وصل الهدرز. وعندي كمن استفسار.مفاجئات بالداخل!

[Scary 5.7]

السلام عليكم ورحمة الله وبركاته



حيا الله الشباب .. دائما أقولها فتحملوني .. هل منتدى لازم يصير له سبونسرز لانه مو أقل من ls1tech بشي !! خبرات وجدية واهم شي تعاون بين الشباب والمشرفين الله يعطيهم العافية!!

طيب نجي للمهم ..

تذكرون موضوعي عن الهيدرز الي كنت محتار فيه بين الهوكر والا البيستر !!

أبشركم طلبت لونج تيوب بيستر مع الـ y-pipe وقبل امس كان اليوم الموعود ووصلوا القطع بستر وسلامة :)

هذا المهم .. الحين نجي للأهم ..

1- مكينة الـ LT1 معقدة وضييقة والي حاب يتاكد يجرب يغير بواجي واسلاك . او بالمرة يسأل اخونا المهندس !! :d
طيب السؤال هو اني سمعت من واحد انه لازم تنفك المكينة عشان تركيب الهدرز !! صح والا خطاء ؟!:confused:

2- ودي اجرب شعور الـ Open Headers !! يجي والا مايجي :) يعني هل حركة تضر اكثر مما تنفع والا كيف؟؟ وإذا انها تضر ليش معظم الشباب ب أمريكا مسوينها .. ((واجد يحذرون منها بس هم بعد واجد مسوينها)) الحل يا طويلين العمر؟!!

3- البيستر يجي نوعين .. الاول بدون O2 sensor والثاني مع O2 sensor .. انا طلبت الي معاه الحساس .. السؤال ايش يفرق؟!! ((فرقت معاي 12 دولار :p))

4- ((مهم جدا جدا)) شباب .. ناس واجد خوفوني من موضوع!! قالولي ان اللونج بدون كام رح يطيح العزم !! انا موتري عليه ((طفشتكم منها :) )) رام اير وفلتر كي اند ان + كات باك فلوماستر 3 نش+ الهدرز اللونج ... طمنوني!!

4- إ نشاء الله رح اسوي موضوع خاص بالصور من يوم الإستلام مرورا بالتركيب انتهائا بقومة :) <<< مسوي دعاية :p

5- الله يعطيكم الف عافية وناطر التفاعل الي عودتونا عليه .. :d واناعارف ان مواضيعي فيها غثة بس انا قصدي منها انا نسولف وندردش ونفيد ونستفيد .. بعدين انا ما أثق اسأل حد هنابالرياض .. ((عندهم ما عند جدتي بالتعديل)) !! الي مايعرف اش القطع الي على سيارته والي يجي كل كلمة والثانية يقلك اضرب نوز والي خايف ان الفلتر يضر المكينة والي يقلك الكات باك هونفسة الهدرز وحااااله :3rbe060:


اخوكم: أيهم :)

[احمد]

1- واحد من الشباب ركب لونق تيوب هوكر على كومارو LT1 و ما اذكر انه فك المكينه ... لكن صحيح الشغله وصخه

2- ما في ضرر
الا اذا طولت بزياده ما بتعرف تنام من الطنين اللي في اذونك
و ازعاج قوي جدا
و الناس بتطلع عليك بنظرات حاقده و يمكن يدعو عليك
^
^
توه طالع بالونيت اوبن هدرز :d

3- لازم تركب السنسور لان اذا ما ركبته لازم تكنسله من البرمجه
و مو كل السنسرات تقدر تكنسلها

4- كلام فاضي ما له لا دليل و لا برهان
كله مثل بديع الزمان الهمذاني اللي يقول حدثني عيسى بن هشام ان الهدرز الطويل على الناقه العجفاء يخقق العزم و يلين اللحم و يذوب الشحم :d

5- كل يوم تعال

[ابـــوتـــركـــي]

ماشاءالله بالبركه وعقبال الكام والستروكر :)

1_ تركيبه عاد وماله دخل بفك المكينه اللهم تنزله من فوق الى تحت وبعدين توصل الاسلاك وكان الله غفورا رحيما .

