طريقه تركيب قريدي اي مانج الازرق للسوبرا وغيره

[@ ابـوفـهـيـد @]

السلام عليكم

كيف حالكم وش اخباركم بشرونا عنكم

والله من مبطي ماكتبت موضوع :3rbe151:
http://www.mohdparts.com/emanage/install/2jz-gte_install/emanage.jpg
اليوم موضوعنا عن طريقه تركيب اي مانج الازرق
طبعا هالكمبيوتر حليو سعره ومافيه حوسه واجده مثل باقي الكمبيوترات
اللي فيها اوبشنات ماتحتاجهم مث الموتك

اهم شي نحتاجه في التيوننق للتيربو او للغاز
هو برمجه الفيول + الاقنشن
والاي مانج البلو بس وظيفته هالاثنين
شبك الاسلاك نزل الخريطه (map) وتوكل على الله
طبعا الطريقه المشروحه على كمبيوتر التوجي ونفس المبدى على اغلب السيارات بس يبغالك تصيد خريطه الكمبيوتر

بسم الله بدئنا

اي عمل يتضمن المساس بالحساسات او الكمبيوتر لابد ان تفصل البطاريه
http://www.mohdparts.com/emanage/install/2jz-gte_install/battery_off.jpg



وبعدها ندور الكمبيوتر ونطلعه من مكانه بحيث انك تشتغل على راحتك ومافيه شي يظايقك
http://www.mohdparts.com/emanage/install/2jz-gte_install/ECU_LOCATION.jpg

طبعا بعد مافصلنا فيشه الكمبيوتر نبدا نتكت ونوصل الاسلاك واماكنها كالتالي
http://www.mohdparts.com/emanage/install/2jz-gte_install/ECU-MAF.JPG

السلك البني > حق قرايه الاربي ام ورقمه 58
الرصاصي > حق فتحه الثروتل ورقمه 43
الاسود > هذا سالب ومكانه 69
الاخضر > هذا حق الكنترول للكمبيوتر ورقمه 66
الابيض > توصله بالاخضر بس مو معاه انتبه
الاحمر > هذا موجب ورقمه 31

اللحين طال عمرك تشيك على التوصيل وكل سلك بمكانه الصحيح
تتوكل على الله وتشبك الفيش بالكمبيوتر وتشبك البطاريه وتشغل الموتر
بتلاحظ ان فيه لمبه خضرا ولعت بالجهاز اعلف ان شغلك 100% يابطل
تطفي وتروح تفصل البطاريه

اللحين بعد ماشغلنا الكمبيوتر يبغالنا نشبك ظفيره البخاخات <<<< المهمه صعبه يازول لاكييين لاتخاف

http://www.mohdparts.com/emanage/install/2jz-gte_install/injector_wires_emanage.JPG

الطريقه وشي تسحب اسلاك البخاخات من الكمبيوتر ويدخلها على القريدي وتطلع من القريدي المعلومات اللي انت مختارها

القريدي كنه يقول لكمبيوتر الوكاله كل خرااااااااااااااا
http://www.mohdparts.com/emanage/install/2jz-gte_install/Dscf0003.jpg

http://www.mohdparts.com/emanage/install/2jz-gte_install/injector_wires_ecu.JPG

سلك احمر ابيض حق البخاخ رقم 1 ومكانه 20
السلك احمر بتقالي حق بخاخ رقم 2 ومكانه 19
السلك اصفر واحمر حق بخاخ رقم 3 ومكانه 18
السلك البنفسجي والاحمر حق بخاخ رقم 4 ومكانه 17
السلك الوردي والاحمر حق بخاخ رقم5 ومكانه رقم 16
السلك السماوي والاحمر حق بخاخ رقم 6 ومكانه رقم 15

