كيف تختار الكام المناسب للمحرك ؟

[bashar_255]

السلام عليكم و رحمة الله و بركاته

المعادلة بسيطة و جهزت لكم شارت بيسهل عليكم الموضوع

المعادلات المكتوبة هنا صالحة لأي محرك V8 بلفين و كام واحد

أول شي لازم تطلع رقم

حجم المحرك بالكيوبك انش تقسيم عدد السلندرات ثم تقسم على قطر بلف الإنتيك

الرقم اللي طلع لك أنزل الجدول تحت و ابحث عن أقرب رقم طلع لك في العمود و شوف ايش يقابله في الصف

تتابع المقابل له لما تنزل من الخط الأزرق


http://www.racing4e.com/data/media/22/camchart.JPG


هذا هو الـ LCA المفروض أن تطلبه عند نسبة انضغاط 9.0:1 مع ارتفاع الكمبرشن بدرجتين الى واحد يرتفع الـ LCA بدرجة

يعني 11:1 ترفع درجة LCA واحدة

بعد أختيار الـ LCA المناسب تبحث في الكامات المتاحة و تحسب في الديوريشن حتى تصل إلى الأوفر لاب اللي يناسبك

اعرف بأن الأوفر لاب مهم جداً

كيفية حساب الأوفر لاب

أجمع الديوريشن حق الإنتيك و الإكزوست ثم أقسم على 4 و أطرح منهم الـ LCA اللي أخترته ثم أضرب في 2

الرقم اللي طلع لك هو الأوفر لاب

10-40 = ستريت بسيط
30-60 = ستريت عادي
50-75 = ستريت أداء عالي
70-90 = ستريت و ريس
85-100 = كام ريس
95-115 = Pro Race



أو ممكن تحسبها بالمقلوب

تختار الأوفر لاب المطلوب ثم تقسمه على 2 ثم تمعه مع الـ LCA و بعد ذلك تضرب في 2 و بيطلع لك في الناتج الديوريشن المطلوب

بعد الوصول الى هذه الأرقام تكون قد أخترت الكام المناسب و هذه الأرقام أهم من لفت الكام لأنه يأتي في الأخير

ملاحظة هامة جداً
بالنسبة للـ LCA - Lobe Centerline Angle هو نفسه الـ LSA - Lobe Separation Angl لاكن ختلف عن الـ Lobe Separation degrees الموجود في summitracing.com لأن المكتوب هناك هو ما يسمى بالـ ICL - Intake Lobe Center Line و هو خاص بالإنتيك فقط و للحصولعلى الـ LCA الذي يسمى أيضاً بالـ LSA يجب مراجعة الشركة أو مواقع بيع أخرى مثل Jegs.com يوفر المعلومة في بعض الأحيان أو السؤال عنه في المنتديات المتخصصة ، الـ ICL يفرق عن الـ LSA من 0 الى 6 درجات في أغلب الأحيان فهو مقياس غير دقيق .. و لذا وجب التنويه .


كامات موفقة بإذن الله و نتايج جيدة بإذن الله

حقوق هذا الموضوع محفوظة إلى موقع Racing4e.com و الكاتب basher_255
يرجى عدم نقل الموضوع بدون ذكر كاتب الموضوع و الموقع حتى لا تقع في أي أحراجات

[alyasy]

الله يبيض وجهك ما قصرت

الصراحه بالنسبه لي لازم أقرا موضوعك أكثر من مره لأني جديد في هذي الأمور.

