<<< طريقه تبديل كام ال Ls1 بصوره مبسطه >>>

[$المهندس$]

السلام عليكم و رحمه الله ...


كيف حالكم شباب ؟! عساكم بصحه و عافيه ..




((( لا تبدل الكام اذا ما عندك خلفيه عن المكانيكيه الموضوع مو بس فل و ركب )))




اول شي تصلي علي النبي ...


و بعدين تفصل البطاريه >>> مو شرط بس سيفتي ..


لازم يكون عندك عدتين خاصين الي نسميهم الاسبشل توول ..


الاول عشان تطلع البكره بعض الاحيان ماسك حيل و لو تموت ما تطلع بطق


http://greatnecksaw.com/images/product_images/medium/25190.jpg

فيه انواع و اشكال كثيره و دور الي يعجبك ...

و الثاني حق مسك اللفترات عشان لا يطيحون و يعطيك وقت اكبر ..


http://thunderracing.com/catalog/summaries/s108.jpg


عشان لا تتعب و تدور هذا الرابط ماله

http://thunderracing.com/catalog/?action=shop&sid=108&pcid=171




ف الحين نبلش بفك


خطوات الفك :


1_ تفصل الوايرات من علي الابلاكات و تفك الكويلات ..



http://q8man2002.googlepages.com/11111aaaa.jpg


فك الي بلون الابض و احتمال ما تحتاج تفك الاحمر اذا تشيله احسن طبعاً ما يفرق الموضوع



2_ تفك الغطيان عشان تشوف الروكرات ..


http://q8man2002.googlepages.com/11111aaaa2.jpg



3_ تفك الروكرات و تسحب الاصياخ (( push rod )) عشان لا تضغط علي الفترات ...


http://q8man2002.googlepages.com/11111aaaa3.jpg



4_ تفل القايش طبعاً لا تنسي شكل تركيب القايس و تتوهق ..


5_ تشيل الراديتر لانه الكام طويل و راح يضرب براديتر ..

طبعاً لا تنسي هوزات الراديتر و مبرد الجير وووو كل شي يعني لا تنسه شي .. و تكسر الدنيا ...


6_ تفك طرمبه الماي و نفس الوقت افحصها عشان اذا خربانه تبدلها ..


7_ تفك بكره الكرنك و فيه طريقه سهله اذا الكرنك يفتر معاك ركب البكس عليها نغره سلف مو تطول و بس يفتح معاك .. و بعدين عن طريق هل جهاز Puller و تفكه

http://q8man2002.googlepages.com/11111aaaa4.jpg


8_ تفك غطاء الصدر تعشات تشوف كل البلاوي تحته


http://q8man2002.googlepages.com/11111aaaa5.jpg


تفك طرمبه الزيت و تفك بكره (( ترس )) الكام و تطلعه ..


و بعدين تركب البارغي علي الكام شافت عشان تقدر تسحبه و تحركه علي كيفك طبعاً في يده تنباع تركب عشان تقدر تحرك و تسحب احسن ..


قبل لا تسحب الكام انطر لا تستعيل


9_ تركب هل عده ..



http://q8man2002.googlepages.com/666666a.jpg


و تحطه بهل شكل


http://q8man2002.googlepages.com/7777777a.jpg

طبعاً بعض الاحيان يعلق اشوي انت حرك الكام يمين و يسار و دخل هذاااك و دير بااالك تطقه حيل ماكو شي بطق لانه يمكن اللفتر ينكسر ...


10_ تل الكام و جذي خلصنه كل المووضوووع مبروووك انت الحين متوهق >>> اتغشمر ...



--------------------------------------------


التركيب ..


بعدين تيب الكام الجديد و بعض الكامات يجي معاها زيت خاص و اذا ما اجه معاه مو مشكله حط اي دهن مكينه عادي بس اهم شي تدهنه ..


و تركبه عادي مثل ما طلعته و اذا مو راضي يركب عدل حركه يمين و يسار ..


عمرك عمرك لا تسحب العده لمن يكون الكام بره عشان لا يطيحون اللفترات و تعال دوره يا بكاريتير او متعلق علي الكرنك ف تعال طلع المكينه و فلم دير بالك ..


بعدين تركب كل شي بترتيب ... من 10 لين 1 و سهل التركيب .


و تحذييير ((( لازم تضبط توقيت الكام علي ترس الكام (( بكره )) فيه نقطه تضبطها مع الرنك هم فيها نقطه هذاااااا اهم شي تري يا جمااااااااااعه )))



http://q8man2002.googlepages.com/116_0502_09_zls1_cam_swaptiming_chai.jpg


بس لمن تركب الروكرات لازم تشدهم عن طريق التورك رنش (( ذراع العزم ))


http://www.gearwrench.com/catalog/torque_wrenches/micrometer_torque_wrench/beautyshot.jpg



و تشده علي 22 ft-lbs قدم لكل رطل .. طبعاً ركزو مو نيوتن . متر لا قدم ..

و خله علي مرتين اول مره 10 ft-lbs و الثانيه 22 ft-lbs


و الباجي ركبه مثل اول مره و وصل البطاريه و دقها سلف و اسمع الترتره الحلوه :) و روح عير و دووووس ....



و علي البركه الكام الجديد ..





و انته الموضوع ..


