!! الثرموستات و تخفيض حراره المحرك ((( موضوع للنقاش ))) !!

[$المهندس$]

السلام عليكم


تم فتح هذا المنتدي لتثقيف الناس و توعيتهم ...


هذا الموضوع عن الشباب الي تشيل الثرموستات و زياده عدد المراوح لتخفيض حراره المحرك :3rbe033:



اولاً الكل لازم يعرف انه الحراره مطلوبه في المحرك و كل محرك له درجه محدده كي يقوم الاحتراق المثالي ..



و التقليل الحراره يقلل من كفائه المحرك و الزياده في الحراره تقلل من كفائه المحرك ..


و التقليل هو زياده المراوح و البعض يفرح عند وصول درجه الجرار تحت الربع يعتبر هذا انجاز :3rbe045:


و بلحقيقه انه عكس هذا :3rbe165:


يا جماعه الحراره لكل محرك مطلوب مثلاً 95 درجه او 90 لا يأثر لاكن التخفيض الي 80 شئ سيئ ...


و خلونه من هل موضوع ........



الموضوع الثاني الثرموستات ... الثرموستات مهم جداً جداً للمحرك ..

و ازالتها اكبر خطئ و نفس الاشياء الي تصير فوق ^^^ يعني ماكو فايده


الماي ما يقدر ينزل درجته و الحراره ما تقدر تثبت ...


عاد ليش تزيلها .. وللعم تسبب اضرار للمحرك في المستقبل :3rbe103:


و افضل شئ تغير الثرموستات اقل من 5 درجات و يضبط الشغل كلها ..


و بنهايه احب اعطيكم ملف فيه فيديو يشرح و يضبط الشغل ..

^^^^^^

اضغط يمين + حفظ بلأسم ..... (http://www.mustanghp.com/uploads/members/mustanghp.com_121879966alcooling.zip)



و ناطر النقاش ..

[bashar_255]

كلام حلو يالهمندس لاكن لاحظ انه فيه سيارات درجة حرارتها الطبيعية 80 مثل الموستنج القديم مع انه فيه ناس تقول 90 لاكن بمشي على رأي الأغلبية :)

اما بالنسبة للسيارات الجدد فكلهم 90

فيه من الحركات الغلط انه الواحد يركب صفات اكثر للرديتر على باله ابرد يعني تخيل أن واحد من الشباب الله يستر عليه مركب على موستنج LX رديتر 5 صفات ؟؟؟

و ترفع حرارة أكيد لأن السبب هو انه مجمع حرارة ما يقدر يبردها و على فكرة هو فوق هذا يجمع وزن في أكثر المناطق حساسية في جسم السيارة و هي المقدمة

و من المفاهيم الغير مفهومة عند البعض في التبريد هو تبريد ايش اصلا ؟؟

فيه تبريد ماء الرديتر و فيه تبريد للمحرك ، تبريد ماء الرديتر بالمراوح الخارجية اما المحرك ما ينفع لتبريده غير المروحة الداخلية اللي بين الرديتر و المحرك لأنها توجه الهوا له بشكل مباشر ، فالبعض يجي يحل الموضوع و يدور على رديتر اكبر لو رديتر المنيوم أو جديد و الحل البسيط هو مروحة أقوى للمحرك

المراوح كل ما زادت شفراتها كل ما زادت قوتها و كل ما زادت قوة المحرك كل ما زادت قوة المروحة


هذا رابط دائم للفيديو :)

http://www.racing4e.com/img2103.html

تحياتي ،،،

[$المهندس$]

كلامك عدل اخوي بشار ...


و المراوح ممتاز لو تزيد نسبه قليله لاكن التكثير يضر :)


و ننتظر البقيه .

[bashar_255]

أخوي $ المهندس$ ممكن تشرح لي بعض الأضرار ؟

لأني ما اعرف غير زيادة الصرفية .. هل لها تأثير على الشنابر مثلا ؟؟

تحياتي ،،،

[وحش]

مشكوووور اخوي على المهندس على الموضوع


والصراحة انا اعرف واحد للحين شايلهم


و مو راضي يردهم


الله يهدي

الله يعطيك الف الف عافية اخووي المهندس

[$المهندس$]

هلا ولله الوحش و حياك الله ...


و بشار كلامك صحيح الصرفيه هي اكبر سبب و عدم الاحتراق المثالي هو الوحيد


و يتفرع منه اضرار جانبه قليله لا تعد ..


بس ما تعتقد الصرفيه اكبر ضرر و فقد احصنه ؟؟


و علي فكره الشنابر مالها اي شغل !!! و ما تتأثر ...

[ekhk]

السلام عليكم
أخوي المهندس أنا معاك في إن التبريد الزايد خطاء والحراره الزيده بعد بس أبي أفهم شغله مثلا في جهاز التيربو يتم تبريد الهواء ومن ثم إلى المحرك طيب مو هذا تبريد لكن يزيد من قوة المحرك ! إيش الفرق؟ إذا كنت أبرد الهواء أو الماء ما هو كلو تبريد للمحرك.
وشكرا.....