تحياتي لك

[بو العابد]

وين الموضوع هذا من زمان :(
الله يعطيك العافيه

[W351]

ما شاء الله عليك يا بشار استاذ والله العظيم

تستاهل انو يكون اسم موقعك ريسنق فور اديوكيشن

الله يعطيك العافيه والى الامام

[bashar_255]

أشكركم على الردود و على ثقتكم و تقديركم :)

و أكيد اذا معاي ناس يشجعو بكتب مواضيع تشجع الواحد عل قرائتها :)

تقبلو تحياتي ،،،

[$المهندس$]

لله موضوع شيق بس الحين دايخ باكل اكمل :)

[bashar_255]

شباب في ملاحظة لو تقرونها ضرورية نسيت أكتبها :(

أضفتها للتو آخر الموضوع ارجعو له فوق :(


تحياتي ،،،

[Rangler]

مشكور اخوي وماقصرت مثل المواضيع هذة تستاهل الكثر مو بس الشكر
يطيكم العافيه
دمتم سالمين

[bashar_255]

سلمت يالغالي :)

[mustang_302]

تشكر يا بشار على الموضوع الي انا قاعد ادور عليه من زمان

طيب اذا كان حجم المحرك 302 ايش يكون الكام الله يعطيك العافية

[bashar_255]

الله يسلمك أخوي

أولاً يجب عليك أن تعطيني الكمبرش اذا لم تعرف فعليك بتوفير المعلومات التالية ..

مقاس البستم ، اذا ما كان شد بلد أبغي اعرف هل هو دش أو فلات أو دوم و بكم cc ؟؟

حجم غرفة الإحتراق في الروس .

نوع القازقيت .. إذا ما كان شد بلد أبغي سماكة القازقيت و قطر فتحات السلندر فيه


و بعد ذلك ابغي حجم بلف الإنتيك اذا الراس معدل أو مزود

و بعد ذلك أقدر أطلع لك الكام المناسب لك :)

[$المهندس$]

انزين الكمارو شنو افضل رقم ؟؟؟ اتهقي ؟

[bashar_255]

تختلف على مواصفات المحرك و الروس و الكمبرشن طبق المعادلات و ان شاء الله تكون 100% :)

[mortally]

اوكيييييييي


مشكور بشار على الموضوع ويعطيك العافية


وتسلم لي ايدك يا بشار

[mustang_302]

الكمبرشن حق مكينة الموستنج الاستوك 302 5.0 لتر هو 9:1 راكب على المكينة كربرتر وثلاجة سنجل ولكن اريد ان يكون الكام حق استريت عالي وريس اذا امكن :d

وشكرا


مع اجمل تحياتي

[bashar_255]

ترى الأوفر لاب الزايد عن الحاجة يقتل الفاكم و يضعف المحرك يعانت اساساً محركك ستريت ما عليه الا قطعتين ، حتى لا تعمل مشاكل عليك بؤفر لاب مناسب

بالنسبة لمقاس بلوف روس الـ E7 ما عندي فكرة بالضبط لاكن اعتقد انها 1.8

بعد الحسابات و البحث المطول لعدة ساعات أخترت لك هذا الكام

270 magnum
108 lca
over lap 54

http://store.summitracing.com/partdetail.asp?part=CCA%2D31%2D422%2D8&N=700+4294908331+4294840126+115&autoview=sku

ضيف عليه روكرات 1.7 و بتشوف نتيجة حلوة

تحياتي ،،،

[$المهندس$]

بشار لو بستخدم كام حق محرك فورد 5.0 لتر ابي كام حق السياره استوك و حق بعد التلغيم


يعني حق الوقتين ... شنو افضل الارقام الي تجمع الشغلاتين ..

[راعي الكابرس]

يعيطيييييييييك الف الف عاااافية على هالموضوع الروووووعة والهادف الصراحة مفيد مفيد جداً بس محسوبك بلح في الرياضيات :p .. وانا الأرقام و المسميات حاست مخي وحاولت احسب الف مرة ما قدرت .. يوم يابشار يبغالنا نفك الماكينة ونحسبها على الراحة ولا ايش رايك ;) :cool:

[راعي الكابرس]

بس عندي استفسار يابشار اذا جبت ارقام الكام كلها ال lsa والفت وغيرة .. تقدر تطلع ايش احسن شمبر روس وبساتم تصلح لها .. ؟؟

[bashar_255]

$المهندس$ : هي كلها شغلا تعتمد على خلطتك انت .. لو تاجع الموضوع بتشوف ان هذا الشي غلط

