هل توجد لديكم برمجه لكابريس اس اس 96

[كابريس اس اس 96]

بسم الله الرحمن الرحيم

انا حبيت اعمل برمجه لسيارتي اس اس 96 فهل توجد لديكم
لاني احترت هل اعمل فرمجه او لا فياريت تفيدوني بالاضرار مع العلم السياره ستوك واستعمال يومي
وكثير الدوس عليها و حبيت اعمل البرمجه بمحلات او ورشه الاداء العالي
لثقتي فيكم بعد الله بتضبيط المواتر لان اسمع الكثير عن الورشه وماشاء الله الى الامام ياهشام الملا
يابطل الشرقيه

فياريت تفيدوني بسعر البرمجه وماهي الامور اللي ستختلف عندي بعد البرمجه

والاضرار لاني اهتم كثير بالاضرار من مكينه وقير وديفرنش وكهرباء السياره ومن هل المشاكل اللي تصادف المبرمجين لسياراتهم

وشكرا

[عليل الضماير]

من السهل افادتك بالموضوع .. ولكن .. أبو شهد هو المتخصص في محرك سيارتك

بإنتظار أبو شهد .. تحياتي لك

[$المهندس$]

علي حسب علمي تحتاج الي تشيب


ماني متأكد


انشاء الله بو شهد يفيدك ..

[ابوشهد]

احد اصدقائي لديه جهاز لبرمجه كمبيوتر الكابريس 96 ونستطيع التنسيق معاه لبرمجه سيارتك افضل برمجه سيارتك تكون علي الداينو بحيث نقدر نعرف مقدار زياده الاحصنه وضبط نسبه الوقود الي الهواء وتعديل الرفليمت (قطعه الاربي ام) واشياء اخري كثيره.
البرمجه ليس لها اي اضرار نهائيا ولو لاي سبب ما اعجبتك البرمجه نستطيع ارجاع برمجه سيارتك الاصليه وارجاع سعر البرمجه ايضا.
لازم تكون عارف ان قير سيارتك من نوع 4l60e وهذا النوع من القيور عمره قصير وخصوصا اذا كنت دائم السرعه.
بالنسبه لسعر البرمجه فهو من 300 الي 400 ريال حسب عدد البرمجات اللي راح تحتاجها سيارتك علي الداينو اما سعر الداينو فهو 500 ريال.

[BAssAM ss]

احد اصدقائي لديه جهاز لبرمجه كمبيوتر الكابريس 96 ونستطيع التنسيق معاه لبرمجه سيارتك افضل برمجه سيارتك تكون علي الداينو بحيث نقدر نعرف مقدار زياده الاحصنه وضبط نسبه الوقود الي الهواء وتعديل الرفليمت (قطعه الاربي ام) واشياء اخري كثيره.
لازم تكون عارف ان قير سيارتك من نوع 4l60e وهذا النوع من القيور عمره قصير وخصوصا اذا كنت دائم السرعه.


عزيزي ابوشهد :

هل قصدك بالجهاز الهايبر تك ؟؟!!

أو عن طريق برنامج مثل الـ HP حق الـ LS 1 ?

لإنه اللي أعرفه إنه الهايبر تك إمكانياته محدودة .

لإنه في واحد من الشباب عنده كومارو LT 1 عليه كام وهدرز وإقزست ودفرنس 3:73 وأظن إنه عن طريق الهايبرتك مايقدر يبرمج كل هاذي القطع ويطلع كل الأحصنة على الداينو ؟؟



وبالنسبة لقير الـ 4L60E
إيش السبب اللي يخلي عمر القير قصير ؟؟
وهل الكلتشات الرياضية تنهي الموضوع؟ طبعا أنا قصدي لسيارة معدلة مثل اللومينا والكومارو .
وليش السرعات العالية تقصر عمر القير ؟؟


ويعطيك العافية

[Black Arrow]

هل يوجد قير بديل له يركب على الـ Lt1 ويكون عمره اطول؟؟؟؟؟؟

[ابوشهد]

الجهار اللي نبرمج فيه ال LT1 هو tunercat وامكانيته كبيره .
قير ال 4L60E ضعيف من اصله واتوقع اللي مضعفه ان كميه الكلتشات اقل من قيور ال3 سرعات.
الكلتشات الرياضيه تساعد كثير واهم شي مبرد من نوع ممتاز لتبريد الزيت واللي قصدته بالسرعات العاليه انك لما تبدل من ثالث الي رابع وانت دايس فل باور هذا اللي يضعف القير والسبب انه من ثالث الي رابع القير يعتمد علي الحزام اللي يسمونه الباند وهو دائما ضعيف .
للمحافظه علي القير اول شي لازم تتجنب القومات ورا بعض يعني بعد دوسه او دوستين لازم تعطي القير فرصه يبرد والشي هذا انا شفته بنفسي بقير الكورفيت بحكم انك تقدر تقرا حراره زيت القير من الطبلون ولاحظت انه بعد الدوسه زيت القير حراراته تطلع بشكل كبير. والشي الثاني حاول انك لما تقاوم تقوم اول وثاني وثالث فقط الرابع خله للضروره لانه راح يقلل عمر القير.

[Black Arrow]

يعني نكتفي بمبرد قير وترانز قو وخلاص :)..

بسألك هل اقدر اركب قارئ لحرارة زيت القير زي الكورفيت...>> تخيلها في السيفيك :d >>> ما ظنتي

[عليل الضماير]

يعني نكتفي بمبرد قير وترانز قو وخلاص :)..

بسألك هل اقدر اركب قارئ لحرارة زيت القير زي الكورفيت...>> تخيلها في السيفيك :d >>> ما ظنتي

http://static.summitracing.com/global/images/prod/large/cyb-a221e061y_w.jpg

على قد ماتدفع تحصل .. لو تبي عداد يقيس حرارة الركاب :d

[Black Arrow]

كم يعني؟؟؟؟؟يبغاله شغله تركيبه ولا ايزي ايزي

>>> وش ابي في حرارة الركاب بعد خخخخخخخخخخخ

[BAssAM ss]

الجهار اللي نبرمج فيه ال LT1 هو tunercat وامكانيته كبيره .
قير ال 4L60E ضعيف من اصله واتوقع اللي مضعفه ان كميه الكلتشات اقل من قيور ال3 سرعات.
الكلتشات الرياضيه تساعد كثير واهم شي مبرد من نوع ممتاز لتبريد الزيت واللي قصدته بالسرعات العاليه انك لما تبدل من ثالث الي رابع وانت دايس فل باور هذا اللي يضعف القير والسبب انه من ثالث الي رابع القير يعتمد علي الحزام اللي يسمونه الباند وهو دائما ضعيف .
للمحافظه علي القير اول شي لازم تتجنب القومات ورا بعض يعني بعد دوسه او دوستين لازم تعطي القير فرصه يبرد والشي هذا انا شفته بنفسي بقير الكورفيت بحكم انك تقدر تقرا حراره زيت القير من الطبلون ولاحظت انه بعد الدوسه زيت القير حراراته تطلع بشكل كبير. والشي الثاني حاول انك لما تقاوم تقوم اول وثاني وثالث فقط الرابع خله للضروره لانه راح يقلل عمر القير.

يعطيك الف الف عافية ابوشهد وماقصرت :)

وماشاء الله عليك خبرة عالية , والواحد يستفاد من اهل الخبرة دائما :)

وماقصرت .