ملغوم
11-15-2006, 01:23 AM
السلام عليكم جميعا ورحمة الله وبركاته
في البداية ودي احيي كل الشباب اللي سألوا عني وعن الموقع ، وودي اقول ان الجميع بخير والحمد لله ، كان مروري هنا بغرض الاطمئنان على امور الشباب ، والحمد لله اني اشوف بعض الاسماء اللي فقدتها من كم يوم .
مريت على موضوع اخونا الكبير ابو العابد http://www.racing4e.com/vb/showthread.php?t=578 ولتوضيح الامور له ولكل الاخوان المتابعين ، بأشرح اللي صار خلال كم يوم اللي طافت بإختصار ..
قدمت طلب من خلال احد المواقع المعروفة واللي مسجل فيها الكثير من مطوري المواقع ، تقدمت بطلب تصميم خاص وجديد للمنتدى الخاص ونظام مجلة بحيث نغير من شكل الموقع الاساسي ويكون مرتبط بالمنتدى ويكون متحرك اكثر من التصميم الموجود حاليا .
تم الاتفاق مع احد الاخوة على نوع وشكل الستايل وقدمت له كل اللي يبيه من صور وخلافه وراجعته اكثر من مرة في التصميم ، وسويت اللي اقدر عليه من تعديلات تتناسب مع هوايتنا .. وتوكلت على الله وحولت له المبلغ المطلوب ، وانتظرت التعديل ..
يوم الجمعة الماضي دخلت على المنتدى بعد الصلاة واضفت بعض المواضيع والردود ، وطلعت .. وكان هذا آخر علمي فيه
اتصل علي الاخ راعي الكابرس وقال ان الموقع مخترق لأن فيه رسالة بالانجليزي من Egypt Hackers ..طبعا ماصدقت الخبر
رجعت البيت ودخلت الا الكلام صحيح ... كلمت الشركة http://www.onsmart.net/ على وجه السرعة وطلبت توقيف الموقع بالكامل .
على مدى خمسة ايام وانا مع الشركة على الخط الخاص حتى لقوا المشكلة .. وهي ان مجموعة هاكرز من مصر استهدفت السيرفر الخاص بالشركة بالكامل وسوت نفس الحركة مع اكثر من 40 موقع ( وهذا من ايميل الشركة لي )
والمسألة على حد علمي ان هذولي الشباب يبون يضربون كل المواقع الاجنبية ، وللأسف صدف ان موقعنا كان بينهم لكن كان الأضعف بينهم ( وهذي هي مصيبة المواقع http ) لأن المواقع اللي عليها اكثر من حماية هي المواقع اللي لها صفة ( https ) مثل مواقع البنوك وغيرها ..
المهم الشباب ماقصروا .. زرعوا ملف اخذ يمسح قاعدة المعلومات في المنتدى ( لأنه - للأسف - اضعف منطقة في الموقع ) وبالتالي راح الكثير من المعلومات في فترة ماتجاوزت الساعة !!
الموقع تقفل بالكامل - لفترة مؤقته - لحماية المواقع الاخرى مثل موقعكم هذا وبقية المواقع المرتبطة في سعودي هوت وييلز ، ولو انه كان حل ( مر ) لكنه كان هو الحل السليم ..
اظن الاخ / Oxide ماقرا السطر الثاني من رسالة التوقيف حق الشركة ( Site may be under configuration ) واظن انها واضحة لأن الاشتراك حقنا سنوي ولسه مجدده في رمضان وهذا حاله من ثلاث سنوات .
الشي اللي يقهر ان هالشغلة صارت لما الشباب جابوا مراكز حلوة في دراغ جدة .. وكنا مرتبين لهم تغطية خاصة بالاضافة الى الحفلة اللي تم تكريمهم فيها وجمعتنا وياهم من كم يوم ، وتغطية بعض المجلات والجرائد المحلية اللي راح تشوفونها في وقت قصير ان شاء الله ..
احتاج من اخواني اللي يسألون انهم يصبرون علينا شوي لأني نقلت الداتا الى دومين جديد ، بإسم جديد وراح يكون مرتبط جزئيا بموقعنا الرئيسي اللي راح يكون ارشيف فقط للصور والوصلات الاساسية ..
