بداية خطوات الفوكس بدي :)

[Black Stang]

السلام عليكم ..

اخواني الغاليين .. عندي بعض الاستفسارات واتمنى الاقي لها اجابات عندكم

اولا انا الان عندي موستنج 89 وودي اني اغير مكينته لكن فكرت بالـ351 وعلى خبري انها نفسها الي تجي على الاكسبدشن وبعض وانيتات فورد .. فهل الكلام هذا صحيح ؟

وغير كذا هل تركب دايركت والا يبيلها قص وترهيم كراسي ؟؟ والقير حق الموس العادي يتحمل قوة المكينه والا لازم ادور لها قير ؟؟ لان قير السياره اصلا اوتو وانا ابي اغيره عادي اساسا :)

وهل التعديل الخفايف من كامات وما الى ذلك افضل على الـ302 والا الـ 351 ؟؟

وعندي اسئله ثانيه لكن خلنا بهاذي كبداية ..

انتظر نصايحكم ومشوراتكم ..

ملاحظه هاامه : السياره بتكون استخدام يومي بقوووه لدرجة اني اقدر اسافر عليها لو ابي :) لانها ان شا الله بتجدد من الصدام الى الصدام ..

[bashar_255]

الـ 351 تركب لك و الروس حق الـ 302 و الهيدرز يركب نفسه نفسه بس تختلف معاك الثلاجة

أنا لو يرجع بي الزمن أخذ لي 351 .. كان الآن ضامن لي 400 حصان صافية

القير حق الموستنج شد بلده T5 أغلب كلام الشباب و الله أعلم انه أكثر من 300 على الويل ما يستحمل و يضرب عندك الترس الثاني مع الدعس و الإستخدام العنيف .. فيه قير الموستنج أظن اسمه T45 احنا مجربينه على أكثر من 500 على الويل بدون مشاكل و ما ضرب الا بعد 3-4 سنوات مع الإستخدام

هذا يجي على الموستنجات 96 و طالع 4.6 لتر


وهل التعديل الخفايف من كامات وما الى ذلك افضل على الـ302 والا الـ 351 ؟؟

الـ 351 شد بلاده روسه Gt40 و هم اللي يجو على الكوبرا بس الكمبزيشون شامبر اللي له أكبر و يجو حديد يختلفو عن اللي يشتروهم الشباب من مواقع التزويد..

تبغي تستخدمهم لازم تمسحهم عشان ترفع الكمبرشن أو تاخذ للمحرك بساتم ضغط عالي .. و نصيحة اضافية أنك تعمل لهم بورت ..


تقدر تسافر عليها بدون مشاكل لو كان شغلك نظيف و ما كان في السيارة خرابات


خبري عند صلاح البدين 351 مزود اذا ما كنت غلطان


تحياتي ،،،

[Black Stang]

مشكووور بشار على ردك الوافي

لكن برضو ما عرفت الـ351 تجي على اي سياره شد بلد ؟؟ وانيتات فورد ؟

وكم اسعارها تقريبا بدون تزويد ..

وغير كذا انا بالرياض ما اعرف صلاح البدين :)

لو عندك رقمه والا شي يا ليت تزودني فيه

ومشكور مره ثانيه

[bashar_255]

تجي على بعض ونيتات الفورد القديم و القراند ماركيز القديم ايضاً و الإكسبلورر و البرنكو ..


المفروض ما تتجاوز قيمتها 1500 ريال في تشاليح الرياض كاملة


بالنسبة لصلاح للأسف كان عندي رقمه لاكن الآن ما عندي


اذا بغيت سلندر 351 اتصل على خالد خضر بيعرف يدبر لك

0503823744

[Black Stang]

يسلمووو اخوي بشار

بس باتعبك معاي شوي :)

الحين انا كلمت واحد اليوم على اساس انه يشوف لي مكينة 351 .. قالي اغلب الشباب ياخذون سلندر 351 ! وانت تقول سلندر 351 !! هل المقصد ان اخذ السلندرات حقت الـ351 واركبها على 302 الي عندي ؟؟ والا شلون

انا الي فبالي اني اخذ المكينه كامله ويا اغراضها وان احتاجت طرمبة بنزين ادورلي من شركه وما الى ذلك :)

واستجد شي الحين والله يعينك علي :) القير سألت بتغييره قالولي 3500 الـ T5 وانا عن نفسي حسيته مبلغ مبالغ فيه على قير لان اسعار القيور رخيصه يعني معقوله علشان تغيير من اوتو لعادي يزيد لـ 3500 !!

عموما الي استجد بسبب المبلغ السالف ذكره ههه فكرت اني اعدل على الاوتو الي عندي وخلاص فشرايك بالموضوع ؟

وهل بيتحمل الـ 351 !؟

وقريب ان شا الله بحط الصور حقت الموس وتشوف وضعه انت والشباب

شاكر لك تحملي على كثر الاسئله

[bashar_255]

الحين انا كلمت واحد اليوم على اساس انه يشوف لي مكينة 351 .. قالي اغلب الشباب ياخذون سلندر 351 ! وانت تقول سلندر 351 !! هل المقصد ان اخذ السلندرات حقت الـ351 واركبها على 302 الي عندي ؟؟ والا شلون

!!! و الله ما فهمت عليك ولا كلمة !!!

الـ 302 اللي عندك بيعه صرفه افلت زبالة و جيب لك سلندر 351 و ركب عليه الا تبغاه و حاول تشوف واحد نظيف ما انخرط ولا انخرط لكرنك من قبل..

