اسفتسار عن التيربو

[toto662]

السلام عليكم وكل عام ونتو بخير

حبيت اسألكم عن التيربو وش التيربو المناسب لسيارتي علما انه سيارتي
GMC TYPHOON 1993
وتوني موضبها ومركب لها بساتن من نوع فيدرال مقاس 30 والكمبرشن 9.2 السيارة معروفه بقوتها وتجي تيربو شد بلدها بس لما اشتريتها كانت بدون تيربو وكانت حالتها تعبانه مره والحين صارت جاهزة تقريبا وبقى علي اركب البخاخات والتيربو
البخاخات حصلت ماركة Accel 30 IBS ونشالله هي الي بركبها
اما التيربو مادري وش اركب هل يصلح اني اركب نوع T3يقولون يعطي قوه من 150الى325 حصان او في شي ثاني احسن منه ابغى اوصل للحد الاقصى للمحرك

[bashar_255]

شيك على ذا :
http://www.turbobygarrett.com/turbobygarrett/catelog/Turbochargers/GT40/GT4082_452232_5.htm

بالنسبة للإنجكترات عندك تكفيك حتى 300-350 حصان تقريباً

تحياتي ،،،

[toto662]

الله يعطيك العافية اخوي المهندس + بشار :d على الرد
طيب في حالة لو خليت البخاخات اكبر من الي اخترته هل يعطيني التيربو هذا قوة زيادة ولا نفس شي من 300 الى 350 ؟:3rbe184:

[bashar_255]

1. مهندس من ؟ :confused:

2. انا اتكلم على اكتفاء المحرك من حجم البخاخ و كلامك يعتمد على البوست اللي بتعطيه ، كل ما اعتمدت قوتك على التيربو أكثر كل ما كان حاجتك لبخاخات أكبر كانت اقوى :eek:

[$المهندس$]

الله يعافيك :)



ولله شوف علي البخاخ الموضوع سهل حول كابريتر و خالصين .. :)


شوف انت اطلب كت تيربو كامل و راح يجي معاه بخاخات و الموضوع يعتمد علي البوست .

[toto662]

اهااااا الحين فهمت :d

طيب خلاص اخر سؤال :confused:

ابغاكم تعطوني موقع فيه نفس التيربو الي قلتو لي عليه هذا + الكت عشان اشتريهم :rolleyes:

[$المهندس$]

للاسف دورت في كل مكان ماكو حق سيارتك تيربو ؟؟؟؟



دورت في اقلب المواقع المعروف وووو و لا حيات لمن تنادي ...


بس راح ادورلك .

[toto662]

طيب وهذا التيربو الي بشار اختاره يصلح وفي مواقع كثير حصلتها عندها تيربو يركب عندي بس المشكلة كانت انه ماني عارف وش اختار بينهم

هذا الي بشار اختاره لي http://www.turbobygarrett.com/turbob...2_452232_5.htm

[$المهندس$]

اختار الحجم الوسط و بوست الي ما يضر المحرك ..


بس الي قاعدين تحطونهم مو كت كامل و الصفحه لا تعمل :)

[toto662]

هذا الرابط http://www.turbobygarrett.com/turbobygarrett/catelog/Turbochargers/GT40/GT4082_452232_5.htm

وعندك الموقع هذا بعد حق شركة Hks بس نفس المشكلة ماني عارف اختارف وشكل الي قالي عليه اخوي بشار تمام بعد

http://www.hksusa.com/categories/?id=1094

[$المهندس$]

شوف هل صفحه

http://www.hksusa.com/products/?id=3086

[toto662]

صحيح انا معاك انه مكتوب Acura وانه مش نفس حق السيارة الي عندي بس الاهم من هذا انه الفتحة حقت القزوز الي تركب عليها التيربو نفس الي عندي وبنفس الوقت جرب بنفس الموقع وكتب فيه نوع سيارتي بيعطيك نفس الي شفته في الصفحة اهم شي الفتحة تكون مطابقة في نظري وبعدها تجي سالفة التناسب وغير كذا الــ Acura ماتوقع انها تجي تيربو هم حاطين في الصورة كت كامل لها ( وجهة نظر ) :)

[bashar_255]

لا تاخذ شي من HKS و خلك على القاريت أو خذ لك turbonetics أو حتى Y2K

[toto662]

Y2k:3rbe031: بس لازم ستروكر كامل وشغله بس خلني على القاريت الي اخترته لي انت

[bashar_255]

الـ Hks شركة تسويق و تيربواتها اغلبها من جاريت فعشان كذا تيربواتهم اغلى من بقية الشركات و نفس الأداء

