محتاج مساعدة ( mustang lx )

[فراغ العاطفة]

السلام عليكم شباب
اخيرا تم الانظام رسميا لعائلة فورد :d
اخذت موستنج lx
عليه سستم اكزوز
وايرات + دلكو
اظن فيول بمب مش متاكد راح اتاكد هالكم يوم
ونغمة الموتر تقول عليه كام:o الله العالم شو الكام مصيبة لما تشتري سيارة من عند واحد مايعرف شي ولما تسالة يقول السيارة جاية من امريكا وانا ما اعرف!!!!
والكمبيوتر ما اظن انه وكالة ( بغيت اعرف الرد لاين للفورد كم؟؟ ) لانه موتري يطوف ال 6500rpm واحد من الشباب يقول لازم ما يطوف 5000rpm
حاليا راح ارتب السيارة السيارة فيها تقطيع واحيانا تطفي وهي واقفة او ينزل الريس ويرتفع
بفحص البلكات وشوف الدلكو!!
واذا كل شي سليم تتوقعون من وين
المشكلة؟؟؟
وشو رايكم في اطرات nitto nt555

[فراغ العاطفة]

?????????????

[bashar_255]

التواير لا تغيرها حزة حاضر و لا تشتت نفسك.. صلح خراباتها أول و خلي تجاربك كله على توايرك الحالية

بالنسبة للريس شيك على الماس اير و قيمته جديد حوالي 190 ريال

الريس ما فيه له لمت... بالعربي لا تطوف الـ 6000 حتى لا تعور مكينتك و اذا فكرت تغير الروس تقدر تزيد 250 سيف لمت

قبل لا تشغل السيارة خلي واحد يتصوخ صوت الطرمبة.. شغل البطارية و اسمع الصوت

اذا فيها صوت ضغط معناته طرمبتك اوكيه و اذا كتمة ما فيها صوت وديها لمكنيكي يقرر لك اذا تحتاج تغيير أو شي لأنه الكتمة و التقطيع ممكن يكون منها

[ALI PONTIAC]

وبالنسبه للريس يرتفع وينزل يمكن من الماس اير مثل ماقال بشار

او

منظم الهواء AIC air ilde controller القطعه صايره في الثروتل فكها ونظفها بمنطف كاربريتر وبعدين رشها wd40

بالتوفيق

[فراغ العاطفة]

الاطارات حاليا هي nitto
راح اشوف اليوم الماس اير ان شاء الله والطرمبة ومنظم الهوا
مشكورين ياجماعة ان شاء الله ارتب السيارة بتشوفون الصور والموفي :d اهم شي ;)

[فراغ العاطفة]

على فكرة الشيك انجن تطلع لما تقطع السيارة
ولما السيارة ما يكون فيها تقطيع الشيك انجن ماتكون موجودة

[bashar_255]

ويش هالموستنج اللي تشك انجن فيه مطفية ؟؟

الله يرحم والديك موترك هذا شكله كرت جديد لا تصير هوسي بزيادة :d

الله يعطيك خيره و يكفيك شره :)

[فراغ العاطفة]

ويش هالموستنج اللي تشك انجن فيه مطفية ؟؟

الله يرحم والديك موترك هذا شكله كرت جديد لا تصير هوسي بزيادة :d

الله يعطيك خيره و يكفيك شره :)
:d:d
ان شاء الله بشار

[فراغ العاطفة]

رحت الورشة السيارة صارت 100% بدون تعديل

[bashar_255]

ما شاء الله .. الله يعطيك خيره و يكفيك شره

الموستنج هالمديلات كم اسعارهم عندكم في الإمارات ؟

[فراغ العاطفة]

والله اسعار وااايد غالية
قبل سنتين تقريبا ال gt على 13 الى 18 كنت اقووول غالي وما اشتريت
والله الحين
ال gt
20الف وفوق في وحدة على 55الف واحد من الشباب ياكد لي انه انظف موستنج في الامارات موديل 93 عند مالك واااحد :eek: يابشار 55الف
وفي gt محول كوبرا 65 الف تقريبا
سيارتي اخذتها على 24 الف
البودي حلو فيه حادث ومصلح الداخلية لاباس فيها
اكس بيب و فلوماستر كاام كلش تواير نيتو دلكو وايرات msd
شو رايك في سعره

[bashar_255]

و الله رايي كان أخذت اثنين من عندنا :d

بس اللي عندك شكله حلو.. جناح كوبرا و شكله جنوط كوبرا ( مو مبين عندي في الصورة عدل ) و ازياق سودان .. يا ريت لو تحط لنا صوره في المنتدى ;)

[فراغ العاطفة]

و الله رايي كان أخذت اثنين من عندنا :d

بس اللي عندك شكله حلو.. جناح كوبرا و شكله جنوط كوبرا ( مو مبين عندي في الصورة عدل ) و ازياق سودان .. يا ريت لو تحط لنا صوره في المنتدى ;)

حاظرين للطيبين

[Red Devil]

سؤال برى الموضوع
مو على اساس انه في الامارات راحو يكنسلو السيارات القديمه !!!

[فراغ العاطفة]

صحيح راح ينكسلوا السيارات بس سيارتي ان شاء الله بعد 2011 نشوف لها حل ثاني اسجلها عمان او الكويت