السلك الاحمر والاسود حق القراوند(السالب) ومكانه رقم 80

اللحين انت ريحت وخلصت من سالفه الانجكترات وقلت لكمبيوتر الوكاله كل خرا

باقي اللحين الاقنشن تقوله كل خرا <<<<< ابو الاسلوب الحواري :3rbe151:
http://www.mohdparts.com/emanage/install/2jz-gte_install/ignition_harness.JPG
هذي الطريقه بالزبط
http://www.mohdparts.com/emanage/install/2jz-gte_install/ign_ecu.GIF

اقطع الاسلاك من الظفيره حقات رقم 57,56,55,54,53,52
بعدها سولهم ذكر وانثى
http://www.mohdparts.com/emanage/install/2jz-gte_install/butt1.JPG
هذي تقاها مع الكت موجوده مو ناسينك
طبعا الطريقه واظحه وماتحتاج شرح الاسلاك البيض من الظفيره وترجعرهم بالاسلاك السود

وتضبط هالاوبشن
http://www.mohdparts.com/emanage/install/2jz-gte_install/knobs.JPG


اللحين تثبت الجهاز بمكان مايجيه ماي ولا ضغط ( الدرج )
http://www.mohdparts.com/emanage/install/2jz-gte_install/box_screws_small.jpg


ومبروك عليك اللحين ركبت الجهاز بس باقيلك البرمجه الـــ map
تقدر تاخذها جاهزه اذا حصلت واحد مركب نفس الاغراض اللي عندك
وهذي الاسهل
او انك تخترعلك وحده على حسب ماتحتاج
لاكن برمجته تعتبر سهله
لازم يكون معاك السيدي والـ usp
تشبكه بالجهاز وبالابتوب ووتدخل على الاوبشنات الموجوده وتبدى تعدل الجداول على حسب مايناسب المحرك من تجهيز

على فكره فيه ظفاير جاهزه شبك و وبرمج ماتحتاج كل هالزحمه


ختاماً اتمنى ان يعجبكم الموضوع وان يكون الشرح واضح
الموضوع جهد شخصي

( ترا ناوي نيه شينه للي ينقل الموضوع بدون ذكر المصدر واللي مسوي ذيب يعدله كم صوره وينزله على انه هو اللي مسويه ابسفل فيه )

[احمد]

يعطيك العافيه يابو فهيد

مره قريت انه في ظفيره جاهزه لكمبيوترات الvq35 على سبيل المثال ( زد ، جي 35 ، التيما )
تركبها مباشره في الكمبيوتر الاصلي و تركب فيش الكمبيوتر الاصلي فيها و ما تحتاج لا تقص الوايرات و لا تتعب حالك
اتوقع كانت قيمتها بحدود 100 دولار

ما لقيت مثلها للسوبرا ؟

[@ ابـوفـهـيـد @]

هلا اخوي احمد الله يعافيك ويسلمك

الا فيه ظفاير جاهزه بس اسعارهم غويلين شوي


هذي حقت الزد
Nissan 350Z Patch Harness.

USD $295.00
حدود 300 دولار ماتستاهل
1106 ريال مو شويه

هذي للسوبرا
Toyota Supra 1993-1998

Toyota MKIV Supra Patch Harness.

USD $275.00

يعني يعتمد على الميزانيه اذا مالك خلق اشترها جاهزه اذا فاضي وتدورلك شغله تلهيك
ركبها بالبيت

بس اللحين قاعدين ندور map حق سوبرا


عيب هالجهاز شي واحد
انه المكاسموم حق الانجكتر 800 cc
ولا غيره مافيه
واشوف القريدي شادين حيلهم بالكمبيوترات
قبل فتره منزلين الفي مانج

وقريب بينزلون الأف مانج

[bashar_255]

طيب أبو فهيد

عندنا مشكلة في برمجة الفورد بشكل عام .. هل من الممكن تركيب هذي الأجهزة على الموستنج ؟

[@ ابـوفـهـيـد @]