لأن الكام مثله مثل غيره من القطع يعني اذا بتضرب خلي ضربتك وحدة مش كل شوي و غيرت الخلطة

لأنك اذا غيرت شي بتغير البقية في الغالب

[bashar_255]

راعي الكابرس : ما لها داعي لأن الكام ارخص قطعة في السيارة و هذي لو تنحط آخر قطعة بتشوف النتيجة المرضية :)

[mustang_302]

تشكر يابشار ما اقدر كيف اشكرك اتعبناك معانا

تسلم والله يابشار

مع اجمل تحياتي لك

[RoYaLe]

يعطيك الف عافية بشار

هيك المواضيع ولا بلاش :d

بدينا نتفتح شوية :d

[bashar_255]

تسلمو على الحضور والردود ، و أحنا بالخدمة :)

[mustang_302]

معليش بس عندي كم سؤال حايس فيه لو تقدروا تجاوبوني؟
ايش هو الأوفر لاب وايش هو الفاكم وايش هو lca من الناحية المكنيكية

وشكرا

[bashar_255]

Lca

لوب سبرينشن انجيل هو الزاوية الموجودة بين حدبتين الكام .. نطلع من قمة كل حدبة خط عمودي لفوق و هذي الزاوية اللي بينهم هي الـ Lsa

بالنسبة للأوفر لاب هو تقاطع الدريوشن حق الإنتيك و الأكزوست .. كل حدبة تطلع حطين من السنتر يلمسو طرقينه السفليين للأنتيك و الأكزوست و الجهة المشتركة هي الأوفر لاب

بالنسبة للفاكيوم هذا زي ما تقول تنسيم :)

[mustang_302]

يعطيك العافية يابشار ومشكور
بس ايش فايدة الاوفر لاب وليش يقتل الفاكيوم اذا كان زائد
اعذروني مني فاهم هذه النقطة

[bashar_255]

هو فايدته ينسم بالمعقول لاكن لما يكون أكبر من المعقول بيضيع الضغط خالص ما بيصير تنسيم بيصير هدد :d

[mustang_302]

مشكور وما قصرت وسامحنا على التعب الي اتعبتك معي به

[bashar_255]

حياك أخوي و احنا بالخدمة :)

[CRAZY CAMARO SS]

هلا أخوي بشار بسألك أيهو احسن كام لكمارو ls1ستوك وإذا أبغا أركب كام كبير لازم تكون السيارة مزودة عليها أغراض
خفايف أو أغراض جامدة شوي
وشي ثاني ويش رايك بكام حجمه 232/228 600/600
على كمارو مثلا عليه هدرز وكزوز ثلاجة وثروتل وبكرات وكارونة وبرمجة
مع تحياتي

[bashar_255]

يبدولي انه استخدامه ستريت و تركيزه على الإكزوست يؤكد ذلك ( بإفتراض انه الديوريشن في الإكزوست 232 مثل ما فهمت )


ممكن معلومات اكثر عن الكام او تعطينا اسمه اقل شي ؟

الكام اللي انت تبغاه الفروض يكون 108 LSA و اوفر لاب ما يزيد عن 75

انا دورت على النت و شفت هالكام مواصفاته قريبة جداً من المطلوب

228/232
.588/.595
110 LSA 108 ICL
comp XER lobes

بس ما عرفت اطلع رقمه

تحياتي ،،،

[CRAZY CAMARO SS]

تسلم على الرد بشار
هو موجود في موقع summit
البارت نمبر حقه هو crn-1449601
هذا رابط الصفحة الي موجود فيها الكام بتشوفه تحت crane cams
http://www.summitracing.com/catalogs/bigbook/2006/janfeb/286f.html

مع تحياتي

[bashar_255]

هذا الكام مكتوب تحته حق كمبرشن 11:1 و انت الكمبرشن عندك 10.1:1 ( هذا اذا ما انمسحت الروس من قبل )

[CRAZY CAMARO SS]