البساتم بالسبايك بجلب التيمن بالقازقيتات سعرهم كامل 420ريال .. أخرطه 4.030 و أخرط الكرنك الثابت 10 و المتحرك 20 او 30

طرمبة ماي قيمتها 110-120 ريال تقريباً

جيب دينمو شارج حق موستنج 94 قيمته 350 ريال

طرمبة زيت ضغط عالي 160 ريال ( اذا عندكم محلات با عاصم في الرياض بتشوف هناك )

و هذي خلصت الأغراض اللي تحتاجها حق السلندر

تبغي تركب روس الـ 351 الشد بلد هذا شي راجع لك بس اذا فيه ميزانية تكفي حق روس لا تبخل ترى مفعولها مفعول السوبر شارجر على بعض المكاين


واستجد شي الحين والله يعينك علي القير سألت بتغييره قالولي 3500 الـ T5 وانا عن نفسي حسيته مبلغ مبالغ فيه على قير لان اسعار القيور رخيصه يعني معقوله علشان تغيير من اوتو لعادي يزيد لـ 3500 !!

عموما الي استجد بسبب المبلغ السالف ذكره ههه فكرت اني اعدل على الاوتو الي عندي وخلاص فشرايك بالموضوع ؟

غالي واجد

سعره فوق الا اذا بجيب القير من عنده بكلتش جديد بالدوسات بشغل اليد بكل شي و تستلم السيارة جاهزة بدون ما تعطيه قيرك ممكن يكون سعره زين

وهل بيتحمل الـ 351 !؟


اذا بتحط عليه تيربو 108 و 400 حصان شوت غاز ما بيستحمل !!!


أخي هذا السلندر ممكن توصل له للـ 800 حصان و أكثر و تستخدمه استخدام يومي ما بيتعب ولا بيقول أخ

[Black Stang]

والله انلحست من جد انا !! :confused:

اوكي ما اختلفنا اني اصرف الـ302 :3rbe042: لكن ما فهمت وشلون جيب سلندر 351 وركب عليه الي تبغاه !!

السلندر السلندر الي فبالي الي هو السلندر ما غيره :d انت مدري تقصد السلندر نفسه والا المكينه والمسمى يختلف !!

عموما مدري سألت اليوم عن 351 كامله طلعت ب 6000 ريال !!!!!!! على ايش مدري صراحه عموما شكلي برجع لفكرة 302 وخلاص لان الي عندي يبغالها توضيب او تغيير وقلت بدال ما اتعب عمري عليها اغيرها 351 ابرك لكن ما باليد حيله :(

وانا قصدي الي يستحمل مو الـ 351 انا قصدي القير الاوتو الي عندي هل بيتحمل لو اركب الـ351 عليه ؟

والله على قل الموارد بالرياض وصعوبة الروحه للشرقيه هالايام شكلها قير T5 ومكينتي اوضبها او اغيرها وشوية خفايف وخلصنا

وان استجد شي ببلغكم <<<<:ama3ad: !

مع ان محد تجاوب معاي الا بشار الله يطول بعمره :)
وشاكر له وساعة صدره معاي

[Black Stang]

اها .. بعد ما قريت موضوعك حق الميكانيك 101 :) عرفت انك تقصد البلوك .. انا فبالي السلندر ما غيره :)

عموما ما اتوقع يبيعون عندنا هنا البلوك لحاله .. لكن خطرت لي فكره بسيطه وسريعه .. لو اطلع الشرقيه سالفة يوم يومين اجيب كل القطع الي احتاجها + البلوك من تشليح والا شي وارجع الرياض اشتغلها براحتي .. وبالمره القط لي قير عادي وبهالطريقه اكون حليت الازمه الي عايشه حاليا :)

لكن تقريبا كم بتكلف الشغله علشان اعمل حسابي .. ؟ وهل القطع متوفره بسهوله عندكم .. مع اني اطلب كل قطعي من الشرقيه لكن للتأكيد :d

يا زين الواحد لما يتكلم ويكون فاهم على الي يكلمه هههه احس براحه نفسيه يوم فهمت قصدك .. انا راح بالي بعيد :d

[bashar_255]

ليش ما يبيعوه لحاله ؟؟؟ اذا مكينة ضاربة ما يبيعوه لحاله ؟؟

على العموم اتصل على خالد خضر و بيوفر لك ارخص من التشليح و الـ351 ما بتحصله في التشليح اصلاً .. سلندر لحاله قيمته حوالي 700 ريال مع الكرنك و الذرعان و ممكن تشوف سلندر موضب كامل جاهز مجهز بـ 1000 ريال أو اكثر بقليل


بدل ما تروح و تجي الشرقية ليش ما تجيب سيارتك ؟؟

[Black Stang]

تجيني فرصه للشرقيه ولا اروح !! :) .. (( الهوا شرقي وقلبي هاوي الشرقيه )) .. لازم اسير على اهلي وخلاني هناك

والسلندر ما يبيعوه لحاله لان المكينه مو متوفره بكثره اساسا فلذلك وين بتلاقي مخبطه :d

زين بكلم اخوي خالد اليوم واشوف وش يقول .. وعسى الاقي عنده شي ..

[Magic_Lx]

هلا بك اخوي

بالنسبه للمحرك حط الـ 351 وانت مغمض وعلى حسب ميزانيتك تقدر تعدل فيها مستقبلاً

اما القير انا من رايي انك تخليه اوتو وتجيب لك كلتشات ريس مع كيت شيفت وامورك طيبه واستخدام يومي

[Black Stang]

حياك الله اخوي Magic_Lx

من ناحية الـ 351 ما عليها خلاف السالفه .. الكلام على تدبيرها وكم تكلفتها مبدئيا ..

