ممكن تدخلون دقيقه ...

[$المهندس$]

شخبارك كيف الحال ...


شباب ودي اركب مكينه كمارو LT1 مديل 1994 علي الومينا مديل 2000 .....


السؤال هنا :


1- هل يركب علي طول وله لازم نعير و نقص في الشاصي ؟؟؟

2- نركب كمبيوتر الكمارو وله الومينا ؟؟؟؟ و اشون علي الارباقات و الاشياء الاخري ؟؟؟

3- هل اقدر انقل ال ABS من الكمارو و احطه علي الومينا ؟؟؟

4- هل يجب تغير مكان الكارتير ؟؟؟

5- شنو المشاكل المحتمله ؟؟؟

6- هل احط جير الومينا للعلم الومينا 6 سنلدر ؟؟؟

7- ابي اعرف التكلفه في تركيب بسعر افتراضي للتركيب ونقل الاغراض و تجفيت المحرك ؟؟؟



http://beckham2004.jeeran.com/cam4.jpg



بدون تحبيط ....

[bashar_255]

1- هل يركب علي طول وله لازم نعير و نقص في الشاصي ؟؟؟

المفروض يركب لك عل طول ما دام أن الـ Ls1 تركب وخاصة ان الشكل السلندر نفسه نفسه ما تغير يعني بالعربي يبغي لك كراسي حق لومينا 8 سلندر و تسقطه عادي



2- نركب كمبيوتر الكمارو وله الومينا ؟؟؟؟ و اشون علي الارباقات و الاشياء الاخري ؟؟؟

كمبيوتر و ظفيرة اللومينا كاملة ما لك شغل فيها امفروض كلها تشيلها و تحط ظفيرةو كمبيوتر الكميرو



3- هل اقدر انقل ال Abs من الكمارو و احطه علي الومينا ؟؟؟

ما أعرف

4- هل يجب تغير مكان الكارتير ؟؟؟

اذا كارتير الـ Ls1 يركب على مكينة الـ Lt1 ركب كارتير لومينا 8 سلندر


5- شنو المشاكل المحتمله ؟؟؟

على حسب قدراتك أنت ما دام انك قلت لي من قبل بتشتغل بيدك معناته لامواحد خبير جنبك طول الوقت

المشاكل اللي أتوقعها بعد التركيب مثل الدفرنش هل هو مثل دفرنش الـ 8 سلندر ؟

6- هل احط جير الومينا للعلم الومينا 6 سنلدر ؟؟؟

يبغي لك قير Lt1 و بعده تاخذ الشفت و اذا يحتاج تقصير وديه مخرطة يقصروه لك بالمقاس اللي انت تبغيه بعد ما تركب القير و ترهم له كرسي جديد بتعرف المقاس المطلوب أما اذا كان قصير فيبيلك شفت طويل مثل حق الكراون فكتوريا فرضاً و ترهمه و انتبه أن تكون فلنجة الدفرنش متطابقة مع الشفت و الرأس كذالك لأنك ممكن تاخذ شفت اللومينا و تركب عليه راس شفت مال قير Lt1 اذا اللي عندك ما يركب


7- ابي اعرف التكلفه في تركيب بسعر افتراضي للتركيب ونقل الاغراض و تجفيت المحرك ؟؟؟

اذا انت بتشتغل بيدك ما بتكلفك كثير بس قيمة القطع اللي بتغيرها و قيمة القطع الجديدة مثل :

كراسي
كارتير
زيوت
فلاتر
بواجي
وايرات بواجي
شغل المخرطة

غيره


تحياتي ،،،

[$المهندس$]

ثانكس بشار ... سكلي بروح حق واحد اعرفه لانه الموضوع يبيله خبره مو اي كلام ..