همممممممممم يعني الي فهمت منك أخوي بشار أن ما ينفع هذا الكام لسيارتي لانها كمريشن 10.1.1
إنزين انت قلت هذا إذا ما إنمسحت الروس من قبل (طبعا سيارتي ستوك)
بس يعني لو فرضا مسحت الروس ينفع بعدين أن أركب ده الكام؟؟؟؟؟؟
وكل عام وأنت بخير اخوي بشار

[bashar_255]

crn-1449581 هذا مناسب

اما بالنسبة اذا مسحت الروس فهو بيعتمد لأي درجة و انا ما اعرف الكثير عن روس الشفر

تحياتي ،،،

[CRAZY CAMARO SS]

أها زين أخوي بشار فرضا ركبت روس 225 cc أو205 cc ويه ده الكام يزبط؟؟؟؟؟

ووين بقية الأعضاء الي يفهمو في الكمارو!!!!
مع تحياتي

[bashar_255]

كم مقاس البلوف ؟ كم الكمبرشن بيصير ؟

الشباب كلهم معيدين لا تسأل عنهم احين :rolleyes:

[$المهندس$]

اخوي اذا افترضنا مقاس البولف 2.02 راح يتطلب الموضوع 110 LSa


بس فيه مشكله انه ماكو 110 كله 112 او 114 او 116 ...

[$المهندس$]

شوف هذا الكام ممتاز حق سيارتك


http://store.summitracing.com/partdetail.asp?part=CCA%2D54%2D446%2D11&N=700+4294908216+4294840140+4294782477+4294925232+ 4294924497+115&autoview=sku


بشار في موقع اسميت وين تطلع الاوفر لوب ماني شايف ؟؟


و سياره كريزي كمارو تتطلب اوفر لوب 58 ..




و هذا ممتاز ...


http://store.summitracing.com/partdetail.asp?part=CRN%2D1449601&N=700+4294908216+4294840140+4294782477+4294925232+ 4294924497+115&autoview=sku

[bashar_255]

ملاحظة هامة جداً
بالنسبة للـ LCA - Lobe Centerline Angle هو نفسه الـ LSA - Lobe Separation Angl لاكن ختلف عن الـ Lobe Separation degrees الموجود في summitracing.com لأن المكتوب هناك هو ما يسمى بالـ ICL - Intake Lobe Center Line و هو خاص بالإنتيك فقط و للحصولعلى الـ LCA الذي يسمى أيضاً بالـ LSA يجب مراجعة الشركة أو مواقع بيع أخرى مثل Jegs.com يوفر المعلومة في بعض الأحيان أو السؤال عنه في المنتديات المتخصصة ، الـ ICL يفرق عن الـ LSA من 0 الى 6 درجات في أغلب الأحيان فهو مقياس غير دقيق .. و لذا وجب التنويه .
كامات موفقة بإذن الله و نتايج جيدة بإذن الله


اما بالنسبة للأوفر لاب


بعد أختيار الـ LCA المناسب تبحث في الكامات المتاحة و تحسب في الديوريشن حتى تصل إلى الأوفر لاب اللي يناسبك

اعرف بأن الأوفر لاب مهم جداً

كيفية حساب الأوفر لاب

أجمع الديوريشن حق الإنتيك و الإكزوست ثم أقسم على 4 و أطرح منهم الـ LCA اللي أخترته ثم أضرب في 2

الرقم اللي طلع لك هو الأوفر لاب

10-40 = ستريت بسيط
30-60 = ستريت عادي
50-75 = ستريت أداء عالي
70-90 = ستريت و ريس
85-100 = كام ريس
95-115 = Pro Race

تحياتي ،،،

[CRAZY CAMARO SS]

شوف هذا الكام ممتاز حق سيارتك


http://store.summitracing.com/partdetail.asp?part=CCA%2D54%2D446%2D11&N=700+4294908216+4294840140+4294782477+4294925232+ 4294924497+115&autoview=sku


بشار في موقع اسميت وين تطلع الاوفر لوب ماني شايف ؟؟


و سياره كريزي كمارو تتطلب اوفر لوب 58 ..




