 - 22 حصان

وهذا الرابط
http://cgi.ebay.com/ebaymotors/22-HP-Progressive-Tuner-Nissan-Maxima-or-Sentra_W0QQitemZ330025232869QQihZ014QQcategoryZ335 97QQrdZ1QQcmdZViewItem

هي صدق تعطي من 7 الى 22 حصان ؟

وشو وظيفتها ؟

كيف طريقه تركيبها ؟
:3rbe015:

[$المهندس$]

ولله اخوي بوفهد ما ادري شنو اقولك


من الي قريته يقول انه مثل كمبيوتر يضخ غاز و ما ادري شنو ؟؟؟ بس مو كمبيوتر ؟؟

ولله سعره حلوه و مو غالي و حلو الواحد يجرب ... بس اشلون يطلبونه خلني اجرب :)


بس شكله مثل الكتاوت ويقول انه يتطلب واسلاكين و شغل 30 ديقيقه و خالص .

[bashar_255]

ممكن صورتها ؟

الصورة الموجودة محجوبة في السعودية :(

[$المهندس$]

الصوره ما راح تفيدك ما يبين فيها اي شي :3rbe143:


http://www.racing4e.com/vb/attachment.php?attachmentid=205&stc=1&d=1158081897



يلله طلع السر :3rbe015:

[@ ابـوفـهـيـد @]

هلا اخوي المهندس
هذا بالضبط اللي فهمته
انها ماهي تشيب
ابي هذا اللي مدري شنو

بس كأن الجهاز مشبوك بالبخاخات

والله الصور زمبليطه ماموضح زي الناس

يعطيك العافيه اخوي المهندس

ننتظرك اخوي بشار

[$المهندس$]

بس يقول انه يضغط و يطلع غاز :confused:


get the same gas mileage as stock


At full boost gas mileage will decrease about 2mpg but


THIS IS NOT A CHIP!!!


و كما قلت اهو يعطي غاز ما ادري من وين يجيبه :confused:

This is better than nitrous without The Nitrous effects on the motor.

الاشياء المطلوب للعمل ..


All you need is about 30 minutes of your time


you need to splice 2 wires and thats it


و هذا كل الي فمته بس للحين ما ادري شنو بفعل يفعل :3rbe047:

[@ ابـوفـهـيـد @]

هلا اخوي المهندس
ابو الشباب من وين بيطلع الغاز
ممكن انه يسحب من الرجيع الهوا ويرجع البانزين ( البانزين الراجع للتانكي )
يستهبل يقول انه ازين من النايتروس اممممم

والله امرها غريب هالقطعه

ومشكور اخوي المهندس

[ابوشهد]

السلام عليكم
القطعه هذي الله يسلمك عباره عن منظم كهربائي ينشبك مع الظفيره . بالتحديد مع ال Iat الي هو حساس درجه حراره الهواء اللي داخل للمكينه. والمنظم حقهم بيغش كمبيوتر السياره وبيقوله ان الهواء اللي داخل للمكينه ابرد فكمبيوتر السياره بيغير نسبه البنزين وبيزيد الديلكو بنفس الوقت وهذا اللي يسبب زياده العزم. شباب اللومينات قبل ما تنزل البرمجه كانو يسوون نفس الشي بتركيب مقاومه بحساس الهواء .

[$المهندس$]

وسالفه الغاز ؟؟؟؟؟؟

[ابوشهد]

gasعند الامريكان اختصار gasolineاللي هو البنزين ولما يقول انه يوفر ال gas milageيعني يقتصد بالوقود لان البنزين بيصير ناقص شوي leanوهذا بعد بيزيد قوه المكينه بشكل ملحوظ.

[$المهندس$]

اهااا يعطيك الف الف عافيه


يعني هل تتوقع انه يقص علي المحرك يعطي 12 حصان ؟؟؟ علي الويل ؟؟ شئ خيالي ..

[bashar_255]

اذا يقوم محل الإير سنسر اشوف النتيجة عادية و هي على حسب المحرك و نوعه و حجمه :)

[@ ابـوفـهـيـد @]

يعطيك العافيه اخوي ابوشهد
وماقصرت

يعني وظيفه القطعه انها تغش الكمبيوتر
اي طيب هالحركه ما تاثر على المحرك

اخوي بشار كيف ماتأثر هالحركه

ومشكورين على الردود

[$المهندس$]

ولله من ناحيتي اعتقد انه تغش الكمبيوتر و تغش المشتري ...


و اكيد فيه ضرر علي المحرك ... و الله اعلم .

