<<< طريقه عمل القراين للصباب (( الفولف )) حصريا >>>

[$المهندس$]

السلام عليكم



كيف الحال عساكم بخير ..




ابي ادخل في الموضوع مباشراً بدون لف ولا دوران



اول شي طريقه تطليعه الراس هذي عليك مالي خلق اشرحه لاني بختصر الشر علي القراين ..


القراين هو : عمليه شطف جزئ من الصباب و من الكرسي السيت ( Seat ) تبع الصباب


و هل عمليه يسونها عشان الصباب يقعد عدل علي الكرسي و عدم خروج اي شي من السنلدر اثناء شوط الانضغاط ..


ف الطريقه الحين تبدأ ..



اول شي لازم تكون عندك هل عده ..









هذي العده كامله و هي كتالي ..


عامود الخشب هذا حق تحريك الصباب راح تعرفونه بعدين


و الجهاز الكبير هذا حق ضغط الياي (( السبرنج )) تبع الصباب عشان تطلع الغفل


و العلبه هذي فيها بوليش ناعم و خشن


و القوفازات اهم شي



الحين خلنه نشتغل اشوي ..




نمسك الراس و نحط الجهاز الكبير الي يضغط و اسم الجهاز كمبرسر فولف توول

Comproser valve tools

نركبه علي الفولف من جه و علي الياي من جهه





مثل الصوره بضبط و تضغط و تضغط لمن تستطيع انك تشيل الغفل









هذا بعد ما شلت القفل كان اهني علي العامود الصباب


و شيل القفل و القفل عباره عن حديدتين اصغار يكونون دائره و هم عباره عن نص دائره لكل واحده


لمن تشيله فك الضغط علي الياي تشوف كل شي يطيح و انتهينا من فتح الياي



و تطلع كل شي و قبل لا تشيل الصباب لازم تشيك علي القايد








تحط الصبع علي الفتحه تبع الصباب من الخلف و تسحب الصباب راح تسمع صوت طق هذا يدل علي انه القايد (( مجري الصباب )) 100% و سليم ..










هذا ربل الصباب يطلع بسهوله اذا سيارتك تحرق دهن بدايه التشغيل يكون هذا هو السبب و التبدل سهل جداً ..




تااابع .

[$المهندس$]

بعد ما نطلع الصباب و التشيك


نسوي القراين



شوف الصباب قبل القراين









و هذا السيت قبل القراين











الحين تجيب العامود الخشب و تجيب البوليش


طبعاً البوليش الناعم و الحشن في مكان واحد




طبعاً نحط البوليش اول شي الخشن و اخر شي الناعم


نحطه علي الصباب حلي طرفه علي مكان الي يقعد عليه


و تركب العامود علي الصباب و تحرك بأتجاه واحد بأتجاه واحد فقط


لازم اتجاه واحد مثل الي في الفيديو ..


http://www.m5zn.com/download5.php?filename=287d2f477f.zip



تعمل الخشن و بعدين الناعم و تعيد الخطوه مثل الخشن مرتين و الناعم مرتين


((( عند الحاجه )))



و بعد القراين يطلع مثل هذا ..









شوف طرف الصباب صار يلمع و ممتاز و يجلس صح عليه











و هذا السيت صار افضل من اول بكثير




يا شباب ديرو بالكم ديرو بالك حيل حيل من التركيب


لا تخلط الصباب رقم واحد مع رقم اثنين بعد القراين



لانه لمن تسوي قراين حق الصباب راح يجلس علي المكان الي مسويله اقراين و غير هل مكان راح تختلف القصه


ف ديرو بالك و الترتيب زين ..




و قد انتهيني من الشرح ادري ما منه فايده بس حبيت اضيفه لاني بسوي قراين ف قلت خلني اسوي موضوع بسيط ..


و عند النقل ذكر المصدر و اسم الكاتب ((( $ المهندس $ )))



مع السلامه و قراينات موفقه .

[bashar_255]

سلمت يالمهندس


لو تعرف الطريقة السحرية اللي يستخدموها في الورش بتريح حالك واجد في فك البلوف

[$المهندس$]

الله يسلمك



ولله فيه طرق كثيره و من اغباها الطق بمطرقه و يطلعون القفل


لي المشكله في التركيب


هذا الجهاز يسهل الموضوع و فيه واحد ثاني افضل منه بس للاسف ما لقيت


هذا الجهاز يطلع القفل بدون ما تفتع الراس يعني ما تحتاج جازجيت


يعني ممتاز لتبديل ربل الصباب ..

[bashar_255]

أنا أشوف الشباب بمفتاح صامولة يحطوه فوق الرتينر و يضربوه بالمطرقة

[$المهندس$]

انزين التركيب اشلون

[bashar_255]

البتاع اللي عندك

يعني الفك متعب بهالطريقة

[ekhk]

هذا مثل واحد زميلنا في الكليه جاء يضغط السبرنج بيده يظن نفسه جهاز ضغط

[$المهندس$]

البتاع اللي عندك

يعني الفك متعب بهالطريقة

امممم يعني نرجع حق الجهاز



و خلك من شغل الصناعيه ما بينفع

[$المهندس$]

هذا مثل واحد زميلنا في الكليه جاء يضغط السبرنج بيده يظن نفسه جهاز ضغط

خخخخخخخخ يبي يوفر سعر الجهاز اظاهر



و شاكر لمرورك .