تراك جدة .. حقائق مثيرة و مخيفة !! [الأرشيف]

مشاهدة النسخة كاملة : تراك جدة .. حقائق مثيرة و مخيفة !!

bashar_255

09-14-2006, 03:13 PM

السلام عليكم و رحمة الله و بركاته

للأسف هاجمني الكثير من الناس على اساس أني تكلمت بشي حقيقي عن حلبة جدة و ما حز في نفسي هو كلام الكثير من الأصدقاء عني

اليوم صباحاً جلست هنا في القطيف مع واحد من أخبر الناس في الدراق في جدة و هو صاحب الريجالد الأسود عبد الله المديني و أعتقد مجرد ذكر اسمه هنا يستحق أن يقرأ الموضوع بتأني ..

انا جلست معه لحوالي 15-20 دقيقة و للأسف ما كان عندي وقت فمشيت و الله الرجال كان محترم و تحسه يبغي يقدم مستويات لاكنه يشتكي من حلبة جدة و للأسف هو ما يدخل على منتديات و الله كان دخل علينا ..

انا قدمت له دعوة على اساس يخلي واحد يكتب بإسمه و ان شاء الله ما ينسانا

اللي ذكرها لي :

1. مسافة البريك هي 200 متر اسفلت و 100 متر رمل و بعده يجي شبك لو تضرب فيه السيارة بيكسرها :bal:

و بعد الشبك فيه هاوية و ليست هوية :3rbe163:

و هذا كلام المنظمين انه 200 متر مو كلام اي واحد

2. هم مجربين جيب تويوتا بمحرك 454 فيه و هو واقف ورى يشوف الجيب يتنقز مع ان مساعداته مال شد بلد يعني ما عنده مشكلة في التطعيس !! لاكن في الحلبة يتنقز :hasha:

3. غير سالفة الدباب اللي انقلب الأخ عبد الله المديني واحد مجنون دبابات دخلو دباب 1300cc و يقول مستحيل تويل على التراك مع انه شي عادي تويل في الشارع العادي و السبب هو التراك السنع :3rbe049:

4. صاحبه عنده مونتي كارلو بمستوى سيارته يقول له انه عمل أكسدنت مع حاله :3rbe139:

السالفة انه ماشي بالموتر 400 متر جا يرفس بريك ( قلنا البريك 200 متر يعني شي عبيط !! ) و فيه رفعة للشارع لفوق عشان يزيد التخفيف

هو ضرب في الشارع اللي هو ماشي عليه !! فهمتو ويش قاعد أقول ؟؟؟؟ هو ماشي قدام و ضرب في الشارع اللي هو ماشي فيه

انا بصراحة ما اقدر اوصف لكم اكثر من كذا :3rbe181:

5. ادارة الحلبة مع اني لمحت لهالموضوع أكر من مرة و بقولها بالفم المليان الآن و اللي شجعني على ذلك تصريحاتهم و كلامهم و تعاملهم خلوني اقول لكم كلام الرجال انا بقتبس كلامه ( ادارة الحلبة كلهم بزور ) يعني أطفال

انا اليوم الصباح قبل ما أقابل الرجال قلت لواحد الإدارة ذي شكلهم 19-22 سنة و الرجال قال لي كلامك صحيح يا بشار

هل كان هشام على خطأ ؟؟

انا عن نفسي أقول ان الواحد اذا فقد التراكشن لازم يرفع رجله و اذا رفعها لا يدوس الا اذا نزل و طالع في الشارع اذا يأهل

لاكن هذا تراك حلبة و على مواصفات " عالمية " كما يدعون مو شارع قبال البيت !!!

اتذكر ايام ما كانو يجيبو الكويتيين هالزدود المزودة 1000 و 1500 حصان و الكورفتات القدم لحلبة ام القوين قبل ما يجددوها كانو يفقدو التراكشن أكثر من مرة و يعودو يدوسو و فيه اللي يحرق الـ 400 متر كامل و بصراحة تطالع و تضحك حتى انه كان فيه كورفت اصفر شفت له تجربتين هو ماخذ الـ 400 متر عرض

وين المواصفات ؟؟ و ين المصداقية ؟؟ وين الرجال ؟؟

قالو العيب في سيارة هشام

ثم قالو في هشام نفسه

ثم يوم عجزو قالو المفروض ما كان داس

و كأنه الدعوة و الإحتفال به عشان يجي يركض بنعاله مو يدوس بالسلكا

انا فترة قلت الحلبة زينة للستريت و السوبر ستريت

لاكن اخوي عبد الله كلامه يخوف !!