ولو ان البداية من جديد شي صعب ولو بعد مدة .. لكنها ماهي جديدة علينا .. ونعتبر انها مكينة وخبطت :) وراح نوضبها وترجع احسن من اول ان شاء الله
كلمة اخيرة .. نبقى معاكم على اتصال ، وان شاء الله نلتقي واياكم على خير
والسلام
اخوكم غازي ( بوفهد )
في البداية ودي احيي كل الشباب اللي سألوا عني وعن الموقع ، وودي اقول ان الجميع بخير والحمد لله ، كان مروري هنا بغرض الاطمئنان على امور الشباب ، والحمد لله اني اشوف بعض الاسماء اللي فقدتها من كم يوم .
مريت على موضوع اخونا الكبير ابو العابد http://www.racing4e.com/vb/showthread.php?t=578 ولتوضيح الامور له ولكل الاخوان المتابعين ، بأشرح اللي صار خلال كم يوم اللي طافت بإختصار ..
قدمت طلب من خلال احد المواقع المعروفة واللي مسجل فيها الكثير من مطوري المواقع ، تقدمت بطلب تصميم خاص وجديد للمنتدى الخاص ونظام مجلة بحيث نغير من شكل الموقع الاساسي ويكون مرتبط بالمنتدى ويكون متحرك اكثر من التصميم الموجود حاليا .
تم الاتفاق مع احد الاخوة على نوع وشكل الستايل وقدمت له كل اللي يبيه من صور وخلافه وراجعته اكثر من مرة في التصميم ، وسويت اللي اقدر عليه من تعديلات تتناسب مع هوايتنا .. وتوكلت على الله وحولت له المبلغ المطلوب ، وانتظرت التعديل ..
يوم الجمعة الماضي دخلت على المنتدى بعد الصلاة واضفت بعض المواضيع والردود ، وطلعت .. وكان هذا آخر علمي فيه
اتصل علي الاخ راعي الكابرس وقال ان الموقع مخترق لأن فيه رسالة بالانجليزي من Egypt Hackers ..طبعا ماصدقت الخبر
رجعت البيت ودخلت الا الكلام صحيح ... كلمت الشركة http://www.onsmart.net/ على وجه السرعة وطلبت توقيف الموقع بالكامل .
على مدى خمسة ايام وانا مع الشركة على الخط الخاص حتى لقوا المشكلة .. وهي ان مجموعة هاكرز من مصر استهدفت السيرفر الخاص بالشركة بالكامل وسوت نفس الحركة مع اكثر من 40 موقع ( وهذا من ايميل الشركة لي )
والمسألة على حد علمي ان هذولي الشباب يبون يضربون كل المواقع الاجنبية ، وللأسف صدف ان موقعنا كان بينهم لكن كان الأضعف بينهم ( وهذي هي مصيبة المواقع http ) لأن المواقع اللي عليها اكثر من حماية هي المواقع اللي لها صفة ( https ) مثل مواقع البنوك وغيرها ..
المهم الشباب ماقصروا .. زرعوا ملف اخذ يمسح قاعدة المعلومات في المنتدى ( لأنه - للأسف - اضعف منطقة في الموقع ) وبالتالي راح الكثير من المعلومات في فترة ماتجاوزت الساعة !!
الموقع تقفل بالكامل - لفترة مؤقته - لحماية المواقع الاخرى مثل موقعكم هذا وبقية المواقع المرتبطة في سعودي هوت وييلز ، ولو انه كان حل ( مر ) لكنه كان هو الحل السليم ..
اظن الاخ / Oxide ماقرا السطر الثاني من رسالة التوقيف حق الشركة ( Site may be under configuration ) واظن انها واضحة لأن الاشتراك حقنا سنوي ولسه مجدده في رمضان وهذا حاله من ثلاث سنوات .
الشي اللي يقهر ان هالشغلة صارت لما الشباب جابوا مراكز حلوة في دراغ جدة .. وكنا مرتبين لهم تغطية خاصة بالاضافة الى الحفلة اللي تم تكريمهم فيها وجمعتنا وياهم من كم يوم ، وتغطية بعض المجلات والجرائد المحلية اللي راح تشوفونها في وقت قصير ان شاء الله ..
احتاج من اخواني اللي يسألون انهم يصبرون علينا شوي لأني نقلت الداتا الى دومين جديد ، بإسم جديد وراح يكون مرتبط جزئيا بموقعنا الرئيسي اللي راح يكون ارشيف فقط للصور والوصلات الاساسية ..
ولو ان البداية من جديد شي صعب ولو بعد مدة .. لكنها ماهي جديدة علينا .. ونعتبر انها مكينة وخبطت :) وراح نوضبها وترجع احسن من اول ان شاء الله
كلمة اخيرة .. نبقى معاكم على اتصال ، وان شاء الله نلتقي واياكم على خير
والسلام
اخوكم غازي ( بوفهد )