ومن ناحية القير والله انا فكرت اني اخليه اوتو وشاورت كم واحد ويقولون خله اوتو ونفس الشي كت شيفت وكلتشات لكن المشكله بالقناعه :) انا مشكلتي احب العادي حباً جما هههه .. وخوفي ان القير مع الوقت ما يستحمل ويطق علي وابدى بالقلق وراه بالرياض :(

عموما انا قربت اخلص من تضبيط السياره من تحت مقصات واذرعه ومساعدات ومن هالسوالف .. علشان بفحصها (( للحين مو باسمي واقفه على الفحص )) .. اخلص من الفحص على طول يلزمني مكينه لانها مشنبره حاليا واكمل تضبيط باقي السياره كنوع من التجديد الكامل

وشاكر لك ردك حبيبي .. فرحتني صراحه

وبانتظار المستجدات لابلاغكم بها :)

[$المهندس$]

هلا ولله اخوي



ولله تبدي الصدق انه الجير التماتيك احسن من الجير العادي من ناحيه التحمل


بس الجير التماتيك اثقل من الجير العادي و الجير التماتيك يضيع احصنه اكثر من العادي


و الجير التماتيك قاعد يتركب علي 3000 حصان بعد يعني ما فيه مشكله اذا كان شغلك نظيف

و انت ما تبي تطلع احصنه وايد وايد


و الله يوفقك .

[Black Stang]

صحيح بس انا ودي ابدى بداية سليمة .. علشان لا بغيت اكمل اكمل على اساس صحيح

فالبداية شوية احصنه تروح مو مشكله لكن بعدين لما تتطور ودك بأي شي يفيدك

شاكر لك ردك يالغلا

[bashar_255]

ولله تبدي الصدق انه الجير التماتيك احسن من الجير العادي من ناحيه التحمل

و الجير التماتيك قاعد يتركب علي 3000 حصان بعد يعني ما فيه مشكله اذا كان شغلك نظيف


المهندس : هذ الكلام على عدد قليل جداً جداً من القيور ..

من أسؤ القيور الأمريكي هو الـ Aod .. لدرجة أني مرة دخلت على موقع لرابطة متخصصة في هالقير حاطة 25 خطوة حتى تخلي هذا القير مناسب و ممتاز للريس و الإستخدام ..

اذا مصر عليه الله معاك .. لاكن القير دورة الزيت فيها بطيئة و طنجرته أي كلام و تعشيقه بطيء .. يعني اذا بتطلب لك مخ كامل من شركة تزويد و كلتشات و طنجرة و شفت كت يمكن بتكلفك تكلفة قير عادي بكلتش ريس

تحياتي ،،،

[Black Stang]

وهذا الي انا حطيته فبالي يا بشار .. من ناحية لو بركب شفت كت وكلشات تكلفتها تقريبا تكلفة قير عادي

عموما القير بخليه لوقته .. بس اشوف موضوع المكينه الحين لاني وضعي متقروش :)

[@ ابـوفـهـيـد @]

اخوي بلاك ستانق دور بتشاليح الياباني يمكن تحصل عندهم مكينه رخيصه
بالصناعيه القديمه ويمكن تحصل القير اللي تبيه

[Black Stang]

ما لقيت بتشاليح الامريكي الاقي بالياباني !

والقير حصلته عند واحد بدون كلتش ولا السلك ولا الدعسات ب 1200 ويقول هو نفسه 94 95 وفوووق .. وانا متاكد ان ال96 يختلف وبشار اكد لي بعد .. خبرك كان عندي 97 قبل :)

<<<<<<<< ترى يعرفك يابو فهيد لكن مو معلمك منهو :) وابشرك قريب من حارتنا ههه

[@ ابـوفـهـيـد @]

هلا والله بولد حارتنا <<<< نصاب مايعرفه

فيه شارع بسمونه باسمي من كثر ما افر فيه


اخبر بصناعيه الخليج كان فيه موستنق احمر تسليح لونه احمر
خلال ثلاث شهور مابقى فيه الا الشاصي نتفوه تنتف


تشليح الياباني تلقى فيه كل بس ترا اسم ياباني <<< لان المكاين تجي من اليابان

اتوقع تلقى بس لاتقولهم حق موستنق تراهم تنح

[Black Stang]

هين الاحمر اذكره كان ما فيه شي فتره بسيطه وانقلب لا شي :)

على الي سمعته بعد انه انسرقت قطعه سرقه كل ما بغى واحد شي قالوله موجوووود راحوا فكوا منه ومشوا :)

عموما بشيك على التشليح مره ثانيه ويحلها ربك ..

وشكلها بالاخير مردنا للشرقيه .. :d

[bashar_255]

http://www.racing4e.com/vb/showthread.php?p=8505

جاهزة مجهزة

[Black Stang]

هاذي معدله من الى ..

انا ابي ابدى ستوووك بشار واعدل متى ما توفرت فلوس .. الحين انا همي اغير المكينه لانها مشنبره الي عندي ودامني بحط بحط احط على شي يسوى .. هاذي فكرتي

الله يعييين :) خوفي اخرتها 302 وستوك بعد

[@ ابـوفـهـيـد @]

كانك تبي قير الــ 99 وفوق
فيه وحده فضيه بتشاليح الحاير لونها فضي
قير عادي شوفه بكم يقولك

لايكون انت راعي الموستنق الاسود 94 سته سلندر حاط صفيره <<<< يموت ضحك لاشافه

[Black Stang]

لا لا يا عمي اي 94 واي صفيره هههههه
اقولك 97 وبعتها الله لا يردها :)

واما باخذ موس 6 سلندر .. معلييييييش ما اعتبرها موس اصلا <<<< مع احترامي لملاكها :)

