المساعد الشخصي الرقمي

مشاهدة النسخة كاملة : عضو جديد (سؤال إلى أهل الخبرة ) أرجو الإفادة

Bedo 372
10-13-2006, 05:43 PM
يا اخوان عندي استفسار بخصوص زيادة سعة المحرك
من المعروف أن سعة المحرك تعتمد على bore وهو قطر البستن
وال stroke وهو طول الشوط
ولاكن إذا أردت أن أزيد من سعة المحرك دون تغيير البساتن يجب أن أزيد الشوط
فما القطع التي يجب تغييرها داخل المكينة ويا ريت لو يكون الشرح بالصور
وآسفييين على الإطالة
$المهندس$
10-13-2006, 06:10 PM
لتغير مسافه الاستروك بطريقتين اول شي الذراع التوصيل .. الكونكتن رود ..


او تغير الاكرنك ...


او ارتفاع البستن ..


هذل هم الي يتحكمون في الاستروك ....


بس تغير البساتن ارخص الطرق و اسهلها و افضل نتائج ..
bashar_255
10-13-2006, 08:07 PM
المعادلة لقياس السعة هي :

نصف البور تربيع × 3.14 × الستروك

لزيادة السعة عن طريق الستروك بتحتاج لكرنك و ذرعان أطول :)

تحياتي ،،،
$المهندس$
10-13-2006, 10:41 PM
الذراع التوصيل .. الكونكتن رود = Conneting rod


:)
ابوشهد
10-13-2006, 11:45 PM
لتغير مسافه الاستروك بطريقتين اول شي الذراع التوصيل .. الكونكتن رود ..
او تغير الاكرنك ...
او ارتفاع البستن ..
هذل هم الي يتحكمون في الاستروك ....
بس تغير البساتن ارخص الطرق و اسهلها و افضل نتائج ..
اسمحلي اخوي المهندس اصحح معلوماتك. الاشياء اللي ذكرتها تغير الكمبريشن وهي نسبه الانضغاط .
تغير الستروك ما يصير الا بتغيير الكرنك وعاده نغير الاذرعه او البساتم فقط لتصحيح نسبه الانضغاط .
اذا الاخ Bedo 372 مو حاب يبدل البساتم ممكن يصحح نسبه الانضغاط عن طريق تبديل الاذرعه فقط(الكونيكنتق رود)
وتحصل في بعض الاحيان ان تبديل الكرنك يكون كافي لوحده خصوصا اذا كانت نسبه انضغاط المحرك نازله وكنت انت حاب تستفيد من القوه الاضافيه اللي بتحصل عليها بزياده الكمبريشن مع الستروك:3rbe162:
اذا حاب نتوسع بالموضوع ياليت توضح لنا نوع المحرك وانشاء الله بنفيدك
تحياتي
ابوشهد
http://www.web-silkroad.com/images/crankshaft.jpg
Bedo 372
10-14-2006, 12:07 AM
شكرا جزيلا لكم يا اخوان على التوضيح
ولكن أغير الكونتكتنج رود أوالكرنك أوارتفاع البستن ولا أغيرها كلها:3rbe081:
السؤال الآن هو :أغير كل هذه القطع ولا أحدها فقط يكفي
واعذرووني لأني مبتدأ
............
bashar_255
10-14-2006, 12:21 AM
تغير الكرنك و الذرعان إلى مقاس أكبر

الا ويش نوع المحرك أخوي ؟
ابوشهد
10-14-2006, 12:24 AM
كل مكينه ولها ضروفها ما اتوقع احد يقدر يفيدك الا اذا توضح نوع المحرك ومواصفاته ومن خلاله نقدر نفيدك
$المهندس$
10-14-2006, 02:24 AM
اخوي ابو شهد في علاقه طرديه بين الاستروك و الكمبرشن ...



زياده في الاستروك = زياده في انضغاط الغاز .. السبب ارتفاع البستن اكثر

و هذا يسبب ضغط علي الغاز و يزيد الضغط ..


و الاذرعه و البساتن يتحكم في شغله وحده ...