و يا ريت عدم سرقه الموضوع الي بأذن صاحب الموضوع ... و (( يعطيك الف عافيه يا بوعيسي علي المساعده في المعلومات و ما قصرت ))



$ الـــــــــــــــــــــــ ـــــــــــــــمهندس $ ASE

[mortally]

بوشهاب انت ناسي نقطه مهمه وماذكرتها

وبصراحه انا اعتب عليك لانك نسيتها

اللي هي
الخطوة الاولى انك لازم تطفي السيارة:d

لاتعصب ترا اتغشمر


المهم مشكور وماتقصر على الموضوع الطيب صج انه ما ينفع الا حق اللي عنده خبره بس دام اني قريته لازم ارد على الموضوع
بس استفدت انا لانه في صور تشرح اماكن القطع
وبالتوفيق

[alsas]

اللف شكر الك يالمهندس على طريقة تبديل الكام والله طلعت منت هين :eh-hain: مهندس عيني عليك بارده انا الصراحه استفدت وتسلم وماقصرت تقبل مرروي سلامات

[$المهندس$]

بوشهاب انت ناسي نقطه مهمه وماذكرتها

وبصراحه انا اعتب عليك لانك نسيتها

اللي هي
الخطوة الاولى انك لازم تطفي السيارة:d

لاتعصب ترا اتغشمر


المهم مشكور وماتقصر على الموضوع الطيب صج انه ما ينفع الا حق اللي عنده خبره بس دام اني قريته لازم ارد على الموضوع
بس استفدت انا لانه في صور تشرح اماكن القطع
وبالتوفيق


الله يهداك خرعتني :d


و حياك الله يا الغالي ..

ووو انت وييينك ما تبين ولا تدق :mad:

اللف شكر الك يالمهندس على طريقة تبديل الكام والله طلعت منت هين :eh-hain: مهندس عيني عليك بارده انا الصراحه استفدت وتسلم وماقصرت تقبل مرروي سلامات


حياك الله يا الغالي


الطريقه سهله و ما تحتاج اي مشكله او صعودبه ان شاء الله :)

[bashar_255]

الف شكر يالمهندس و رحم الله والديك :)


بس هل ممكن توضح طريقة وزن الكام أكثر ؟

[$المهندس$]

ووالديك بشار



كيف يعني وزن الكام ؟!


اذا قصدك حق التوقيت كما موضح نقطه ترس الكام علي نقطه ترس الكرنك ..



اما اذا قصدك علي الروكرات بس تشدهم و اهم هيدرولك يعني ما يحتاج كليرنس ..

[ابـــوتـــركـــي]

يعطيك العافيه ...

لكني فكيته بدون تركيب عده مسك اللفترات وطلع عادي وركبته بدونه .. لكن اتوقع كضمان تركبه .

[$المهندس$]

الله يعافيك بو تركي ..


بو تركي اول شي فيه نوعين من اللفترات فيه النوع الي يجون اثنين مع بعض هذا ما يحتاج هل جهاز هذا حق اللفترات مثل الوكاله و الي تشبه الوكاله


و ثاني شي لفترات الوكاله ما يطيحون بس لمن تخليها مده و تحرك السياره احتمال يطيح طبعاً احتمال نص و نص يعني مجازفه


و ثالث شي هذا يعطيك فرصه اكبر عشان تركب علي راحتك و تضبط علي راحتك لانك ما تضمن انه ما يطيح :)

ان شاء الله وضحت الفكره :)

[mortally]

اسمح لي يا بوشهاب وانشاالله باذن الله امركم بس قول لي انتو وين تتجمعون عشان اجيكم

لاني سمعت انه الدوريات ما تخلي احد يتجمع بالجزيره قبل الفطور


الله يهداهم حتى شرمبي سكروها ممنوع احد يدش يطعس :mad:

وغرازة البلاجات اللي عند بيتزا هت كرهتها من السنة اللي طافت لما سحبو اجازتي :(

مع انه قوية وتعيشك جو الطعوس والجبال:cool:


واسمح لي اذا طولت عليك بالكلام

وبالتوفيق

[$المهندس$]

اسمح لي يا بوشهاب وانشاالله باذن الله امركم بس قول لي انتو وين تتجمعون عشان اجيكم

لاني سمعت انه الدوريات ما تخلي احد يتجمع بالجزيره قبل الفطور


الله يهداهم حتى شرمبي سكروها ممنوع احد يدش يطعس :mad:

وغرازة البلاجات اللي عند بيتزا هت كرهتها من السنة اللي طافت لما سحبو اجازتي :(

مع انه قوية وتعيشك جو الطعوس والجبال:cool:


واسمح لي اذا طولت عليك بالكلام

وبالتوفيق


ولله يا بوحسين كل يوم تقريباً نقعد بأبراج لا شرطه ولا بطيخ ...


و ثاني شي يا جليل الحيا عندك رقمي يعني تقدر تدق عليو تعرف مكانه :d

[mortally]

انا جليل حيا :eek:


اصلا انا على نياتي :eh-hain:


انشاء الله نمركم قبل الفطور وبالمرة نمر على شرمبي لان يقولون امس غزوها الشباب



بس خل اقعد من النوم

امس الوالد قعدني الساعه 6يعني حده حده عالاذان :3rbe087:

وابيك تجرب السوبارو بالرمل بععد

[الفيصل]

مشكور خوي المهندس علىالمعلومات المفيده صراحه الله
يكثرها ان شالله لك تحياتي...............