[ابوشهد]

بالنسبه لتاثيره علي المحرك انت وحظك.
شركات السيارت دائما تعمل حساب اسواء الضروف . من واقع تجربه اغلب السيارت خصوصا الرياضيه اللي نسبه انضغاط محركاتها من ال 9.5 وفوق تكون نسبه النزين للهواء في وقت التسارع او القوه القصوي للمحرك زائده بشكل كبير. يعني من 11.5:1 الي 12:1 .لو نزلت نسبه البنزين الي 13:1 غالبا راح تحصل علي زياده بحدود 10% باحصنه سيارتك.
ولو زدت الشراره 3 او 4 درجات راح تحصل علي 2-4% زياده . زياده ممتازه وببلاش .
المشكله الكبيره خصوصا بالطرق الغير علميه زي الجهاز اللي احنا نتكلم عنه انك لو تحصل علي نسبه خليط مع الفول باور (حد الدعسه) 14:1 غالبا راح تعور مكينتك :3rbe143: .
افضل الحلول انك تحصل علي برمجه صحيحه لكمبيوتر سيارتك او في حاله انك ركبت مثل الجهاز هذا انك تسوي داينو لسيارتك تتحقق من خلاله من نسبه البنزين الامنه او انك تشتري جهاز الوايدباند وتسوي اختبار لنسبه البنزين.

[وحش]

This is better than nitrous without The Nitrous effects on the motor.

The Progressive Tuner simply wires into the factory harness of the IAT sensor. The module will work with the sensor to provide a new signal to your vehicles computer, or ECU. The ECU then adjusts your air/fuel and timing advance curves to new performance settings. Our progressive tuner eliminates costly parts and installation of ECU components (many ECU mods require you to solder and modify the main board), and still safely and legally provides the same end results. There is no risk of damage to the engine or electrical system since the modified sensor signal will always remain within the manufacturer’s recommended specifications. The Module works in conjunction with your vehicles ECU and will not affect engine reliability. Installation is very simple. All instructions are included and install should take about a 1/2 hour. The Performance Power Module can even quickly and easily be removed or re-installed at any time.

Our products are backed by a 100% Lifetime Guarantee. If the kit or any component ever malfunctions, it will be replaced at no extra cost. No questions asked, no hassles!

و وانا اعتقد انه يعمل وقت لدخوول خليط الهوا و البانزين


منظم

[@ ابـوفـهـيـد @]

هلا اخوي المهندس واتوقع تغش الاثنين
ومشكور على الرد


هلا اخوي ابوشهد

المشكله الكبيره خصوصا بالطرق الغير علميه زي الجهاز اللي احنا نتكلم عنه انك لو تحصل علي نسبه خليط مع الفول باور (حد الدعسه) 14:1 غالبا راح تعور مكينتك

هذي المشكله وبعدها تقول يامن شراله من حلاله عله

اقدر اوزن هالجهاز على النسبه اللي ابغاها او لا

وومكن يضبط على الموتر ويمكن مايضبط

ومشكور اخوي ابوشهد على المتابعه



هلا اخوي وحش
يغير نسبه الخليط

ومشكور على الرد

[$المهندس$]

ولله في الصوره يوضح انه في مغير مثل الكتاوت تقدر تحدد نسب بس مو مضمون


و علي كلام راعي القطعه يقول انها مضمونه سنه ...


ولله ما ادري عنهم .

[@ ابـوفـهـيـد @]

تخيل اخوي المهندس قبل سنه ونص وانا اشوف هالقطعه
تخيل بدا سعرها من 3 دولار
ووصلت لل 35 دولار

الصراحه شي محير

[$المهندس$]

استانسو الناس عليها ...


و يمكن ما تضر خلنه نجرب :)

[VTEC inside]

و الله و يبون يتشيطروا على الكمبيوتر بعد

هذا كذاب لأنه كمبيوتر الهوندا على سبيل المثال لا الحصر يشتغل في وضع الـ Closed loop و اعتقد انه الكمبيوترات الثانية نفس الش بعد

الـ Closed loop: يعني انه الكمبيوتر ما راح يضخ بنزين و يعطي شرارة و هو اعمى و لكن راح ياخذ feedback من الـ O2 sensor الي موجود بالقزوز يعني هذا الذكي الي سوا فيها انه بيخدع الكمبيوتر و بيقول له انه الهوا بارد و بيخلي الكمبيوتر يزيد البنازين ، لما تطلع اثار الأحتراق يمر الغاز من القزوز و يمر على الـ O2 sensor راح يقرأ السنسر انه الغاز هذا Rich يعني فيه بنزين زيادة و راح يرسل الى الكمبيوتر feedback يقول له ترا فيه عندك واحد ذكي يبي يلعب عليك خلاك تزيد الوقود،،، هنا الكمبيوتر راح يرجع نسبة البنزين مثل ما كانت ،،، باختصار الجهاز ماراح يأثر و الدليل بعد انه لما تسوي tuning حق كمبيور الهوندا مثلاً راح تلغي وضع الـ Closed loop عشان تبرمج على راحتك من غير ما يطفش عيشتك الكمبيوتر،،، طبعاً ارعاة التيربو يخلوا الـ closed loop شغال عشان الصرفية ما تزيد بس لما يدعس الموتر و يدخل في البوست، راح يطفي الـ closed loop بحيث انه الكمبيوتر ما يشيل البنزين الزايد الي انتا برمجت الكمبيوتر عليه في الخلايا الي تحت اعمودة البوست,,, يعني لو انك قدرت من الكمبيوتر تلغي االـ closed loop راع تقدر تستفيد من هالجهاز

انا ما ادري بالضبط عن الأمريكي
but this is my $0.02

[العفريت الازرق]

يعني القطعه هذي ممتازه وماعليها كلام..:cool:
بس انشاء الله ماتضر السياره:confused: