تركيب التيربو فالخلف

[حسن مطر]

السلام عليكم

طبعا الكل يعرف ان التيربو يركب عند المحرك لكن هذي الطريقه تنفع للي يدور عل عزم حلو فاسرع وقت وبرضو يحافظ على سيارته

فوايدها
مثل ماقلنا اسرع للتركيب
تكون نسبيا ابرد للاثنين التيربو والمحرك
ماتحتاج للمبرد لكن يفضل وجوده
ماتحتاج لتغير الهيدرز
ماتحتاج لتعديلات على المحرك لكن البوست هو الحكم

اول ماراح تبحث عن هالنوع بتشوف شركه اس تي اس لانها هي الي مطوره هالنوع
لكن عيبها استخدام الزيت للتيربو والي عاده مايكون ذاتي

الاغلب لما سمعوا بالفكره اول سؤال يجي على بالك اللاق مع هالمسافه لكن هالشركه تقول انها طالبه الهاوسنق
تبع اتيربو حسب معاير خاصه

والسؤال الثاني الضغط حق التيربو برضو الشركه تقول مافيه مشكله لانه مايحتاج الا ل 0.05 ثانيه ليوصل للثروتل
وهنا نوضح نقطه لاتحاول تركب اي تيربو مثل هالطريقه الا لما تتاكد من مواصفاته لانه راح يبهدلك مع اللاق
او انك تركب ذا النوع بالطريقه العاديه لانه برضو ماراح يشتغل مزبوط :3rbe184:


شرح مافيه :d شوف الرابط تحت فيه تركيب على ترانز ام <<<<< ضعيف بالشرح
http://www.highperformancepontiac.com/tech/hppp_0602_sts_turbo_system/photo_01.html

والي مافهم على الصور يشوف ذا الفديو <<<<:d

http://www.youtube.com/watch?v=SMB14OOfgss&feature=related


http://www.youtube.com/watch?v=2B2mwgsvikY


ان شاء الله يكون واضح وزي ماشفتوا الطريقه سهله لكن يبلها انك تشمر عن ذرعانك وتشتغل
والي ناوي ترى يجي معها سي دي حق شرح :d

[@ ابـوفـهـيـد @]

والسؤال الثاني الضغط حق التيربو برضو الشركه تقول مافيه مشكله لانه مايحتاج الا ل 0.05 ثانيه ليوصل للثروتل

مهما يكون الـ ar حق التيربو ماراح يتعدى الـ 50 عشان مابيكون فيه لاق


غير هذا شوارعنا الكريمه ماراح ترحم هالتيربو

في الصيف بيوصل الهوا للمكينه كنه شسوار

حق ستريت بيكون حليو لاكن ماراح يكون افضل من الطريقه التقليديه هدرز تيربو




خل كلام الشركه على جمب شوي

وعلى نفس المحرك شوف متى بيعطيك فل بوست على الطريقه التقليديه
وعلى طريقه الاقزوزات
التقليديه اسرع بألف دوره او اكثر

غير فيه نقطه ثانيه
انك ماتقدر تستخدم تيربوات على مزاجك

يعطيك العافيه على الموضوع ونتمنى نشوف رأي واحد مجرب طريقه الاس تي اس

[$المهندس$]

ال Sts فشل برأي اقلب المجربين له


الفكره جميله بس ما اعتقد عمليه او افضل من النظام التقليدي ..


في الصيف بيوصل الهوا للمكينه كنه شسوار


بوفهيد شنو الفرق اذا كان الكولر نفس المكان يعني الهواء راح يدش نفس البروده يعني ما تفرق معاها ...

[bashar_255]

فيه برومود حاط تون تيربو في شنطة موستنج فوكس بدي

اذا التيربوهات من النوع السنع و من النوع الغالي

و اذا كان المستوى عالي جداً

ما اتوقع بأن ضغط الهوا بيكون مشكلة

[حسن مطر]

ابو فهيد
مشكور على هالمداخله هو فيه ايجابيات وسلبيات

اكيد كل ماصار اقرب افضل لكن تخيل عندك مثل ذا الكورفت موديل 2006 ولا حتى 2005 صراحه صعبه اروح اقصص واسوي لي حوس بالكبوت الا الي ناوي يخلي السياره حق عرض
والتيربو باي طريقه مع الاجاواء الي عندنا صراحه صعب تخليه عند الحراره المطلوبه

وبيني وبينك انا اول ماشفت باحد المواقع قال سعره حلو 3 الاف دولار عجبتني الفكره لكن لما دخلت على موقع ذا الشركه
شفت الاسعار غسلت يدي لانه كان الفرق قريب من الانواع الي تستخدم الطريقه العاديه هم اقوى من ذا ال اس تي اس

وفيه الظاهر كم سياره جهزت بهالنوع بورشه الكابتن بو محمد ياليت يعطونا رايهم

[@ ابـوفـهـيـد @]

بوفهيد شنو الفرق اذا كان الكولر نفس المكان يعني الهواء راح يدش نفس البروده يعني ما تفرق معاها ...