[ابوشهد]

السلام عليكم
اخوي توتو انا نصيحتي لك هي انك تقسم شغلك مراحل عشان تقل الاخطاء انت عارف ان كل خطاء له ثمن مكلف وممكن يرجعك من الخطوه واحد اللي هي توضيب المكينه مره ثانيه خصوصا ان القطع اللي انت حاطها مو رياضيه.
في الوقت الحالي ركب تيربو حق سيارتك شد بلد اتوقع ممكن تلقاه بالتشاليح خصوصا ان السايكلون اغلب الناس حولوها 8 سلندر يعني بتلقا زي مكينه سيارتك وتاخذ منها القطع اللي تحتاجه.
ثانيا استخدم انجكترات شد بلد لانك راح تتعب من كثر المشاكل اللي بتجيك اذا ركبت انجكترات كبيره بدون برمجه,بالنسبه للبرمجه ارسلت ايميل لشركه بامريكا وانشاء الله نحصل برمجه لسيارتك بس هذي راح تكون الخطوه الثانيه بعد ما تشغل سيارتك زي السايكلون الشد بلد يعني صافي بدون اعطال ولازم تتاكد ان ضفيرتك سليمه وما فيه اي تربل كود .

[toto662]

اهلين اخوي ابو شهد وعليكم السلام ورحمة بالنسبة لتيربو الشد بلد من سابع المستحيلات اني احصله في الشاليح لأنه السيارة تعبت معاها من ناحية قطع الغيار والتشليح فاضي مافي لا تايفون ولا سايكلون وانا من سكان الدمام وصلت الين الرياض ودورة ولا لقيت الا مكينة جيمي 6 سلندر المكينة هاذي فرقها عن مكينة سيارتي في راس المكينة انه صار فورتك والانتيك والثلاجة والثروتل اما السلندر نفس الي عندي بس مثل ماقلت لك انها بدون تيربو ومن ناحية الانجكترات نفس الكلام ماحصلت نفس حق الوكالة في السعودية حتى الوكالة الجميح والتوكيلات قالو لي مانطلب لك فقررت اني اشتري النوع الي ذكرته فوق والكل نصحني فيه وقالي اكثر من واحد انه الكمبيوتر عندي يقرى 30 ماعندي مشكلة وتربل كود ماني فاهم وش قصدك فيه بس لمبة السيرفر انجن مشتغلة على الطبلون يمكن هاذي الي تقصدها والظفيرة الحمد لله في حالة جيدة سؤال على الماشي هل تنصحني اركب تيربو حق مكينة Rb20 او Rb25 ؟ بدال البهذلة الي انا فيها حق الوكالة مالي نية اركبه قلت عندي واحد من ثلاثة واحد من الاثنين الي ذكرتهم لك او الي قال عليه اخوي بشار

وسمحو لنا على الاطالة

[ابوشهد]

لا يخوي حق ال rb 20 ,rb 25 صغار جدا وهم مصممين لمكينه 2000 و2500 سي سي يعني بيسوون لك باك برشر عالي اقل شي ركب حق سوبرا 7mgte او احسنواوفر حل انك تركب هولست حق ديزل حجمه مناسب جدا بس انشاء الله تلقا لك واحدholset w 35 بالنسبه للمبه التشك انجن لازم تصلحصا بس مو الحين اذا جهز موترك امرها سهل ومدامك من سكان الدمام صرنا جيران وانشاء الله نساعدك باللي نقدر عليه عموما الله يحي شباب الدمام يزورونا بورشه هشام الملا برحيمه والدعوه عامه لهواه السيارات ومو لازم تجي تصلح سيارتك حنا نرحب بالجميع ودائما تصير نقاشات وسواليف سيارات.

[toto662]

مع انه تصدق في واحد عندنا في الحارة له تقريبا سبع سنوات يشتغل على التيربو وهاسوالف هاذي ويمكن اكثر بعد شاري له مكينة rb 20 وكل بين فترة وثانية يايغير تيربو يخترب عليه ولا يغير مكينة وهو الي نصحني في حق ال 20 و 25 بس الحين عرفت انه ماعنده سالفة والله يحييك ويشرفني اننا نكون جيران ونشالله لي زيارة عندكم في الورشة خلال الاسبوع هذا

[Black Arrow]

شباب حددو مكان الورشة يمكن نسير عليكم...:)...

بس تراني ما احب الزحمة..يعني بشوف زحمة سيارات بنحاش...هههههههههههههههههههههههه....

