أبشركم : تمت بطولة الدراق في جدة بدون ولا حادث !!

[BAssAM ss]

السلام عليكم ورحمة الله وبركاته
أولا وقبل كل شئ الف الف مبروك الفوز على عيال الشرقية اللي شرفونا في المضمار وفوزهم بالمراكز الأولى في فئتين
والصراحة أبدعونا ومتعوا نظرنا وأسماعنا بقوة صوت محركاتهم ;)
خصوصا ناصر سعد الدين راعي الموستنغ الأبيض اللي فاز بالمركز الأول وربح جائزة تليق بمستواه ( 40 الف ريال )
بعد منافسة جامدة وقوية ومحمومة بينه وبين بطل جدة خالد ناس صاحب المونت كارلو
حيث كان زمن الأول 10,1ثانية وبسرعة 197 كيلو متر , والثاني 10,3 ثانية بسرعة 211 كيلو متر .
كان إفتتاح البطولة عبارة عن سباق قوي بين السيارات النفاثة
وقامت السيارتين مسافة 250 متر وتهدي بعدين :3rbe162:
والصراحة كانت تجربة رائهة وفريدة من نوعها لإنه مجرد تشغيل محرك هالسيارات تشعر بالأرض تهتز من تحتك
ومن أفضل لحظات هاذي التجربة هي مشاهدة سيارة تعدي الربع ميل ( مع تهدية بعد 250 متر ) في 3,8 ثانية !!:eek: وبسرعة 349 كيلو متر بالساعة !!
كان شعور راااااااااااااااائع وبقوة
والحمد لله تمت البطولة وإنتهت بفضل الله وحمده بدون حدوث أي حادث . وكان تجربة حلوة ورائعة وجميلة ;)
وننتظر تعليقاتكم

[بو العابد]

وين الصور :)

[RoYaLe]

ماني متحسف الا على شي واحد

ماكان عندي كاميرا

لكن بصراحة تجربة حلوة

واحسن وقت جابه موستنغ ناصر 9.919

ها يا بسام صورت لنا شي ولا لا:)

[bashar_255]

والصراحة كانت تجربة رائهة وفريدة من نوعها لإنه مجرد تشغيل محرك هالسيارات تشعر بالأرض تهتز من تحتك
ومن أفضل لحظات هاذي التجربة هي مشاهدة سيارة تعدي الربع ميل ( مع تهدية بعد 250 متر ) في 3,8 ثانية !!:eek: وبسرعة 349 كيلو متر بالساعة !!



ما فهمت :confused:

هل القومة 250 متر ؟ أو 400 متر ؟ أو 200 متر ؟

و الحمد لله كانت بدون مشاكل

و أحب ابارك لأخواني سعيد جاسم الهرش و عيال العيسى بالمراكز و اهنئ بقية المتسابقين

و بصراحة انا تشجعت بعد ما شفت نتيجة أخوي سعيد لعدة اسباب و اذا ربك وفق و صار فيه بطولة يمكن نروح

[turbo]

http://www.almadinapress.com/images/thumbnails/52648.jpg
يستضيف ميدان جدة للسباق «JRW» مساء الأربعاء والخميس، الخامس والعشرين والسادس والعشرين من شهر أكتوبر الحالي، أقوى سيارتين بمحركات نفاثة في العالم، في سباق استعراضي بينهما على ثلاث جولات كجزء من الاحتفال بافتتاح الميدان .
ويقود إحدى السيارتين سائق أسترالي، والأخرى سائق أمريكي، وسيكون السباق بمثابة التحدي الأكبر بين أكبر دولتين في مجال سباقات ربع الميل «الدراق» في العالم، أستراليا والولايات المتحدة الأمريكية.
وسيتم تنظيم أول بطولة دراق بالمملكة، تحت رعاية الرئاسة العامة لرعاية الشباب وبإشراف اللجنة السعودية لرياضة السيارات والدراجات النارية وكانت فتحت أبواب الميدان أمام المشاركين للتدريب وإعداد سياراتهم مساء كل يوم اثنين اسبوعياً»، وستجرى التصفيات للبطولة يوم الخامس والعشرين من أكتوبر. أما النهائيات فتجرى في اليوم التالي مباشرة».
تضم البطولة 40 سيارة في ثلاث فئات، وهي السيارات العادية، والسيارات الرياضية، والسيارات الفائقة. وتندرج تحت كل فئة ثلاث فئات أخرى. ففي الفئة الأولى هناك فئات ST/A، ST/B، ST/C. وفي الفئة الثانية SP/A، SP/B، SP/C. وفي الثالثة SS/A، SS/B،SS/C. والحد الأدنى لعدد السيارات المشاركة لكل فئة هي 4 سيارات والحد الأقصى هو 16 سيارة».
يذكر أن ميدان جدة للسباق هو أول واكبر مشروع لرياضة السيارات في المملكة العربية السعودية. ويقع الميدان على مساحة 250 ألف متر مربع شرق طريق المدينة بعد كوبري أبحر في جدة. وتتسع مدرجات الميدان لخمسة عشر الف متفرج.
واتركم مع بعض صور السيارات النفاذه بمحركات اف 16 من منتدى جده بويز
http://www.jeddahboys.com/hosam/f16car1.jpg
http://www.jeddahboys.com/hosam/f16car2.jpg
http://www.jeddahboys.com/hosam/f16car4.jpg
http://www.jeddahboys.com/hosam/f16car6.jpg
http://www.jeddahboys.com/hosam/f16car16.jpg

[crx b16]

انا عندي مقاطع فيديو

الا يبغاها يجي ماسنجر وانا ارسلو هيا

وكلام اخوي بسام صحيح

الارض تهتز يوم تشتغل السيارات

ويوم تمر تحس كانت تبغا تطير من قوة الصوت ومن شده الضغظ الهائل

[بو العابد]

مشاء الله سيارات الشباب واضحه في الصور :)

أقول بشار لاتنسى ان المنافسه راح تزيد المره الجايه

[$المهندس$]

يعطيك العافيه بسام ....