لازم اروحله و اشوف

[mortally]

احم احم


ما اقدر ازيد اي شي على كلام اخوي بشار


لانه هو ما شاء الله عليه عارف لها اكثر مني






يا اخي بيع الكمارو ..................... شيبي هذا خخخخخخخخخ

الله يوفقك

[$المهندس$]

الكمارو يكسر خاطري :) :)

[راعي الكابرس]

هلا فيك اخوي المهندس اخوي انا ما اقدر افيدك في هالشغلة بس بقولة الأشياء اللي اعرفها .. اول شي ماكينه ال ال تي ون رخصت سعرها من الظفيرة والكمبيوتر 3000 ريال تقريباً وثاني شي اخبر في واحد في حارتنا كان عندة كومارو 99 6 سلندر وقام وركب له lt1 ومشت الشغلة اوكي معدا انه كان يدخن لأن كان يبغالة برمجة وهو ما كان يعرف في سوالف التزويد وكان كل شغله وكالة ومحلات شغل اصلي .. فيقولي هو ان الشغلة كلفتة حول ال 18 الف ريال تقريباً وما كان ناقصة الا العدادات حقت ال8 سلندر وشغلات بسيطة ..
وعلى طاري اللومنا 6 سلندر قبل مدة اسمع واحد يسولفلي عن واحد عندة لومينا ال اس زي حقتك شال ماكينتها وقيرها وقطهم وركب لها قير وماكينة 350 مع بلور وهاذاهو يشتغل عليها اللحين وعاد ما يندرى ...
بس انا اقولك نصيحتي دام ان عندك كومارو وعندك لومينا فخل الكومارو حق التزويد وخل اللومنا حق التمشي والمشاوير ..
وعلى فكرة بعد في واحد من الأمارات اسمة في المنتديات قلق ورجة او (الشرطة) كان عندة كومارو 98 سته سلندر بعد .. وراح وركب له ال اس ون بكربريتر .. وشغله اوووكي وعدل وعلى ما اظن ركب له قير 700 .. وانشاء الله اني اكون افدتك .. وتحياتي لك ...

[$المهندس$]

يعطيك العافيه اخوي كابرس


و لله الكمارو يبيله شغل و صارله حادث و احتمال انه الشاصي متأثر


و قلت احط المكينه علي الومينا لانه عندي ضفيره و عندي مكينه و جير 700 كله جديد و توني معدلهم ...

يعني الي يلزم تغير الكراسي و الظفيره ...


و الله كريم بروح ادرس الخطه مع صاحبي :) وبتوفيق للجميع ...

[بو العابد]

مثل ماقال بشار و راعي الكابرس

بعدين إذا شلت ماكينة الكمارو شنهو بتسوي فيه ؟ معى اني اقول حرام, بفلوس الشغله اللي بتسويها عدل الكمارو يكون أفضل

[$المهندس$]

الكمارو ينباع قطع او ادزه للتشليح ...


او يمكن الاثنين ينباعون طلعت التكلفه عاليه :)

[بو العابد]

ايوه بيع الأثنين و اشتري كمارو Ls1 ولا موستنغ كوبرا

[$المهندس$]

سعر الترهيم و الزوايد و صبغه يطلعون اغلي من سعر الايروك + محرك Ls1 و ثلاجه

جد يكلف وايد و يمكن ما يضبط احتمال انه الدفرنش ما يتحمل او الجير ما يركب عدل ...


لو ازيد 6 الف ريال علي سيارتي اشتري فيهم اس اس 2001 ...

الموضوع ما يسوي الصراحه ... المهم بشوف شنو يصير و يمكن يطلع الموضوع ارخص :)

[crx b16]

اخوي بشار قام بلواجب

وما عندي اي اضافة علي كلامو

[mortally]

مهندسنا بيع الكمارو وافتك منه


واللومينا خلها لانها تنفعك واقتصادية


شوف مهندسنا انا اقول لو تاخذ لومينا او كابرس ss وتلغمهم احسن بوايد


ولو يحصل لك كمارو هم زين


واذا موستنق احسن






وهذي نصيحة اخو لاخوه
وهذا اللي كنت راح اسويه لو كنت مكانك

[mortally]

وحتى لو يكون الكابرس مو ss مو مشكلة في النهاية كلهم نفس الشي


واذا بتاخذ كمارو اخذ بوعدسات
وكل هالمواتر تحصلهم باقل من 2000 دينار



والموستنق اخذ من 99 لانه احلا من اللي قبله وافضل

وبالتوفيق