[$المهندس$]

اخي الكريم تبريد الماء يختلف كلياً عن تبريد الهواء ...


تبريد الماء لحفاظ علي حراره المحرك انا تبريد الهواء و هذا الاحتراق و الهواء البارد افضل من الهواء الساخن لانه جزيئاته متلاصقه بنظريه فزيائيه كلما زاده البروده قربت المسافه بين الجزيئات


و هذي النظريه يعني هواء بارد = دخول للجزيئات اكثر = يزداد حرق الجزيئات = طاقه ...

[The Expert]

شرح جميل مشكوورين على التوضيح

[راعي الكابرس]

والله الصراحة فيديو حلو ومفيد ومن افيد الفيديوهات اللي شفتها الصراحة وخاصاً انها بالعربي .. وابغى اعرف يالمهندس من وين تجيبهم .. ؟؟؟
وسالفة تشيل الكوع هاذي الهنود الفلات اللي يصلحون اذا قلت لهم عندي علة حرارة وكذا وكذا علشان يسكتك يقولك شيل الكوع وصحيح ان الحرارة تنزل بس زي ما قلت انت لها اثار ..
واحد من الشباب عندة مكسيما 99 يبزعم انه حكيم يشيلة في الصيف ويركبة في الشتى ..
اللحين اذا يمشي في خط ووقف في اشارة فجأة ترتفع الحرارة بسرعة او اذا انة طفى السيارة وجا يشغلها يلقى الحرارة ترتفع بعد ...
بس عندي سؤال ..
كم درجة الحرارة الثابتة والأصلية في محرك 350 شفر .. ؟؟

[$المهندس$]

هلا ولله راعي الكابرس ...


المقاطع شريتهم من معرض ... و عندي مقاطع ثانيه لنقاشات ثانيه :)


و علي ثرموستات الشفر بحدود 90 الي 85 درجه بس مو متأكد عدل ..


و شاكر علي التجربه :)

[علووي]

تسلم حبيبي ع الموضوع

[EH@B]

مشكور المهندس على هالموضوع :)
و أنا نفس ما تفضلت أشوف شباب وايدين يشيلووون الثيرموستات و يزودون مرااوح علشان ينزلوو الحرارة و هم بالاصل ما يشكون من إرتفاع الحرارة !!!

[VTEC inside]

مع انه الموضوع قديم بس فيه نقطة مهمة احب اضيفها و هيه انه زيادة المراوح او اونك تخليهم شغالين على طول شي تمام.

اول شي انه حرارة الماي في الرديتر مالها تأثير في حرارة الماي داخل بطن المكينة اذا كانت باردة او حارة. اذا كانت الحرارة الطبيعية داخل بطن المكينة مثلاً 85 و حطيت مراوح زيادة و صار الماي ابرد من العادة في الرديتر وليس في بطن المكينة فالي رايح يصير هو انه اذا وصلت حرارة الماي الى 85 رايح يفتح كوع الماي فهنا على حسب حرارة الماي في الرديتر اذا كانت باردة راح تدخل كمية من الماي الى داخل بطن المكينة اقل من اذا كان الماي حاااار...

فلو انك خليت المراوح شغالة على طول راح يكون في الرديتر ماي بارد كافي حق لو وقفت في الأشارة و تصرقعت و دست مع واحد قومة :d

و غير كذا -بس مو متأكد- انه لما تخلي المراوح شغالة على طول يطول من عمر طرمبة الماي و كوع الماي ،، مو متأكد بس صححوا كلامي لو كان غلط :)

بالنسبة حق الي يركيبوا كوع حق حرارة اقل فهذا لازم يغيروا قيمة الـoffset في كمبيوتر السيارة (شغلة برمجة) حتى يخلي السيارة تشتغل بالشكل الصحيح،،، عموماً ميكانيكاً مي عدلة لأنه اذا كانت مثلاً الحرارة الطبيعية 85 فهذا يعني انه المعدن الداخلي للمكينة و معدن البساتن مصمم حق يتمدد في ضروف هالحرارة بغض النظر عن الأحتراق ،، يعني مثلاً لو انك تقلل الحرارة داخل المكينة احتمال انه البستن يتمدد اكثر من القميص و الي يصير انه البستن يبدأ ياكل السلندر لأنه تمدد بشكل اكبر من السلندر :)

طيب انا عندي تساؤل و هو كيف تحدد الحرارة المناسبة حق بطن لمكينة اذا غيرت القميص و ركبت مثلاً تيتانيوم او cast iron ؟؟؟

لأنه معروف في الهوندا اذا تركب تيربو لازم تغير القميص و البستن و هذا يعني انه حرارة الماي الي تحتاجها داخل بطن المكينة غير لأنه انتا غيرت من سلندرات المنيوم الى حديد او تيتانيوم ؟؟؟

[bashar_255]

المشكلة مو في التمدد .. المشكلة في سرعة التمدد و حتى ذي ما لها اثار اكثر من أن الشنابر تضرب

[VTEC inside]

صح كان قصدي سرعة التمدد :d