ويش السسبنشن المناسب لحلبة جدة ؟

هو قال كلام بعد لاكن نسيته و على العموم هذي أهم الملاحظات من أكبر المشاركين في حلبة جدة :3rbe152:

اعذروني هالموضوع بيكون حصري هنا لعدم رغبة " بعض " من المنتديات في فتح "هذا" الموضوع حتي "يبينو" أنهم حياديين و أنهم " يستقبلو " الكل

انا مع الحق و لكم حرية التعبير و ليس لي على احد اي قيود فيما يقول

تحياتي ،،،

مؤيد اف1

09-14-2006, 03:29 PM

Welcome to Saudi Arabia:d

$المهندس$

09-14-2006, 04:15 PM

يا بشار اكبر خلل يسوء التنظيم ...

و مسافه الابريك قليله .... و المشكله ارض الله واسعه :( ماشاء الله اسعوديه فاضيه بمساحات هائله تقدر تسوي مدينه سيارات مو بس مضمار ..

بحرين الصغيره و السعوديه تعتبر 10 اضعافها و فاتحين حلبه دوليه لكل رياضات السيارات ...

و الله يوفقهم .

و نرجع للاداره ... للاداره ضعيفه نوع الشي لانه ليس لديها ادني خبره اعمارهم 22 سنه ؟؟؟

و تبون الصراحه .... بدون زعل :)

المضمار حق لانسر عليه وايارات او كرولا شايل دبات التلوث :(

و يا بشار تفائل بخير ... و هذي البدايه فقط و ضغط منك و من ربعك راح يتعدل

لانه هذا مضماركم انتو لازم تكونو داخل الاداره و علي فكره محد يبني المضمار الي انتو .

bashar_255

09-14-2006, 04:41 PM

و يا بشار تفائل بخير ... و هذي البدايه فقط و ضغط منك و من ربعك راح يتعدل

يبيلهم ضغط أكبر للأسف .. اذا هذي الأخطاء وين التعديل ؟؟؟

Red Chevy

09-14-2006, 05:20 PM

الله يخلف هذول وجههم وجه حلبات؟؟

يكفيك مكان الحلبة ابعد مايكون عن كل ميادين السباق...يعني كل خطأ فوقه خطأ اشنع منه

لا والقهر لما يقولوا كان المفروض هشام مايدوس

ليش؟؟هو قاطع كل هالمسافة عشان يتمشى بالسيلكا في شوارع جدة ؟؟

ماقول الا الله يخلف...ومتى نشوف مضمارنا بالشرقية ...قولوا امين

Black Arrow

09-14-2006, 07:47 PM

انا سمعت هوايل عن اللي يجو الحلبة....
يقولك Xa تطوف التيما ستة سلندر......:eek:

هذا إن دل فهو يدل على انو اللي يجون هناك كلهم عليمية.....

بالنسبة للحلبة فشكلهم مستعجلين بزيادة علشان يخلصونها فلفقوها اي كلام...

عندي إقتراح يقلبونها حلبة درفتات والله ابرك لهم....:d >>> بكون اول واحد يضحي ويجرب فيها...خخخخخخخخ..:d

@ ابـوفـهـيـد @

09-14-2006, 08:35 PM

اهلاً اخوي بشار

و كأنه الدعوة و الإحتفال به عشان يجي يركض بنعاله مو يدوس بالسلكا

انشالله انا بدخل الحلبه بكنادر نايك عليهم يايات وانشالله احقق مستوى

المشكله اللي يواجهوها هي
الأخطاء الفادحه وعدم مواجهتها
يعني يخطي ويقول ان ما اخطيت

بعدين المضمار يبغاله ناس عندها خبره موب ينظم بشارع ارفع يدك ونزلها خلاص صرت خبره

بعدين وين الاجانب
المفروض كبدايه يجيبون اجانب ويعطون دورات للشباب في انظمه التشغيل وتنظيم المضمار
والتفحص ... الخ
لمن الشباب يفهمون الكفت ويعرفون كيف يديرونها
وبعده بلعنتين بالأجانب

واللي اهم من هذا كله
التراك مثل ماسمعتو عن الحوادث اللي صارت

مثل اخونا هشام الملا
الصراحه ماتوقعت رده فعلهم
ومافيه تقدييييير ابد

اي حلبه بالعالم يكون الخطاء منها وتتسبب بحادث يجب عليها التعويض
مو احمله اخطاء هو ماله دخل فيها