4_ عادي وماعليك من الهربده الزايده .

الباقي جاوب عليهن احمد وماقصر <=== تخبر صايم ومتعيجز اكتب :d

بالتوفيق ان شاءالله

[mortally]

اول شي احب اقول لك الف مبروك على الهدرز

والله يوفقك ان شاء الله

وان شاء الله الخبراء ما قصروا معاك في استفساراتك

والله يوفقك بمشروعك

واخيرا ترا مواضيعك حلوة واحلى شي فيها انها تحرك المنتدى وتطلع خبرات الشباب

فلا تعتقد انها غثيثة

ومنها للاعلى ان شاء الله

[Scary 5.7]

هلا مشرفينا :) ... نور الموضوع !

اخوي احمد..

طيب كم المدة الي تنصح فيها حق الـ Open headers ؟ ويزيد العزم صحيح؟؟

بالنسبة للحساس .. يعني خير ماسويت وطلبت الي فيه السنسور ؟؟ لإني صراحة مدري عن الـ O2 sensor of the Lt1s

____

عزيزي أبو تركي..

تسلم والله طمنتني انت والاخ أحمد حق موضوع العزم .. قايلك سوالف شباب الراياض وماتسوي :)<<< مسوي طالع منهم!!

وناطرين رأيك بالنسبة للاوبن هيدرز << تعيجزت اكتبها بالإنجليزي هل مرة :)


ألف شكر!!

[Scary 5.7]

اخوي بو حسين ..

تسلملي على هل كلمات الحلوة والتشجيع ونور الموضوع بردك يالغالي..

[The Expert]

هلا بيك اخوك ,,

بالنسبة لموضوع الاوبن هدرز ,, ما اعتقد انه فيه فايدة ,, لأن مكينة سيارتك ستوك ,, هذي الحركة يسووها على السيارات القوية واجد واللي عليها سوبرشارج مثلا, فما تحتاج المكينة الى الباك برشر ,, اما في حالتك اعتقد انه بيقل العزم مش بيزيد ,, لانه الباك برشر بيكون معدوم


وموفق انشالله :)

[Scary 5.7]

الف شكر عل نصيحة .. وكالعادة أسم على مسمى ماشاء الله :)

الحين فهمت سالفة الاوبن هيدرز.. عموما الي خوفني من اللونج هيدرز هو سالفة ضياع الباك برشر

تحياتي

[The Expert]

لا تخاف ولا حاجة ,, القطع اللي مركبها ماشاء الله متناسقة مع بعضها 100% :)

[@ ابـوفـهـيـد @]

عقبال الكام والبرمجه


صدقني انواع الدعاوي الاوبن هدرز

جربتها قبل كم يوم كل ما اشطف بيت احس انه فيه عجوز قاعده تدعي وعلى طريقها عطتني دعوه


خصوصا الرياض الله يرجهم

دبه وفلتر لا ومكتوم الموتر والجيران يحبوني وش حال اوبن هدرز


- الله يعطيكم الف عافية وناطر التفاعل الي عودتونا عليه .. واناعارف ان مواضيعي فيها غثة بس انا قصدي منها انا نسولف وندردش ونفيد ونستفيد .. بعدين انا ما أثق اسأل حد هنابالرياض .. ((عندهم ما عند جدتي بالتعديل)) !! الي مايعرف اش القطع الي على سيارته والي يجي كل كلمة والثانية يقلك اضرب نوز والي خايف ان الفلتر يضر المكينة والي يقلك الكات باك هونفسة الهدرز وحااااله

وش اللي ماعندهم ماعند جدتي
ممكن سئلت ناس ماتفهم
صحيح انهم يغشون غاز بس حبايب

[Scary 5.7]

The Expert : شكرا عل مرور وتسلم عل مشاركة :)

الغالي ابو فهيد: موضوع الاوبن هيدرز شلناه خلاص .. من عقب كلامك والاخوان قلت خلينا بالسليم :)

وسالفة عندهم ما عند جدتي ..تقدر تقول ما طلعت معاي إلا بعد ما سالت ورش ((ودون ذكر أسماء)) وهم الي خوفوني من سالفة الباك برشر بعد اللونج هيدرز !!