و هذا ممتاز ...


http://store.summitracing.com/partdetail.asp?part=CRN%2D1449601&N=700+4294908216+4294840140+4294782477+4294925232+ 4294924497+115&autoview=sku



تسلم أخوي المهندس على الرد وبسألك هل دولين الكامين مناسبين للسيارة والكمبريشن حقها 10.1.1 او يحتاج توسعة روس
وإلى أي درجة يتوسعو
والسوأل الثاني اي من الكامين في نظرك أحسن ؟؟؟

[$المهندس$]

الكامين متقاربين و ما يفرق معاهم وايد ..


و هذا يحتاج توسيع الصباب الي 2.02 ...


و الله يوفقك ..

[$المهندس$]

اما بالنسبة للأوفر لاب




تحياتي ،،،



هذا هو السؤال


سياره الرجال طلع 58 يعني استريت اداء عالي ..


اشلون اعرف اي فئه منهم المطلوب ؟؟


و علي حسب التعديل الي ابي ادشه ؟

و الباقي نعرف بس مو دقيقه نبي الدقه :d

[bashar_255]

مشكلة بعد اذا تبغاني احزر انت ويش تبغي

يعني انا لا احضر جن ولا ينزل على الوحي و لا انا مبروك اكشف عن المستور و ما في القلوب :3rbe098:

[$المهندس$]

^^^^^


اعتقد الافضل اني اصلي صلاة استخاره :d

[CRAZY CAMARO SS]

هههههههههه
مشكورين على المساعدة أخوي المهندس وأخوي بشار
وإنشاء الله أركب أحد الكامين واوسع الروس 2,02
وكل عام وأنتم بخير مع تحياتي

[n silent world]

سلام عليكم كيف حالكم جميعا اعضاء ومشرفين ، هذه اول مشاركة ليا بالمنتدى وانشالله تكون انطلاقة لي .
انا حبيت المنتدى هذا عشان اهدافه السامية وانشالله يزيدو الاعضاء مع الوقت ويوفق كل من يبحث للعلم .

أخ بشار ، معليش سامحني يمكن اتعبك معي شوي ، بس ساكون جدا جدا شااكر لك اذا قدرت تعلمني كيف اقدر اختار الكام المناسب لسيارتي أو لأي سيارة اخرى ، حاولت افهم الجدول والمعادلات ولكن ما قدرت وبعدين الجدول ما يناسب سيارتي .

انا سيارتي موستنغ 2005 قير عادي وذي مواصفات السيارة

Universal No
Make FORD
Model MUSTANG
Submodel GT
Beginning Year 2005
Ending Year 2007
Engine Type V8
Liter 4.6
CID 281
Engine Size 4.6L/281
Engine Family Ford modular V8
Transmission Manual
Drivetrain RWD
Doors 2-door

والملعومات هذي غير متأكد منها (فقط هذه)>>>>>> نسبة الانضغاط 9.8:1 ، وانها ثري فالف انجن .ولها كامين

ابغاك يا أخ بشار تعلمني كيف أقدر اختار الكام المناسب للسيارة في حالة ستوك ، وفي حالة ملغومة .

وعلى فكرة انا سيارتي عليها فلتر وانتيك كي اند ان ، وعليها كاتباك اقزوست سستم ماجنا فلو بارت نمبر15881 ونظام التصريف 2.5 انش حق السيارة هو نفسه نظام تصريف الوكالة.

وانشالله باقي اجيب هدرز ، وكل شي تاني في سيارتي زي ماهو حتى الدبة ما فكيتها .

فالزبدة ابغا 3 طلبات الله لا يهينك :
1- سؤال : هل التلغيم الخفيف زي الاقزوست والهدرز والفلتر يخليني اختار كام تاني مختلف عن حالة ستوك ولا نفسها ؟؟
2- ابغاك تعلمني كيف اختار الكام المناسب لسيارتي لأي سيارة ومنها سيارتي .
3-اذا ما تمانع تختار لي كام يناسب سيارتي بالقطع اللي عليها علما انو بجيب هدرز انشالله وانا استخدامي للسيارة يومي وابغا كام يعطيني شي معقول بدون اوفرلاب زايد . والكمبرشن انشالله صحيح واذا ما نتعبك تقدر تتأكد منو ؟

انتظر ردك بفاارغ الصبر وسامحنا على تعبك ....