وصدقني على وضعهم هذا محد راح يجيهم
وبعد فتره بيقلبونه مضمار سياكل

على شان يعدلون وضعهم يجب عليهم مايلي

1- اعاده بناء المضمار
2- وضع مسافه كافيه للفرامل
3- اعاده البناء تكون تحت اشراف ناس خبره ماهو ابو لطفي
4- جلب خبرات للأشراف على المضمار والمسؤولين

اقتباس من بشار
اعذروني هالموضوع بيكون حصري هنا لعدم رغبة " بعض " من المنتديات في فتح "هذا" الموضوع حتي "يبينو" أنهم حياديين و أنهم " يستقبلو " الكل

هذا اللي قاهرني
مثل منتدى .......
يجيك يمدح ام الحلبه والحلبه والحلبه والاخطاء مايذكر ولا شي <<< اول ماقريت عنها قلت بس هذي اللي بتغطي على حلبه البحرين لاكن للأسف طريق المزرعه يتفوق عليها

لدرجه يوم حطو موضوع نقاس لسالفه الكابتن هشام حذفو الموضوع واعطو راعيه باند

واذا بيفتحون بالرياض مثل هذي الحلبه الافضل لايفتحونها ويخلونا على طريق المزرعه ( شارع المسانده )
افضل بمليون مر ه

بشار واصل بدون فواصل

Red Chevy

09-14-2006, 09:35 PM

ترى ياشباب حتى ساعتهم مخرفة

راح واحد من الشباب عنده كومارو ال تي ون قير عادي وعليه هوائيات بس وهو من القطيف

وحب يجرب وقته وجاب 10 ثواني وهو في البحرين جايب 13.2 شوفوا كيف التخريف حتى في الوقت

AL ANKAGEH

09-15-2006, 01:22 AM

هدو اعصابكم يا شباب توها اول حلبه يعني لازم يكون فيه اخطاء .
يمدحون طريق المسانده واغسل يدك ياسنايدي .
وللي يمدح الحلبه في اي منتدى هذا عمره ماشاف سياره مزوده ووشلون تبيه يشوف حلبه خخخخخخخخخ

AL ANKAGEH

09-15-2006, 01:22 AM

ولا رح البحرين والله يعينهم...

هشام الملا

09-15-2006, 07:08 AM

The Expert

09-15-2006, 09:40 AM

هو من البداية الموقع غلط حاطينه في الغرب .. قلنا ما عليه

بس يكون المضمار طريق مزارع .. و لا في مساحة حق التخفيف .. و لا في خبرات لإدارة الحلبة .. هذا ما ينسكت عليه ولازم يوضعون حد فورا لهاذي المهزلة :mad:

و الله يعوض عليك أخوي هشام و ( لا يهمونك )

bashar_255

09-15-2006, 01:10 PM

السلام عليكم
اخي بشار اشكرك ومقدر لك اهتمامك بهذه الرياضه ومستقبلها في السعوديه
فليكن نقاشنا علمي يستفيد منه القارء حول ماحدث بدون تجريح لكي لا نهدر قيمه الموضوع
يعلم الله اني لم احزن على السياره قدر ماحزنت من الكلام الي جرحوني واهانوني به
فمن هم لكي يقولو اني اجهل القياده (وانا صاحب افضل رقم سعودي حتى هذه اللحضه)
هل من حقهم ان يطلقون كلمه (حمار) لشخص رفع اسم المملكه في الخليج وحقق مراكز
هل لديهم الخبره الكافيه لتقييم حاله سيارتي بعد كل انجازاتها ومستواها المشرف
هل مجهود اكثر من 16 سنه في مجال السيارات ينتهي بهذه الطريقه
رغم الحادث اخفيت حزني وزعلي وتكلمت امام جمهورهم بكل ماهو طيب وجمعت مابقي من سيارتي
ورجعت الشرقيه انا ومن معي والصمت والحزن يرافقنا طول الطريق
وفي النهايه لم يكتفون بخسارتي السياره بل يطعنوني بكلام جارح ويدعون الكمال
هل تعلم اخي بشار انهم يعانون المر من كلامنا هذا لاكن دعهم يتعلمون في المستقبل كيف يتصرفون في مثل هذي الضروف
الخطأ وارد لاكن اكبر خطأ هو التمادي به

اولاً اسمح لي أخوي هشام أن الموضوع كتابته ما كانت بالمستوى و السبب أن وقتي ضيق هاليومين