حياك :)

[ALI PONTIAC]

موفق الغالي في مشاريعك

[$المهندس$]

باقيلك اصعب و اهم خطوه ....


الي وهي البقرمجه و ها امر صعب بنسبه حق ال Lt تعال دور لك تشب و بعدين تعال شوف منو يبرمج لك ...

[bashar_255]

الله يرحم الأحمر :(:(:(


أوبن هيدرز أجي أتكلم ويا واحد بأعلى صوتي ما نسمع شي من بعض

و شرط لما كنت أدقها سلف كل التركية الصناعية تنزعج من الصوت :d


بالعربي كان أعلى صوت 5.0 سمعته حتى الشباب مواترهم اوبن هيدرز تعتبر ساكتة جنب موتري ما أدري ليش صارت موتري كذا

الهيدر كان فلوتش لونق مع كولكتر 3"

[mortally]

ليش ما تفكر تقلب الموتر كربريتر

اذكر مره شفت واحد lt كان عليه بلاور والموتر كان كربريتر


اشهد انه وحش وصورته للحين في بالي الله يهني راعيه فيه بس اختفى الموتر من زمان

اخر مرة شفته كانت قبل 5 سنوات لعب على كل المواتر اللي بالشارع

ومن الزهقة صار يدوس بروحه لانه مافي احد يتجرا ويجرب معاه

[evils1z28]

باقيلك اصعب و اهم خطوه ....


الي وهي البقرمجه و ها امر صعب بنسبه حق ال Lt تعال دور لك تشب و بعدين تعال شوف منو يبرمج لك ...

التشب حق موديل 93 والا كل الموديلات ؟

البرمجة يقدر يفصل البطارية او يعمل Reset للكمبيوتر..هذا الكلام في ال ls1 ...والسيارة تعيد برمجتها من جديد مع الوقت تتعود على كمية الهوا اللي يدخل

بالنسبة لل LT1 مادري اذا كان الكمبيوتر بنفس الطريقة

[Scary 5.7]

حيا الله الشباب ..

اخونا المهندس: انا الي اعرفه ان موديل 96 والـ 97 برمجتهم تكون مثل الـ Ls1 يعني عل داينو ومايبغالها شب .. إحتمال اكون غلطان ب لإني امس سألت ورشة slr وقالولي انه كان هندهم السوفتوير بس باعوه!!

بشار: ماشاء الله على موترك القديم وعقبال الجديد يكون أقوى وصوته اعلى :)

بو حسين: أقلك على سر ؟! انا مو ناوي اغير وابدل واجد بالموتر لأن ببالي كورفت .. إذا الله وفقني إن شاء الله رح تكون عندي السنة الجاية .. ولذاك الوقت Lt1 فل هوائيات مع كمن قطعة زيادة صدقني بيكفي ويوفي :)

evils1z28: إن شاء الله لما اجيب الكورفت أبي اجرب معاك !! :d

بالنسبة للبرمجة معلوماتي مثل معلوماتك .. الموديلات القديمة يبيلها تشب اما الجديدة نوعا ما تتبرمج عادي ..