والقير انا لقيت 96 بالحاير واول ما جيت للسوداني عندك موستنجات قال لاااا ولا حتى حاجه صغيره منها !! واطالع داخل فيه 3 موستنجات ! .. وسألت واحد ثاني قلت ماني مكلم هالخايس قالي ب 3000 بدون ولا شي بس قير لا وبرجيع وابشرك بدون تركيب .. يعني يووووووووولي :) .. الحين دبرت الـ T5 لموديلات 95 وتحت كامل بدعسات بكلتش بكل شي ب1500 طبعا بدون تركيب بس بشوف مع رجيع والا لا لان القير لصاحبنا .. وان ركبت مكينة 302 بروحله واخذ القير لانه شكله الخيار الوحيد المتاح :)

شاكر اهتمامك يابو فهيد

[@ ابـوفـهـيـد @]

97 سودا قد جربت معك على شارع الامير بندر

انت ياولد الهوى او خويه الثني نسيت اسمه

[bashar_255]

هذي المكينة بتكون ارخص من أنك تقعد تعدل بنفسك على فكرة

[Black Stang]

ابو فهيد :

ما اذكر اني جربت مع احد بالامير بندر .. ولد الهوى !! ههه لا والله ولا اعرفه .. عموما الايام بيننا :)

بشار :

زي فكرة التقسيط صح انها بتكلف اكثر لكن تناسب تطلعاتك :)

والله بديت احس من كلامك ان فكرة 351 ستوك ما تنفع ! .. احنا ندور ونشوف وان خربت خربت 302 وربك يعين

[$المهندس$]

يا اخي انت كم هورس بور تبي تطلع ؟؟

[Black Stang]

كبداية يا مهندسنا مابي اطلع شي .. اي شي بيرضيني .. لكن مستقبلا ابي اتجاوز الــ400 :) .. طبعا مستقبلا <<< طموحه على قده :d

[bashar_255]

351 شد بلده أحسن من 302

أقل شي خذ لك ثلاجة و كربريتر و شوف الشغل كيف

[Black Stang]

هذا الي ابي اوصل له لكم .. اني ابدى بشي يكون احسن لو شد بلد وان بغيت ازود اكون مزود على شي يستاهل

وفكرة الثلاجة والكربريتر هي الي فبالي لان الانجكترات شغلتها طويله

عموما اخر المستجدات ان السياره بتخلص بكره من التصليحات السفليه (( مقصات اذرعه ...الخ )) وان شا الله بعدها الفحص وانقلها باسمي ووقتها الي يكتبه الله بيصير .. سواء توفقنا بالـ 351 والا الـ302 والله يصبرنا :)

شاكر لكم تحمل الغثا وياي ..

[@ ابـوفـهـيـد @]

وشدعوه حق وواجب <<<< يعني مسوي شي
لاكن فكر بالمكينه اللي اعطاك اياها بشار
صح حالياً بتدفع همجه لاكن صدقني بتشتري مخك وحوسه الطلبات والشد

[Black Stang]

وقت الطلبات الله يعين .. اما الحين الله يعين على المصاريف الي وراي هههه والا ان كانك بتسلفني ترى ما اقول لا :d

بكره الصباح الفحص ان شا الله وادعو لي بالتوفيق وبعدها نخلص من موضوع الاستماره ويبدا شغل الجد والقلق :)

[bashar_255]

الله يوفقك

اذا ميزانيتك بسيطة خلك على الـ 5.0

جيب قير عادي و ريشيو 4.10 و بكرة كرنك صغيرة ألمنيوم و أفصل الباور و أمسح الروس و اعمل لهم بورت و ركب لك هدرز شورت و دبات فلو ماستر .. صدقني بتستغرب

[Black Stang]

والله شكله هذا الي بيصير .. الحمد لله خلصنا الفحص اليوم وتجديد استماره وكل شي تمام التمام .. واليوم بكمل نقل ملكيه وتصير باسمي واخلص :)

بعد دراسات وتفكير عميق بديت اشوف الـ302 بالفتره الحاليه افضل لي .. الميزانيه كل مالها في تخربط !

وان شا الله ارتقي لمستوى اعلى بوقت توفر ميزانيه ترفع الراس :) .. اما الحين خلنا حبايب هههه

لكن بشار عندي سؤالين بسيطين .. شلون افصل الباور ! وغير كذا الريشيو حاولت اعرف وشو من قبل ولا عرفت لو توضح لي وين موقعه بالضبط يمكن اعرف له مسمى ثاني والا شي .. :) شاكر لك تواصلك

[Black Stang]

على فكره .. سيارتك نفس لون ومظهر سيارتي تقريبا .. بعدين MAD هاذي لي لانها اختصار لاسمي :d

عموما ما نختلف على النك حلال عليك <<<<<< كان معتمد انه له :p

بوريكم صورتين للكبوت وجنب السياره .. للاسف هذا الي امداني اسويه الحين

1.
http://farm1.static.flickr.com/182/389998899_d95788b810.jpg

2.
http://farm1.static.flickr.com/147/389998903_8822daabdb.jpg

طبعا الحفله الي تحت الكبوت ان شا الله بتتنظم بعد تغيير المكينه .. مع مراعاة انها حفله كويسه نسبيا على سياره بهالموديل وواقفه اكثر من 7 سنين تحت شمس الرياض وعوامل التعريه :)

[$المهندس$]

ماشاء الله و الله يعطيك خيرها و يكفيك شرها


و اللون حلو و جميل بس المكينه يبيلها غسيل بخار :)


و الريشيو هي Ratio يعني النسب و التناسب مثل الكرونه 3:1 يعني عامود القاردن يفتر ثلاث فرات و الاطارات تفتر فره وحده

و يعتمد علي عدد الكرونه و البينون وهو عدد تروس الكرونه تقسيم عدد تروس البينون ..