[bashar_255]

بالنسبة للمعادلات لو ركزت أنا كتبت أنه للكلاسك انجن فقط

بالنسبة للأغراض اللي على سيارتك تعتبر ستوك

بعدين حبيبي مكينتك جديدة و ما لها خيارات واجد :)

الـ 4.6 بشكل عام انظمة الكام فيه ممتازة و الكامات الموجودة في السوق ايضاً ممتازة

كامات الـ 4.6 عموماً أغلبها كامات استخدام يومي لأن المكينة تصميمها و اللي يزودوها يقصدو بها الإستخدام اليومي إلا ما قل منهم

هذا الكام مجرب و مناسب لك :)

CCA-127300

يزيد الهورس باور بـ 30% و هو يعتبر Street/Strip

[The Expert]

بالنسبة لنسبة الانضغاط اللي جبتها صحيحة ,,

وهذا الموقع فيه معلومات زيادة انشالله يفيدك :)
http://ford.jbcarpages.com/Mustang/2005/index4.php

[n silent world]

شكرا اخي بشار واخ ذا اكسبيرت ، ما قصرتو بس عندي اسئلة صغيرة اذا ما اكلف عليكم :

1- الكام هذا (كام صغير) ؟؟ وهل تعتقد انشالله ما يسويلي مشاكل اذا ضمنتلك نظافة التركيب .؟؟
2- الكام اللي اخترته لي ،كيف اخترته ، كيف الطريقة ؟؟ وهل يجب ان اغير قطع معاه مثل السبرنغات ؟ في حالة نعم الله لا يهينك تعطيني رقم القطعة.
3- ستريت سترب يعني استخدام ستريت ريس ؟؟
4- هل تعتقدانه لا مشاكل في تغيير هذا الكام ، ام اني ابالغ في تركيب هذا الكام حيث لا تحتاج سيارتي اليه نظرا للانظمة الجيدة للكام الستوك في الموستنغ 2005؟؟

واخيرا :يا اخ بشار صدقني انا مافي اي احد ثاني امشي على كلامه غيرك انت ، لانه اعرف أغلب شباب الموستنغات 2005في جدة ولا احد منهم ركب كام زابط معاه ، واحد جاب بالغلط كام ستيج فور والثاني جاب كام حق تيربو ومدري ايش . فانشالله سأعتمد على الله ثم على كلامك وانشالله يزبط الكام معي ، واذا حصل منك اي تعديل فلا تنسى تبلغني .

انتظر ردك اخوي ....

[bashar_255]

بالنسبة للكام أظن ركبه عبد الحق - داينو العالمية على سيارته و ممكن تسأله

هذا الكام أول كام طلع للـ 2005 .. أنا ما أتابع هالمكينة لكن بشكل عام يمدحو هالكام ولا يحتاج تغير سبرنجات

ستريت سترب يعني استخدام و مداعس بالمحلي :d


COMP Cams® Ford 4.6 & 5.4-Liter 3 Valve Modular Camshafts Deliver 30 To 40 Additional Horsepower
New camshafts compatible with Ford variable cam timing system used on Ford 4.6 & 5.4-Liter 3 Valve engines

Looking to improve the performance of your ‘05-‘06 Ford 4.6 & 5.4-liter 3 valve modular engine? COMP Cams® announces the release of a new line of high performance camshafts, which utilize the latest in COMP Xtreme Energy™ technology and are specifically engineered for the unique needs of this popular new engine platform. Designed to work with the Ford’s factory variable cam timing (VCT) system and popular aftermarket performance upgrades, these camshafts are direct replacement components that deliver approximately 10% more horsepower and torque (COMP Part #26113 Beehive™ Valve Springs & computer tuning are recommended). The performance secret behind the COMP Cams® Ford 4.6 & 5.4-Liter 3 Valve Modular Camshafts is the application of the COMP Cams® Xtreme Energy™ technology. By focusing on what they wanted the valve to do at specific rpm rather than simply the camshaft profile, COMP Cams® engineers were able to increase the amount of time the valves were open and generate improved area under the curve, netting huge power and torque increases.