شباب شاكرلكم مروركم وامس رحت ورشة SLR واليوم بعد التراويح رايح أستلم السيارة مركب عليها الهدرز وجاهزة

[evils1z28]

evils1z28: إن شاء الله لما اجيب الكورفت أبي اجرب معاك !! :d



حاضرين عزيزي ...اي وقت انا جاهز...والله يوفقك تشتري اللي تبغيه ...واذا تبغا تجرب الحين مافي مشكلة بعد :)

[$المهندس$]

التشب حق موديل 93 والا كل الموديلات ؟

البرمجة يقدر يفصل البطارية او يعمل Reset للكمبيوتر..هذا الكلام في ال ls1 ...والسيارة تعيد برمجتها من جديد مع الوقت تتعود على كمية الهوا اللي يدخل

بالنسبة لل LT1 مادري اذا كان الكمبيوتر بنفس الطريقة


انت تتكلم علي الكورفت لانه هل مديل ما نزل الكمارو بس تقريباً نفس الشي و تغير الكمبيوتر و الجير في ال 94

حيا الله الشباب ..

اخونا المهندس: انا الي اعرفه ان موديل 96 والـ 97 برمجتهم تكون مثل الـ Ls1 يعني عل داينو ومايبغالها شب .. إحتمال اكون غلطان ب لإني امس سألت ورشة slr وقالولي انه كان هندهم السوفتوير بس باعوه!!



شباب شاكرلكم مروركم وامس رحت ورشة SLR واليوم بعد التراويح رايح أستلم السيارة مركب عليها الهدرز وجاهزة



علي حسب علمي انه ال LT كلهم ما يقدر يبرمجها ابد الي عن طريق جهاز خاص او عن طريق تشيب


و هل جهاز ما فيه اوبشن كثير اغلبهم ما يشتغلون علي ال LT بسبب مشكله البرمجه

[The Expert]

لإني امس سألت ورشة slr وقالولي انه كان هندهم السوفتوير بس باعوه!!
[/U][/SIZE]

الظاهر هم يقصدو البروجرامر اليدوي مثل الهايبرتك

[Scary 5.7]

8888888

يمكن هذا الي قصدوه !!

بس اليوم رحت استلم السيارة طلع فيه مشكلة ... قالولي ان فيه 5 حساسات O2 للهدرز الستوك .. والموجود بس فتحتين بالهدرز الي جايبه !! يعني لازم يخرموا الهيدرز ويفتحوا فتحات زيادة ... سؤالي هو كيف هدرز من شركة محترمة مو حاسبين حساب هل موضوع ؟!!!

[evils1z28]

8888888

يمكن هذا الي قصدوه !!

بس اليوم رحت استلم السيارة طلع فيه مشكلة ... قالولي ان فيه 5 حساسات O2 للهدرز الستوك .. والموجود بس فتحتين بالهدرز الي جايبه !! يعني لازم يخرموا الهيدرز ويفتحوا فتحات زيادة ... سؤالي هو كيف هدرز من شركة محترمة مو حاسبين حساب هل موضوع ؟!!!


الفتحتين اللي موجودين حق السناسر اللي قدام صح ؟

انت اذا برمجت السيارة تلغي السناسر اللي ورى لأنها غير مهمة لأنها تقرى الكفاءة حق الكاتالك كونفيرتر...لكن اللي قدام هي اللي تتحكم با A/F RATIO ..

.الشركة المحترمة عاملة حساب كل شي :)

ولاتفكر تخرم الهدرز ابدا !!!

[احمد]

الLT1 لها برمجه مثل الLs1 على نفس كمبيوتر الوكاله
لكن نظامه مقارنه بنظام كمبيوتر الLs1 معقد شوي و غبي
تقدر تشوف Hp tuners أو tuner cat أو pcm4less

[Scary 5.7]

طيب اخوي الورشة ماعندها سوفتوير او جهاز لل ال تي ون ... عشان كذا نصحوني اهم يسوون فتح لباقي الحساسات !!

وانا وافقت .. بالله قلي ايش الي يمكن يصير ؟؟ قصدي ايش الضرر ؟؟ تكفى علمني بسرعو لإني بكرة رايح استلمها
ويمكن اقدر اكنسل الفكرة اذا كلمتهم اليوم الصباح

[mortally]

اذا ناوي على كورفت الله يوفقك


او مثل ما يقولون روح والقلب داعي لك


الا ماقلت لنا شصار عالموتر عسى بس صوته يرفع الراس

[evils1z28]

طيب اخوي الورشة ماعندها سوفتوير او جهاز لل ال تي ون ... عشان كذا نصحوني اهم يسوون فتح لباقي الحساسات !!