[mortally]

ماشاء الله موفق اخوي في مشروعك

وان شاء الله نلحقكم بمشروع عن قريب

[Black Stang]

المهندس :
الله يجزاك خير .. لكن ليه غسيل والمكينه بتذلف :) نغير المكينه وننظف بعنف ههه

اما سالفة الريشيو كما يحصل دائما معاها ما فهمت :d >> حصل خير ههه

mortally :

بارك الله فيك ان شا الله تلحقنا وتتعدانا بمراحل .. وهذا الغالب الي بيصير لان مشروعنا على قدنا :)

[bashar_255]

لكن بشار عندي سؤالين بسيطين .. شلون افصل الباور ! وغير كذا الريشيو حاولت اعرف وشو من قبل ولا عرفت لو توضح لي وين موقعه بالضبط يمكن اعرف له مسمى ثاني والا شي .. شاكر لك تواصلك


جيب لك سير أقصر و ركبه و لا بيشتغل الباور .. فكه و ارميه

الريشيو عكس ما قال لك المهندس بالضبط .. اذا لف الشفت لفة يخلي الدفرنش يلف مرتين أو ثلاث أو 4.1 لفة لكل لفة للشفت على حسب رقم الكارونة

بعدين MAD هاذي لي لانها اختصار لاسمي

انا استخدم هذا الإسم من 2005 ما لك حق فيه :d

طبعا الحفله الي تحت الكبوت ان شا الله بتتنظم بعد تغيير المكينه

ويش فيها المكينة ؟؟

ليش تبغي تبدلها ؟؟

[$المهندس$]

الريشيو عكس ما قال لك المهندس بالضبط .. اذا لف الشفت لفة يخلي الدفرنش يلف مرتين أو ثلاث أو 4.1 لفة لكل لفة للشفت على حسب رقم الكارونة



بشار الدفرنش و الجير يعتبرون Speed reduction اي سرعه تباطي


ف اذا سرعه تباطئ لازم يكون الترس القائد الي الخارج من المحرك اصغر من الترس المنقاد تبع الاطارات


كنت اعتقد نفسك انه ترس تسارع يعني سرعه المحرك 4000 دروه و الريشيو 1:4 مثلا


ف يصير 16000 الف دوره يطلع من الجير بوكس ؟؟؟ :eek: كنت احسبها في الثانيه 266 دوره !


معقول فيه جهاز يفتر 266 في الثانيه حتي العقل ما يستجيب هل موضوع



ولله عاد بقيت اكتب عن النسب و التناسب بس اخترب الموضوع :d


http://beckham2004.jeeran.com/toru.JPG



شوف هذا يدل علي الجير و الدفرنشل شوف الايد تعبر المحرك و الاطار علي اليمين


سبب وضع ترس القائد اصغر من الترس المنقاد لسبب واحد وهو زياده في العزم


عشان جذي قاعد اقولك انه العزم اهم من الاحصنه :rolleyes:



http://beckham2004.jeeran.com/tou%202.JPG



هذا في الغيار الاخير اي يكون نسبه الترس 1:0.9 بهل حدود و اقل ف يتكون ترس تسارع للسياره و العزم يقل بشكل كبير ..



http://beckham2004.jeeran.com/tour%203.JPG


هذا يعلمك اشلون تطلع نسبه التروس وهي سله حيل فيه غلط في الكتاب وهي ال Z1= الترس المنقاد الي اهو الاكبر .... Z2 = عدد اسنان الترس المنقاد



توضيح اكثر


http://beckham2004.jeeran.com/tour%204.JPG



ف مثلاً عندنا ترسين الترس القائد 25 و ترس المنقاد 60


ف انه نسب هذا الترسين 1:2.4 يعني الترس الصغير القائد يدور دروتين و نص كي يدار الترس الكبير دوره واحده فقط ..



نهايه الجير احب انوه فما يلي ..



عشان تطلع العزم النهائي للجير ف يكون كتالي



نسبه الجير * عزم المحرك علي الفلاي ويل ..


مثلاً سيارتي عزمها 200 نيوتن متر و نسبه الجير الاول 3.4 و الثاني 2.6



ف انه في الغيار الاول يكون العزم النهائي 680 نيوتن متر طبعاً بدون الدفرنش ..


و الغيار الثاني 520 نيوتن متر هم بدون الدفرنش



من هل منطلق لو نجرب انه نحرك السياره علي النسبه الرابعه اي 1:1 ف راح تحس بصعوبه


لانه العزم نازل 200 نيوتن ...


الحين اشوي عن الدفرنش .



http://beckham2004.jeeran.com/tou%206.JPG


شوف الدفرنش شوف الشفت الي داش علي اليسار الي عند شعار الموضوع ..


هذا عامود الكردان (( القاردن )) متصل معاه البينون هذا القوه الي طالعه من المكينه و الجير و داشه علي البكسس ..


و متصل معاه الكرونه الي يسمونه التاج او الترس الرأيسي الي بعاده يكون اكبر من البينون ..


ف اذا كان البينون الترس الي جاي من المحرك اصغير من الترس الرئيسي ف هذا يعني

انه البينون يدور اكثر من الترس الرئيسي لانه اصغر منه



ف الدفرنشل في السياره للعزم و النسبه تختلف من 4:1 و 1:4


احنا احتاك ال 1:4 لانه الشكل الصحيح للتباطئ


خلني في المنطق المحرك يدور 5000 دروه و احنا في الغيار الاول و نسبته 3.6 و الدفرنش نسبته 3.7 و العزم المحرك 330 نيوتن

ف انه عندما تدخل ال 5000 دوره الي جير بوكس راح تصير 1388 دوره خارجه من الجير بوكس

يعني هذي سرعه عامود القاردن و يصبح العزم 1188 نيوتن متر عزم القاردن ...


و عندما ينتقل الي الدفرنش فأنه ال 1388 دوره تصبح 375 دوره في الدقيقه صحيحه انه الرقم

قليل لاكن العزم هااااااائل راح يصير 4300 نيوتن متر تقريباً ...




http://beckham2004.jeeran.com/tour%205.JPG



و هذي كيفيه حساب النسب ...


