إلي أهل الخبرة

[الملك العقرب]

بسم الله الرحمن الرحيم
السلام عليكم يا شباب
كيف حالكم انشاء الله تكونون بخير
في نفسي أستفسر عن موضوع تعبيث السيارات
أنا أمتلك سيارة على قد الحال يعني تمشي الأمور
وأريد أن أضيف لها بعض التحسينات على المكينة
لاني أحس أن السيارة ثقيلة في قامتها وممشاها
ولا أعلم ماذا أفعل للسيارة بحيث لاتخرب المكاينة أو القير
فماأدري ماذا أفعل وأنتم ماذا تنصحوني به ؟
بتسئلوني عن السيارة اها صحيح مانسيت
راح أقول لكم وشو أسمها بس لا أحد يضحك :3rbe125:
Nissan (sunny)normal
:o <======= مسكين على قد حاله .

[ابوشهد]

يا هلا بك اخوي معانا وحياك الله
بالنسبه لسيارتك عندنا العضو ابو فهيد هو اللي اشتغل علي الصني انشاء الله يفيدك كثير وانا بعد بحاول اشيك علي السميت ونشوف وش القطع اللي عندهم لسيارتك بس ياليت تخبرنا وش موديلها وحجم مكينتها؟

[$المهندس$]

ولله هل سياره خبير فيها ابو فهد ...


و انا الي انصحك فيه محرك ابرميرا عليها و تون تيربو و شغلااات خفيفه تدخل في ال 400 حصان ..

[الملك العقرب]

هلا وغلا بيكم

سيارتي موديلها 2002م

حجم المكينة 1300

---------
بالنسبة لأخوي المهندس


الله يحفظك انا لو أريد أبدل مكينة

أشتري لي سيارة أفضل من هذه الشغلة

لأنك عارف تبديل المكينة يتبدل معاها القير والعكوس

وشغلات خفيفة بتطلع التكلفة أغلى من شراء سيارة جديدة


أنا الي أريد بس تقوية ممشى السيارة فقط

ولكم جزيل الشكر

[bashar_255]

هذا المحرك بتتعب ولا بتطلع منه شي ..

أسهل شي أنك تشتري سيارة غيرها ...

ننتظر أبو فهيد يمكن عنده نظرة ثانية للموضوع :)

تحياتي ،،،

[الملك العقرب]

صدقت أخوي bashar_255

بس أنا أقول إذا في شئ يحسن من أداء المكينة

يكون أفضل عرفت علي

يعني لو في شئ يحسن من الأداء

بقول أن السيارة ما راح تنباع

إذا مافي لها حل

نهاية السنة هذه راح تنباع

بس ياشباب أريد نصيحتكم

وشو السيارة الي أشتريها

في شخص وضع في بالي سيارة

بس أبي أشوف رايكم فيها وأنتم أهل الخبرة

هو وضع في بالي سيارة مكسيما

بس ما أدري يمكن عندكم نظرة ثانية لسيارة ثانية

أفيدوني بها جزاكم الله الف خير وعافية

[ابوشهد]

انا نصيحتي لك اخوي انك ما تبيع الصني تخليها للمشاوير اليوميه وتشتري لك كومارو:3rbe170: الموديل حسب ميزانيتك اذا تقدر من 98 وفوق شي ممتاز وبتشوف مستوي يرضيك والتعديل سهل وفعال اذا الميزانيه محدوده حاول انك تشتري من 94 الي 97 برضه التعديل سهل والاداء ممتاز,,,,,,, وبالتوفيق

[عليل الضماير]

هلا اخوي فيك .. رام أير أسمه المختصر Cai .. وهدرز قصير بيتعدل أداء سيارتك .. واختر جنوط اخف من جنوط الوكاله .. بيتحسن اداء سيارتك ..

[$المهندس$]

وهم عندك خيار حلو موستنج Lx من 89 الي 93 راح يعجبك ...

[الملك العقرب]

لو سمحت أخوي وشو هذا ( رام أير )

---------------------

بالنسبة لأخوي المهندس

أنت شكلك مستعجل على السيارة

على فكرة أنا السيارة الي عندي ما راح

أستخدمها لقومات أو مثل هذه الشغلات

ولو أريد أشتري سيارة لقومات

يعني لازم بحط في بالي سيارة مثل z350

أو لومينا كوبيه. أو BMW

بس أنا ما أريد القومات إلا على خفيف

يعني أنت خابر مثل هذه الشغلات

أشوي كذا وشوي كذا

بس تسلم على النصائح الحلوة لك يا أخوي المهندس

وكذلك أخوي عليل الضماير

[bashar_255]

هذا الرام اير

http://static.summitracing.com/global/images/prod/large/knn-77-1533kp.jpg




يعني لازم بحط في بالي سيارة مثل z350
أو لومينا كوبيه. أو BMW


اسمح لي أخوي :3rbe049:

تبغي تحط لي العاب سبيس تون

http://racing4e.com/data/media/62/1004.jpg

http://www.lifecar.de/berichte/bilder/nissan_350z_nismo_01.jpg

ويا وحش الدراق اللي مسبب خوف و رعب لباقي المواتر ؟ :3rbe049:

http://www.racing4e.com/vb/attachment.php?attachmentid=274&stc=1&d=1160965703

[الملك العقرب]

يعطيك الف عافية أخوي bashar_255 وماقصرت

وأنشاء الله بتبع نصيحتك وبجرب

[@ ابـوفـهـيـد @]

معليش اخوي العقرب على التاخير بالرد لان مانتبهت

والله الصني مأسااااااه ومافيها رجا ابداً

يعني لا تحط اكثر من 2000 ريال على شان ماتحسف

طبعا المعروف انها 1298 سي سي

شي ثاني انسى تلقى قطع تعديل بالمملكه للصني

ومشكلتها بالخط بعد الـ 140 تحس انها نايمه واتوقع انت ملاحظ هذا الشي

الهدرز مايحتاج تبدله لانه ممتاز ( نفسه تبع الـ 1.8 )

تحتاج كت باك ومالك الاتفصيل

جب دبه وسط ودبه خلفيه وتلفيق مواصير ( هذا الموجود بالرياض )

الفلتر تقدر تطلبه تبع 1.8 يركب دايركت

ولا انك تشتري راس الفلتر وتفصل ماصوره من بعد الحساس

توسيع الثروتل بدي ( ولا تركب تبع 1.8 ) لازم موديل 2001 - 2002

الى هنا بتصف معى كورلا 1.8 الين 120 ( ابووووك يالمستوى )

مجاري الثلاجه ضيقه مره وتحتاج توسيع ( هذي اللي فرقت صح )
كذا بتمحط الصني 1.8 قومه
وبتصف معى الكورلا 1800


والقومه راح تفرق كثير خصوصاً التعشيقه الاولى



الى هنا انا وقفت وتحسفت على التعب
وانتظر الـ sr20det
الخيارات الباقيه
تفصيل طقم بكرات المنيوم بتفرق وخصوصاً بالقومه
بعد كذا ماعندك خيارات سوى انك تضربه بغاز 50 حصان

واذا انت ناوي على الشقا
اطلبلك تيربو

وبالتوفيق







كذا بتحس بفرق بالقومه