وانا وافقت .. بالله قلي ايش الي يمكن يصير ؟؟ قصدي ايش الضرر ؟؟ تكفى علمني بسرعو لإني بكرة رايح استلمها
ويمكن اقدر اكنسل الفكرة اذا كلمتهم اليوم الصباح


لو كنت مكانك ..اركب الحساسات اللي قدام والغي اللي ورا...تقدر حتى تقصهم وبتشتغل عندك check engine

وبالكمبيوتر تقدر تحذف الكود حق الحساسات ...وحتى لو ماحذفتهم ..خلي ال check engine شغالة ولاعليك منها...اداء السيارة ماراح يكون بنفس الأداء والسيارة مبرمجة


لكن مو مشكلة خطيرة لاتشيل هم ...مجرد حساسات


وبالنسبة لفتح الهدرز عشان باقي الحساسات ..اهم شي يعملو ال thread حق الفتحة مزبوط عشان مايصير عندك تهريب هواء والحساسات تقرا اي كلام ولاتوافق اذا قالو لك بيعملو لحام للحساس في الهدرز

[Scary 5.7]

طب وايش يصير لو انخرم الهيدرز ؟؟!

[evils1z28]

طب وايش يصير لو انخرم الهيدرز ؟؟!

مايصير شي ولايأثر على شي..اهم شي مسكر عدل ومافيه تهريب وكل شي اوكي :)

[Scary 5.7]

والله عارف اني صجيتك على هل صبح .. بس استحملني شوي .. !! :)

الحين يعني ا اني ما اخرم الهيدرز واطنش ياقي الحساسات واستحمل علامة تشيك انجن لين اجي الشرقة وابرمج .. وهذا مايأثر علاداء ابدا

او

اني اخرم الهيدرز واركب الحساسات وتروح علامة شيك انجن .. وهم هذا ما يأثر عل أداء ابدا !!


كلامي فيه كلمة غلط ؟!!

[evils1z28]

والله عارف اني صجيتك على هل صبح .. بس استحملني شوي .. !! :)

الحين يعني ا اني ما اخرم الهيدرز واطنش ياقي الحساسات واستحمل علامة تشيك انجن لين اجي الشرقة وابرمج .. وهذا مايأثر علاداء ابدا

او

اني اخرم الهيدرز واركب الحساسات وتروح علامة شيك انجن .. وهم هذا ما يأثر عل أداء ابدا !!


كلامي فيه كلمة غلط ؟!!

ماصجيتيني ولاشي ...اضيع وقت في الدوام :d

كلامك صح عندك خيارين وانت شوف اي واحد افضل لك

[Scary 5.7]

تسلملي والله يالغالي ...

بس انا من يوم ماقريت بردك السابق "بس لا تخرم الهيدرز ابدا" وانا اشتغل عندي إنذار الطوارئ ..

الله يغربلهل ال تي ون .. بس إن شاء الله نجيكم الشرقية ونبرمج داينو عند هشام ونلتقي بهل وجيه الطيبة :)

تحياتي: أيهم

[evils1z28]

تسلملي والله يالغالي ...

بس انا من يوم ماقريت بردك السابق "بس لا تخرم الهيدرز ابدا" وانا اشتغل عندي إنذار الطوارئ ..

الله يغربلهل ال تي ون .. بس إن شاء الله نجيكم الشرقية ونبرمج داينو عند هشام ونلتقي بهل وجيه الطيبة :)

تحياتي: أيهم

يارجال بسيطة...هدرز لايشغل بالك

وحياك الشرقية بأي وقت :)

[ابـــوتـــركـــي]

متاكد انهن اربع :confused:

مغيرين لكم كماروهيدرز وفيها حساسين بس والعاده الاربع حساسات للدينالي والاسكاليد حتى الونيت اثنين !!