و اذا تبون قانون التورك مو عندي اي مشكله ....


و اسف علي الاطاله :)

[$المهندس$]

للتنويه ..

الملعومات من كتاب مقرر علينه اسمه نقل القدر 1


و الكتاب يدرس في جامعه سعوديه و اصل الكتاب سعودي .. :)

[Black Stang]

بشار :

ليه بغير !! مو قلنا مشنبره ومحتاج توضيب اوو تغيير ..يعني فيه فك وشغل وزيوت وفله هه يعني لازم انتظر لما اخلص واغسل

بعدين انت مستخدم MAD من 2005 لكن هذا اختصار لاسمي وشوف متى صار اسمي عاد هههه

المهندس :

شاكر لك الشرح الوافي .. لكن ما قدرت اقراه الحين لاني داخل سريع سريع وبطلع ..

عموما اليوم لما ارجع بقولكم وش صار معاي لانه فيه اشياء استجدت وعجبتني صراحه :)

[bashar_255]

أنا بتكلم على قد فهمي يعني لا أحد يحسب هربدتي صح :d

http://beckham2004.jeeran.com/tou%202.JPG

عشان كذا اقول لك الهور باور أهم من التورك و كلام أن القوة تحصيل حاصل التورك ليس دقيق لأنهم نواتج دوران المحرك الناتج عن 16 شغلة في المحرك



http://beckham2004.jeeran.com/tou%202.JPG
هذا في الغيار الاخير اي يكون نسبه الترس 1:0.9 بهل حدود و اقل ف يتكون ترس تسارع للسياره و العزم يقل بشكل كبير ..

تقرأ بالعربية 0.9 الى 1 يعني أقل فأكيد بيدور بعدد لفات أقل من الكرنك




كنت اعتقد نفسك انه ترس تسارع يعني سرعه المحرك 4000 دروه و الريشيو 1:4 مثلا


ف يصير 16000 الف دوره يطلع من الجير بوكس ؟؟؟ كنت احسبها في الثانيه 266 دوره !


معقول فيه جهاز يفتر 266 في الثانيه حتي العقل ما يستجيب هل موضوع

تخيل و لنفرض جدلاً أن الكفرت هي عبارة عن العكس لحاله نازل في الأرض هنا بتصير الـ 266 معقولة واجد صح ؟ :d

كل ما تقربت من المركز كل ما زادت السرعة صح ؟؟

لما أكتب 4.10:1 اقرأها من اليسار الى اليمين كاتبها انجليزي 4.10 إلى 1 يعني 4.10 ضعف

و بالمثل لما أحط نسب أدنى مثل كارونتي 2.73:1 يعني أضعاف أقل من الـ 4.10 يعني تسارع أقل

كل وا كبر الرقم زاد التسارع و كل ما قل قطر التاير قل التسارع

عشان كذا أنا كتبت لك

الريشيو عكس ما قال لك المهندس بالضبط .. اذا لف الشفت لفة يخلي الدفرنش يلف مرتين أو ثلاث أو 4.1 لفة لكل لفة للشفت على حسب رقم الكارونة

لأنه مو التاير .. من تاير لتاير يفرق


هذا و الله أعلم :)

[bashar_255]

ليه بغير !! مو قلنا مشنبره ومحتاج توضيب اوو تغيير ..يعني فيه فك وشغل وزيوت وفله هه يعني لازم انتظر لما اخلص واغسل

اذا بتستخدم أنا أنصح بالتوضيب .. تحس حالك راكب موتر جديد يا شيخ :)

و اذا بتوضب تقدر تعمل كم حركة تزيد العزم داخل المحرك ايضاً

[bashar_255]

المهندس : اذا بغيت تفتح موضوع جديد بس لا تخرب موضوع الرجال :d

[Black Stang]

بشار :

التوضيب يعطيك احساس بالحداثه <<<< متعووووب عليها

وانا طبعا ابي استخدام

بعدين لا تخليه موضوع جديد ولاشي احنا قاعدين نتحاور <<<< برضو متعوووب عليها هههه

واليوم بالليل برجع اسرد لكم المستجدات :)

[$المهندس$]

أنا بتكلم على قد فهمي يعني لا أحد يحسب هربدتي صح :d

http://beckham2004.jeeran.com/tou%202.JPG

عشان كذا اقول لك الهور باور أهم من التورك و كلام أن القوة تحصيل حاصل التورك ليس دقيق لأنهم نواتج دوران المحرك الناتج عن 16 شغلة في المحرك


--- اكيد بس نسبه الكرونه اسهل شي نجيب فيه التورك بدون عوار الراس



تقرأ بالعربية 0.9 الى 1 يعني أقل فأكيد بيدور بعدد لفات أقل من الكرنك


--- شكلي انا كتب و انت ما فهمت انا شنو اقصد :d

الرقم الي علي اليمين يدل علي عدد لفات الكرنك اما الي علي اليسار يكون رقم النهائي ..


يعني الكرنك يدور اقل من دوره و بتالي يدور القاردن دوره وحده و هذا طبعاً بغيار الاخير



ومثل ما قلت نسبه الكرونه 3.7 يعني الكرنك يفتر 3.7 مرات يدور القاردن مره وحده عشان تطلع التورك ..







