<<< التحكم في ال Rpm في الجير العادي >>> (( دعوه للنقاش ))

[$المهندس$]

السلام عليكم



اليوم حبيت افتح موضوع مهم و مهم جداً ...


الموضوع هو كيف تتحكم بل RPM ..


يعني انت تبي تجرب السياره او في ادراق ريس ااوووووو



ف المهم الان كيف تتحكم و متي تبدل الي الاغيار الي بعده .؟؟؟؟


هذا الموضوع الي الاكثريه تجهل و عبالهم في ادخال ال RPM احمر عبالهم استفادو ... ؟؟


يعني مثلاً الكمارو اس اس 2002 ....



325 bhp @ 5200 rpm

هذا الكلام يعني انه عند 5200 دوره اقوي و اكبر عدد احصنه ينتجه

يعني مثلاً 4900 دوره = 295 حصان و 4300 دوره = 220 حصان و هكذا ..



و مثلا اخر ..


http://www.assayyarat.com/myimages/Dec05/ALFNI_viper956.JPG




شوف رسمت الداينو ( طبعاً من مركز العالميه ... للاخ عبد الحق .. السياره فايبر عليه سوبر ) ...


الحين لاحظ اعلي قمه في الرسم البياني راح تشوف انه ضارب علي ال 5400 دوره


يعني اعلي طاقه يخرجها المحرك 956 حصان عند 5400 دوره ...

و لاحظ عند 3500 دوره راح تشوف انه المحرك ينتج 685 حصان تقريباً ...



و الاهم الان .... الاهم ..


تخيل انك الحين انطلقت في الفايبر :3rbe086:



في من الفرحه امسك فيها و ادوس والموتر تشفييييط ..


و بعد التشفيط في الغيار الاول وصلت 80 كيلو متر و ابي ابدل و ادخل ال RPM 7500 علي ابو انها ضغط عالي ..


و النتجه ضياع في الطاقه ؟؟ ليش ؟؟؟


السبب واضح في الرسم الداينو ...


تخيل انا تعديت ال 6000 دوره في الفايبر ... شوف بداينو شنو الي يجابل القوه .



راح تشوف 800 حصان يعني ضاعو 156 حصان علي الفاضي ...

لانه في اشياء محسوبه فتحت الكام و الثلاجه و بوست التيربو .. و اشياء مهمه ...


جرب بسيارتك مره بدل عند الرقم الي معطينك اياه و مره طول في النمره راح تشوف القوه ضايعه ...


تري انك تبدل عند دورات عاليه ما منها اي فايده الي انك تخدع نفسك :fashilah:



يعني هذا موضوع مهم جداً في هذي المسؤله ...



و بل اخير ننتظر نقاشكم في هل موضوع ..




اخوكم بوشهاب ...

[راعي الكابرس]

موضوع حلو ..
بس لاحظ ان على بين ما تبدل يفرق Rpm يعني مثلاً انت بدلت عند ال7000 كأنك بدلت عند ال6500 مثلاً لأن في ضياع في فترة التعشيق هاذا في القير العادي ..
لاكن في التوماتك اذا تبغى تبدل عند ال6500 لازم تعشق عند 5500 (في حال كنت منزل القير) وكل سيارة تختلف عن الأخرى ..

وهاذا من واقع التجربة ..

[$المهندس$]

اكيد لازم تبدل بفارق بسيط .. مو مثل البعض ..


السياره 5400 دوره يبدل عند 7500 و بعض الاحيان 8500 و يدخله حمر .. و هذا النوع الي اتكلم عنه ...


و شاكر لمرورك ..

[راعي الكابرس]

وصلت الفكرة ..

[bashar_255]

أنا بتكلم حسب فهمي للموضوع ...

1- الـ Rpm بيتحكم فيه قبل كل شي وجود محفزات .. يعني مو معقولة ستروك طويل جداً و وزنية كرنك أي كلام و كرنك ثقيل و تورك و كمبرشن نازل و بدون باور آد و سلندر ما يستحمل و فلفترين أي كلام بتوصل لأكثر من 5500rpm لو تلاحظ البق بلوك فيه تورك و سلندر قوي لاكن يفتقر لباقي المقومات .

2- باخذ سيارة أعرفها و هي الموستنج 225 حصان على 4200 دورة و الرد لاين 5900 دورة لاكن لما تجي تسابق ما بتعشق بأقل من 6000 دورة و اللي مركب روس و كام بيعشق على 6250 دورة و السبب هو أنك لما تعشق الـ Rpm بيرجع لوين ؟؟ منت ملاحظ أن السيارة على الخط لما تكون ماشي و عدد الدورات عالي اسهل و اسرع من أنك ترد نمرة عشان يرتفع الـ Rpm في كابرس 96 ؟

[$المهندس$]

كلامك صحيح بشار ...

بس انا جربت سيارتي الامبريزا .. الرد لاين 9000 دوره و القوه تطلع عند 6400 ...


جربت مره اتسارع في السياره اول مره دخلته 7500 و 8000 دوره و التسارع طلع عكس النتائج المتوقعه ؟؟؟


و جربت مره ثانيه و بدلت عند 6500 دوره طلع الموضوع رااااائع .. و فرقت معاي ثانيه تقريباً و اكثر


و علي فكره كان يرجع ال Rpm علي 5000 الي 5500 يعني شي ممتاز :)

[@ ابـوفـهـيـد @]

من ناحيتي احن امها للرد لاين <<< نصاب مافيه عداد ضغط
بالاول تفص عن 60 الثاني 100 الثالث 150 الرابع 180
الاول لازم احكرها لين 60 قبل لا تفصل اغير الثاني مرات اخليه قبل لايفصل ومرات اغيره عند الـ 90-85

يعني لو تغير من اربي ام واطي التعشيقه الثانيه بتهجد
ولا غلطان

[راعي الكابرس]

والله لو على سيارتي مافيها لا عداد ظغط ولا عداد سرعة اعشق على الصوت لما احس فيها احيناً تظبط واحيناً لا اذا قرصت ثاني يعني تعشيقي اوكي ..
بس في نقطة قالها الأخ بشار هو انك مثلاً لما يكون القوة على ال5000 دورة وتقوم وتعشق على ال 8000 دورة بتنزل الى ال5000 اتوقع بتحس بأنطلاقة بعد هالتعشيقة لأنها في احسن قوتها ..

[Black Arrow]

انا اقولك وش كان يصير في السوبارو سابقا....
لما امشي والقير على الدي....حد الدعسة على سرعة 160 يكون بالثالث....طبعا يوصل الضغط 6000 د/د ويعشق...هذا عند سرعة تقريبا 170....انا اخلي القير على الدي 3 وأوصله 6200 وتمشي 180.....وبعدين اعطيه رابع....

في السيفيك....إذا خليت القير على الدي....في الأول تعشق عند 6400د/د...

فأضطر اني اخلي القير على الدي 1 وأوصله لـ 7000 علشان اخذ مسافة اكبر....وكل التعشيقات عندي اغيرها على الـ 7000 ار بي ام.....طبعا هذا لما يفصل...يعني السيارة عندي لأنه اوتو ما تنزل عن الـ 7....

السيارة لعطيتها نفس كبير في التعشيقة تعطيك.....

اللي يعجبني انك في سباقات الأوتوكروس خله معشق في الثاني.....يمديك تاخذ السباق كله على دورة 5000 أو 6000....
هذا يفيدك وبقوة.....عزم عالي في مكان صغير....عز الطلب...:)....

[علووي]

يسلمو يا الغلا ع الموضوع
أستفدت منكم كثير