تنصحون بمبرد الزيت للمكينه ؟؟

[blue altima]

السلام عليكم ورحمة الله وبركاته

يااخوان انا سيارتي ستوك وصراحه استخدامي شديد على السياره دايما الاربي ام فوق 4

وكثره سفرياتي الرياض الدمام اسبوعيا وسرعات والاربي ام ماينزل عن 5 وبدون توقف لاني اعبيها بنزين مره وحده ماشالله

لكن المشكله تكمن في الزيت الخفيف ينقص بعد 3الاف كيلو وحتى زيوت التخليقيه جربتها وكلها تنقص بعد 5 الاف وتطلع صوت التكايات لين خبطت المكينه

الحين صرت احط الثقيل 20 دبليو خمسين حلو بس في المدينه ثقييل وتاخذ وقت

ففكرت اركب مبرد الزيت واحط عليها زيت تخليقي او عادي خفيف وش رايكم ؟؟

هذا الكت تبع شركه ستيلين مدري كيف طريقه تركيبه وماهي فوائده


http://www.streetperformance.com/part-showcase/stillen-steve-millen-sportparts-inc/3786-stillen-2002-2006-nissan-altimamaxima-35l-oil-cooler.html


طبعا سيارتي ستوك قير عادي 6 سلندر

[$المهندس$]

الفايده معروفه انه يثبت درجه حراره الزيت و يقللها عن الطبيعي


و بعدها تقدر تستخدم الزيوت التخليقيه و هي افضل من الزيوت العاديه


و علي فكره 4 واايد واايد علي الجير تري بسرعه يضرب عليك

ركب كولر حق الجير بعد افضل

[bashar_255]

ما احس انه له داعي

شوف لك كولر مع مروحة لزيت القير أحسن لك

[ابـــوتـــركـــي]

شف تأكد يمكن فيه كولر للمكينه موصل للرديتر بس .. واتوقع ان التبريد ماتحل مشكله نقص الزيت لان اساسا الحراره ماترتفع وهذا توقعي ...

ونقطه ثانيه شف اذا ركبت الكولر يمكن تكون محتاج تزيد معدل الزيت او تركب طرمبه زيت قويه .. مجرد تاكيد واخذ حيطه ...

[احمد]

صرف الزيت ما له علاقه بحرارته
طبعا مبرد الزيت له فوائده
لكن محرك الالتيما VQ35 معروف انه يشرب زيت خصوصا اذا ظليت داعس على RPM عالي لفتره طويله و هذا شي طبيعي بالنسبه له
و لو تدور صور اي واحد مركب VIAS block off plate بتشوف كميه من الزيت متجمعه داخل الثلاجه

خليك على الزيت الثقيل و فك حالك
بس ما فهمت عليك
الحين صرت احط الثقيل 20 دبليو خمسين حلو بس في المدينه ثقييل وتاخذ وقت

[blue altima]

صرف الزيت ما له علاقه بحرارته
طبعا مبرد الزيت له فوائده
لكن محرك الالتيما VQ35 معروف انه يشرب زيت خصوصا اذا ظليت داعس على RPM عالي لفتره طويله و هذا شي طبيعي بالنسبه له
و لو تدور صور اي واحد مركب VIAS block off plate بتشوف كميه من الزيت متجمعه داخل الثلاجه

خليك على الزيت الثقيل و فك حالك
بس ما فهمت عليك

غريبه مافيه شي صرف زيت طبيعي اكيد في مشكله وين يتهرب الزيت وينقص منه عشان نشوف الحل ولو نضطر نفك المكينه (تعودنا فكينا مره وحده ) ههههههههههههه

اقصد حطيت زيت ثقيل 20w50 حلو يتحمل بس مشكلته ثقيل بالعزم بداية الف كيلو وتحمية السياره وقت طويل

[blue altima]

بعدين يااخوان اعرف سيارات غير الالتيما تنقص زيت لما يستخدمون 10/30 خصوصا الزفت كاسترول خبط على كثير من سيارات 2 في بيتنا واعرف 3 من اخوياي

اما الثقيل مايصرف زيت

مادري اكيد الحراره لها دخل في صرف الزيت لما يكون خفيف ويكون مغشوش بالماء زي كاسترول يتبخر هههه

[احمد]

عزيزي

كثير من السيارات الحديثه تصرف زيت بشكل بسيط
مثلا الفلكس باسات و بورا و سيات ليون كلها مرت عليي و فيها صرفيه زيت بسيطه
بس شلون و ليش ما ادري

و بالنسبه للـ20w50 انا استخدم فوكس سوبر جي تي 20w50 و ما استخدمت غيره و ما الاحظ في السياره ثقل و لا تأخير في التحميه
و سيارتي 2007 قير عادي و ستوك بعد
و ما اغير الزيت الا كل 5 - 6 الاف

[blue altima]

عزيزي

كثير من السيارات الحديثه تصرف زيت بشكل بسيط
مثلا الفلكس باسات و بورا و سيات ليون كلها مرت عليي و فيها صرفيه زيت بسيطه
بس شلون و ليش ما ادري

و بالنسبه للـ20w50 انا استخدم فوكس سوبر جي تي 20w50 و ما استخدمت غيره و ما الاحظ في السياره ثقل و لا تأخير في التحميه
و سيارتي 2007 قير عادي و ستوك بعد
و ما اغير الزيت الا كل 5 - 6 الاف

تنقص مع الزيت الخفيف يعني الي تحت 20دبليو وتحت اما الثقيل 20 دبليو وفوق ماينقص

بخصوص سيارتك مدري سته سلندر ؟؟ كم علبه زيت احط لاني احترت امشي على الكتلوج واحط 4 علب زي اول وخايف تروح علي المكينه زي اول لاني اول مابديت احط 4 علب قبل التخبيط ب6 شهور بعد ماطلع صوت التكايات او السبايك الين راحت وطي

او احط 4 ونص والبنشريه يقولون 4 ونص ؟؟

وبخصوص الزيت الثقيل يتحمل اكيد والافضل

يعني مالنا امل بزيوت التخليقيه خصوصا في الاجواء الحاره لدينا

[احمد]

سيارتي 6 سرندل
و احط لها 4 و نص
و كل مره اغير السيفون بس شكلي بخليه مره و مره

اشتري لك كرتون زيت من اللي يعجبك بتوفر في العلبه 5 ريال
و درزن سيفونات من الوكاله بيطلع عليك الواحد 12 ريال