تخيل و لنفرض جدلاً أن الكفرت هي عبارة عن العكس لحاله نازل في الأرض هنا بتصير الـ 266 معقولة واجد صح ؟ :d

معقول جداً :3rbe048:

كل ما تقربت من المركز كل ما زادت السرعة صح ؟؟


--- اكيد بس كل ما طال ذراع العزم كل ما زاد العزم :rolleyes:

لما أكتب 4.10:1 اقرأها من اليسار الى اليمين كاتبها انجليزي 4.10 إلى 1 يعني 4.10 ضعف

و بالمثل لما أحط نسب أدنى مثل كارونتي 2.73:1 يعني أضعاف أقل من الـ 4.10 يعني تسارع أقل

كل وا كبر الرقم زاد التسارع و كل ما قل قطر التاير قل التسارع

عشان كذا أنا كتبت لك



لأنه مو التاير .. من تاير لتاير يفرق


هذا و الله أعلم :)


Red ^^


و انا رديت عليك مو عشان التاير


انا كنت اتكلم عن هل نقطه بضبط

الريشيو عكس ما قال لك المهندس بالضبط .. اذا لف الشفت لفة يخلي الدفرنش يلف مرتين أو ثلاث أو 4.1 لفة لكل لفة للشفت على حسب رقم الكارونة


ف الجمله تصير (( اذا لف الشفت 3.7 علي حسب الكرونه يلف الدفرنش مره وحده ))


و يعطيك العافيه :d

[$المهندس$]

المهندس : اذا بغيت تفتح موضوع جديد بس لا تخرب موضوع الرجال :d


ما بقيت الي امور بسيطه :3rbe016:

[mortally]

حبيبي دامك تقول انك تبيها استخدام يومي


وميزانيتك محدودة ................... الله يعين الجميع على هالمشكلة

حولها قير عادي

ووضب المكينة

مع بعض الهوائيات

راح تشوف مستوى حلو من الموتر

انت اهم شي انك تحسبها من الحين

وبالتوفيق

[mortally]

ومهندسنا لو سمحت فكنا من الفيزياء انا ما صدقت افتك من العلوم والرياضيات

هههههههههههههههههههه

[$المهندس$]

يا علي هذي مو فيزيا هذي الدفرنشل ميكنك :)


ماده من مواد المكانيكيه الي تختص في اللفت ماشين :)

[Black Stang]

السلام عليكم ..
معليش تأخرت شوي لاني انشغلت بزياده امس واليوم
عموما السالفه
لقيت جميع قطع توضيب الـ302 والـ 351 بالرياض والحمد لله وفيما يلي موجز الاسعار :)
القطعه ---------- 302 ================ 351
بساتم ---------- 270=================== 350
شنابر ---------- 85 =================== 165
سبايك ثابت ---------- 75 ================== 115
سبايك متحرك ---------- 65 =================== 95
طرمبة زيت ---------- 85 =================== 120
طقم وجيه ---------- 240 ================= 240
جنزير ---------- 45 =============== 45
تروس عدد 2 ---------- 85 ================ 85
طقم صبابات ---------- 320 ================ 320
بلوف هوا ونار !!---------- 195 =============== 250
طبات ماء ---------- 25 =============== 25
---------------------------------------
المجموع ---------- 1490 ريال ============ 1810 ريال
طبعا القطع كلها امريكي فهل الاسعار كويسه بالنسبه للشرقيه وما جاورها .. وان كان ناقص شي ذكروني فيه
طبعا سألت اخوي خالد خضر عن السلندر 351 قالي انه بالعاده يبيعهم ب 1200 لكن الي عنده يقول انه الاخير وانه وده فيه :) فعلشان كذا 1500 ..
طبعا انا لو بركب 351 شي طبيعي كربريتر فلذلك كم بالعاده تنباع الثلاجات والكربريترات بالشرقيه مستعمل وجديد .. لان فبالي سعر وجالس احسب عليه وابي اتأكد ..
وبرضو بالنسبه للكهرب شلون تشبيكه بيكون بعد التغيير .. ؟
رأيكم محل اهتمامنا .. اتصلوا بنا الان :)

[bashar_255]

تروس عدد 2 ---------- 85 ================ 85

ما تحتاج تغيرهم

طقم صبابات ---------- 320 ================ 320
بلوف هوا ونار !!---------- 195 =============== 250

ما تحتاج تغيرهم بس ما فهمت ويش الفرق بينهم لأنهم أثنينهم Valves صح لو لا ؟؟

لو يعنو بالصبابات شي ثاني أنا ما عندي فكرة

[@ ابـوفـهـيـد @]

البلوف كم مقاسات الهوا والاكزوز

والبساتم فورقد ولا عاديات

[bashar_255]

بساتم فورجد بـ 270 ريال !!! وين قاعدين يا أبو فهيد !!!

بساتم كاست و يستحملو 150 شوت غاز

بساتم الفورد فورجد من 93 و طالع لاكن بنسبة سيليكون أعلى من تبع شركات التزويد لاكنه يضل قوي

تحياتي ،،،

[@ ابـوفـهـيـد @]

خخخخخخخخخخخخخخخخخخخخ

عادي مشي
لا كنت اقصد ظغط واطي او عالي
لان بساتم الت 350 كابريتر ضغط واطي وبساتم 350 بخاخ عالي

[bashar_255]

9.0:1 كمبرشن على بساتم ستوك و إذا أخذ أعرض بيرفع الكمبرشن

[Black Stang]

مشكوريييين على الردود والتفاعل

والله يا بشار انا يوم كتبها مره صبابات ومره بلوف هوا ونار استغربت بس قلت يمكن اني درج مو داري هههه لكن اختلفت الاسعار فاكيد فيه فرق .. وبالنسبه لتغييره من عدمه يمكن اشياء واجد ما تتغير لكن انا اقول الاسعار بصفه عامه

بس بشار ما عطيتني رايك بالنسبه للاسعار هل هي كويسه !!؟ لان لي طلعه الشرقيه الاربعا ان كان بالشرقيه اسعار افضل فاخذ القطع مع السلندر من عندكم ..