هلا بشار
على ما اظن انه ماتقدر لان حده يقرا 6 بخاخات

فيه عندكم الهالتك مو غويلي

وهم فيه جهاز ذكره لي هاني
انه يبرمج من سلندرين الى 12 سلندر
وسعره مو حيل غالي

[The Expert]

يعطيك العافية ابوفهيد على الشرح

يبيلي يوم اجرب برمجة على وحدة من السيارات :)

[bashar_255]

أي هاني ؟؟؟

[احمد]

هلا اخوي احمد الله يعافيك ويسلمك

الا فيه ظفاير جاهزه بس اسعارهم غويلين شوي


هذي حقت الزد
Nissan 350Z Patch Harness.

USD $295.00
حدود 300 دولار ماتستاهل
1106 ريال مو شويه

هذي للسوبرا
Toyota Supra 1993-1998

Toyota MKIV Supra Patch Harness.

USD $275.00

يعني يعتمد على الميزانيه اذا مالك خلق اشترها جاهزه اذا فاضي وتدورلك شغله تلهيك
ركبها بالبيت

بس اللحين قاعدين ندور map حق سوبرا


عيب هالجهاز شي واحد
انه المكاسموم حق الانجكتر 800 cc
ولا غيره مافيه
واشوف القريدي شادين حيلهم بالكمبيوترات
قبل فتره منزلين الفي مانج

وقريب بينزلون الأف مانج

انا ما عندي مشكله احوس في الظفيره
بس في ناس تخاف من هالموضوع بشكل مو طبيعي :3rbe151:

[@ ابـوفـهـيـد @]

هلا اخوي عقيل
جياك الله يبغالك تسوي تجربه حق البرمجه

واسعدني مرور

<><><><><><><>
بشار
انا اقصد هاني بخاري
<><><><><><><>
يعتمد على الروقان والصبر وتعرف وش تشتغل عليه

يعني لو ماكان عندك خريطه الكمبيوتر احسلك تشتريلك جاهزه
اما عندك الخريطه ولك مزاج تقص وتشبك توكل على الله

معاهم حق يخافون لان اي سلك يوصل خطا خصوصا السالب ببطن الموجب
احتمال يروحلك الكمبيوتر

[blue altima]

مشكور على مجهوداتك لكن عندي عتب شوي على كلمه كل خـر ؟؟ا ههههههههههه اللهجه جداويه

لو تبدلها بكلمة كل تراب اهون شوي خخخخخخخخخ

بصراحه القريدي من كلامك احس مافيه فرق مع الابيكسي الاف سي حق الفيول والهواء الوزن ؟؟ ورخيص بعد

انا ناقشت موضوع الالتيما التيربو ومركب قريدي يقول صراحه الكمبيوتر مو قد كذا على وزنيه التيربو بالسياره

واش الافضل بنظرك بس يكون حدود اسعار القريدي ؟؟

المهم صراحه انا بقولك حاجة بنتقهر مره وحده في منتدى كتب موضوع قال ابي تزويد التيما 2008 المهم جا واحد من المشرفين الي لهم خبره في التعديل قاله انا لقيت لك كمبيوتر اتش كي اس اف كون ركبه بالالتيما وبرمجه يطلع لك 45 حصان زياده على المكينه و30 على الكفر ؟؟؟

المهم رديت وماني مستوعب من كلمه ضحكت وشوي اعضاء المنتدى كلهم شبو علي والي قالي انت جالس تغلط على كبار الخبره في التزويد والي رد علي ويقول انت شكلك مبتدى في التلغيم والي يقول كلام فاضي وارد برد منطقي وردهم نفس الرد سابقا يعني النقاش عقيم صراحه

ماتعليقك هو الكلام 45 حصان برمجه كمبيوتر وسياره 6 سلندر ماتتعدا 3.5 لتر ؟؟ خخخخخخخخخخ بطني ياشيخ من الضحك نكته قبل ماتكون كذبه ابريل

[$المهندس$]

^^^

عيار داينو حق شفر Ls1 يعطيك 20 حصان لين 25 حصان علي الويل بنسبه حق النيسان ما ادري بس صعبه 45 حصان :)





بوفهيد يعطيك العافيه موضوع صححح الصراحه لو فيه صور فعليه مو مخططات يطلع توب :)

انت ركبته ؟! انزين علي اي برنامج تشغله ؟!