تاكد .. لاني متاكد انهن اثنين وجميع مكاين الـ LT يجي فيها حساسين

[احمد]

متاكد انهن اربع :confused:

مغيرين لكم كماروهيدرز وفيها حساسين بس والعاده الاربع حساسات للدينالي والاسكاليد حتى الونيت اثنين !!

تاكد .. لاني متاكد انهن اثنين وجميع مكاين الـ LT يجي فيها حساسين

كان عندنا كومارو 96 قير عادي فيه 4 حساسات

الظاهر وارد امريكا كله يجي كدا


انا اقول لا تخرم الهدرز و لا تركب السنسرات الثانيه و كنسلها بعدين بالبرمجه هي و الEGR مره وحده

[$المهندس$]

احمد محد يقدر يبرمج ال Lt الي بجهاز و بلكويت بس فيه واحد يبرمجه و لازم جهاز غيير عن ال Ls


و انا كان عندي مديل 95 بس كان فيه حساسين مو 4 يمكن الامريكي يفرق

[nightdrive9]

الف مبرووك

و ننتظر االصور

وانا للحين ما حصلت هدرز رخيص او معقول السعر للكابرس الاس اس

[احمد]

المهندس

طبعا الlt1 فيه منها Obd I مديلات 95 و تحت
و Obd Ii مديلات 96 و 97

و كل واحد برمجته غير
بس تقدر تحول من واحد للثاني بشويه تعديلات
و مثل ما قلت يبغى له جهاز مختلف عن حق الls1

[Scary 5.7]

حيا الله الشباب ..

أبشركم اليوم استلمت الموتر .. طبعا ما خرموا الهيدرز وما ركبوا الحساسات الباقية ... سدوا فتحة ال egr وان شاء الله رح اكنسل الحساسات الثانية .. لمبة التشيك انجن ولعت .. هل هي مشكلة ؟؟

العزم حلو ماشاء الله .. تقاومت مع اس اس 2008 كابرس عليه انتيك وعطيته سيارتين من صفر !!


ياريت تركزوا على سؤالي .. هشام الملا براس تنورة عنده برمجة LT1 ؟؟

وياريت اي نصايح بالنسبة للحساسات .. الي سويته مضبوط والا كيف؟!!

المشكلة الورشة قالولي ان كل الحساسات الي تحت مسؤلة عن air flow ratio !! معقولة؟!!


اخوكم: أيهم :)

[احمد]

الحساسات اللي في البدايه مهمه
الثانيه تقدر تكنسلها بالبرمجه

و بالنسبه للبرمجه ما ادري وين موجوده
لكن تقدر تطلب لك الشغلات حقت البرمجه من Hp tuners أو tuner cat
و تطلب ملف برمجه جاهز من PCM4LESS بعد ما تعطيهم مواصفات سيارتك

[Scary 5.7]

هذي القومة الي تكلمت عنها .. حياكم

http://www.racing4e.com/vb/showthread.php?p=36859#post36859

[$المهندس$]

المهندس

طبعا الlt1 فيه منها Obd I مديلات 95 و تحت
و Obd Ii مديلات 96 و 97

و كل واحد برمجته غير
بس تقدر تحول من واحد للثاني بشويه تعديلات
و مثل ما قلت يبغى له جهاز مختلف عن حق الls1



انا عارف انه تغير بس يا السمي البرمجه صعبه عليه محتاج جهاز خاص اما ال LS1 ما يتاج جهاز عن طريق الاب توب و برنامج HP و يمشي الشغل :)

[Scary 5.7]

اه منه الـ Lt1 .. كلشي فيه اووكي إلا البرمجة :( !!

شباب .. وين أقدرأبرمج موتري؟؟ سؤال جوهري يطرح نفسه

عموما الله يشهد انكم قصرتوا وكفيتوا ووفيتوا ..