طبعا لا تنسى انه في سعرين سعر 302 وسعر لـ 351 لاني حسيت انك ما فرقت بينهم بسبب الحوسه الي صارت فوق (( على اساس جدول وتلخبط :) ))

واخر ردي فوق ما رديتوا عليه .. السلندر هذا حقه !! اخبرك يا بشار تقول بحدود 700 الى 1000 وشوي ان كان موضب

عموما الاربعا ان شا الله الشرقيه ووقتها تتضح الصوره اكثر واكثر .. وادعولنا :)

والله الواحد لا صار يشتغل لنفسه يتلخبط يحس انه ماله بالسيارات ابد :( وان اشتغل لغيره يضبط السالفه صح

عموما قمت اهوجس مدري شاخربط هههه

للحديث بقيييييييه ....

[bashar_255]

أنا مانا عارف أرد لأني مرضان شوي اسمح لي ..

طبعا سألت اخوي خالد خضر عن السلندر 351 قالي انه بالعاده يبيعهم ب 1200 لكن الي عنده يقول انه الاخير وانه وده فيه فعلشان كذا 1500 ..

قول له شوف لي واحد أرخص ..

اليوم كنت عند خالد و يقول اسمه مكتوب في منتدى و مدري ايش و نسيتك أخوي اسمح لي

طبعاً خالد سعره أعتبره زين اذا بتاخذه لاكن اذا مستغليه قول له دور لي واحد ارخص

طبعا لا تنسى انه في سعرين سعر 302 وسعر لـ 351 لاني حسيت انك ما فرقت بينهم بسبب الحوسه الي صارت فوق

أنا ما عندي وقت هاليومين أتأكد لك من كلامي

طبعاً كرنك الـ 351 اعرض من الـ 302 و عشان كذا فيه فرق في السعر

كرنك الـ 351 أطول عشان كذا طرمبة الزيت مختلفة

البلوف لأن الروس غير فيه فرق في السعر

لاكن بالنسبة للبساتم فلما نجي نطلبهم فهم نفسهم للـ 302 و الـ 351 يركبو ما فيه فرق بينهم لاكن على ما يبدو أن الإختلاف هنا لأن اذا ركبت بساتم الـ 302 بيكون الكمبرشن أرفع على الـ 351 و السبب هو فرق الستروك فيكونو بساتم الـ 351 دش أكثر من الـ 302 حتى يحافظ على كمبرشن منخفض

اذا بغيت تركب يعني خذ لك بساتم 302 و الله أعلم

واخر ردي فوق ما رديتوا عليه .. السلندر هذا حقه !! اخبرك يا بشار تقول بحدود 700 الى 1000 وشوي ان كان موضب

الأسعار تتغير و أنا خبري به من سنة

[Magic_Lx]

ما تحتاج تغيرهم بس ما فهمت ويش الفرق بينهم لأنهم أثنينهم Valves صح لو لا ؟؟
لو يعنو بالصبابات شي ثاني أنا ما عندي فكرة

الصبابات يعني الاصياخ (البوشرود) ;)

[bashar_255]

:eek:

أصياخ أغلى من البلوف

:eek:


انا لموهم لي من الأرض في الورشة :d

[Black Stang]

السلاااااام عليكم ..

معليش اخواني واحبابي في منتداي الغالي Racing على التأخير .. لظروف مرت بجهازي الغالي ومرت بي :D

حبيت اخبركم باخر ما صار معاي ..

الحمد لله تم توضيب وتجديد كامل السياره .. باقي الداخليه :)

طبعا 302 .. بدون اضافات (( مات الحلم :( ))

رحت الشرقيه ما لقيت لا سلندر 351 ولا شي .. رحت القطيف ما لقيت الا عند اخوي خالد خضر وما عجبني السعر :) لا السلندر ولا القير العادي الي عنده !

والبحث جاري عن قير عادي .. بس طبعا بعد انتهاء التجديد الكامل للسياره

الان السياره تحت التمرين .. وان شا الله قريب اعلمكم وش صار معاي

عموما العذر والسموحه على التأخير

[@ ابـوفـهـيـد @]

ياهلا وغلا
مسموح يا بعدي


طبعا 302 .. بدون اضافات (( مات الحلم
لا تحطم نفسك يمكن يكون بالعنايه المركزه


مانشوف الموست بالحاره


الداخليه ضبطها عند الاسماعيل بالغرابي اسعاره حليوه وشغله مضبوط

[Black Stang]

هههه لو بالعنايه كان تفائلت شوي لكن الرجال مودع :)

بتشوفه قريب ما عليك :)


اما من ناحية الاسماعيل فوالله انه يبطي .. هذا ماخذ سمعه على قل سنع .. شغله عادي جدا ولا كلمك تحس انه خبير تنجيد عالمي ..

لا انا عندي محل صغير بالغرابي يجيك بحاره ضيقه (( الي عند المسجد )) هذاك شغله حلو ويا كثر ما اشتغلت عنده

يالله برب :)

[bashar_255]

هو ممكن حتى مع اغراض شد بلاد تطلع بعزم زيادة بس انت ما شاورت:rolleyes:


ننتظر منك التفاصيل :)

[c.a.m.a.r.o]

black stang.................. أبــو فــهيد
يووووووووه طلعتوا ساكنين جنبنا
وانا اقول الصني اللي بتوقيع ابو فهيد ماهي بغريبة علي
ابوفهيد عرفت الموستنج ابوصفيرة اللي تقصده ياااااخي صوته طرب خخخخخخ :d

[@ ابـوفـهـيـد @]

لحد الان في هالمنتدى 4 ساكنين حي الخليج


لايكون انت بعد راعي ابوصفيره

[c.a.m.a.r.o]

[QUOTE=@ ابـوفـهـيـد @;9436]لحد الان في هالمنتدى 4 ساكنين حي الخليج
لايكون انت بعد �