الكلام اللي ابغي اقوله

لا للسباق في حلبة جدة الا بعد تعديل المضمار و استبدال فريق التنظيم و الإدارة

يحز في نفسي أن أعظم تقدم في الرياضة قد أوقفته لجنة أهلية بتصريحات غبية و لو أنهم صرحو بالشئ الطيب لهانت و بعد ما اخترعو شي اسمه PRO7.5 في حلبة البحرين و صار فيه استعداد للحصول على المركز الأول فيه لشخص سعودي ، و لو كانت الحكومة لهانت و اتهمنا الروتين و مركزية القرار و عدم توزيع السلطة و البيروقراطية و ما اخترعه علم الإدارة من مصطلحات شائعة

لولا أني لا أخاف من المزيد من الإتهامات لخصصت منتدى بالكامل للهجوم على هذه الحلبة حتى يحققو مطالب الشباب على حسابهم و ليس مطالبهم على حسب ارواح الشباب و أموالهم و جهودهم و سنوات من العمل

تقبل تحياتي ،،،

ابـــوتـــركـــي

09-15-2006, 02:29 PM

منول اقول حلبه ام القيوين مهيب على مستوى .. طلع اللى اسوء منها !!

الله يعوضك خير ياهشام وان شاءالله هي استراحه محارب

the supra

09-15-2006, 07:54 PM

يعلم الله اني لم احزن على السياره قدر ماحزنت من الكلام الي جرحوني واهانوني به
فمن هم لكي يقولو اني اجهل القياده (وانا صاحب افضل رقم سعودي حتى هذه اللحضه)
هل من حقهم ان يطلقون كلمه (حمار) لشخص رفع اسم المملكه في الخليج وحقق مراكز

ياشباب .. انا بالبدايه كنت اضحك على طريقة بشار الفكاهيه بشرح الحلبه بشكل عام ..

ولكن يوم قريت رد هشام من جد ضاق صدري .. وزي ماقال بشار ..

لا للسباق في حلبة جدة الا بعد تعديل المضمار و استبدال فريق التنظيم و الإدارة

واسمحولي اضيف لهم : ( ارجوا ان خبرتكم اللي خلتكم تتكلمون على سيارة بطلنا هشام .. تخليكم تصلحوا حلبتكم وتخلونها صالحه لإستقبال <سيكل> عشان يسوي تست فيها ) !!

OXIDE

09-16-2006, 12:14 PM

كلمه وحده اقولها لمنظمين جده ريس وي
انشالله بعد خمسين سنه يمكن يطلع واحد منكم يوازي خبرة سنه وحده من تاريخ هشام
مع اني ما اعتقد ان هذا ممكن لكن نقول لعل وعسى
هشام ابو محمد معليش ترى شر البلية ما يضحك
احنا عيال الشرقيه كلنا نصيح بصوت واحد
هشام المــــلا
وكلمه اخيــره يابو محمد
ما على الذيب من ........وانتوا فاهمين

bashar_255

09-16-2006, 02:29 PM

الشـــــــــرطه : بالعكس حلبة ام القوين على مستوى عالي و عندهم احترام و تقدير للرياضة :)

the supra : الله يسلمك و فعلاً المفروض نعمل لهم مقاطعة تضامناً مع اللي صار و خوفاً من اللي بيصير :3rbe149:

OXIDE : اما انك حربي صحيح :3rbe162:

أشكركم على التفاعل و أتمنى لو تنشرو الموضوع و هذي القصص و تبينو لأصدقائكم أن فيه ناس مقاطعين و المفروض ما ننسى اللي صار الا اذا تحركو بشي يثبت حسن النية

تحياتي ،،،

Black Arrow

09-16-2006, 03:26 PM

تم نشر الموضوع في بعض المنتديات...

http://www.ss4ever.com/vb/showthread.php?p=176825#post176825

بو العابد

09-16-2006, 03:32 PM

إذا في شئ بيأدبهم فهو عدم إمكانية إجراء بطوله خليجيه عليها غير كذا يدرون إنا مااحد بيحاسبهم

@ ابـوفـهـيـد @

09-16-2006, 04:56 PM

اللحين فلان وعلان <<< اللي هم الشباب اللي فوق وانا من ظمنهم
نتكلم ونبربر وينشف مخنا على غير سنع وعلى قولتهم عمك اصمخ

وغير كذا شين وقوي عين
مافيه احد اشتكى للأتحاد الدولي للسيارات وخصوصاً اخونا هشام

يابومحمد مايصير الخساير تروح هباءً منثورا

ولاتنسى ان الاتحاد الدولي للسيارات يدور الزله
ولو كثرت الرسايل للأتحاد بخصوص الحلبه اتوقع انهم مايسكتون
ولا انا غلطان

يلا واحد يدبر موقع الاتحاد الدولي للسيارات
وقوه شكاوي

OXIDE

09-16-2006, 05:24 PM

http://www.fia.com/index_1024.html
موقع الاتحاد الدولي للسيارات

$المهندس$

09-16-2006, 05:44 PM

الحين عندي سؤال ....