شوف حبيبي .. اذا بتطلب لك كمبيوتر تركبه مع الكام اطلب لك هذا الكام

CCA-127350

أما اذا ما لك نية خلك على هالكام اللي اخترته لك

CCA-127300


و اذا تبغي واحد يطلب لك احنا حاضرين ارسل لي على الخاص :)


على فكرة .. ميزة الكام هذا انه ما ينحس له :d

[The Expert]

على فكرة .. ميزة الكام هذا انه ما ينحس له :d

يعني اذا سألوك في الكورنيش ويش عليه قول لهم ستوك :d

[The Expert]

على فكرة بشار اللي حطيته ويحتاج له برمجة هذا ممتاز بس أحس يبغي له هدرز معاه و يكون شغله مية مية :)

[n silent world]

شكرا لكم يا اخوان ، وانا انشالله لازم ابرمج بس ماني عارف ايش نوع البرنامج اللي احطه لسا ما فكرت ، لكني بشكل عام رايح انشالله عند واحد اسمه حسام الطيب ، وفيه عنده عدة بروجرامات منها sct وهو ممتاز جدا ولكن عيبه انه لا يبرمج الكام .

شكرا لكم وضحتولي حاجات كثير ..

[bashar_255]

ما فيه شي اسمه أبرمج كام !!

حبيبي المحرك فيه ماس اير و انجكترات و فيه في الإكزوست سنسرات و فيه سنسر للكرنك

هذي الشغلات كلها مشبوكة بكمبيوتر واحد انت تبرمجه

كمبيوتر الفورد ما يتبرمج لكن ممكن تركب له فلاش بروجرامر من شركة .. الـ Sct جربه واحد من الشباب و ندم عليه شوف لك شركة ثانية مثل هابرتك أو ديابلو أو غيره

[n silent world]

شكرا للتوضيح اخوي ، بس غريبه كل الشباب يقولو لازم ابرمج الكام لازم ابرمج الكام !!!!
عالعموم شكرا ايضا لتحذيرك لي من الاس سي تي .

طيب عندي سؤال أخيرين وما عد اني مجننك انشالله : تتوقع برأيك الكام الاول اللي اخترته ينفع مع الهدرز ولا الثاني تتوقع افضل ؟؟
وغير كذا ايش الفروق والاشياء اللي بتتغير لما اركب الكام ؟؟؟ يعني مثلا الآر بي ام يصير بطيء ؟؟ يطلع صوت معين ؟؟
الآر بي ام يصير اسرع ؟؟؟ الكهرباء تضعف؟؟؟ الرؤووس يصير عليها جهد أكبر ؟؟؟؟

انتظر ردك وشكرا لك ....

[The Expert]

السؤال الأول جاوبت عليه انا قبل :) ,,

الكام الأول Exhaust Valve Lift Ratio اللي تبعه هو 0.485 in,,

أما الثاني 0.480 in.

فيكون الاول احسن حق الهدرز

[bashar_255]

شي طبيعي جداً لما تزود السيارة تصير سرعة عداد الـ Rpm اسرع من قبل :)

بالنسبة لجهد على الروس .. الراس عمره ما يتعب من كام .. لكن السبرنجات و سير التايمنق يصير عليهم لود أعلى .. بالنسبة للكامين هذول ما فيه اي مشاكل على محرك شد بلد

اذا بتركب كمبيوتر انصحك بالثاني :)

[The Expert]

اذا بتركب كمبيوتر انصحك بالثاني :)

تقصد الاول :d

[bashar_255]

خطأ مطبعي :d

[n silent world]

ما قصرتوا ابدا ولكم جزيل الشكر :)