ولله شكلي انا بروح و اشراك :)


اقول بسام انت ما شاركت بلومينا اس اس ؟؟

[bashar_255]

أقول بشار لاتنسى ان المنافسه راح تزيد المره الجايه

أكيد بتزيد و بتصير اكثر قوة :cool:

[ابوشهد]

السلام عليكم
شباب ارجو ان الحماس ما ياخذكم وتنسون السلامه ترا مضمار جده للان ما قامت فيه سياره زمنها اقل من 9 مسافه 400 متر حتي النفاث قام 200 متر فقط يعني المضمار ما يزال تحت الاختبار واذا علي العشره اللي جابها ناصر سعد الدين ترا البقال بالكومارو lt1 جايب عشره بجده وفي البحرين مات ما يقدر يدخل ال12 يعني ترا السنسر مركب غلط .
ولا معقول كومارو عليه بولت اون يجيب 10 :eek: . وما تزال مسافه البريك لم تصحح.
وبعدين مهي المساله سابقو ناس وما صار شي انت بعد تقدر بالشارع تمشي 260 وما يصير شي بس بتكون عرضت نفسك وغيرك للخطر. السؤال هلي حلبه جده جاهزه تماما ولكاذا لا يستعينون بشباب حلبه البحرين الذين عرضو عليهم المساعده بالمجان (لماذا نكابر)

[OXIDE]

الله يهديك يا بوشهد
تقول سنسر خربان
بس
الا كل شي فيها خربان
1 السنسرات 2 الارضيه 3 مسافة التهدية 4 ؟؟؟؟؟؟؟؟؟؟ ماني قايل لاني مابي اغلط على احد
ولا ايش فيها عدل هي
يضحكون علينا بسيارات العشر والاربعطعش ثانيه ولا بسيارة نفاثة لا يهمها تراكشن ولا سسبنشن ولا اي حاجه
والي اكبر من كذا شباب الشرقية ما توقعتكم كذا صراحه كنت افكركم اكبر وافهم من كذا
على طول قمتوا تتناقزون بتروحون كلكم
نسيتوا الى صار لهشام ولدنا ولد الشرقية خلاص يعني
والله ثم والله ثم والله لو يجيبون مو اخوانا وحبايبنا اهل ترك البحرين لو يجيبون كل مصممين التراكات في العالم ويهدونه من اول ويبنونه من جديد ويصير احسن ترك في العالم والله مانتنازل عن ابومحمد لو يبوسون القاع والسما في بوسه وحده
والله ان العباد اشرفلي اروح اقوم فيه مع روحي

[turbo]

OXIDE

وانته الصادق خوي وحشنا هشام في البحرين

http://www.qatifracing.net/vb/showthread.php?p=243698#post243698

turbo

[Black Arrow]

لا تقاوم لحالك في العباد نادني وانا اجيك...:)...

انا اهم شي اخونا هاني سندي صاحب موقع ss4ever حقق المركز الأول في فئته باللومينا ss لأنه صراحة تعب عليها واجد والله وفقه...:)...

والحمدلله انو السباق عدا على خير ولا فيه اصابات....:)..

[bashar_255]

و الله الوضع يوجع الراس و يعور القلب

ما أقول الا الله يعطينا حلبة في الشرقية يكفينا شر المذلة

و ننتظر حلبة الرياض و ان شاء الله تكون افضل و بمراحل

[بو العابد]

الشرقيه:(
متى بس ياربي

[turbo]

ان شاء الله قريب تكون عندكم حلوة

ونزوركم مثل ماتزورونا

turbo

[Black Arrow]

شباب وش رايكم نسوي قطية....ونبتدي نسوي شارع خاص....بعدين نجيب ساعة...شوي ونحط سور وكراسي للمتفرجين...:d..

[بو العابد]

مايبيلها قطيه انت بس قول في قومه الساعه الفلانيه على الشارع الفلاني وشوف العالم

[bashar_255]

خلاص .. القطة عندي شباب :d

[turbo]

من بجي البحرين ياخذ من عندي:rolleyes:

turbo

[$المهندس$]

اقول ما دام عندكم حلبه حق اللمملكه اشرايكم تحطون القطيه عندي


و نسوي دراق في الكويت و يمكم 3 الي 4 ساعات واصلين :)

[Black Arrow]

اقول....خلو ضمن المضمار ساحة درفت خاصة لي وسموها باسمي...:d...

على ذكر القومات...انا الليلة بالقطيف ورونا شطارتكم...هع هع هع ....:)....

[$المهندس$]

افا عليك بأسمك افا عليك :)


بس اخاف لمن تروح كل الناس ما تروح خوفاً من الفتك :)

[OXIDE]

اقول....خلو ضمن المضمار ساحة درفت خاصة لي وسموها باسمي...:d ...
اللـــــــــــــــه ساحة درفت ؟؟
عاد اكيــــد بتبدع انت ؟ والله انك خطير ؟؟
بس عاد مادري شلون بتنتبهلك العالم ؟!؟!؟
لانك دايما بتكون وراي ودخنتي بتغطي عليك

[Black Arrow]

^^^


انت لازم تفتح لي الساحة وتوضب الأرضية وتخليها ناعمة...علشان لجيت انا ابهر العالم....هع...