بالنسبة للكومارو السته سلندر استفسار؟؟؟؟؟؟

[YAssER SS]

السلام عليك ورحمة الله وبركاته :

شباب بالنسبه الكومارو السته سلندرv6 لو بقيت ازوده هل ممكن اني ازوده وهل له قطع تزويد ارجو منكم الأفادة ولكم جزيل الشكر.......

[بو العابد]

مشروعك حق نادي ولا شارع

هلاااااا

[YAssER SS]

اخوي حق شارع يعني مو حق دراق افدني اخوي...

[بو العابد]

اشرايك تغير الماكينة مب اصرف؟

[YAssER SS]

والله قالوا لي كثير من الشباب بس انا اطمح اني ازود مكينة ال V6 لأني سمعت يقولون لها قطع تزويد

[بو العابد]

ما ادري والله بس انت بتزود يعني بتحط فلوس
رأيي لو تاخذ لك ال اس ون وتركبها يكون افضل

[YAssER SS]

اخوي بوالعابد كلامك عدل بس ليش ما احاول في مكينه V6 بدل ما اركب Ls1 لأنها مكلفه جدا وانا اقول يمكن لو بحثنا عن السته سلندر يمكن يكون لها قطع تزويد ويمكن يكون لها اداء قوي ولا شرايكم ...

[بو العابد]

اترك عنك بتخسر عليها مخاسير مالها داعي
ولا فلوسك واجد وتبي تسوي بحوث؟؟

خذلك 350 وزودها مب احسن ؟

[YAssER SS]

أخوي بوالعابد رايك على العين والراس بس ال 350 قديمه انا ابي شي جديد لأن V6 الأمريكي ماسمعت احد زود او غير في اداء المكينه أذا عندك معلومات افدنا مشكور..

[بو العابد]

آسف ما افيدك في ذي الماكينة
ليه ما تركب لك ال تي ون انزين ؟

[YAssER SS]

هلا خوي بوالعابد Lt1 ماعليها كلام بس انا قلت من البدايه ابي شي جديد يعني مشروع تزويد كومارو V6 ويمكن نستفيد ونفيد....

[بو العابد]

يعني مافي فايدة
:(

خلاص بكيفك انا ماعندي فكرة عن هالماكينة

[YAssER SS]

مشكور أخوي بوالعابد على ردودك القيمه وننتظر من باقي الأعضاء الأفاده....

[W351]

عزيزي YAssER SS

ما فيه سياره ولا مكينه في العالم ما تتزود , حتى الفلكس البيتلز القديمه(الخنفسانه) تتزود , مع ان مكينتها تبريد هوا ومكانها
صعب وقديمه الا انها تتزود , لكن الفكره ايش ؟؟ الفكره انك تطلع بأفضل النتايج بأقل التكاليف , يعني الكمارو ال 6 سليندر
لو بتشتغل عليه خفايف مثل اي مكينه بتحتاج الى : كام + رووس + ثلاجه + بكرات , ممكن تستغرب كل هذا خفايف ؟؟
لان اساسا انتاج السياره لهذي المكينه ما كان بغرض التزويد فبتلاقي كل القطع هذي ادائها ضعيف جدا فلازم تغيرها . طيب
بعد هذا ممكن يطلع لك النص التحتي ضعيف :d يعني بتحتاج انك توضب !! لو حسبت تكاليف الشغل هذا صدقني ما راح
يكون اقل من 8 الاف ريال هذا بالنازل . طبعا بيتحسن الاداء وبتلاقي السياره فرقت معك واجد بس وين المشكله ؟؟ يجيك
كمارو ال اس ون مبرمج كمبيوتر ب 500 ريال ويشق موترك شق :3rbe069: . عرفت المشكله اين تكمن :d
طبعا ممكن تدخل في متاهات باور ادر (تيربو + سوبر شارج + غاز) والتكاليف بتزيد . اذا مو هامك تكاليف وفي خاطرك
تسوي شي مميز اشتغل على ال 6 سليندر وبميزانيه مفتوحه وممكن تدخل فيها دراق بعد وتحت ال 10 ثواني بس خل حسابك
في البنك مفتوح .
بو العابد حب انه يختصر عليك المشوار :3rbe192:

[بق بلوك]