تفاعلكم :)

[احمد]

اه منه الـ Lt1 .. كلشي فيه اووكي إلا البرمجة :( !!

شباب .. وين أقدرأبرمج موتري؟؟ سؤال جوهري يطرح نفسه

عموما الله يشهد انكم قصرتوا وكفيتوا ووفيتوا ..


تفاعلكم :)

اشتري الاغراض و برمج في البيت :d

و اتوقع السالفه ما تحتاج جهاز
السالفه كلها كيبل و برنامج

و لا اسأل جماعه SLR عن اللي اشترى اغراض الLT1 من عندهم

[Scary 5.7]

والله شكلي هذا الي بسويه .. بس انا الي مستغرب منه هو اني شايف صورة لاول سيارة على داينو هشام املا كانت كمارو Lt1 SS !!




و لا اسأل جماعه SLR عن اللي اشترى اغراض الLT1 من عندهم

اخوي انت تقصد ان فيه واحد قد شرى اغراض من قبل من عندهم؟!!

[احمد]

والله شكلي هذا الي بسويه .. بس انا الي مستغرب منه هو اني شايف صورة لاول سيارة على داينو هشام املا كانت كمارو Lt1 SS !!



اخوي انت تقصد ان فيه واحد قد شرى اغراض من قبل من عندهم؟!!

توك تقول ان SLR كان عندهم برنامج LT1 بس باعوه ! :confused:

[Scary 5.7]

8888888888888

هههههه .. صدق اني مخبط .... فرحةالعيد وماتسوي أخوي احمد :)

[DARK BOY]

بس انا الي مستغرب منه هو اني شايف صورة لاول سيارة على داينو هشام املا كانت كمارو Lt1 SS !!

اتوقع تقصد هذي

http://www.racing4e.com/vb/attachment.php?attachmentid=1684&stc=1&d=1222815914


وهذا واحد ثاني أيضا عند هشام .. السيارة عليها LT4 kit ( راسين ومع الهوت كام )

http://img.photobucket.com/albums/v229/Bad95killer/zooming.jpg

http://img.photobucket.com/albums/v229/Bad95killer/NOS.jpg



عموما اخوي أيهم لو حبيت تستفسر هذا تلفون هشام الملا وابو شهد :)

0505885707 هشام
0500616678 ابو شهد

[Scary 5.7]

مشكووور اخوي Drak Boy .. وفعلا عذي السيارة الي قصدتها ..

إن شاء الله بعد العيد اكلمهم وغ شاء الله خير ..

[$المهندس$]

كلام احمد صحيح 100% بعد ما سألت و شفت و الي اعرفه انه مديل 1996 تغير الكمبيوتر لين
OBDII



و البرمجه محتاجه

1- الكيبل

2- السوفت وير

3- تعرف نوع الكمبيوتر او كمبيوتر جديد ...


طبعاً البرمجه صعبه عليه حيل حيل و ما تقدر تلعب في الفيول تو اير وايد لانه محدود و اذا بتغير اي رقم صعب حيل و برنامجه يبيله متمرس عليه

بلكويت عندنه بس واحد الي هو المقهوي اهو يبرمج ال LT

http://carputing.tripod.com/AKM_lt1netfiles/LT1Edit.htm

شوف هذا طريقه اللعب في الكمبيوترعن طريق LT1 edit و اهو سهلا تقريباً بس ما فيه اشياء كثيره يعني .


و بتوفيق ان شاء الله و خبرنه شنو يصير معاك

[Scary 5.7]

الله يعطيك الف عافية مهندسنا .. اكيد رح أشوف وأرد للمنتدى خبر ..

ماقصرت :)

[احمد]

LT1 Edit هذا قديم
اتوقع شغل الHp tuners و غيرهم افضل بكثير

[$المهندس$]

^^^^

مو يا احمد هذا الاسهل و المتوفر بكثر و ال Hp محتاج كل فتره تدفع لهم اشتراك و المشكله انه برمجه ال Lt محدوده للاسف