المضمار مو دولي ؟؟؟؟؟؟؟؟؟؟؟؟؟؟؟؟؟؟؟؟؟

يعني ما راح تصير بطولات خليجيه ؟؟؟

OXIDE

09-16-2006, 07:35 PM

[QUOTE=$المهندس$]الحين عندي سؤال ....
المضمار مو دولي ؟؟؟؟؟؟؟؟؟؟؟؟؟؟؟؟؟؟؟؟؟
نعم المضمار دولي لقفز الحواجر
يمكن استخدامه من قبل العاب القوي او قفز حواجز للخيووووووووووول
:3rbe086:
او عندي فكــــــــــــــــرة
ليه ما يقلبونه سوق شعبي وبسطات يمين ويسار
ويسمونه (سـوق الصواريـخ 2)
:3rbe081:
والي يبي فكره عن (سوق الصواريخ 1) يدخل على الرابط
http://www.alwatan.com.sa/daily/2005-01-09/local/local04.htm
:3rbe071:

RoYaLe

09-16-2006, 11:07 PM

هيا تصدقون
الموضوع وصل منتدى جدة بويز اللي هو المتحدث الرسمي عن جدة ريس واي
وحذفوه على طول ماكمل يوم
ولا حتى فرصة مناقشة اديني اللي عندك واديك اللي عندي
خخخخخخخخخخخخخخخ
يمكن عجبهم مسيرة السيارات المعدلة خارجيا وابواب لمبرغيني على شارع الدراغ
وغيروا رايهم ويخلوه للاستعراض
خخخخخخخخخخخخخ

$المهندس$

09-17-2006, 12:51 AM

^^^^^

هذي المشكله :(

الله يستر ..

ابوشهد

09-17-2006, 10:26 AM

عموما يا شباب اعتقد ان الرساله وصلت للاخوان بجده ونترك الموضوع لهم ان صلحو الامور فالمصلحه الاولي لهم وان استمرو بالمكابره والتكبر حتي عن النقاش فهم الخاسر الاكبر

bashar_255

09-17-2006, 03:22 PM

طب عندي اقتراح:ehem:

بجانب المقاطعة ذي واحد يجيب لنا رابط حلبة جدة ريس وي اللي ما شفته حتى في القوقل و أحنا نرسل لهم درزن من المواضيع اللي انكتبت في الموضوع ذا و نستنى ردهم :3rbe015:

أحد عنده عنوان الحلبة على الإنتر نت :3rbe184: ؟

RoYaLe

09-17-2006, 04:17 PM

وهذا العنوان يا بشار

http://jeddahraceway.com.sa/home.asp

وقريبا اظن بيفتتحون منتدى

ابـــوتـــركـــي

09-17-2006, 08:35 PM

http://jeddahraceway.com.sa/images/photogallery/General/1%20(8).jpg

وحده من الثنتين يا انا درج او تنح :confused:

انتم تشوفون اللى انا اشوفه .. تشوفون الشارع :confused:

هو من جد حق دراق ولا يستهبلون !

بس خل عنكم اللى مزين الحلبه الكورفت :d

lx.gt

09-18-2006, 10:11 AM

الكورفت طيب مطيوف حبيبي لاتعورون راسكم معاهم مالنا الا البحرين وخلهم يستانسون في حلبتهم

ابوشهد

09-18-2006, 10:15 AM

يا شباب بعد الكورفيت بشوي علي اليمين هذا ماء:3rbe002: ولا انا غلطان لا تقولون لي هذا سراب

OXIDE

09-18-2006, 12:53 PM

سؤال يا شباب
شفتوا مسافة التهديه والبريك
تتوقعون لو نجيب سياره 7 او 6 ثواني
هل من الممكن انها تلخ التريله اللي ورى بالصور
او التريله الثانيه بتلخها من الجنب
عجبي

crx b16

09-18-2006, 02:14 PM

انا الا منزل الموضوع في جده بويز

وراح انزل واحد ثاني