حياك اخوي انا حبيت اضيف لك حاجه وحده اذا كنت ناوي تزود انا عندي واحد يرهم



لك مكينتls1بمبلغ حلو \مع برمجتها



واذا كان ودك هذا جوالي 0502087177



وترا 6سلندر قوي انا اعرف شخص زوده وطلع مستوا حلو



بس الثماني يبغاله خفايف

[W351]

عزيزي بق بلوك

وترا 6سلندر قوي انا اعرف شخص زوده وطلع مستوا حلو

احس اللي اشتغل 6 سلندر واحد اسمه عثمان في الدوحه في الظهران ؟؟

[بق بلوك]

لالالا شخص عايلته التركستاني والكمارو وارداليابان



ووكان لونه كحلي بس مشاءالله عليه



سياره وغني عن التعريف لليعرفونه

[بو العابد]

انا نصيحتي تاخذ لك كم فرة في النت وتسال الشباب وبعدين تشوف شنهو الاصرف تشتغل على الستة ولا تحول على الثمانية وإذا بغيت شي ترى حاظرين

[بق بلوك]

صح كلامك ابو العابد



وانا اقول ثمانيه احسن له واذا وبصراحه lt1ابداع وقويه بعد



بلعابدافتح ماسنجر

[احمد]

نصيحه اذا مو في ميزانيتك تبيع السياره و تشتري كومارو 8 سرندل
لا تحط ولا ريال في ال6 سرندل اللي عندك

شوف لك مكينه LSx و ظبطها بكامل ظفيرتها و اكسسواراتها حتى لو صرفت عليها شويتين
بس لا تصرف على ال6 سرندل و تشوف مستواها و يجيك احباط

الله وكيلك صوتها كأنه عصاره جزر :d

[بو العابد]

هههههه صدقت يا احمد

[حسن مطر]

صحيح يمكن يكلف ولا يتعبك زياده

بس اذا ناوي مالك الا ترقعها بتيربو وطيب خاطرك لين تودع اذا ودعت ذيك الساعه ابتدي المشروع صح

[bashar_255]

أي مكينة V8 من أي مديل بتكون جداً مناسبة قدام مشروع الـ V6

[YAssER SS]

شباب والنعم من رايكم والله إن دل فإنه يدل على خبرتكم الطويله في مجال التزويد وشكلي اقتنعت بكلامكم إن ال V6 لو زودتها كيف ماكان ماراح تكون بقوة الV8 في التزويد سواء LT1 أو LS1 ويعطيكم ألف عافية على الأفاده والرد الجميل.....وشكرا..



YAssER SS

[بو العابد]

طيب الزبدة شنهو قررت عليه؟

[YAssER SS]

هلا بوالعابد ابشرك بطيع شورك رايح لل V8 ماقصرت اخوي بوالعابد على تفاعلك مع الموضوع

[بق بلوك]

طيب اخوي وش نويت عليه من نوع المكاين v8



ودنا نعرف اذا ماعغندك اي مانعم



في انتظارك

[احمد]

ركب بق بلوك :d
روس ركتنقل و ديستروك و تسويها 427
تصير حلوه على RPM عالي

اخبر سلندر 366 في التشاليح لو تستخدم الكرنك حقه على 454 تصير 427
و اغلب ال366 يجي كرنكها forged

[YAssER SS]

نويت على بيعت السياره بكبرها وبجيب لي كورفت C5 وبلا تزويد وبلا هم ولا شرايكم

[بو العابد]

الله يوفقك
بس ماقلت لنا كورفيت تماتيك ولا عادي ؟

[YAssER SS]

انا ودي في قير عاي اقوى في العزم ولاشرايكم

[بو العابد]

ليه ماتركب ال اس ون على الكمارو ارخص لك

[W351]

ههههههههههههههههههههههههه هههههههههههههه

بو العابد وراه وراه

[YAssER SS]

ال Ls1 شكلها غاليه يابوالعابد ومكلفه

[بو العابد]

أرخص لك من الكورفت ويمديك تزود بعد
ال اس ون عليها خفايف و اكزهوست سستم وركب لك طقم جنوط ويلد وعط السيارة بوية تطلع كنغ و ارخص بواجد من الكورفيت

[YAssER SS]

صدقت يابوالعابد

ارخص بس هم يبقالها تعزيمه جامده
هههههههههه ولا يالبوالعابد

[بو العابد]

إلا الكمارو وضعه العام اوكي يعني البدي والداخلية والشاصي؟

إذا لا اجل لا تخسر روحك بيعه