عندي سؤال وياريت لو تجاوبوني بكل صراحة (خبراء الموستنق)

[blue chevy]

حيالله الشباب

أول شئ السلام عليكم

أسف اخواني لأني غبت عنكم مدة طويلة وذلك بسبب الانترنت ما كان متوفر
غيرت شركة الانترنت وابتلشت بمشاكل.........الخ
بس بصراحة اشتقت لكم والله

المهم
ياريت من خبراء الموستنق وإلي عندهم موستنق خاصة بشار وحماتو يجاوبوني على هالسؤال

واحد من الشباب وده بموستنق للدوام
موديل 2001 - 2002

هو بصراحة يحب هالشكل
وهو من النوع إلي يهتم بالسيارة بشكل غير طبيعي من ناحية التصفية والزيوت
مايبي قير عادي
راح يشتري قير اوتوماتيك وراح يحطله كولر

طريقه كل يوم رايح جاي تقريبا 300 كم
يعني كل يوم ينضاف على العداد 300 كم تقريبا

وطبعا ماسك خطوط
فأبي رايكم هل هالسيارة مناسبة ولا لأ؟

هو يبي سيارة كوبيه وقطع غيارها رخيصة حيل
وهل السيارة ثابتة بالطريق؟

وعلى فكرة هو راح يحط تواير ميشلان علشان الثبات على الامطار

وسرعته 160 كم



فأبي رايكم

[bashar_255]

فيه موستنج في القطيف كنت كل ما أروح جامعة البترول اشوفه في أحد المواقف و اشوفه على الخط أحياناً و لفترة طويلة ( أخوي كان يدرس هناك و انا اروح أطقطق نت :d )

المهم يعني يستعمله استعمال عادي و المشوار ياخذ 20 دقيقة رايح و 20 دقيقة جاي ( اذا رحت ويا أخوي بلشة حد الدعسة بالبيجو :3rbe013: )

يعني اشوف الموضوع عادي و لو طولنا الموستنج شوي و ركبنا له بابين زيادة و كتبنا عليه كراون فكتوريا بتتغير الفكرة يعني ؟

مهو المحرك يختلف تفاصيل بسيطة و نفس القير الا أنه الموستنج أكثر ثبات و قوة :3rbe109:

[blue chevy]

شلونك حبيبي بشار وشخبارك؟

انا اصلا ماعرف في الموستنق
صاحبي قال اسأل اصحابك قبل لا اشتري
فقلت استشيركم

انا اذكر سقت ماركيز ls
وحسيت انها تواجه مطبات هوائية كأنها طيارة هههههههههه

فهل الموستنق نفسها او فرق السما والأرض؟

وياريت لو تعطينا خلطات للموستنق 2002
الحين هو يدور موستنق موديل 2001 - 2002

واليوم بروح معاه ونشوف مكاتب السيارات
هل في فرق من موديل 99 إلى 2004 ؟

اذا في فرق ياريت لو تذكرونه؟

هو نفسي
من النوع إلي يحافظ على الفلاتر والزيت وكل شئ
بس عنده خطوط
يدوس 140 - 160
لمدة نص ساعة إلى ساعة إلا ربع

[$المهندس$]

وللله يا بلو شيفي لا تعتقد ثبات الفورد نفس ثبات الشفر :)


بس ثباته حلو يعني مو مثل البورش يعني لا زين يمشي حاله و تري 160 وايد عليه

و خاصتاً اذا انفجر احدي الاطارات :)

[blue chevy]

والله يالمهندس انا لو منه اخذلي كمارو
لأني اعرف عيوبه وايجابياته ومتابع اخباره واعرف شركاته وطرق تلغيمه.....الخ

بس اهوه يحب الموستنق
فما افرض رايي عليه

اهم شئ ان الموستنق ما تلعب بالطريق
واقولك اهوه راح يحط احسن تاير

وانا قلت اسأل الشباب هني بدل ما افتي على الرجال

[crx b16]

الموستنج عادي زي اي سياره عادية

بس المشكلة انو 160 كثير مرررررررررة علية

[$المهندس$]

بس حق دوام حلو صرفيه و حراره حلوه عليه يعني مو وايد


و المكيف بارد و يتحمل بس شكله من الداخل كأنها مديل 84 ما ادري ليش جذي ؟

[عليل الضماير]

خله يتوكل على الله

[blue chevy]

مشكورين على الردود

مادري شفيك يالمهندس على الموستنق :d

العادة تمدح فيه الحين قالب عليه
مادري علشان عندك ياباني :d

اليوم رحنا المكاتب وشفنا موستنق حلو والبدي نظيف بس عيبه انه تجاري مو وكالة

احنا ناطرين بشار مادري شفيه تأخر علينا
نبي خلطات بشار

[عليل الضماير]

الحين انتم بتستخدمون ولا بتزودون؟

[bashar_255]

الخلطات موجودة على الموقع أنا ما اتابع الـ 4.6 ولا أعرف له :d

http://www.racing4e.com/articles_category14.html



لاكن شوف ذي ;)
http://www.racing4e.com/article106.html

تحياتي ،،،

[blue chevy]

خوي عليل
ما نبي نزود
بس مجرد معلومات لازم يعرفها

مشكور اخوي بشار

[mortally]

هلا والله بالشفر الازرق ههههههههههههه


مبروك مقدما حق صاحبك

[بو العابد]

إذا ضمنت الماكينه والقير توكل على الله