[toto662]

صحيح ياليت يابو شهد تحدد لنا مكان الورشة وذا ترسل لي رقم جوالك على الخاص بعد عشان اكلمك قبل لا اجي الورشة :)

[ابوشهد]

الله يحيكم ,,,, الورشه في راس تنوره يعني تطلع من الدمام علي طريق الجبيل واذا جاك مخرج راس تنوره تطلع معه وبعدين تستمر علي طول مع كل الاشارات الين يجيك حرف T وبعدين كلموني اوصفلكم الباقي .
ابوشهد 0500616678

[راعي الكابرس]

هلا والله اخوي تركي ..
قبل كل شي حاب أسألك هل سيارتك دفع رباعي او دفع خلفي .. ؟؟
شوف هاذا مشروع حق واحد بيساعدك كثير

الموتر كان علية تيربو شد بلد وكان البوست على 26 psi وطلع 307awhp حصان و 455awtq التورك طبعاً على الدفع الرباعي المستمر
http://memimage.cardomain.net/member_images/2/web/830000-830999/830729_2_full.jpg

وقام بتغيير التيربو بأخر حجمة T76 dual BB turbo

http://memimage.cardomain.net/member_images/2/web/830000-830999/830729_3_full.jpg

وهاذا التيربو وهو راكب بلحالة ..
http://memimage.cardomain.net/member_images/2/web/830000-830999/830729_5_full.jpg


وركب انتركولر مقاسة A2A
http://memimage.cardomain.net/member_images/2/web/830000-830999/830729_6_full.jpg

وظبط الشغل كلة على بعضة من انتر كولر ومن تيربو ورديتر جديد ..
http://memimage.cardomain.net/member_images/2/web/830000-830999/830729_4_full.jpg

وهاذا الداون بايب ..

http://memimage.cardomain.net/member_images/2/web/830000-830999/830729_14_full.jpg

وهنا الشغل كلة اوكي ...

http://memimage.cardomain.net/member_images/2/web/830000-830999/830729_15_full.jpg

وعلى فكرة الموتر على كلام راعية يجيب في الربع ميل 13.2 على سرعة 160

وانشاء الله اني اكون افدتك ... واذا تبغى صور زيادة قولي ... وعلى فكرة ترى عندي بعض القطع تصلح لسيارتك زي دينمو وكذا شغلة ..

[راعي الكابرس]

وشوف هالموقع هاذا حق برمجة وهالسوالف ..

http://www.efiunlimited.com/files/members/gmc/vhotema/

[toto662]

ماقصرت يابو شهد انشالله مثل ماقلت لك خلال الاسبوع هذا اكون عندك بس بجيك مع واحد من الشباب ماقدر اجي بسيارتي لأنه في مشكلة عندي يبغى لها تعديل ولا فضيت لها :)


هلا والله اخوي راعي الكابرس منور حبيبي وماقصرت على الصور والمعلومات وسيارتي فاصل الدبل من فترة شوي والي خربها علي بعدين الورشة الي كنت مودي سيارتي عندهم ضيعو العادمود حق الدبل وحاليا هي دفع خلفي وصراحة المشروع فادني كثير وياليت تقولي وش القطع الي عندك غير الدينمو يمكن نشتري شي من عندك :)

[راعي الكابرس]

ما ادري بشيكهم وبرد لك خبر انشاء الله ..
وبالنسبة للعامود ادليك على ورشة يرهملك العامود اللي تبغاه ...
ولما تظبط التيربو عاد خلنا نجرب ونشوف الأولد سكول ولا التيربو .. :d

[راعي الكابرس]

وعلى فكرة في واحد عندة جنوط تايفون شد بلد يبغى يبيعهم ..

[toto662]

انشالله استنى منك رد العامود حاليا مافكر فيه الا بعدين :cool:

ونشالله بتكون اول واحد اطلع عليه :d

والجنوط ابي اركب زينة مقاس 20 او 18 بس بعدين :eek:

[راعي الكابرس]

هممممممم انت قولي شنو تبغى وانا اشوفلك لأن الماكينة اللي كانت عندي 2.8 يعني مب كل الأشياء تركب عندك عندي دينمو واغراض مكيف وبكرات وهالسوالف موجودين عندي .. انت قولي شنو ناقصك واذا ما عندي ادبرلك انشاء الله ...

[toto662]

عندك العامود حق الدبل ابغى نفس العامود ماودي افصل لي واحد :)

[راعي الكابرس]

انا عندي قير كامل مع الدبل حقة بس الدبل منيول مب Awd ...