الاس تي اس بدون كولر

بس البايبات تمر من تحت الموتر

لو كان فيه كولر كان صار لااااااااااق الين ما يأظن
تمسك خط الرياض الشرقيه اذا باقي 100 كيلو على الدمام يعطيك فل بوست



بشار شوف كم تدفق الهوا في هالبرومود


لو تبي تثبت فشل هالنظام خلهم يركبونه على 4 سلندر وشوف شلون الفشل بيبين

[حسن مطر]

بو فهيد

شكلك تحمست مع الموضوع ورديت بدون ماتشوف الفديو ارجع شوفهم ركبوا الكولر وفالاخير بيطلع بيجربه بالشارع وبيوقف ويظرب سفاتي

ولاتنسى انه يركب محل الدبات يعني الهوا على يطول بيجيه


مااقول انه افضل لكن

[$المهندس$]

http://www.turbo-kits.com/images/sts_c5_corvette_twin_turbo_4.jpg

هذا اب قريد حق السستم اذا تبي تطلع اعلي تركب كولر من شركه STS

[حسن مطر]

المهندس ماادري الشباب عندكم مااجربوه ؟؟

[@ ابـوفـهـيـد @]

لا يخوك ماتحمست ولا شي

النظام هذا يجي بدون انتركولر
لاكن تدفع زياده عشان يعطونك الكولر

[$المهندس$]

ولله اخوي حسن ما شفت احد جربه للاسف



و ابوفهيد انا عارف انه ما يجي معاه بس تقدر تطلبه اب قريد مثل ما قتلك بس اشلون بيصير الاق مثل ما تفضلت ؟!

[@ ابـوفـهـيـد @]

احسب معاي
على مايوصل الهوا لهاوزنق التيربو الحار على ماتدور المروحه على ماسضغط التيربو
على ما يوصله من نص الموتر الين الكولر على مايدخل للكولر على مايوصل للانتيك

مجرد توصيل الهوا من نص الموتر للكولر هذي فيها لاق



شوف متى يعطي هالتيربو فل بوست
وشوف الطريقه التقليديه كم يعطي فل بوست على نفس مقاس التيربو

[احمد]

عاده الكلمه اللي يستخدموها حق الانتركولر هي الboost drop
و اللاق يستخدموها حق التيربو

و صراحه ما اشوف ان الانتركولر بيخلي المسأله اسوأ من انك تحط تيربو في الخلف :d

[حسن مطر]

احمد خلانا على راحتنا وعطانا الضربه القاضيه :d

[@ ابـوفـهـيـد @]

و صراحه ما اشوف ان الانتركولر بيخلي المسأله اسوأ من انك تحط تيربو في الخلف


احمد جرب تيربو ببايبات 3 انج من التيربو للكولر و3 انج من الكولر للأنتيك
وبس غير بايبات الكولر للأنتيك بـ 2.5 انج وشوف الفرق


انا اتكلم عن تيربوات كبيره مو طقه ar 50ونازل

[احمد]

اكيد لما تصغر البايبات بتزيد الvelocity حق الهوا
و تجاوب السياره بيكون احسن

[$المهندس$]

بوفهيد الكلام ما كان عن الاق كان عن الحراره في اجوائنا :)

[احمد]

خل اللاق و الحراره على جنب
اذا تبغى تركب التيربو في الخلف
لا تفكر تركبه لا على لومينا و لا كابرس و لا كومارو و لا موستنق
يمكن حتى التريل البليزر ما ينفع
يعني يبغى لك تاهو او يوكن او سوبر و يمكن مره تمر على مطبه او بكس و تشوف التيربو في المرايه و هو منحاش

[$المهندس$]

يعني يا احمد الي يبي يركب هل تيربو علي كمارو يبي يروح يطعس فيه :)

[احمد]

شكلك ما شفت المطبات الي عندنا
تشق لك كرتير المكينه شق ما بعده اصلاح

[حسن مطر]

عز الله انك صادق اخوي احمد
اجل هاي ويه فيه مطبات ؟؟؟ وين صارت ذي هههه الله يعني

لكن تخيل انك بعد كل هالتعب وتركيب واتنظار تطلع تسوي تست وشوي الا الشارع واطي ومتجمع فيه ماي
وراحت فلوسك ياصابر ههههه

[$المهندس$]

يا احمد بنسبه عندكم ما شفت لاني من زمان ما جيت السعوديه بس مريت فيها وكان الشارع زوين يعني مافيه مشكله كبيره :)