مشكلة في الحذاف .؟.؟

[راعي الكابرس]

السلام عليكم ..

ياشباب عندي استفسار بخصوص الحذاف (الفلاي ويل)
بغيت اسأل شلون اعرف اذا الحذاف تعبان او لا .. ؟
وايش الأضرار اللي يسويها الحذاف اذا كان فية تلف بسيط ..؟
:3rbe064:
الماكينة 350 شفر
القير اوتو 350 شفر

:3rbe042:

[ابوشهد]

السلام عليكم
اخوي اذا الحذاف تعورت اسنانه يبدا صوت التشغيل يصير مزعج واحيانا ما تشتغل السياره واذا الحذاف مكسور او متعور بتلاحظ رجه في المكينه

[$المهندس$]

انا بعلوميتي انه الجير التماتيك ماله حذاف .... ؟؟


الحذاف موجود للجير العادي ...

[bashar_255]

انا بعلوميتي انه الجير التماتيك ماله حذاف .... ؟؟


الحذاف موجود للجير العادي ...

و المكينة كيف توصل حركتها للقير ؟ :ehem:

بالإضافة للي قاله أبو شهد اذا الحذاف عندك فيه اعوجاج أو شي عملية دق السلف بتكون مؤذية اذا كانت باردة زي المرسدسات القدم :3rbe066:

[crx b16]

زي ما قالو الشباب

تسمع صوت عند تشغيل السلف

وممكن المكينة تتحرك يعني ترج كثير

[راعي الكابرس]

صحيح هاذا اللي كان صاير معاي واللحين ثالث سلف ودع ...
طيب هل يفرق الحذاف الألمنيوم اذا ركبتة ..؟

[bashar_255]

الألمنيوم أخف و عادة ما يعطي بلنس للمكينة يعني بيكون أحسن

روح خذ لك حذاف من الوكالة اعتقد قيمته 50 ريال لو حاجة كذا :d

[$المهندس$]

و المكينة كيف توصل حركتها للقير ؟ :ehem:

بالإضافة للي قاله أبو شهد اذا الحذاف عندك فيه اعوجاج أو شي عملية دق السلف بتكون مؤذية اذا كانت باردة زي المرسدسات القدم :3rbe066:


هخخخخخخخخخخخخخ ولله الصيام مشكله :3rbe053:


بالي راح بعيد تدري لو اقولك وين راح بالي تضحك صج :d

[bashar_255]

الكلتش صح ؟ :d

[ابوشهد]

اخوي راعي الكابريس السبب الرئيسي لمشاكل الحذاف والسلف هو ميزانيه السلف مع الحذاف اذا كان مايل او بعيد اكثر من اللازم في كل هذي الحالات راح يبتدي السلف يكسر سنون الحذاف او سنونه هو! تاكد ان الميزانيه مظبوطه وبالتوفيق.
الحذاف اذا صار المنيوم او خف وزنه باي طريقه فيه ناس يخرطون اللي يقدرون عشان يخففون وزنه راح تزيد قوه سيارتك والقاعده العامه هو اي جزء دوار في المكينه مثل الحذاف ,البكره و الكرنك ,,,,واي شي يدور كل ما تخفف واحد رطل (نص كيلو تقريبا)تحصل علي 2.7 حصان تقريبا.

[$المهندس$]

بشار قربت :)


و ابي شهد ولله حلو علي نص كيلو 2 حصان .. لانه الحذاف الي عندي ثقيل حيل حيل حيل ولله ما تتوقع وزنه ... واحد قالي وزنه 40 كيلو .. خيالي علي هل محرك ..


و الالمنيوم افضل و نتائج افضل ..

[راعي الكابرس]

اخوي راعي الكابريس السبب الرئيسي لمشاكل الحذاف والسلف هو ميزانيه السلف مع الحذاف اذا كان مايل او بعيد اكثر من اللازم في كل هذي الحالات راح يبتدي السلف يكسر سنون الحذاف او سنونه هو! تاكد ان الميزانيه مظبوطه وبالتوفيق.
.


يعطيكم الف عافية ياشباب ويابو شهد ما قصرت والله .. :cool:
بس حاب اسألك بالنسبة لسالفة الوزنية الصراحة توني ادري فيها ومستغبر لأني مرة خليت فلبيني يركبه ومرة انا ركبتة ما اشوف الا مكان حق مسمارين طوال بس مالة اي وزنية .. وعلى فكرة هاذا يمكن 3 او 4 سلف لأني كنت اركب من الكبار النوع القديم حق ال350 بس المرة الأخيرة ركبت حق LT1 اللي يجي ذهبي صغير فما ادري ايش رايك .. ؟
وانا السيارة في الصباح او اذا كانت باردة تشغيلتها ولا احلى من اول ربع سلف بس اذا صارت حارة تقعد مدهه والصوت حقها عالي طبعاً زي ما قلت لكم .. :3rbe028:
فا ايش رايكم .. وكم سعر الحذاف الألمنيوم تقريباً .. ؟؟

:3rbe188:

[ابوشهد]

كلامك صحيح اخوي هو فعلا مسمارين ومالها وزنيه,,, لاكن اللي يصير انه ممكن تركب سلف يختلف شي بسيط عن سلف سيارتك الاصلي وهذي المشكله الاولي فلازم تتاكد ان ترس السلف يشبك بسكل سليم مع الحذاف .
المشكله الثانيه اللي ممكن تلخبط الميزانيه لما يجيك ميكانيكي فيلسوف ويحط واشرات والسلف اصلا بدون او يضيع واشرات السلف ويقول ياه ما فيه مشكل ,,,,اهم شي عنده ان السياره تشتغل وانت تحاسبه وبس,, وهنا المشكله اذا عندك واشرات اكبر من اللازم الشلف بيكون مبتعد شوي عن الحذاف ويصير التلامس علي طرف السنه طبعا هذا حمل كبير علي الاثنين السلف والحذاف.
من ناحيه عمر السلف ,, فيه عده مشاكل تتسبب بتقصير عمر السلف منها:
1-التشغيل لفترات طويله ,الكربريتر تعبان او عندك مشكله ميكانيكيه وانت تحاول تشغل . المفروض ما تستمر علي السلف اكثر من 15 ثانيه واذا السياره ما اشتغلت لازم تتنتظر علي الاقل دقيقتين وتحاول مره ثانيه وهكذا.
2-الحراره ,غالبا السلف مظلوم ويصير حظه انه جنب الهيدرز او الاكزوست والحراره العاليه تقصر عمره بشكل كبير .فيه عوازل حراريه مخصصه للسلف لاطاله عمره اتوقع ممكن تلاقي بال SUMMIT.
3- الاوساخ عموما مثل تهريب زيت المكينه او الباور عليه وبعد يدخل شوي غبار او تراب ...
4- واخير فيه ناس تستمر معلقه علي السلف بعد ما تشتغل السياره وهذا يرفع دوران السلف بشكل كبير يسبب خرابه, في العاده تكون مساله تعود وما يحس فيها الواحد او انه تكون من السويتش نفسه يعلق.

[راعي الكابرس]

يعطيك العافية اخ بوشهد على هالمعلومات وماقصرت كفيت ووفيت ..