و يعطيك العافيه علي التوضيح .
ابوشهد
10-14-2006, 03:13 AM
زياده في الاستروك = زياده في انضغاط الغاز .. السبب ارتفاع البستن اكثر
كلام صحيح 100% والسبب ارتفاع وانخفاظ اكبر للبستن.
و الاذرعه و البساتن يتحكم في شغله وحده ...
يا ليت تبين لنا الشغله الوحيده للفائده؟
سؤالي لك اخوي المهندس ولباقي الاعضاء هو:
هل تستطيع زياده ستروك المحرك بتبديل الاذرعه او البساتن؟
bashar_255
10-14-2006, 06:05 AM
سؤالي لك اخوي المهندس ولباقي الاعضاء هو:
هل تستطيع زياده ستروك المحرك بتبديل الاذرعه او البساتن؟

فيه طريقة غير شائعة .. بساتم نقطة الكونكتن رود فيها اعلى و ذرعان أطول ..

سمعت أحد يتكلم عنها بس ما اعرف كم ممن تزيد في السعة .. يعني لو أنها تزيد في الستروك 0.3 انش فرضاً ما لها داعي خاصة لو كان البور صغير :3rbe163:
$المهندس$
10-14-2006, 02:22 PM
زياده في الاستروك = زياده في انضغاط الغاز .. السبب ارتفاع البستن اكثر
كلام صحيح 100% والسبب ارتفاع وانخفاظ اكبر للبستن.
و الاذرعه و البساتن يتحكم في شغله وحده ...
يا ليت تبين لنا الشغله الوحيده للفائده؟
سؤالي لك اخوي المهندس ولباقي الاعضاء هو:
هل تستطيع زياده ستروك المحرك بتبديل الاذرعه او البساتن؟



ما تقدر تزيد الاستروك لاكن يتغير شكل الاستروك اذا غيرت الاذرعه او البساتن


و الفائده في تيغر شكل الاستروك هو التحكم في الكمبرشن ...



هذي الفائده الواحد الي تحققه من الاذرعه المشابه للكرنك ..


بس انا عندي سؤال ؟؟؟؟؟؟؟؟؟


ليش الاخ يبي يزيد الاستروك ؟؟؟ اذا يبي طاقه ليش ما يكبر ال BORE ؟؟؟؟ :3rbe081:
Bedo 372
10-14-2006, 11:08 PM
السلام عليكم
شاكرين لجهودكم الطيبة وشرحكم الوافي
وفيتم وكفيتم ويعطيكم ألف عافية

كنت أبي أعرف كيف ازيد طول الشوط فقط ؟ والصراحة الشباب ما قصروا
يعطيكم ألف عافية
:) <<<<<<<< خجول
VTEC inside
07-24-2007, 07:16 AM
تغير الكرنك و الذرعان إلى مقاس أكبر

الا ويش نوع المحرك أخوي ؟

كأنه فيه خلل او يتهيأ لي ؟؟

ما تقدر تزيد طول الكرانك و الأذرعة سوا

لازم واحد يطول و الثاني يقصر عشان البستن ما يتجاوز حدوده المسموحة و يركب فوق القازقيت ،، هذا الي اعرفه في هوندا بس ما ادري اذا الأمريكي نفس الشي او لا ؟

بالنسبة لليقاله ابو شهد
وعاده نغير الاذرعه او البساتم فقط لتصحيح نسبه الانضغاط

كلامك صحيح بس فيه مشكلة بالنسبة لكلمة فقط
الأذرعة هم يغيروها عشان تحديد الـ Max RPM

يعني مثلاً لو تجيب محركين و لهم نفس الكرانك و لكن واحد من المحركين له اذرعة اطول من الأخر فهذا المحرك راح يكون عنده max RPM اعلى و راح يكون الـرد لاين ارفع

و نفس الشي يعني كل ما طال الستروك و قصر الذراع، راح يقل الـ max RPM و ينزل برضوا الـ red line

و هذي النقطة وضحتها في موضوع اخر انه بعض الناس يسووا destroke للمحرك عشان يزيدوا طول الذراع و بالتالي يقدر يرفع الـ max RPM من 8500 الى 12000 مثلاً

هل تستطيع زياده ستروك المحرك بتبديل الاذرعه او البساتن؟

لا
اضرب مثال:
عندك حقنة هل يفرق لو سحبت 20 سم مكعب لو كان ذراع المحقان 10 سم او 100 سم ؟

فيه طريقة غير شائعة .. بساتم نقطة الكونكتن رود فيها اعلى و ذرعان أطول ..

انتا كذا راح تزيد الكمبرشن بينما الكرانك راح يسحب بنفس المسافة






كأني مسوي زحمة انا و الله شلون :d