[@ ابـوفـهـيـد @]

هلا اخوي بلو التيما
حياك الله
انشالله المره الجايه نوكل كمبيوتر الوكاله تراب مايصير خاطرك الا طيب


صراحه القريدي من كلامك احس مافيه فرق مع الابيكسي الاف سي حق الفيول والهواء الوزن ؟؟ ورخيص بعد

وش جاب لجاب
الابكسي بس يعدل على الفيول والهوا

القريدي الهوا والفيول والاقنشن (الشراره)
وهذا شي مهم بالبرمجه



انا ناقشت موضوع الالتيما التيربو ومركب قريدي يقول صراحه الكمبيوتر مو قد كذا على وزنيه التيربو بالسياره

شوف اخوي الكمبيوتر الاي مانج اليون لمت ممتاز بس مافيه واحد يبرمج صح
اي كمبيوتر تركبه سواء قريدي لو ايم لو موتك اذا ماتبرمج صح بيصير مو قد كذا
اذا تبي برمجه محترمه نبش بالمنتديات عن نفس موترك ونفس القطع اللي مركبه
واطلب منه خريطه الماب ونزلها عندك وشوف كيف

عيب قريدي الازرق انه اللمت حق الفيول 800cc


المهم صراحه انا بقولك حاجة بنتقهر مره وحده في منتدى كتب موضوع قال ابي تزويد التيما 2008 المهم جا واحد من المشرفين الي لهم خبره في التعديل قاله انا لقيت لك كمبيوتر اتش كي اس اف كون ركبه بالالتيما وبرمجه يطلع لك 45 حصان زياده على المكينه و30 على الكفر ؟؟؟

انا سمعت نفس الكلام انه يعطي 30 حصان بس مو مصدق مع ان الياباني برمجه الوكاله مو اوكي بس مو لها الدرجه
اذا تبغى تاخذ معلومه لاتاخذ من اي واحد واللي مايعجبك اسمع من اليمين ومشها مع اليسار

وكل واحد يبغى يمشي شغله لو سألت واحد عنده وكاله قريدي بيقولك انه اطلق كمبيوتر بالعالم والباقي كلهم خرابيط
واخذ على هالموال كل الشركات
ولا شلون يمشون شغلهم ؟


ومن ناحيه الـ 40 حصان ماصدقها الا لمن تنقاس قدامي <<<< لا تكفى صدق

عندك اكثر من اوبشن بالكمبيوترات
AEM
توب التوب اغلب حقين الياباني تيربو تلقاه مرتز عندهم
القريدي الاي مانج اليونلميت <<<< اليون لميت ماهو الازرق
الموتك <<<<< سعره غالي و70% من الاوبشنات ماتحتاجها

ارخص كمبيوتر بتحصله القريدي

وموفق انشالله

______________________
هلاااااااااااا المهندس حياك الله

والله لو حاط صور فعليه كان ولا ابن امه فهم السالفه
وبتصير حوسه الله لايوريك



لاو الله للحين ماركبته تخبرها للحين ماوصلت

بس البرنامج اللي يشتغل عليه هو نفسه حق القريدي

يجي معاه سيدي البرنامجه ووصله اليو اس بي

ومو مقصره قريدي مع ان الكمبيوتر تقدر تقول قديم لاكن كل فتره ينزلون تحديثات <<< فيه اهتمام بالعملاء

ومشكور على الرد

[supra.tt51r]

يعطيك الف الف عافيه خيو بو فهيد كفيت ووفيت موضوع جميل والله

تحياتي للجميع



^__^